1 Basi wana wa Reubeni, na hao wana wa Gadi, walikuwa na wanyama wa mifugo wengi sana; nao walipoona nchi ya Yazeri, na nchi ya Gileadi, ya kuwa mahali hapo palikuwa ni mahali pa kuwafaa wanyama;
Nombres 21.32 Nombres 32.3 Nombres 32.35 Josué 13.25 Michée 7.14
2 hao wana wa Gadi, na wana wa Reubeni, wakamwendea Musa na Eleazari kuhani, na wakuu wa mkutano, wakanena nao, wakisema,
3 Atarothi, na Diboni, na Yazeri, na Nimra, na Heshboni, na Eleale, na Sebamu, na Nebo na Beoni,
Esaïe 16.8-16.9 Nombres 32.34-32.38 Josué 13.17 Jérémie 48.34 Esaïe 15.6
4 nchi hiyo ambayo Bwana aliipiga mbele ya mkutano wa Israeli, ni nchi ifaayo kwa mfugo wa wanyama, nasi watumishi wako tuna wanyama.
Nombres 21.34 Nombres 21.24 Deutéronome 2.24-2.35
5 Wakasema, Kama tumepata kibali mbele ya macho yako, sisi watumishi wako na tupewe nchi hii iwe milki yetu; usituvushe mto wa Yordani.
Josué 7.7 Deutéronome 1.37 Esther 5.2 2 Samuel 14.22 1 Samuel 20.3
6 Musa akawaambia wana wa Gadi na wana wa Reubeni, Je! Ndugu zenu waende vitani nanyi mtaketi hapa?
Philippiens 2.4 2 Samuel 11.11 1 Corinthiens 13.5
7 Mbona mwawavunja mioyo yao wana wa Israeli, wasivuke na kuingia nchi hiyo ambayo Bwana amewapa?
Nombres 32.9 Nombres 21.4 Nombres 13.27-14.4 Actes 21.13 Deutéronome 1.28
8 Ndivyo walivyofanya baba zenu, hapo nilipowatuma kutoka Kadesh-barnea ili waende kuiangalia hiyo nchi.
Nombres 13.2-13.26 Nombres 14.2 Josué 14.6-14.7 Deutéronome 1.19-1.25
9 Kwa kuwa walipokwea na kuingia bonde la Eshkoli, na kuiona nchi, wakawavunja mioyo wana wa Israeli, ili wasikwee kuingia nchi Bwana aliyowapa.
Nombres 13.23-14.10 Deutéronome 1.24-1.28
10 Na siku ile hasira za Bwana ziliwaka, naye akaapa, akisema,
Nombres 14.11 Psaumes 95.11 Deutéronome 1.34-1.40 Ezéchiel 20.15 Nombres 14.23
11 Hakika yangu hapana mtu mmoja katika wale watu waliotoka Misri, tangu huyo aliyepata umri wa miaka ishirini, na zaidi, atakayeiona hiyo nchi niliyomwapia Ibrahimu, na Isaka, na Yakobo; kwa sababu hawakuniandama kwa moyo wote;
Nombres 14.28-14.30 Josué 14.8-14.9 Nombres 26.64-26.65 Deutéronome 1.35 Nombres 14.24
12 ila Kalebu mwana wa Yefune, Mkenizi, na Yoshua mwana wa Nuni; kwa kuwa wao wamemwandama Bwana kwa moyo wote.
Deutéronome 1.36 Nombres 14.24 Josué 14.8-14.9 Nombres 14.30 Nombres 26.65
13 Na hasira za Bwana ziliwaka juu ya Israeli, naye akawatembeza huku na huku jangwani muda wa miaka arobaini, hata kizazi hicho kizima kilichokuwa kimefanya uovu machoni pa Bwana kikaisha angamia.
Nombres 14.33-14.35 Hébreux 3.16-3.19 Psaumes 78.33 Nombres 26.64-26.65 1 Corinthiens 10.5
14 Na tazama, ninyi mmeinuka badala ya baba zenu, maongeo ya watu wenye dhambi, ili kuongeza tena hizo hasira kali za Bwana juu ya Israeli.
Genèse 5.3 Esdras 9.13-9.14 Esaïe 65.6-65.7 Matthieu 23.31-23.33 Genèse 8.21
15 Kwa kuwa mkigeuka msimwandame, yeye atawaacha tena nyikani; nanyi mtawaangamiza watu hawa wote.
2 Chroniques 15.2 Romains 14.20-14.21 1 Corinthiens 8.11-8.12 Deutéronome 28.15-28.68 Deutéronome 30.17-30.19
16 Basi wakamwendea karibu, na kusema, Sisi tutafanya mazizi hapa kwa ajili ya wanyama wetu wa mifugo, na kujenga miji kwa ajili ya watoto wetu;
Nombres 34.22 Genèse 33.17
17 lakini sisi wenyewe tutakuwa tayari na silaha zetu kutangulia mbele ya wana wa Israeli, hata tutakapowafikisha mahali pao; na watoto wetu watakaa katika hiyo miji yenye maboma, kwa sababu ya wenyeji wa nchi.
Josué 4.12-4.13 Nombres 32.29-32.32 Deutéronome 3.18-3.20
18 Sisi hatutarudia nyumba zetu, hata wana wa Israeli watakapokuwa wamekwisha kurithi kila mtu urithi wake.
Josué 22.1-22.5
19 Kwa kuwa sisi hatutarithi pamoja nao huko ng’ambo ya pili ya Yordani, huko mbele; kwa sababu urithi wetu umetuangukia upande huu wa Yordani kwa mashariki.
Josué 13.8 Nombres 34.15 1 Chroniques 5.25-5.26 Proverbes 20.21 Josué 12.1-12.6
20 Basi Musa akawaambia, Kama mtafanya jambo hili; kama mtajivika silaha, ili kutangulia mbele ya Bwana mwende vitani,
Josué 4.12-4.13 Deutéronome 3.18-3.20 Josué 1.13-1.15 Josué 22.2-22.4
21 tena kama kila mume wa kwenu mwenye kuchukua silaha atavuka Yordani mbele ya Bwana, hata atakapokuwa amekwisha watoa adui zake mbele yake,
22 na hiyo nchi kushindwa mbele za Bwana; ndipo baadaye mtarudi, nanyi mtakuwa hamna hatia mbele za Bwana, wala kwa Israeli; na nchi hii itakuwa milki yenu mbele za Bwana.
Josué 22.9 Deutéronome 3.20 Josué 22.4 Josué 13.8 Josué 1.15
23 Lakini kama hamtaki kufanya neno hilo, ninyi mmefanya dhambi mbele za Bwana, nanyi jueni ya kwamba hiyo dhambi yenu itawapata hapana budi.
Genèse 44.16 Esaïe 59.12 Genèse 4.7 Psaumes 140.11 Esaïe 3.11
24 Basi, jengeni miji kwa ajili ya watoto wenu, na mazizi kwa ajili ya kondoo zenu; mkayafanye hayo mliotamka kwa vinywa vyenu.
Nombres 32.16 Nombres 30.2 Nombres 32.34-32.42
25 Ndipo wana wa Gadi na wana wa Reubeni wakanena na Musa, na kumwambia, Sisi watumishi wako tutafanya kama wewe bwana wangu utuagizavyo.
Josué 1.13-1.14
26 Watoto wetu, na wake wetu, na kondoo zetu, na ng’ombe zetu wote, watakuwa hapo katika miji ya Gileadi;
Josué 1.14
27 lakini sisi watumishi wako tutavuka, kila mume aliyevaa silaha za vita, mbele za Bwana, tuende vitani, kama wewe bwana wangu usemavyo.
Josué 4.12 Nombres 32.17 Nombres 11.28 Nombres 12.11 Nombres 36.2
28 Basi Musa akamwagiza Eleazari kuhani, na Yoshua mwana wa Nuni, na wakuu wa nyumba za mababa za kabila za wana wa Israeli, katika habari za watu hao.
Josué 1.13
29 Musa akawaambia, Kwamba wana wa Gadi, na wana wa Reubeni, watavuka Yordani pamoja nanyi, kila mtu aliyevaa silaha kwa vita, mbele za Bwana, nayo nchi itashindwa mbele yenu; ndipo mtawapa nchi ya Gileadi kuwa milki yao;
30 lakini ikiwa hawataki kuvuka pamoja nanyi, hali wamevaa silaha zao, ndipo watakuwa na milki zao kati yenu katika nchi ya Kanaani.
Josué 22.19
31 Wana wa Gadi, na wana wa Reubeni, wakajibu na kusema, Kama Bwana alivyotuambia sisi watumishi wako, ndivyo tutakavyofanya.
32 Tutavuka, hali tumevaa silaha zetu, mbele za Bwana, kuingia nchi ya Kanaani, nayo milki ya urithi wetu itakuwa ng’ambo ya pili ya Yordani.
33 Basi Musa akawapa wao, maana, wana wa Gadi, na wana wa Reubeni, na hiyo nusu ya kabila ya Manase, mwana wa Yusufu, ufalme wa Sihoni mfalme wa Waamori, na ufalme wa Ogu mfalme wa Bashani, hiyo nchi, kama miji yao ilivyokuwa, pamoja na mipaka yake, maana, miji ya hiyo nchi iliyozunguka kotekote.
Josué 12.6 Deutéronome 29.8 Josué 22.4 Deutéronome 3.12-3.17 1 Chroniques 26.32
34 Kisha wana wa Gadi wakajenga Diboni, na Atarothi, na Aroeri;
Deutéronome 2.36 Nombres 32.3 Nombres 21.20 Nombres 33.45-33.46 Esaïe 17.2
35 na Atrothi-shofani, na Yazeri, na Yogbeha;
Nombres 32.3 Nombres 32.1
36 na, Beth-nimra, na Beth-harani; miji yenye maboma, na mazizi ya kondoo.
Nombres 32.3
37 Na wana wa Reubeni wakajenga Heshboni, na Eleale, na Kiriathaimu;
Nombres 32.3 Nombres 21.27 Esaïe 15.4
38 na Nebo, na Baal-meoni, (majina yake yalikuwa yamegeuzwa) na Sibma; nao wakaiita miji waliyoijenga majina mengine.
Esaïe 46.1 Nombres 32.3 Exode 23.13 Josué 23.7 Nombres 22.41
39 Na wana wa Makiri mwana wa Manase wakaenda Gileadi, na kuitwaa, na kuwapokonya Waamori waliokuwamo humo.
Genèse 50.23 Nombres 26.29 Josué 17.1
40 Basi Musa akampa Makiri, mwana wa Manase, Gileadi, naye akakaa humo.
Josué 17.1 Josué 13.29-13.31 Deutéronome 3.13-3.15
41 Kisha Yairi mwana wa Manase akaenda na kuvitwaa vijiji vya Gileadi. Akaviita jina lake Hawoth-yairi.
Deutéronome 3.14 Juges 10.4 1 Chroniques 2.21-2.23 Josué 13.30 1 Rois 4.13
42 Kisha Noba akaenda na kutwaa Kenathi na vijiji vyake, na kuita jina lake Noba, kwa kuandama jina lake mwenyewe.
2 Samuel 18.18 Psaumes 49.11