Lévitique 26.22
Vulgate

Bénédictions et malédictions

¹ ego Dominus Deus vester non facietis vobis idolum et sculptile nec titulos erigetis nec insignem lapidem ponetis in terra vestra ut adoretis eum ego enim sum Dominus Deus vester
Lévitique 19.4 Exode 23.24 Exode 20.4-20.5 Deutéronome 16.21-16.22 Exode 20.23
² custodite sabbata mea et pavete ad sanctuarium meum ego Dominus
Lévitique 19.30
³ si in praeceptis meis ambulaveritis et mandata mea custodieritis et feceritis ea dabo vobis pluvias temporibus suis
Deutéronome 28.1-28.14 Deutéronome 11.13-11.15 Esaïe 1.19 Juges 2.1-2.2 Romains 2.7-2.10
⁴ et terra gignet germen suum et pomis arbores replebuntur
Psaumes 67.6 Job 5.10 Psaumes 85.12 Esaïe 30.23 Psaumes 65.9-65.13
⁵ adprehendet messium tritura vindemiam et vindemia occupabit sementem et comedetis panem vestrum in saturitatem et absque pavore habitabitis in terra vestra
Amos 9.13 Joël 2.26 Deutéronome 11.15 Lévitique 25.18-25.19 Joël 2.19
⁶ dabo pacem in finibus vestris dormietis et non erit qui exterreat auferam malas bestias et gladius non transibit terminos vestros
Sophonie 3.13 Esaïe 35.9 Psaumes 29.11 Ezéchiel 34.25 Psaumes 147.14
⁷ persequemini inimicos vestros et corruent coram vobis
⁸ persequentur quinque de vestris centum alienos et centum ex vobis decem milia cadent inimici vestri in conspectu vestro gladio
Josué 23.10 Deutéronome 32.30 1 Samuel 14.6-14.16 Psaumes 81.14-81.15 1 Chroniques 11.20
⁹ respiciam vos et crescere faciam multiplicabimini et firmabo pactum meum vobiscum
Genèse 17.6-17.7 Néhémie 9.23 Genèse 6.18 Psaumes 138.6-138.7 Genèse 26.4
¹⁰ comedetis vetustissima veterum et vetera novis supervenientibus proicietis
Lévitique 25.22 Luc 12.17 2 Rois 19.29 Josué 5.11
¹¹ ponam tabernaculum meum in medio vestri et non abiciet vos anima mea
Exode 25.8 Exode 29.45 Ezéchiel 37.26-37.28 Psaumes 76.2 Apocalypse 21.3
¹² ambulabo inter vos et ero vester Deus vosque eritis populus meus
2 Corinthiens 6.16 Jérémie 30.22 Jérémie 7.23 Exode 6.7 Exode 19.5-19.6
¹³ ego Dominus Deus vester qui eduxi vos de terra Aegyptiorum ne serviretis eis et qui confregi catenas cervicum vestrarum ut incederetis erecti
Ezéchiel 34.27 Lévitique 25.38 Exode 20.2 Lévitique 25.55 Jérémie 2.20
¹⁴ quod si non audieritis me nec feceritis omnia mandata mea
Deutéronome 28.15-28.68 Malachie 2.2 Lamentations 2.17 Actes 3.23 Lévitique 26.18
¹⁵ si spreveritis leges meas et iudicia mea contempseritis ut non faciatis ea quae a me constituta sunt et ad irritum perducatis pactum meum
2 Rois 17.15 Deutéronome 31.16 Nombres 15.31 Jérémie 31.32 Romains 8.7
¹⁶ ego quoque haec faciam vobis visitabo vos velociter in egestate et ardore qui conficiat oculos vestros et consumat animas frustra seretis sementem quae ab hostibus devorabitur
Job 31.8 1 Samuel 2.33 Juges 6.3-6.6 Psaumes 78.33 Deutéronome 28.21-28.22
¹⁷ ponam faciem meam contra vos et corruetis coram hostibus vestris et subiciemini his qui oderunt vos fugietis nemine persequente
Proverbes 28.1 Lévitique 17.10 Psaumes 53.5 Deutéronome 28.25 Juges 2.14
¹⁸ sin autem nec sic oboedieritis mihi addam correptiones vestras septuplum propter peccata vestra
Lévitique 26.21 Lévitique 26.28 Lévitique 26.24 Psaumes 119.164 Proverbes 24.16
¹⁹ et conteram superbiam duritiae vestrae daboque caelum vobis desuper sicut ferrum et terram aeneam
Deutéronome 28.23 Jérémie 13.9 Jérémie 14.1-14.6 Esaïe 25.11 1 Samuel 4.11
²⁰ consumetur in cassum labor vester non proferet terra germen nec arbores poma praebebunt
Psaumes 127.1 Esaïe 49.4 Lévitique 26.4 Deutéronome 11.17 Psaumes 107.34
²¹ si ambulaveritis ex adverso mihi nec volueritis audire me addam plagas vestras usque in septuplum propter peccata vestra
Lévitique 26.18 Lévitique 26.27
²² emittamque in vos bestias agri quae consumant et vos et pecora vestra et ad paucitatem cuncta redigant desertaeque fiant viae vestrae
Deutéronome 32.24 Juges 5.6 Ezéchiel 14.15 Esaïe 33.8 Lévitique 26.6
²³ quod si nec sic volueritis recipere disciplinam sed ambulaveritis ex adverso mihi
Jérémie 5.3 Jérémie 2.30 Amos 4.6-4.12 Ezéchiel 24.13-24.14 Lévitique 26.21
²⁴ ego quoque contra vos adversus incedam et percutiam vos septies propter peccata vestra
2 Samuel 22.27 Psaumes 18.26 Esaïe 63.10 Job 9.4
²⁵ inducamque super vos gladium ultorem foederis mei cumque confugeritis in urbes mittam pestilentiam in medio vestri et trademini hostium manibus
Nombres 14.12 Ezéchiel 5.17 Ezéchiel 29.8 Deutéronome 28.21 Ezéchiel 33.2
²⁶ postquam confregero baculum panis vestri ita ut decem mulieres in uno clibano coquant panes et reddant eos ad pondus et comedetis et non saturabimini
Esaïe 3.1 Michée 6.14 Ezéchiel 4.16 Psaumes 105.16 Ezéchiel 5.16
²⁷ sin autem nec per haec audieritis me sed ambulaveritis contra me
Lévitique 26.21 Lévitique 26.24
²⁸ et ego incedam adversum vos in furore contrario et corripiam vos septem plagis propter peccata vestra
Esaïe 59.18 Ezéchiel 8.18 Ezéchiel 5.13 Esaïe 63.3 Esaïe 66.15
²⁹ ita ut comedatis carnes filiorum et filiarum vestrarum
Lamentations 4.10 Ezéchiel 5.10 Luc 23.29 Lamentations 2.20 Matthieu 24.19
³⁰ destruam excelsa vestra et simulacra confringam cadetis inter ruinas idolorum vestrorum et abominabitur vos anima mea
2 Rois 23.20 Ezéchiel 6.3-6.6 Ezéchiel 6.13 Esaïe 27.9 Jérémie 8.1-8.3
³¹ in tantum ut urbes vestras redigam in solitudinem et deserta faciam sanctuaria vestra nec recipiam ultra odorem suavissimum
Néhémie 2.3 Lamentations 2.7 Jérémie 4.7 Esaïe 1.11-1.14 Lamentations 1.10
³² disperdamque terram vestram et stupebunt super ea inimici vestri cum habitatores illius fuerint
Jérémie 9.11 Jérémie 25.11 Jérémie 18.16 Jérémie 19.8 1 Rois 9.8
³³ vos autem dispergam in gentes et evaginabo post vos gladium eritque terra vestra deserta et civitates dirutae
Zacharie 7.14 Deutéronome 4.27 Ezéchiel 20.23 Psaumes 44.11 Ezéchiel 22.15
³⁴ tunc placebunt terrae sabbata sua cunctis diebus solitudinis suae quando fueritis
2 Chroniques 36.21 Lévitique 26.43 Lévitique 25.10 Lévitique 25.2-25.4
³⁵ in terra hostili sabbatizabit et requiescet in sabbatis solitudinis suae eo quod non requieverit in sabbatis vestris quando habitabatis in ea
Esaïe 24.5-24.6 Romains 8.22
³⁶ et qui de vobis remanserint dabo pavorem in cordibus eorum in regionibus hostium terrebit eos sonitus folii volantis et ita fugient quasi gladium cadent nullo sequente
Ezéchiel 21.7 Lévitique 26.17 Esaïe 30.17 Deutéronome 1.44 Genèse 35.5
³⁷ et corruent singuli super fratres suos quasi bella fugientes nemo vestrum inimicis audebit resistere
Josué 7.12-7.13 Juges 2.14 Juges 7.22 Jérémie 37.10 Esaïe 10.4
³⁸ peribitis inter gentes et hostilis vos terra consumet
Deutéronome 28.48 Jérémie 44.27-44.28 Jérémie 44.12-44.14 Deutéronome 4.26-4.27 Jérémie 42.22
³⁹ quod si et de his aliqui remanserint tabescent in iniquitatibus suis in terra inimicorum suorum et propter peccata patrum suorum et sua adfligentur
Ezéchiel 4.17 Ezéchiel 33.10 Ezéchiel 24.23 Ezéchiel 6.9 Deutéronome 28.65
⁴⁰ donec confiteantur iniquitates suas et maiorum suorum quibus praevaricati sunt in me et ambulaverunt ex adverso mihi
Proverbes 28.13 1 Rois 8.33-8.36 1 Jean 1.8-1.10 Néhémie 9.2-9.5 1 Rois 8.47
⁴¹ ambulabo igitur et ego contra eos et inducam illos in terram hostilem donec erubescat incircumcisa mens eorum tunc orabunt pro impietatibus suis
Ezéchiel 44.7 Actes 7.51 Jérémie 4.4 Jérémie 9.25-9.26 1 Rois 21.29
⁴² et recordabor foederis mei quod pepigi cum Iacob et Isaac et Abraham terrae quoque memor ero
Ezéchiel 16.60 Exode 6.5 Psaumes 106.45 Exode 2.24 Genèse 9.16
⁴³ quae cum relicta fuerit ab eis conplacebit sibi in sabbatis suis patiens solitudinem propter illos ipsi vero rogabunt pro peccatis suis eo quod abiecerint iudicia mea et leges meas despexerint
Lévitique 26.15 Daniel 9.7-9.9 Psaumes 119.71 Psaumes 50.17 Jérémie 31.19
⁴⁴ et tamen etiam cum essent in terra hostili non penitus abieci eos neque sic despexi ut consumerentur et irritum facerem pactum meum cum eis ego enim sum Dominus Deus eorum
Romains 11.2 2 Rois 13.23 Jérémie 33.20-33.21 Néhémie 9.31 Ezéchiel 16.60
⁴⁵ et recordabor foederis mei pristini quando eduxi eos de terra Aegypti in conspectu gentium ut essem Deus eorum ego Dominus Deus
Lévitique 22.33 Ezéchiel 20.22 Lévitique 25.38 Ezéchiel 20.9 Romains 11.28-11.29
⁴⁶ haec sunt praecepta atque iudicia et leges quas dedit Dominus inter se et inter filios Israhel in monte Sinai per manum Mosi
Lévitique 27.34 Deutéronome 12.1 Deutéronome 6.1 Lévitique 25.1 Psaumes 77.20