Esaïe 30.8
Vulgate

Annonce de la punition de Juda

¹ vae filii desertores dicit Dominus ut faceretis consilium et non ex me et ordiremini telam et non per spiritum meum ut adderetur peccatum super peccatum
Esaïe 1.2 Esaïe 29.15 Esaïe 65.2 Esaïe 30.9 1 Chroniques 10.13-10.14
² qui ambulatis ut descendatis in Aegyptum et os meum non interrogastis sperantes auxilium in fortitudine Pharao et habentes fiduciam in umbra Aegypti
Jérémie 43.7 Esaïe 36.6 Nombres 27.21 1 Rois 22.7 Jérémie 42.20
³ et erit vobis fortitudo Pharaonis in confusionem et fiducia umbrae Aegypti in ignominiam
Esaïe 20.5 Jérémie 37.5-37.10 Esaïe 36.6 Esaïe 45.16-45.17 Jérémie 17.5-17.6
⁴ erant enim in Tanis principes tui et nuntii tui usque ad Anes pervenerunt
Esaïe 19.11 Jérémie 43.7 Ezéchiel 30.18 Osée 7.11-7.12 2 Rois 17.4
⁵ omnes confusi sunt super populo qui eis prodesse non potuit non fuerunt in auxilium et in aliquam utilitatem sed in confusionem et obprobrium
Jérémie 2.36 Esaïe 30.7 Esaïe 20.5-20.6 Esaïe 31.1-31.3 Esaïe 30.16
⁶ onus iumentorum austri in terra tribulationis et angustiae leaena et leo ex eis vipera et regulus volans portantes super umeros iumentorum divitias suas et super gibbum camelorum thesauros suos ad populum qui eis prodesse non poterit
Deutéronome 8.15 Jérémie 11.4 Esaïe 46.1-46.2 Deutéronome 4.20 1 Rois 10.2
⁷ Aegyptus enim frustra et vane auxiliabitur ideo clamavi super hoc superbia tantum est quiesce
Esaïe 28.12 Esaïe 30.15 Exode 14.13 Lamentations 3.26 Esaïe 7.4
⁸ nunc ingressus scribe eis super buxum et in libro diligenter exara illud et erit in die novissimo in testimonium usque ad aeternum
Habakuk 2.2 Esaïe 8.1 Esaïe 2.2 Deutéronome 31.22 Jérémie 51.60
⁹ populus enim ad iracundiam provocans est et filii mendaces filii nolentes audire legem Domini
Esaïe 30.1 2 Chroniques 36.15-36.16 Deutéronome 32.20 Esaïe 1.4 Proverbes 28.9
¹⁰ qui dicunt videntibus nolite videre et aspicientibus nolite aspicere nobis ea quae recta sunt loquimini nobis placentia videte nobis errores
Amos 7.13 Romains 16.18 Amos 2.12 Jérémie 11.21 Jérémie 23.17
¹¹ auferte a me viam declinate a me semitam cesset a facie nostra Sanctus Israhel
Amos 7.13 Esaïe 29.21 Romains 8.7 Jean 15.23-15.24 Ephésiens 4.18
¹² propterea haec dicit Sanctus Israhel pro eo quod reprobastis verbum hoc et sperastis in calumniam et tumultum et innixi estis super eo
Esaïe 5.24 Esaïe 47.10 Psaumes 62.10 Esaïe 30.7 Esaïe 30.15-30.17
¹³ propterea erit vobis iniquitas haec sicut interruptio cadens et requisita in muro excelso quoniam subito dum non speratur veniet contritio eius
Psaumes 62.3 1 Rois 20.30 Esaïe 29.5 Psaumes 73.19-73.20 Ezéchiel 13.10-13.15
¹⁴ et comminuetur sicut conteritur lagoena figuli contritione pervalida et non invenietur de fragmentis eius testa in qua portetur igniculus de incendio aut hauriatur parum aquae de fovea
Psaumes 2.9 Jérémie 19.10-19.11 2 Pierre 2.4-2.5 Apocalypse 2.27 Romains 11.21
¹⁵ quia haec dicit Dominus Deus Sanctus Israhel si revertamini et quiescatis salvi eritis in silentio et in spe erit fortitudo vestra et noluistis
Esaïe 32.17 Luc 13.34 Esaïe 26.3-26.4 2 Chroniques 16.8 Hébreux 12.25
¹⁶ et dixistis nequaquam sed ad equos fugiemus ideo fugietis et super veloces ascendemus ideo veloces erunt qui persequentur vos
Esaïe 31.1 Esaïe 31.3 Psaumes 33.17 Jérémie 52.7 Amos 9.1
¹⁷ mille homines a facie terroris unius et a facie terroris quinque fugietis donec relinquamini quasi malus navis in vertice montis et quasi signum super collem
Lévitique 26.8 Deutéronome 28.25 Deutéronome 32.30 Lévitique 26.36 Josué 23.10

Promesses pour l’avenir

¹⁸ propterea expectat Dominus ut misereatur vestri et ideo exaltabitur parcens vobis quia Deus iudicii Dominus beati omnes qui expectant eum
Proverbes 16.20 2 Pierre 3.9 2 Pierre 3.15 Jérémie 17.7 Esaïe 8.17
¹⁹ populus enim Sion habitabit in Hierusalem plorans nequaquam plorabis miserans miserebitur tui ad vocem clamoris tui statim ut audierit respondebit tibi
Esaïe 65.24 Esaïe 60.20 Esaïe 58.9 Psaumes 50.15 Matthieu 7.7-7.11
²⁰ et dabit vobis Dominus panem artum et aquam brevem et non faciet avolare a te ultra doctorem tuum et erunt oculi tui videntes praeceptorem tuum
1 Rois 22.27 Psaumes 74.9 Psaumes 80.5 Actes 14.22 Psaumes 127.2
²¹ et aures tuae audient verbum post tergum monentis haec via ambulate in ea neque ad dexteram neque ad sinistram
Psaumes 32.8 Proverbes 3.5-3.6 Esaïe 58.11 Esaïe 35.8-35.9 Psaumes 25.8-25.9
²² et contaminabis lamminas sculptilium argenti tui et vestimentum conflatilis auri tui et disperges ea sicut inmunditiam menstruatae egredere dices ei
Juges 17.3-17.4 Esaïe 46.6 Osée 14.8 Esaïe 31.7 Esaïe 2.20-2.21
²³ et dabitur pluvia semini tuo ubicumque seminaveris in terra et panis frugum terrae erit uberrimus et pinguis pascetur in possessione tua in die illo agnus spatiose
Esaïe 32.20 1 Timothée 4.8 Zacharie 8.11-8.12 Psaumes 65.9-65.13 Psaumes 104.13-104.14
²⁴ et tauri tui et pulli asinorum qui operantur terram commixtum migma comedent sic in area ut ventilatum est
Genèse 45.6 1 Corinthiens 9.9-9.10 1 Samuel 8.12 Deutéronome 25.4 Deutéronome 21.4
²⁵ et erunt super omnem montem excelsum et super omnem collem elevatum rivi currentium aquarum in die interfectionis multorum cum ceciderint turres
Esaïe 35.6-35.7 Esaïe 43.19-43.20 Apocalypse 22.1 Esaïe 2.14-2.15 Apocalypse 16.1-16.19
²⁶ et erit lux lunae sicut lux solis et lux solis erit septempliciter sicut lux septem dierum in die qua alligaverit Dominus vulnus populi sui et percussuram plagae eius sanaverit
Deutéronome 32.39 Esaïe 60.19-60.20 Job 5.18 Apocalypse 22.5 Esaïe 24.23

Jugement des Assyriens

²⁷ ecce nomen Domini venit de longinquo ardens furor eius et gravis ad portandum labia eius repleta sunt indignatione et lingua eius quasi ignis devorans
Nahum 1.5-1.6 Sophonie 3.8 Esaïe 9.5 Psaumes 18.7-18.9 Daniel 7.9
²⁸ spiritus eius velut torrens inundans usque ad medium colli ad perdendas gentes in nihilum et frenum erroris quod erat in maxillis populorum
Esaïe 37.29 2 Thessaloniciens 2.8 Esaïe 8.8 Esaïe 11.4 2 Rois 19.28
²⁹ canticum erit vobis sicut nox sanctificatae sollemnitatis et laetitia cordis sicut qui pergit cum tibia ut intret in montem Domini ad Fortem Israhel
Psaumes 42.4 Esaïe 26.4 Esaïe 2.3 Exode 15.1-15.21 Matthieu 26.30
³⁰ et auditam faciet Dominus gloriam vocis suae et terrorem brachii sui ostendet in comminatione furoris et flamma ignis devorantis adlidet in turbine et in lapide grandinis
Psaumes 18.13-18.14 Josué 10.11 Esaïe 28.2 Esaïe 29.6 Psaumes 76.5-76.8
³¹ a voce enim Domini pavebit Assur virga percussus
Esaïe 10.5 Esaïe 11.4 Esaïe 9.4 Esaïe 10.24 Esaïe 30.30
³² et erit transitus virgae fundatus quam requiescere faciet Dominus super eum in tympanis et in citharis et in bellis praecipuis expugnabit eos
Esaïe 11.15 Esaïe 19.16 Esaïe 2.19 Psaumes 81.1-81.2 Job 16.12
³³ praeparata est enim ab heri Thofeth a rege praeparata profunda et dilatata nutrimenta eius ignis et ligna multa flatus Domini sicut torrens sulphuris succendens eam
2 Rois 23.10 Genèse 19.24 Jérémie 19.6 Jude 1.4 Matthieu 4.22