Nombres 15.27
Vulgate

Règles relatives aux sacrifices

¹ locutus est Dominus ad Mosen dicens
² loquere ad filios Israhel et dices ad eos cum ingressi fueritis terram habitationis vestrae quam ego dabo vobis
Lévitique 23.10 Nombres 15.18 Deutéronome 12.1 Deutéronome 7.1-7.2 Deutéronome 12.9
³ et feceritis oblationem Domino in holocaustum aut victimam vota solventes vel sponte offerentes munera aut in sollemnitatibus vestris adolentes odorem suavitatis Domino de bubus sive de ovibus
Exode 29.18 Genèse 8.21 Nombres 28.27 Philippiens 4.18 Lévitique 27.2
⁴ offeret quicumque immolaverit victimam sacrificium similae decimam partem oephi conspersae oleo quod mensuram habebit quartam partem hin
Exode 29.40 Lévitique 23.13 Lévitique 2.1 Lévitique 6.14 Nombres 28.5-28.8
⁵ et vinum ad liba fundenda eiusdem mensurae dabit in holocausto sive in victima per agnos singulos
Nombres 28.7 Nombres 28.14 Psaumes 116.13 2 Timothée 4.6 Matthieu 26.28-26.29
⁶ et arietis erit sacrificium similae duarum decimarum quae conspersa sit oleo tertiae partis hin
Nombres 28.12-28.14 Nombres 15.4
⁷ et vinum ad libamentum tertiae partis eiusdem mensurae offeret in odorem suavitatis Domino
⁸ quando vero de bubus feceris holocaustum aut hostiam ut impleas votum vel pacificas victimas
Lévitique 3.1 Lévitique 7.11-7.18 Lévitique 1.3
⁹ dabis per singulos boves similae tres decimas conspersae oleo quod habeat medium mensurae hin
Nombres 28.14 Nombres 28.12 Lévitique 14.10 Lévitique 6.14 Néhémie 10.33
¹⁰ et vinum ad liba fundenda eiusdem mensurae in oblationem suavissimi odoris Domino
Nombres 6.15 Nombres 15.5
¹¹ sic facietis
¹² per singulos boves et arietes et agnos et hedos
¹³ tam indigenae quam peregrini
¹⁴ eodem ritu offerent sacrificia
¹⁵ unum praeceptum erit atque iudicium tam vobis quam advenis terrae
Nombres 15.29 Nombres 9.14 Exode 12.49 Colossiens 3.11 Galates 3.28
¹⁶ locutus est Dominus ad Mosen dicens
¹⁷ loquere filiis Israhel et dices ad eos
¹⁸ cum veneritis in terram quam dabo vobis
Nombres 15.2 Deutéronome 26.1-26.15
¹⁹ et comederitis de panibus regionis illius separabitis primitias Domino
Josué 5.11-5.12
²⁰ de cibis vestris sicut de areis primitias separatis
Lévitique 2.14 Néhémie 10.37 Exode 23.19 Exode 34.26 Ezéchiel 44.30
²¹ ita et de pulmentis dabitis primitiva Domino
Nombres 18.26 Exode 29.28
²² quod si per ignorantiam praeterieritis quicquam horum quae locutus est Dominus ad Mosen
Lévitique 4.2 Psaumes 19.12 Lévitique 4.27 Lévitique 5.15-5.17 Lévitique 5.13
²³ et mandavit per eum ad vos a die qua coepit iubere et ultra
²⁴ oblitaque fuerit facere multitudo offeret vitulum de armento holocaustum in odorem suavissimum Domino et sacrificium eius ac liba ut caerimoniae postulant hircumque pro peccato
Lévitique 4.23 Nombres 28.15 Lévitique 4.13-4.21 Lévitique 5.15 Nombres 15.8-15.10
²⁵ et rogabit sacerdos pro omni multitudine filiorum Israhel et dimittetur eis quoniam non sponte peccaverunt nihilominus offerentes incensum Domino pro se et pro peccato atque errore suo
Lévitique 4.20 Romains 3.25 Lévitique 4.26 Hébreux 2.17 Luc 23.34
²⁶ et dimittetur universae plebi filiorum Israhel et advenis qui peregrinantur inter vos quoniam culpa est omnis populi per ignorantiam
Nombres 15.24
²⁷ quod si anima una nesciens peccaverit offeret capram anniculam pro peccato suo
Lévitique 4.27-4.28 1 Timothée 1.13 Actes 3.17 Actes 17.30
²⁸ et deprecabitur pro ea sacerdos quod inscia peccaverit coram Domino inpetrabitque ei veniam et dimittetur illi
Lévitique 4.35
²⁹ tam indigenis quam advenis una lex erit omnium qui peccaverint ignorantes
Nombres 15.15 Lévitique 16.29 Romains 3.29-3.30 Lévitique 17.15 Nombres 9.14
³⁰ anima vero quae per superbiam aliquid commiserit sive civis sit ille sive peregrinus quoniam adversum Dominum rebellis fuit peribit de populo suo
Psaumes 19.13 Hébreux 10.26 Deutéronome 1.43 Esaïe 37.23-37.24 Nombres 9.13
³¹ verbum enim Domini contempsit et praeceptum illius fecit irritum idcirco delebitur et portabit iniquitatem suam
2 Samuel 12.9 Proverbes 13.13 Ezéchiel 18.20 Lévitique 5.1 Psaumes 119.126

Un viol du sabbat

³² factum est autem cum essent filii Israhel in solitudine et invenissent hominem colligentem ligna in die sabbati
Exode 35.2-35.3 Exode 20.8-20.10 Exode 31.14-31.15 Exode 16.27-16.28 Exode 16.23
³³ obtulerunt eum Mosi et Aaron et universae multitudini
Jean 8.3-8.20
³⁴ qui recluserunt eum in carcerem nescientes quid super eo facere deberent
Lévitique 24.12 Nombres 9.8
³⁵ dixitque Dominus ad Mosen morte moriatur homo iste obruat eum lapidibus omnis turba extra castra
Exode 31.14-31.15 Actes 7.58 Lévitique 24.23 1 Rois 21.13 Lévitique 20.2
³⁶ cumque eduxissent eum foras obruerunt lapidibus et mortuus est sicut praeceperat Dominus
Josué 7.25

La frange au bord des vêtements

³⁷ dixit quoque Dominus ad Mosen
³⁸ loquere filiis Israhel et dices ad eos ut faciant sibi fimbrias per angulos palliorum ponentes in eis vittas hyacinthinas
Matthieu 23.5 Deutéronome 22.12 Matthieu 9.20 Luc 8.44
³⁹ quas cum viderint recordentur omnium mandatorum Domini nec sequantur cogitationes suas et oculos per res varias fornicantes
Psaumes 73.27 Ezéchiel 6.9 Job 31.7 Ecclésiaste 11.9 Psaumes 106.39
⁴⁰ sed magis memores praeceptorum Domini faciant ea sintque sancti Deo suo
Romains 12.1 1 Thessaloniciens 4.7 Lévitique 11.44-11.45 Ephésiens 1.4 Lévitique 19.2
⁴¹ ego Dominus Deus vester qui eduxi vos de terra Aegypti ut essem vester Deus
Lévitique 22.33 Ezéchiel 36.25-36.27 Jérémie 31.31-31.33 Psaumes 105.45 Hébreux 11.16