Nombres 21
Vulgate

Les serpents brûlants

1 quod cum audisset Chananeus rex Arad qui habitabat ad meridiem venisse scilicet Israhel per exploratorum viam pugnavit contra illum et victor existens duxit ex eo praedam
Nombres 33.40 Juges 1.16 Josué 12.14 Psaumes 44.3-44.4 Nombres 14.45
2 at Israhel voto se Domino obligans ait si tradideris populum istum in manu mea delebo urbes eius
Juges 11.30 Genèse 28.20 Psaumes 132.2 Psaumes 56.12-56.13 Lévitique 27.28-27.29
3 exaudivitque Dominus preces Israhel et tradidit Chananeum quem ille interfecit subversis urbibus eius et vocavit nomen loci illius Horma id est anathema
Nombres 14.45 Deutéronome 1.44 Psaumes 10.17 Psaumes 91.15 Psaumes 102.17
4 profecti sunt autem et de monte Or per viam quae ducit ad mare Rubrum ut circumirent terram Edom et taedere coepit populum itineris ac laboris
Exode 6.9 Juges 11.18 Nombres 33.41 1 Thessaloniciens 3.3-3.4 Nombres 14.25
5 locutusque contra Deum et Mosen ait cur eduxisti nos de Aegypto ut moreremur in solitudine deest panis non sunt aquae anima nostra iam nausiat super cibo isto levissimo
Psaumes 78.19 Nombres 11.1-11.9 Exode 17.2-17.3 Psaumes 68.6 Nombres 14.1-14.4
6 quam ob rem misit Dominus in populum ignitos serpentes ad quorum plagas et mortes plurimorum
1 Corinthiens 10.9 Deutéronome 8.15 Jérémie 8.17 Esaïe 14.29 Esaïe 30.6
7 venerunt ad Mosen atque dixerunt peccavimus quia locuti sumus contra Dominum et te ora ut tollat a nobis serpentes oravit Moses pro populo
Nombres 11.2 Exode 8.8 Actes 8.24 Psaumes 78.34 1 Rois 13.6
8 et locutus est Dominus ad eum fac serpentem et pone eum pro signo qui percussus aspexerit eum vivet
Jean 3.14 Psaumes 106.43-106.45 Psaumes 145.8
9 fecit ergo Moses serpentem aeneum et posuit pro signo quem cum percussi aspicerent sanabantur
Jean 3.14-3.15 2 Rois 18.4 Zacharie 12.10 2 Corinthiens 5.21 Romains 5.20-5.21
10 profectique filii Israhel castrametati sunt in Oboth
Nombres 33.43-33.45
11 unde egressi fixere tentoria in Hieabarim in solitudine quae respicit Moab contra orientalem plagam
12 et inde moventes venerunt ad torrentem Zared
Deutéronome 2.13-2.14
13 quem relinquentes castrametati sunt contra Arnon quae est in deserto et prominet in finibus Amorrei siquidem Arnon terminus est Moab dividens Moabitas et Amorreos
Juges 11.18 Nombres 22.36 Deutéronome 2.24 Esaïe 16.2 Jérémie 48.20
14 unde dicitur in libro bellorum Domini sicut fecit in mari Rubro sic faciet in torrentibus Arnon
2 Samuel 1.18 Josué 10.13
15 scopuli torrentium inclinati sunt ut requiescerent in Ar et recumberent in finibus Moabitarum
Deutéronome 2.9 Nombres 21.28 Deutéronome 2.18 Deutéronome 2.29 Esaïe 15.1
16 ex eo loco apparuit puteus super quo locutus est Dominus ad Mosen congrega populum et dabo ei aquam
Nombres 20.8 Esaïe 12.3 Juges 9.21 Exode 17.6 Esaïe 41.17-41.18
17 tunc cecinit Israhel carmen istud ascendat puteus concinebant
Psaumes 105.2 Esaïe 12.5 Exode 15.1-15.2 Psaumes 106.12 Esaïe 12.1-12.2
18 puteus quem foderunt principes et paraverunt duces multitudinis in datore legis et in baculis suis de solitudine Matthana
Nombres 33.45-33.47 Deutéronome 5.31 Esaïe 33.22 Néhémie 3.5 1 Timothée 6.17-6.18
19 de Matthana Nahalihel de Nahalihel in Bamoth
20 de Bamoth vallis est in regione Moab in vertice Phasga et quod respicit contra desertum
Nombres 23.28 Deutéronome 1.5 Nombres 33.49-33.50 Nombres 26.63 Deutéronome 3.27

Victoires d’Israël

21 misit autem Israhel nuntios ad Seon regem Amorreorum dicens
Deutéronome 2.26-2.28 Juges 11.19-11.21 Nombres 20.14-20.19
22 obsecro ut transire mihi liceat per terram tuam non declinabimus in agros et vineas non bibemus aquas ex puteis via regia gradiemur donec transeamus terminos tuos
Nombres 20.17
23 qui concedere noluit ut transiret Israhel per fines suos quin potius exercitu congregato egressus est obviam in desertum et venit in Iasa pugnavitque contra eum
Juges 11.20 Nombres 20.21 Esaïe 15.4 Jérémie 48.34 Deutéronome 29.7-29.8
24 a quo percussus est in ore gladii et possessa est terra eius ab Arnon usque Iebboc et filios Ammon quia forti praesidio tenebantur termini Ammanitarum
Amos 2.9 Genèse 32.22 Josué 24.8 Néhémie 9.22 Psaumes 136.19
25 tulit ergo Israhel omnes civitates eius et habitavit in urbibus Amorrei in Esebon scilicet et viculis eius
Ezéchiel 16.46 Jérémie 48.45 Ezéchiel 16.53 Esaïe 16.8-16.9 Deutéronome 2.12
26 urbs Esebon fuit regis Seon Amorrei qui pugnavit contra regem Moab et tulit omnem terram quae dicionis illius fuerat usque Arnon
27 idcirco dicitur in proverbio venite in Esebon aedificetur et construatur civitas Seon
Esaïe 14.4 Nombres 21.14 Habakuk 2.6
28 ignis egressus est de Esebon flamma de oppido Seon et devoravit Ar Moabitarum et habitatores excelsorum Arnon
Nombres 21.15 Jérémie 48.45-48.46 Amos 2.5 Deutéronome 2.9 Amos 1.4
29 vae tibi Moab peristi popule Chamos dedit filios eius in fugam et filias in captivitatem regi Amorreorum Seon
Jérémie 48.46 Juges 11.24 2 Rois 23.13 1 Rois 11.33 Jérémie 48.7
30 iugum ipsorum disperiit ab Esebon usque Dibon lassi pervenerunt in Nophe et usque Medaba
Jérémie 48.18 Esaïe 15.2 Jérémie 48.22 Nombres 32.34 Nombres 32.3
31 habitavit itaque Israhel in terra Amorrei
Nombres 32.33-32.42 Deutéronome 3.16-3.17 Josué 12.1-12.6 Josué 13.8-13.12
32 misitque Moses qui explorarent Iazer cuius ceperunt viculos et possederunt habitatores
Nombres 32.1 Jérémie 48.32 Nombres 32.35 Esaïe 16.8-16.9 Nombres 32.3
33 verteruntque se et ascenderunt per viam Basan et occurrit eis Og rex Basan cum omni populo suo pugnaturus in Edrai
Josué 13.12 Deutéronome 29.7 Deutéronome 1.4 Deutéronome 3.1-3.6 Josué 13.30
34 dixitque Dominus ad Mosen ne timeas eum quia in manu tua tradidi illum et omnem populum ac terram eius faciesque illi sicut fecisti Seon regi Amorreorum habitatori Esebon
Nombres 14.9 Nombres 21.24-21.25 2 Samuel 5.19 Josué 10.25 Psaumes 135.10-135.11
35 percusserunt igitur et hunc cum filiis suis universumque populum eius usque ad internicionem et possederunt terram illius
Deutéronome 29.7-29.8 Josué 13.12 Romains 8.37 Deutéronome 3.3-3.17 Psaumes 135.10-135.12