Jérémie 44.21
Vulgate

Péché et jugement des Juifs d’Égypte

¹ verbum quod factum est ad Hieremiam ad omnes Iudaeos qui habitant in terra Aegypti habitantes in Magdolo et in Tafnis et in Memphis et in terra Fatures dicens
Jérémie 46.14 Exode 14.2 Esaïe 11.11 Esaïe 19.13 Jérémie 2.16
² haec dicit Dominus exercituum Deus Israhel vos vidistis omne malum istud quod adduxi super Hierusalem et super omnes urbes Iuda et ecce sunt desertae hodie et non est in eis habitator
Esaïe 6.11 Jérémie 34.22 Jérémie 9.11 Jérémie 4.7 Michée 3.12
³ propter malitiam quam fecerunt ut me ad iracundiam provocarent et irent et sacrificarent et colerent deos alienos quos nesciebant et illi et vos et patres vestri
Deutéronome 29.26 Deutéronome 13.6 Deutéronome 32.17 Ezéchiel 8.17-8.18 Néhémie 9.33
⁴ et misi ad vos omnes servos meos prophetas de nocte consurgens mittensque et dicens nolite facere verbum abominationis huius quam odi
Jérémie 7.13 Jérémie 26.5 Jérémie 7.25 Zacharie 7.7 2 Chroniques 36.15
⁵ et non audierunt nec inclinaverunt aurem suam ut converterentur a malis suis et non sacrificarent diis alienis
Apocalypse 2.21-2.22 Esaïe 48.4 Jérémie 44.17-44.21 Jérémie 19.13 Psaumes 81.11-81.13
⁶ et conflata est indignatio mea et furor meus et succensa est in civitatibus Iuda et in plateis Hierusalem et versae sunt in solitudinem et vastitatem secundum diem hanc
Esaïe 51.20 Esaïe 51.17 Jérémie 7.20 Ezéchiel 8.18 Jérémie 42.18
⁷ et nunc haec dicit Dominus exercituum Deus Israhel quare vos facitis malum grande contra animas vestras ut intereat ex vobis vir et mulier parvulus et lactans de medio Iudae nec relinquatur vobis quicquam residuum
Nombres 16.38 Jérémie 51.22 Habakuk 2.10 Jérémie 9.21 Lamentations 2.11
⁸ provocantes me in operibus manuum vestrarum sacrificando diis alienis in terra Aegypti in quam ingressi estis ut habitetis ibi et dispereatis et sitis in maledictionem et in obprobrium cunctis gentibus terrae
Jérémie 42.18 Jérémie 44.3 Jérémie 25.6-25.7 2 Rois 17.15-17.17 Jérémie 18.16
⁹ numquid obliti estis mala patrum vestrorum et mala regum Iuda et mala uxorum eius et mala vestra et mala uxorum vestrarum quae fecerunt in terra Iuda et in regionibus Hierusalem
Jérémie 7.17-7.18 Jérémie 44.15-44.19 Esdras 9.7-9.15 Josué 22.17-22.20 Daniel 9.5-9.8
¹⁰ non sunt mundati usque ad diem hanc et non timuerunt et non ambulaverunt in lege et in praeceptis meis quae dedi coram vobis et coram patribus vestris
Jérémie 8.12 Proverbes 28.14 Malachie 4.2 Romains 11.20 2 Chroniques 33.12
¹¹ ideo haec dicit Dominus exercituum Deus Israhel ecce ego pono faciem meam in vobis in malum et disperdam omnem Iudam
Jérémie 21.10 Amos 9.4 Lévitique 26.17 Lévitique 20.5-20.6 Lévitique 17.10
¹² et adsumam reliquias Iudae qui posuerunt facies suas ut ingrederentur terram Aegypti et habitarent ibi et consumentur omnes in terra Aegypti cadent in gladio et in fame consumentur a minimo usque ad maximum in gladio et in fame morientur et erunt in iusiurandum et in miraculum et in maledictionem et in obprobrium
Jérémie 42.22 Jérémie 42.15-42.18 Esaïe 65.15 Esaïe 1.28 Jérémie 18.16
¹³ et visitabo habitatores terrae Aegypti sicut visitavi super Hierusalem in gladio et in fame et in peste
Jérémie 44.27-44.28 Jérémie 11.22 Jérémie 43.11 Jérémie 24.10 Jérémie 21.9
¹⁴ et non erit qui effugiat et sit residuus de reliquiis Iudaeorum qui vadunt ut peregrinentur in terra Aegypti et revertantur in terram Iuda ad quam ipsi elevant animas suas ut revertantur et habitent ibi non revertentur nisi qui fugerint
Jérémie 22.26-22.27 Romains 9.27 Esaïe 4.2 Esaïe 10.20 Jérémie 44.27-44.28
¹⁵ responderunt autem Hieremiae omnes viri scientes quod sacrificarent uxores eorum diis alienis et universae mulieres quarum stabat multitudo grandis et omnis populus habitantium in terra Aegypti in Fatures dicens
Jérémie 5.1-5.5 Proverbes 11.21 Esaïe 1.5 2 Pierre 2.1-2.2 Néhémie 13.26
¹⁶ sermonem quem locutus es ad nos in nomine Domini non audiemus ex te
Exode 5.2 Psaumes 73.8-73.9 Jérémie 8.12 Jérémie 11.10 Esaïe 3.9
¹⁷ sed facientes faciemus omne verbum quod egreditur de ore nostro ut sacrificemus Reginae caeli et libemus ei libamina sicut fecimus nos et patres nostri reges nostri et principes nostri in urbibus Iuda et in plateis Hierusalem et saturati sumus panibus et bene nobis erat malumque non vidimus
Néhémie 9.34 Jérémie 7.18 Osée 2.5-2.9 Deutéronome 23.23 2 Rois 17.16
¹⁸ ex eo autem quo cessavimus sacrificare Reginae caeli et libare ei libamina indigemus omnibus et gladio et fame consumpti sumus
Malachie 3.13-3.15 Jérémie 40.12 Nombres 11.5-11.6 Job 21.14-21.15 Psaumes 73.9-73.15
¹⁹ quod si nos sacrificamus Reginae caeli et libamus ei libamina numquid sine viris nostris fecimus ei placentas ad colendum eam et liba libandi
Jérémie 7.18 Jérémie 44.15 Marc 6.19-6.27 Genèse 3.6 Genèse 3.16-3.17
²⁰ et dixit Hieremias ad omnem populum adversum viros et adversum mulieres et adversum universam plebem qui responderant ei verbum dicens
²¹ numquid non sacrificium quod sacrificastis in civitatibus Iuda et in plateis Hierusalem vos et patres vestri reges vestri et principes vestri et populus terrae horum recordatus est Dominus et ascendit super cor eius
Esaïe 64.9 Jérémie 11.13 Jérémie 14.10 Jérémie 44.9 Jérémie 44.17
²² et non poterat Dominus ultra portare propter malitiam studiorum vestrorum et propter abominationes quas fecistis et facta est terra vestra in desolationem et in stuporem et in maledictum eo quod non sit habitator sicut est dies haec
Jérémie 25.18 Esaïe 7.13 Esaïe 43.24 Jérémie 25.38 Malachie 2.17
²³ propterea quod sacrificaveritis idolis et peccaveritis Domino et non audieritis vocem Domini et in lege et in praeceptis et in testimoniis eius non ambulaveritis idcirco evenerunt vobis mala haec sicut est dies haec
Daniel 9.11-9.12 1 Rois 9.9 Néhémie 13.18 Psaumes 119.150 Jérémie 40.3
²⁴ dixit autem Hieremias ad omnem populum et ad universas mulieres audite verbum Domini omnis Iuda qui estis in terra Aegypti
Jérémie 43.7 Jérémie 42.15 Jérémie 44.15-44.16 Jérémie 44.26 Ezéchiel 20.32-20.33
²⁵ haec inquit Dominus exercituum Deus Israhel dicens vos et uxores vestrae locuti estis ore vestro et manibus vestris implestis dicentes faciamus vota nostra quae vovimus ut sacrificemus Reginae caeli et libemus ei libamina implestis vota vestra et opere perpetrastis ea
Matthieu 14.9 Ezéchiel 20.39 Jude 1.13 Jérémie 44.15-44.19 Job 34.22
²⁶ ideo audite verbum Domini omnis Iuda qui habitatis in terra Aegypti ecce ego iuravi in nomine meo magno ait Dominus quia nequaquam ultra nomen meum vocabitur ex ore omnis viri iudaei dicentis vivit Dominus Deus in omni terra Aegypti
Genèse 22.16 Psaumes 50.16 Ezéchiel 20.39 Hébreux 6.13 Esaïe 48.1-48.2
²⁷ ecce ego vigilabo super eos in malum et non in bonum et consumentur omnes viri Iuda qui sunt in terra Aegypti gladio et fame donec penitus consumantur
Jérémie 31.28 2 Rois 21.14 Jérémie 1.10 Ezéchiel 7.6 Jérémie 44.12
²⁸ et qui fugerint gladium revertentur de terra Aegypti in terram Iuda viri pauci et scient omnes reliquiae Iuda ingredientium terram Aegypti ut habitent ibi cuius sermo conpleatur meus an illorum
Jérémie 44.14 Jérémie 44.25-44.26 Esaïe 10.19 Esaïe 46.10-46.11 Esaïe 27.12-27.13
²⁹ et hoc vobis signum ait Dominus quod visitem ego super vos in loco isto ut sciatis quia vere conplebuntur sermones mei contra vos in malum
Proverbes 19.21 Jérémie 44.30 Matthieu 24.15-24.16 Esaïe 40.8 Luc 21.29-21.33
³⁰ haec dicit Dominus ecce ego tradam Pharaonem Efree regem Aegypti in manu inimicorum eius et in manu quaerentium animam illius sicut tradidi Sedeciam regem Iuda in manu Nabuchodonosor regis Babylonis inimici sui et quaerentis animam eius
2 Rois 25.4-25.7 Jérémie 43.9-43.13 Ezéchiel 30.21 Jérémie 39.5-39.7 Jérémie 34.21