Exode 26.8
Bible en Swahili de l’est

Les couvertures

¹ Kisha fanya hiyo maskani iwe na mapazia kumi; ifanye ya nguo ya kitani nzuri ya kusokota, pamoja na nyuzi za rangi ya samawi, na ya zambarau, na nyekundu, pamoja na makerubi; kazi ya fundi stadi.
Exode 36.8-36.19 Exode 26.36 1 Chroniques 17.1 Exode 25.4 Exode 25.18
² Urefu wa kila pazia utakuwa dhiraa ishirini na nane, na upana wa kila pazia utakuwa dhiraa nne; mapazia yote yatakuwa ya kipimo kimoja.
1 Chroniques 17.1 Exode 26.7-26.8 2 Samuel 7.2 Nombres 4.25
³ Mapazia matano yataungwa pamoja, hili na hili; na mapazia matano mengine yataungwa pamoja, hili na hili.
1 Corinthiens 12.12-12.27 Exode 36.10 Colossiens 2.19 Exode 26.9 Ephésiens 4.16
⁴ Kisha utafanya tanzi za rangi ya samawi upande wa mwisho wa pazia moja katika ule upindo wa fungu lake, vivyo utafanya upande wa mwisho wa ile pazia iliyo, katika fungu la pili.
Exode 36.11-36.12 Exode 26.5 Exode 36.17 Exode 26.10-26.11
⁵ Fanya matanzi hamsini katika pazia moja, na matanzi hamsini katika upande wa mwisho wa ile pazia iliyo katika kuungana kwa pili; hizo tanzi zitaelekeana.
⁶ Kisha ufanye vifungo hamsini vya dhahabu, na kuunganya hayo mapazia pamoja kwa vile vifungo; na hiyo maskani itakuwa ni moja.
Exode 26.33 Exode 36.13 Exode 39.33 Exode 35.11 Exode 36.18
⁷ Nawe fanya mapazia ya singa za mbuzi yawe hema juu ya maskani; fanya mapazia kumi na moja.
1 Pierre 3.4 Exode 35.23 Exode 35.6 Exode 26.9 Exode 25.4
⁸ Urefu wa kila pazia utakuwa dhiraa thelathini, na upana wa kila pazia utakuwa dhiraa nne; hayo mapazia kumi na moja yatakuwa ya kipimo kimoja.
Exode 26.2 Exode 26.13
⁹ Kisha utaunganya mapazia matano mbali, na mapazia sita mbali, na lile pazia la sita utalipeta hapo upande wa mbele wa ile hema.
¹⁰ Fanya tanzi hamsini upande wa mwisho wa pazia lile lililo la mwisho katika hayo yaliyounganywa pamoja, na tanzi hamsini upande wa mwisho wa lile pazia lililo nje katika hayo ya pili yaliyounganywa pamoja.
¹¹ Tena ufanye vifungo hamsini vya shaba, na kuvitia vile vifungo katika zile tanzi, na kuiunganya ile hema pamoja, ili iwe hema moja.
Exode 26.3 Exode 26.6
¹² Na kipande kile kilichosalia, kile kiangukacho, cha yale mapazia ya hema, ile nusu ya pazia iliyosalia, itaanguka huko upande wa nyuma wa maskani.
¹³ Na hiyo dhiraa moja upande mmoja, na ile dhiraa moja upande wa pili, ya urefu wa mapazia ya hema uliosalia, zitaanguka katika ubavu wa maskani upande huu na upande huu, ili kuifunika.
Exode 26.8 Exode 26.2
¹⁴ Nawe fanya kifuniko cha ile hema, cha ngozi za kondoo waume zilizotiwa rangi nyekundu, na juu yake kifuniko cha ngozi za pomboo.
Exode 36.19 Exode 25.5 Esaïe 25.4 Esaïe 4.6 Ezéchiel 16.10

Les planches et leurs bases

¹⁵ Nawe fanya hizo mbao za maskani za mti wa mshita, zenye kusimama.
Exode 36.20-36.33 Exode 26.22-26.29 Exode 40.17-40.18 Ephésiens 2.20-2.21 Nombres 4.31-4.32
¹⁶ Kila ubao utakuwa na urefu wa dhiraa kumi, na upana wake kila ubao utakuwa dhiraa moja na nusu.
¹⁷ Kila ubao utakuwa na ndimi mbili, zenye kuunganywa huu na huu; ndivyo utakavyozifanya mbao zote za maskani.
Exode 36.22 Exode 26.19 Exode 36.24
¹⁸ Kisha ufanye zile mbao za maskani, mbao ishirini kwa upande wa kusini kuelekea kusini.
¹⁹ Nawe ufanye matako arobaini ya fedha chini ya zile mbao ishirini, matako mawili chini ya ubao mmoja, kupokea zile ndimi zake mbili, na matako mawili chini ya ubao mwingine kupokea zile ndimi zake mbili;
Exode 38.27 Exode 27.12-27.18 Exode 27.10 Exode 38.30-38.31 Cantique 5.15
²⁰ na upande wa pili wa maskani, upande wa kaskazini, mbao ishirini;
²¹ na matako yake ya fedha arobaini; matako mawili chini ya ubao mmoja, na matako mawili chini ya ubao mwingine.
²² Kisha ufanye mbao sita kwa ajili ya upande wa nyuma wa maskani kuelekea magharibi.
²³ Tena ufanye mbao mbili kwa ajili ya hizo pembe za maskani zilizo upande wa nyuma.
²⁴ Upande wa chini zitakuwa ni mbili mbili; vivyo zitaungwa pamoja mbao pacha hata ncha ya juu katika pete ya kwanza; zote mbili ndivyo zitakavyokuwa; zitakuwa kwa ajili ya hizo pembe mbili.
Psaumes 133.1-133.3 1 Pierre 2.5 1 Corinthiens 3.16 1 Corinthiens 1.10 Exode 36.29-36.30
²⁵ Mbao zitakuwa ni nane, na matako yake ya fedha, matako kumi na sita; matako mawili chini ya ubao mmoja, na matako mawili chini ya ubao wa pili.
²⁶ Nawe fanya mataruma ya mti wa mshita; mataruma matano kwa ajili ya mbao za upande mmoja wa maskani,
1 Corinthiens 9.19-9.20 Galates 6.1-6.2 Romains 15.1 Exode 36.31-36.38 Ephésiens 4.16
²⁷ na mataruma matano kwa ajili ya mbao za upande wa pili wa maskani, na mataruma matano kwa ajili ya mbao za upande wa maskani ulio nyuma kuelekea magharibi.
²⁸ Na hilo taruma la katikati, lililo katikati ya zile mbao litapenya toka mwisho huu hata mwisho huu.
²⁹ Na hizo mbao utazifunika dhahabu, na pete zake za kutilia yale mataruma utazifanya za dhahabu; na hayo mataruma utayafunika dhahabu.
Exode 25.11-25.12
³⁰ Nawe utaisimamisha hiyo maskani sawasawa na mfano wake ulioonyeshwa mlimani.
Exode 25.40 Hébreux 8.5 Exode 25.9 Actes 7.44 Exode 27.8

Les deux voiles

³¹ Nawe fanya pazia la nyuzi za rangi ya samawi, na za rangi ya zambarau, na za rangi nyekundu, na nguo za kitani nzuri zenye kusokotwa, litafumwa na kutiwa makerubi, kazi ya fundi stadi;
Exode 36.35 Matthieu 27.51 2 Chroniques 3.14 Exode 26.1 Lévitique 16.2
³² kisha litungike katika nguzo nne za mti wa mshita zilizofunikwa dhahabu, vifungo vyake vitakuwa vya dhahabu, katika matako ya fedha manne.
Exode 36.38 Exode 26.37 Esther 1.6
³³ Nawe tungika lile pazia chini ya vile vifungo, nawe lete lile sanduku la ushuhuda na kulitia humo nyuma ya pazia; na lile pazia litawagawanyia kati ya patakatifu, na mahali patakatifu sana.
Exode 40.21 Hébreux 9.2-9.3 Exode 25.16 Lévitique 16.2 Exode 27.10
³⁴ Nawe utaweka kiti cha rehema juu ya lile sanduku la ushuhuda ndani ya mahali pale patakatifu sana.
Exode 40.20 Exode 25.21 Hébreux 9.5
³⁵ Na ile meza utaiweka nje ya pazia, na kinara cha taa kuikabili ile meza upande wa maskani wa kuelekea kusini; na ile meza utaiweka upande wa kaskazini.
Exode 40.22 Exode 40.24 Hébreux 9.2 Exode 25.31-25.37 Hébreux 9.8-9.9
³⁶ Kisha utafanya kisitiri kwa mlango wa Hema, cha nyuzi za rangi ya samawi, na za rangi ya zambarau, na za rangi nyekundu, na kitani nzuri yenye kusokotwa, kazi ya mshona taraza.
Exode 36.37 Exode 35.11 Exode 40.28-40.29 Exode 39.33 2 Samuel 7.6
³⁷ Nawe fanya nguzo tano za mti wa mshita kwa kile kisitiri, na kuzifunika dhahabu; kulabu zake zitakuwa za dhahabu; nawe utasubu matako ya shaba matano kwa ajili yake.
Exode 36.38