1 Msifanye sanamu yo yote, wala msijisimamishie sanamu ya kuchonga, wala mnara, wala msiweke jiwe lo lote lililochorwa katika nchi yenu ili kulisujudia; kwa kuwa mimi ndimi Bwana, Mungu wenu.
Lévitique 19.4 Exode 23.24 Exode 20.4-20.5 Deutéronome 16.21-16.22 Exode 20.23
2 Zishikeni Sabato zangu, na kupastahi patakatifu pangu; mimi ndimi Bwana.
Lévitique 19.30
3 Kama mkienda katika amri zangu, na kuyashika maagizo yangu, na kuyafanya;
Deutéronome 28.1-28.14 Deutéronome 11.13-11.15 Juges 2.1-2.2 Romains 2.7-2.10 Josué 23.14-23.15
4 ndipo nitazinyesha mvua zenu kwa nyakati zake, na nchi itazaa maongeo yake, na miti ya mashambani itazaa matunda yake.
Psaumes 67.6 Psaumes 85.12 Esaïe 30.23 Psaumes 65.9-65.13 Zacharie 8.12
5 Tena kupura nafaka kwenu kutaendelea hata wakati wa kuvuna zabibu, na kuvuna zabibu kutaendelea hata wakati wa kupanda mbegu; nanyi mtakula chakula chenu na kushiba, na kuketi katika nchi yenu salama.
Amos 9.13 Joël 2.26 Deutéronome 11.15 Lévitique 25.18-25.19 Joël 2.19
6 Nami nitawapa amani katika nchi, tena mtalala wala hapana atakayewatia hofu; nami nitawakomesha wanyama wabaya katika nchi yenu, wala hautapita upanga katika nchi yenu.
Sophonie 3.13 Esaïe 35.9 Psaumes 29.11 Ezéchiel 34.25 Psaumes 147.14
7 Nanyi mtawafukuza adui zenu, nao wataanguka mbele zenu kwa upanga.
8 Na watu watano wa kwenu watawafukuza watu mia, na watu mia wa kwenu watawafukuza watu elfu kumi; na adui zenu wataanguka mbele yenu kwa upanga.
Josué 23.10 Deutéronome 32.30 1 Samuel 14.6-14.16 Psaumes 81.14-81.15 1 Chroniques 11.20
9 Nami nitawaelekezea uso wangu, na kuwapa uzazi mwingi, na kuwaongeza; nami nitalithibitisha agano langu pamoja nanyi.
Genèse 17.6-17.7 Néhémie 9.23 Psaumes 138.6-138.7 Genèse 26.4 Psaumes 107.38
10 Nanyi mtakula akiba ya zamani mliyoiweka siku nyingi, tena hayo ya zamani mtayatoa, ili myaweke yaliyo mapya.
Lévitique 25.22 Luc 12.17 2 Rois 19.29 Josué 5.11
11 Nami nitaiweka maskani yangu kati yenu; wala roho yangu haitawachukia.
Exode 25.8 Ezéchiel 37.26-37.28 Psaumes 76.2 Apocalypse 21.3 Exode 29.45
12 Nami nitakwenda kati yenu, nami nitakuwa Mungu wenu, nanyi mtakuwa watu wangu.
2 Corinthiens 6.16 Jérémie 30.22 Jérémie 7.23 Exode 6.7 Exode 19.5-19.6
13 Mimi ndimi Bwana, Mungu wenu, niliyewaleta mtoke katika nchi ya Misri, ili msiwe watumwa wao; nami nimeivunja miti ya kongwa lenu, nikawaendesha mwende sawasawa.
Ezéchiel 34.27 Lévitique 25.38 Exode 20.2 Lévitique 25.55 Jérémie 2.20
14 Lakini msiponisikiza, wala hamtaki kuyafanya maagizo hayo yote;
Deutéronome 28.15-28.68 Malachie 2.2 Lamentations 2.17 Actes 3.23 Lévitique 26.18
15 nanyi mkizikataa amri zangu, na roho yenu ikichukia hukumu zangu, hata ikawa hamtaki kuyafanya maagizo yangu yote, bali mwalivunja agano langu;
2 Rois 17.15 Deutéronome 31.16 Romains 8.7 Actes 13.41 Lévitique 26.43
16 mimi nami nitawatenda jambo hili; nitaamrisha uje juu yenu utisho, hata kifua kikuu na homa, zitakazoharibu macho yenu, na kuidhoofisha roho; nanyi mtapanda mbegu yenu bure, kwa kuwa adui zenu wataila.
Job 31.8 1 Samuel 2.33 Psaumes 78.33 Deutéronome 28.21-28.22 Michée 6.15
17 Nami nitauelekeza uso wangu kinyume chenu, nanyi mtapigwa mbele ya adui zenu; hao wawachukiao watatawala juu yenu; nanyi mtakimbia wakati ambao hapana awafukuzaye.
Proverbes 28.1 Lévitique 17.10 Psaumes 53.5 Deutéronome 28.25 Jérémie 19.7
18 Tena ikiwa baada ya hayo hamtaki kunisikiza, ndipo nitawaadhibu zaidi mara saba kwa ajili ya dhambi zenu.
Lévitique 26.21 Lévitique 26.28 Lévitique 26.24 Psaumes 119.164 Proverbes 24.16
19 Nami nitakivunja kiburi cha uwezo wenu; nami nitazifanya mbingu zenu kuwa kama chuma, na nchi yenu kuwa kama shaba;
Deutéronome 28.23 Jérémie 13.9 Jérémie 14.1-14.6 Esaïe 25.11 Daniel 4.37
20 na nguvu zenu mtazitumia bure; kwa kuwa nchi yenu haitazaa mazao yake, wala miti ya nchi haitazaa matunda yake.
Psaumes 127.1 Esaïe 49.4 Lévitique 26.4 Deutéronome 11.17 Aggée 2.16
21 Nanyi ikiwa mwaenenda kinyume changu, wala hamtaki kunisikiza; nitaleta mapigo mara saba zaidi juu yenu, kama dhambi zenu zilivyo.
Lévitique 26.18 Lévitique 26.27
22 Nami nitaleta wanyama wakali kati yenu, ambao watawanyang’anya watoto wenu, na kuwaharibu wanyama wenu wa kufugwa, na kuwapunguza muwe wachache hesabu yenu; na njia zenu zitakuwa ni ukiwa.
Deutéronome 32.24 Juges 5.6 Ezéchiel 14.15 Lévitique 26.6 Zacharie 7.14
23 Tena kama hamtaki kurejezwa upya kwangu mimi kwa mambo haya, bali mwaendelea kunishikia kinyume; ndipo mimi nami nitaendelea kuwashikia ninyi kinyume;
Jérémie 5.3 Jérémie 2.30 Amos 4.6-4.12 Ezéchiel 24.13-24.14 Lévitique 26.21
24 nami nitawapiga, naam mimi, mara saba kwa ajili ya dhambi zenu.
2 Samuel 22.27 Psaumes 18.26 Esaïe 63.10 Job 9.4
25 Nami nitaleta upanga juu yenu, utakaopatiliza kisasi cha hilo agano; nanyi mtakutanishwa ndani ya miji yenu; nami nitaleta tauni kati yenu; nanyi mtatiwa mkononi mwa adui.
Nombres 14.12 Ezéchiel 5.17 Ezéchiel 33.2 Deutéronome 32.25 Jérémie 24.10
26 Hapo nitakapovunja tegemeo lenu la mkate, wanawake kumi wataoka mikate yenu katika tanuu moja, nao watawapa mikate yenu tena kwa kupima kwa mizani; nanyi mtakula, lakini hamtashiba.
Michée 6.14 Esaïe 3.1 Ezéchiel 4.16 Psaumes 105.16 Ezéchiel 5.16
27 Tena ikiwa baada ya hayo yote hamtaki kunisikiza, bali mwaenenda kwa kunishikia kinyume;
Lévitique 26.21 Lévitique 26.24
28 ndipo nami nitakwenda kwa kuwashikia ninyi kinyume katika ghadhabu yangu; nami nitawaadhibu mara saba kwa dhambi zenu.
Esaïe 59.18 Ezéchiel 8.18 Ezéchiel 5.13 Esaïe 63.3 Esaïe 66.15
29 Nanyi mtakula nyama ya miili ya wana wenu, na nyama ya miili ya binti zenu mtaila.
Lamentations 4.10 Ezéchiel 5.10 Luc 23.29 Lamentations 2.20 Matthieu 24.19
30 Nami nitapaharibu mahali penu palipoinuka, na kuziangusha sanamu zenu za jua, nami nitaitupa mizoga yenu juu ya mizoga ya sanamu zenu; na roho yangu itawachukia.
2 Rois 23.20 Ezéchiel 6.3-6.6 Ezéchiel 6.13 Esaïe 27.9 1 Rois 13.2
31 Nami nitaifanya miji yenu iwe maganjo, na mahali penu patakatifu nitapatia ukiwa; wala sitasikia harufu ya manukato yenu yapendezayo.
Néhémie 2.3 Jérémie 4.7 Esaïe 1.11-1.14 Lamentations 1.10 Amos 5.21-5.23
32 Nami nitaitia hiyo nchi ukiwa; na adui zenu watakaokaa huko wataistaajabia.
Jérémie 9.11 Jérémie 25.11 Jérémie 18.16 Jérémie 19.8 1 Rois 9.8
33 Nanyi nitawatapanya-tapanya katika mataifa, nami nitaufuta upanga nyuma yenu; na nchi yenu itakuwa ni ukiwa, na miji yenu maganjo.
Zacharie 7.14 Deutéronome 4.27 Ezéchiel 20.23 Psaumes 44.11 Ezéchiel 22.15
34 Hapo ndipo nchi itakapozifurahia Sabato zake, wakati itakapokuwa hali ya ukiwa, nanyi mtakapokuwa katika nchi ya adui zenu; ndipo nchi itakapopumzika, na kuzifurahia Sabato zake.
2 Chroniques 36.21 Lévitique 26.43 Lévitique 25.10 Lévitique 25.2-25.4
35 Wakati wote itakapokuwa na ukiwa, itapumzika; ni hayo mapumziko ambayo haikuwa nayo katika Sabato zenu, hapo mlipokaa katika nchi hiyo.
Esaïe 24.5-24.6 Romains 8.22
36 Tena hao wa kwenu watakaobaki, nitawatilia woga mioyoni mwao, katika hizo nchi za adui zao; na sauti ya jani lililopeperushwa itawakimbiza; nao watakimbia, kama mtu akimbiavyo upanga; nao wataanguka hapo ambapo hapana afukuzaye.
Ezéchiel 21.7 Lévitique 26.17 Esaïe 30.17 Proverbes 28.1 Ezéchiel 21.12
37 Nao wataangukiana wenyewe kwa wenyewe, kama mbele ya upanga, hapo ambapo hapana afukuzaye; wala hamtakuwa na nguvu za kusimama mbele ya adui zenu.
Josué 7.12-7.13 Juges 2.14 Juges 7.22 Jérémie 37.10 Esaïe 10.4
38 Nanyi mtaangamia kati ya mataifa, na nchi ya adui zenu itawameza.
Deutéronome 28.48 Jérémie 44.27-44.28 Jérémie 44.12-44.14 Deutéronome 4.26-4.27 Jérémie 42.22
39 Na watu wa kwenu watakaobaki watafifia kwa ajili ya uovu wao, katika hizo nchi za adui zenu; tena watafifia kwa ajili ya uovu wa baba zao, pamoja nao.
Ezéchiel 4.17 Ezéchiel 33.10 Ezéchiel 24.23 Ezéchiel 6.9 Deutéronome 28.65
40 Nao wataukiri uovu wao, na uovu wa baba zao, katika maasi yao waliyoasi juu yangu, tena ya kuwa kwa sababu wameendelea kunishikia kinyume,
Proverbes 28.13 1 Rois 8.33-8.36 1 Jean 1.8-1.10 Jérémie 31.18-31.20 Deutéronome 30.1-30.3
41 mimi nami nimeendelea kuwashikia kinyume wao, na kuwatia katika nchi ya adui zao; lakini hapo, kama mioyo yao isiyokuwa tohara ikinyenyekea, nao wakubali adhabu ya uovu wao;
Ezéchiel 44.7 Actes 7.51 Jérémie 9.25-9.26 Jérémie 4.4 1 Rois 21.29
42 ndipo nitakapokumbuka agano langu pamoja na Yakobo, tena agano langu na Isaka, tena agano langu na Ibrahimu nitalikumbuka; nami nitaikumbuka nchi hiyo.
Ezéchiel 16.60 Exode 6.5 Psaumes 106.45 Exode 2.24 Luc 1.72
43 Nchi nayo itaachwa na wao, nayo itazifurahia Sabato zake, itakapokuwa ukiwa pasipokuwa na wao; nao wataikubali adhabu ya uovu wao; kwa sababu, naam, ni kwa sababu wamezikataa hukumu zangu, na roho zao zimezichukia amri zangu.
Lévitique 26.15 Psaumes 50.17 Jérémie 31.19 Psaumes 119.75 2 Chroniques 33.12
44 Lakini pamoja na hayo yote, watakapokuwa katika nchi ya adui zao, mimi, sitawatupa, wala sitawachukia, niwaangamize kabisa, na kulivunja agano langu pamoja nao; kwa kuwa mimi ndimi Bwana, Mungu wao;
Romains 11.2 Néhémie 9.31 2 Rois 13.23 Jérémie 33.20-33.21 Ezéchiel 16.60
45 lakini kwa ajili yao nitalikumbuka agano la baba zao, niliowaleta watoke katika nchi ya Misri mbele ya macho ya mataifa, ili kwamba niwe Mungu wao; mimi ndimi Bwana.
Lévitique 22.33 Ezéchiel 20.22 Lévitique 25.38 Ezéchiel 20.9 Genèse 17.7-17.8
46 Hizi ni amri na hukumu na sheria, Bwana alizozifanya kati ya yeye na hao wana wa Israeli katika huo mlima wa Sinai kwa mkono wa Musa.
Lévitique 27.34 Deutéronome 12.1 Deutéronome 6.1 Lévitique 25.1 Psaumes 77.20