Job 9.27
Vulgate

Intervention n° 3 de Job

¹ et respondens Iob ait
² vere scio quod ita sit et quod non iustificetur homo conpositus Deo
Job 4.17 Romains 3.20 Job 25.4 Psaumes 143.2 Job 14.3-14.4
³ si voluerit contendere cum eo non poterit ei respondere unum pro mille
Job 10.2 Job 40.2 Esaïe 57.15-57.16 Job 9.32-9.33 Job 33.13
⁴ sapiens corde est et fortis robore quis restitit ei et pacem habuit
Job 36.5 Job 9.19 Proverbes 29.1 Job 6.10 Psaumes 136.5
⁵ qui transtulit montes et nescierunt hii quos subvertit in furore suo
Zacharie 4.7 Job 28.9 Matthieu 27.51 Luc 21.11 Apocalypse 16.18-16.20
⁶ qui commovet terram de loco suo et columnae eius concutiuntur
Aggée 2.6 Hébreux 12.26 Esaïe 2.21 Psaumes 75.3 Esaïe 2.19
⁷ qui praecipit soli et non oritur et stellas claudit quasi sub signaculo
Esaïe 13.10 Amos 8.9 Luc 21.25-21.26 Job 38.12-38.15 Amos 4.13
⁸ qui extendit caelos solus et graditur super fluctus maris
Psaumes 104.2-104.3 Esaïe 44.24 Esaïe 40.22 Zacharie 12.1 Job 37.18
⁹ qui facit Arcturum et Oriona et Hyadas et interiora austri
Amos 5.8 Genèse 1.16 Job 38.31-38.41 Psaumes 147.4 Psaumes 104.13
¹⁰ qui facit magna et inconprehensibilia et mirabilia quorum non est numerus
Job 5.9 Psaumes 71.15 Psaumes 72.18 Job 26.12-26.14 Psaumes 136.4
¹¹ si venerit ad me non videbo si abierit non intellegam eum
Job 23.8-23.9 Job 35.14 1 Timothée 6.16 Psaumes 77.19
¹² si repente interroget quis respondebit ei vel quis dicere potest cur facis
Job 11.10 Esaïe 45.9 Job 23.13 Romains 11.34 Daniel 4.35
¹³ Deus cuius resistere irae nemo potest et sub quo curvantur qui portant orbem
Esaïe 30.7 Job 26.12 Psaumes 89.10 Esaïe 51.9 Jacques 4.6-4.7
¹⁴ quantus ergo sum ego qui respondeam ei et loquar verbis meis cum eo
Job 33.5 Job 4.19 Job 25.6 Job 23.4 Job 11.4-11.5
¹⁵ qui etiam si habuero quippiam iustum non respondebo sed meum iudicem deprecabor
Job 10.15 Job 8.5 Jérémie 31.9 1 Pierre 2.23 2 Chroniques 33.13
¹⁶ et cum invocantem exaudierit me non credo quod audierit vocem meam
Psaumes 18.6 Luc 24.41 Juges 6.13 Exode 6.9 Psaumes 66.18-66.20
¹⁷ in turbine enim conteret me et multiplicabit vulnera mea etiam sine causa
Job 2.3 Job 16.14 Job 34.6 Job 2.13 Jean 9.3
¹⁸ non concedit requiescere spiritum meum et implet me amaritudinibus
Job 7.19 Lamentations 3.15 Lamentations 3.18-3.19 Psaumes 39.13 Job 27.2
¹⁹ si fortitudo quaeritur robustissimus est si aequitas iudicii nemo pro me audet testimonium dicere
Job 9.4 Job 9.32-9.33 1 Corinthiens 1.25 1 Corinthiens 10.22 Job 40.9-40.10
²⁰ si iustificare me voluero os meum condemnabit me si innocentem ostendere pravum me conprobabit
Job 34.35 Job 15.5-15.6 Esaïe 6.5 Proverbes 10.19 Job 35.16
²¹ etiam si simplex fuero hoc ipsum ignorabit anima mea et taedebit me vitae meae
Job 1.1 1 Corinthiens 4.4 Psaumes 139.23-139.24 Job 7.21 1 Jean 3.20
²² unum est quod locutus sum et innocentem et impium ipse consumit
Ecclésiaste 9.1-9.3 Ezéchiel 21.3-21.4 Job 10.8 Luc 13.2-13.4
²³ si flagellat occidat semel et non de poenis innocentum rideat
Hébreux 11.36-11.37 Psaumes 44.22 Ezéchiel 14.19-14.21 Job 4.7 Job 2.7
²⁴ terra data est in manu impii vultum iudicum eius operit quod si non ille est quis ergo est
Job 24.25 Job 10.3 Job 12.6-12.10 Jérémie 14.4 Esther 7.8
²⁵ dies mei velociores fuerunt cursore fugerunt et non viderunt bonum
Job 7.6-7.7 Psaumes 90.9-90.10 Jacques 4.14 Psaumes 39.5 Psaumes 89.47
²⁶ pertransierunt quasi naves poma portantes sicut aquila volans ad escam
Habakuk 1.8 Esaïe 18.2 Jérémie 4.13 2 Samuel 1.23 Proverbes 23.5
²⁷ cum dixero nequaquam ita loquar commuto faciem meam et dolore torqueor
Job 7.13 Job 7.11 Jérémie 8.18 Psaumes 77.2-77.3
²⁸ verebar omnia opera mea sciens quod non parceres delinquenti
Psaumes 119.120 Job 7.21 Job 9.20-9.21 Job 21.6 Job 3.25
²⁹ si autem et sic impius sum quare frustra laboravi
Psaumes 73.13 Jérémie 2.35 Job 10.14-10.17 Job 21.16-21.17 Psaumes 37.33
³⁰ si lotus fuero quasi aquis nivis et fulserint velut mundissimae manus meae
Jérémie 2.22 1 Jean 1.8 Psaumes 26.6 Jérémie 4.14 Job 31.7
³¹ tamen sordibus intingues me et abominabuntur me vestimenta mea
Philippiens 3.8-3.9 Esaïe 64.6 Job 15.6 Job 9.20 Esaïe 59.6
³² neque enim viro qui similis mei est respondebo nec qui mecum in iudicio ex aequo possit audiri
Ecclésiaste 6.10 Romains 9.20 Psaumes 143.2 Nombres 23.19 Job 13.18-13.23
³³ non est qui utrumque valeat arguere et ponere manum suam in ambobus
1 Samuel 2.25 Job 9.19 Psaumes 106.23 1 Rois 3.16-3.28 1 Jean 2.1-2.2
³⁴ auferat a me virgam suam et pavor eius non me terreat
Psaumes 39.10 Job 13.11 Job 33.7 Job 37.1 Job 31.23
³⁵ loquar et non timebo eum neque enim possum metuens respondere