Job 33
Biblia Hebraica Stuttgartensia

¹ וְֽאוּלָ֗ם שְׁמַֽע־נָ֣א אִיֹּ֣וב מִלָּ֑י וְֽכָל־דְּבָרַ֥י הַאֲזִֽינָה׃ Job 13.6 Psaumes 49.1-49.3 Job 34.2 Marc 4.9
² הִנֵּה־נָ֭א פָּתַ֣חְתִּי פִ֑י דִּבְּרָ֖ה לְשֹׁונִ֣י בְחִכִּֽי׃ Job 3.1 Matthieu 5.2 Job 31.30 Psaumes 78.2
³ יֹֽשֶׁר־לִבִּ֥י אֲמָרָ֑י וְדַ֥עַת שְׂ֝פָתַ֗י בָּר֥וּר מִלֵּֽלוּ׃ Job 27.4 Proverbes 20.15 Job 15.2 Job 36.3-36.4 Job 38.2
⁴ רֽוּחַ־אֵ֥ל עָשָׂ֑תְנִי וְנִשְׁמַ֖ת שַׁדַּ֣י תְּחַיֵּֽנִי׃ Genèse 2.7 Job 32.8 Job 27.3 Job 10.12 Psaumes 33.6
⁵ אִם־תּוּכַ֥ל הֲשִׁיבֵ֑נִי עֶרְכָ֥ה לְ֝פָנַ֗י הִתְיַצָּֽבָה׃ Job 33.32-33.33 Job 32.14 Job 32.12 Job 32.1 Psaumes 50.21
⁶ הֵן־אֲנִ֣י כְפִ֣יךָ לָאֵ֑ל מֵ֝חֹ֗מֶר קֹרַ֥צְתִּי גַם־אָֽנִי׃ Job 4.19 Genèse 3.19 Job 13.3 Job 20.22 Exode 4.16
⁷ הִנֵּ֣ה אֵ֭מָתִי לֹ֣א תְבַעֲתֶ֑ךָּ וְ֝אַכְפִּ֗י עָלֶ֥יךָ לֹא־יִכְבָּֽד׃ Job 13.21 Job 9.34 Psaumes 88.16 Psaumes 32.4
⁸ אַ֭ךְ אָמַ֣רְתָּ בְאָזְנָ֑י וְקֹ֖ול מִלִּ֣ין אֶשְׁמָֽע׃ Deutéronome 13.14 Jérémie 29.23
⁹ זַ֥ךְ אֲנִ֗י בְּֽלִ֫י פָ֥שַׁע חַ֥ף אָנֹכִ֑י וְלֹ֖א עָוֹ֣ן לִֽי׃ Job 10.7 Job 16.17 Job 11.4 Job 9.21 Job 29.14
¹⁰ הֵ֣ן תְּ֭נוּאֹות עָלַ֣י יִמְצָ֑א יַחְשְׁבֵ֖נִי לְאֹויֵ֣ב לֹֽו׃ Job 13.24-13.25 Job 19.11 Job 9.30-9.31 Job 14.16 Job 34.5
¹¹ יָשֵׂ֣ם בַּסַּ֣ד רַגְלָ֑י יִ֝שְׁמֹ֗ר כָּל־אָרְחֹתָֽי׃ Job 13.27 Job 31.4 Psaumes 105.18 Actes 16.24 Daniel 4.35
¹² הֶן־זֹ֣את לֹא־צָדַ֣קְתָּ אֶעֱנֶ֑ךָּ כִּֽי־יִרְבֶּ֥ה אֱ֝לֹ֗והַ מֵאֱנֹֽושׁ׃ Job 34.17-34.19 Job 32.17 Job 34.23 Romains 9.19-9.21 Jérémie 18.6
¹³ מַ֭דּוּעַ אֵלָ֣יו רִיבֹ֑ותָ כִּ֥י כָל־דְּ֝בָרָ֗יו לֹ֣א־יַעֲנֶֽה׃ Job 40.2 Esaïe 45.9 Romains 11.34 Daniel 4.35 Ezéchiel 22.14
¹⁴ כִּֽי־בְאַחַ֥ת יְדַבֶּר־אֵ֑ל וּ֝בִשְׁתַּ֗יִם לֹ֣א יְשׁוּרֶֽנָּה׃ Psaumes 62.11 Job 40.5 Proverbes 1.24 Marc 8.17-8.18 Proverbes 1.29
¹⁵ בַּחֲלֹ֤ום׀ חֶזְיֹ֬ון לַ֗יְלָה בִּנְפֹ֣ל תַּ֭רְדֵּמָה עַל־אֲנָשִׁ֑ים בִּ֝תְנוּמֹ֗ות עֲלֵ֣י מִשְׁכָּֽב׃ Job 4.13 Nombres 12.6 Genèse 20.3 Daniel 4.5 Daniel 8.18
¹⁶ אָ֣ז יִ֭גְלֶה אֹ֣זֶן אֲנָשִׁ֑ים וּבְמֹ֖סָרָ֣ם יַחְתֹּֽם׃ Job 36.15 Job 36.10 Psaumes 40.6 Esaïe 50.5 Romains 15.28
¹⁷ לְ֭הָסִיר אָדָ֣ם מַעֲשֶׂ֑ה וְגֵוָ֖ה מִגֶּ֣בֶר יְכַסֶּֽה׃ Daniel 4.30-4.37 Jacques 4.10 Osée 2.6 Esaïe 2.11 Matthieu 27.19
¹⁸ יַחְשֹׂ֣ךְ נַ֭פְשֹׁו מִנִּי־שָׁ֑חַת וְ֝חַיָּתֹ֗ו מֵעֲבֹ֥ר בַּשָּֽׁלַח׃ Job 33.28 2 Pierre 3.9 Job 33.24 2 Pierre 3.15 Job 33.30
¹⁹ וְהוּכַ֣ח בְּ֭מַכְאֹוב עַל־מִשְׁכָּבֹ֑ו וְרֹ֖וב עֲצָמָ֣יו אֵתָֽן׃ Job 30.17 Job 5.17-5.18 Psaumes 119.67 1 Corinthiens 11.32 Psaumes 119.71
²⁰ וְזִֽהֲמַ֣תּוּ חַיָּתֹ֣ו לָ֑חֶם וְ֝נַפְשֹׁ֗ו מַאֲכַ֥ל תַּאֲוָֽה׃ Psaumes 107.17-107.18 Amos 5.11 Genèse 3.6 Job 3.24 Jérémie 3.19
²¹ יִ֣כֶל בְּשָׂרֹ֣ו מֵרֹ֑אִי וְשֻׁפּ֥וּ עַ֝צְמֹותָ֗יו לֹ֣א רֻאּֽוּ׃ Job 19.20 Proverbes 5.11 Job 14.22 Psaumes 32.3-32.4 Psaumes 22.15-22.17
²² וַתִּקְרַ֣ב לַשַּׁ֣חַת נַפְשֹׁ֑ו וְ֝חַיָּתֹ֗ו לַֽמְמִתִֽים׃ 2 Samuel 24.16 Job 17.1 1 Samuel 2.6 Actes 12.23 Psaumes 30.3
²³ אִם־יֵ֤שׁ עָלָ֨יו׀ מַלְאָ֗ךְ מֵלִ֗יץ אֶחָ֥ד מִנִּי־אָ֑לֶף לְהַגִּ֖יד לְאָדָ֣ם יָשְׁרֹֽו׃ Malachie 3.1 Ecclésiaste 7.28 Juges 2.1 Job 37.23 Job 34.10
²⁴ וַיְחֻנֶּ֗נּוּ וַיֹּ֗אמֶר פְּ֭דָעֵהוּ מֵרֶ֥דֶת שָׁ֗חַת מָצָ֥אתִי כֹֽפֶר׃ Job 33.18 Psaumes 49.7-49.8 Psaumes 30.9-30.12 Exode 34.6-34.7 Esaïe 38.17-38.19
²⁵ רֻֽטֲפַ֣שׁ בְּשָׂרֹ֣ו מִנֹּ֑עַר יָ֝שׁ֗וּב לִימֵ֥י עֲלוּמָֽיו׃ 2 Rois 5.14 Psaumes 103.5 Job 42.16 Josué 14.10-14.11 Osée 2.15
²⁶ יֶעְתַּ֤ר אֶל־אֱלֹ֨והַּ׀ וַיִּרְצֵ֗הוּ וַיַּ֣רְא פָּ֭נָיו בִּתְרוּעָ֑ה וַיָּ֥שֶׁב לֶ֝אֱנֹ֗ושׁ צִדְקָתֹֽו׃ Psaumes 50.15 Esaïe 30.19 Psaumes 30.5 Psaumes 30.7-30.11 Nombres 6.25-6.26
²⁷ יָשֹׁ֤ר׀ עַל־אֲנָשִׁ֗ים וַיֹּ֗אמֶר חָ֭טָאתִי וְיָשָׁ֥ר הֶעֱוֵ֗יתִי וְלֹא־שָׁ֥וָה לִֽי׃ Romains 6.21 2 Samuel 12.13 Psaumes 14.2 Psaumes 19.7-19.8 Romains 7.16
²⁸ פָּדָ֣ה נַ֭פְשֹׁו מֵעֲבֹ֣ר בַּשָּׁ֑חַת וְ֝חַיָּתֹו בָּאֹ֥ור תִּרְאֶֽה׃ Job 33.24 Job 33.22 Job 3.9 Psaumes 49.19 Esaïe 38.17-38.18
²⁹ הֶן־כָּל־אֵ֭לֶּה יִפְעַל־אֵ֑ל פַּעֲמַ֖יִם שָׁלֹ֣ושׁ עִם־גָּֽבֶר׃ Philippiens 2.13 Ephésiens 1.11 1 Corinthiens 12.6 Colossiens 1.29 2 Corinthiens 12.8
³⁰ לְהָשִׁ֣יב נַ֭פְשֹׁו מִנִּי־שָׁ֑חַת לֵ֝אֹ֗ור בְּאֹ֣ור הַֽחַיִּים׃ Psaumes 56.13 Esaïe 38.17 Psaumes 118.17-118.18 Psaumes 40.1-40.2 Job 33.28
³¹ הַקְשֵׁ֖ב אִיֹּ֥וב שְֽׁמַֽע־לִ֑י הַ֝חֲרֵ֗שׁ וְאָנֹכִ֥י אֲדַבֵּֽר׃ Job 32.11 Job 21.2 Job 13.6 Job 18.2
³² אִם־יֵשׁ־מִלִּ֥ין הֲשִׁיבֵ֑נִי דַּ֝בֵּ֗ר כִּֽי־חָפַ֥צְתִּי צַדְּקֶֽךָּ׃ Job 15.4-15.5 Job 22.5-22.9 Job 21.27 Job 27.5
³³ אִם־אַ֭יִן אַתָּ֥ה שְֽׁמַֽע־לִ֑י הַ֝חֲרֵ֗שׁ וַאֲאַלֶּפְךָ֥ חָכְמָֽה׃ ס Psaumes 34.11 Proverbes 8.5 Proverbes 4.1-4.2 Proverbes 5.1-5.2 Psaumes 49.3