Ezéchiel 18.16
Vulgate

¹ et factus est sermo Domini ad me dicens ² quid est quod inter vos parabolam vertitis in proverbium istud in terra Israhel dicentes patres comederunt uvam acerbam et dentes filiorum obstupescuntLamentations 5.7 Esaïe 3.15 Jérémie 31.29-31.30 Romains 9.20 Jérémie 15.4
³ vivo ego dicit Dominus Deus si erit vobis ultra parabola haec in proverbium in IsrahelEzéchiel 18.19-18.20 Ezéchiel 18.30 Ezéchiel 33.11-33.20 Ezéchiel 36.31-36.32 Romains 3.19
⁴ ecce omnes animae meae sunt ut anima patris ita et anima filii mea est anima quae peccaverit ipsa morieturEzéchiel 18.20 Romains 6.23 Nombres 16.22 Hébreux 12.9 Zacharie 12.1
⁵ et vir si fuerit iustus et fecerit iudicium et iustitiamRomains 2.7-2.10 Matthieu 7.21-7.27 1 Jean 3.7 Psaumes 24.4-24.6 Ezéchiel 33.14
⁶ in montibus non comederit et oculos suos non levaverit ad idola domus Israhel et uxorem proximi sui non violaverit et ad mulierem menstruatam non accesseritEzéchiel 18.15 Ezéchiel 20.24 Deutéronome 4.19 Ezéchiel 6.13 Ezéchiel 18.11-18.12
⁷ et hominem non contristaverit pignus debitori reddiderit per vim nihil rapuerit panem suum esurienti dederit et nudum operuerit vestimentoEzéchiel 18.16 Ezéchiel 18.12 Exode 22.26 Deutéronome 24.12-24.13 Ezéchiel 33.15
⁸ ad usuram non commodaverit et amplius non acceperit ab iniquitate averterit manum suam iudicium verum fecerit inter virum et virumExode 22.25 Zacharie 8.16 Deutéronome 23.19-23.20 Ezéchiel 22.12 Psaumes 15.5
⁹ in praeceptis meis ambulaverit et iudicia mea custodierit ut faciat veritatem hic iustus est vita vivet ait Dominus DeusEzéchiel 20.11 Amos 5.4 Habakuk 2.4 Ezéchiel 18.17 Romains 1.17
¹⁰ quod si genuerit filium latronem effundentem sanguinem et fecerit unum de istisExode 21.12 1 Jean 3.12 Jean 18.40 Lévitique 19.13 Genèse 9.5-9.6
¹¹ et haec quidem omnia non facientem sed in montibus comedentem et uxorem proximi sui polluentemJacques 2.17 Jean 15.14 1 Rois 13.22 1 Rois 13.8 Apocalypse 22.14
¹² egenum et pauperem contristantem rapientem rapinas pignus non reddentem et ad idola levantem oculos suos abominationem facientemEzéchiel 8.17 Ezéchiel 8.6 Amos 4.1 2 Rois 21.11 Ezéchiel 18.16
¹³ ad usuram dantem et amplius accipientem numquid vivet non vivet cum universa detestanda haec fecerit morte morietur sanguis eius in ipso eritLévitique 20.9 Ezéchiel 3.18 Exode 22.25 Ezéchiel 18.8 Ezéchiel 18.17
¹⁴ quod si genuerit filium qui videns omnia peccata patris sui quae fecit timuerit et non fecerit simile eis2 Chroniques 34.21 Proverbes 23.24 Ezéchiel 18.10 Psaumes 119.59-119.60 Aggée 1.5
¹⁵ super montes non comederit et oculos suos non levaverit ad idola domus Israhel et uxorem proximi sui non violaveritEzéchiel 18.11-18.13 Ezéchiel 18.6-18.7
¹⁶ et virum non contristaverit pignus non retinuerit et rapinam non rapuerit panem suum esurienti dederit et nudum operuerit vestimentoEzéchiel 18.7 Esaïe 58.7-58.10 Proverbes 22.9 Luc 11.41 Psaumes 41.1
¹⁷ a pauperis iniuria averterit manum suam usuram et superabundantiam non acceperit iudicia mea fecerit in praeceptis meis ambulaverit hic non morietur in iniquitate patris sui sed vita vivetEzéchiel 18.8-18.9 Proverbes 14.31 Lévitique 18.4 Ezéchiel 20.30 Ezéchiel 33.15-33.16
¹⁸ pater eius quia calumniatus est et vim fecit fratri et malum operatus est in medio populi sui ecce mortuus est in iniquitate suaEzéchiel 3.18 Esaïe 3.11 Jean 8.24 Jean 8.21 Ezéchiel 18.4
¹⁹ et dicitis quare non portavit filius iniquitatem patris videlicet quia filius iudicium et iustitiam operatus est omnia praecepta mea custodivit et fecit illa vita vivetExode 20.5 Zacharie 1.3-1.6 Jérémie 15.4 Deutéronome 5.9 Ezéchiel 20.18-20.20
²⁰ anima quae peccaverit ipsa morietur filius non portabit iniquitatem patris et pater non portabit iniquitatem filii iustitia iusti super eum erit et impietas impii erit super eumDeutéronome 24.16 2 Rois 14.6 Ezéchiel 18.4 Romains 2.6-2.9 1 Rois 8.32
²¹ si autem impius egerit paenitentiam ab omnibus peccatis suis quae operatus est et custodierit universa praecepta mea et fecerit iudicium et iustitiam vita vivet non morieturEzéchiel 18.27-18.28 Ezéchiel 33.19 Ezéchiel 18.30 Proverbes 28.13 Ezéchiel 18.5
²² omnium iniquitatum eius quas operatus est non recordabor in iustitia sua quam operatus est vivetEzéchiel 33.16 Esaïe 43.25 Psaumes 18.20-18.24 Michée 7.19 Ezéchiel 18.24
²³ numquid voluntatis meae est mors impii dicit Dominus Deus et non ut convertatur a viis suis et vivatEzéchiel 18.32 Ezéchiel 33.11 1 Timothée 2.4 2 Pierre 3.9 Psaumes 147.11
²⁴ si autem averterit se iustus a iustitia sua et fecerit iniquitatem secundum omnes abominationes quas operari solet impius numquid vivet omnes iustitiae eius quas fecerat non recordabuntur in praevaricatione qua praevaricatus est et in peccato suo quod peccavit in ipsis morieturEzéchiel 33.18 1 Samuel 15.11 Proverbes 21.16 2 Chroniques 24.2 Jean 8.24
²⁵ et dixistis non est aequa via Domini audite domus Israhel numquid via mea non est aequa et non magis viae vestrae pravae suntEzéchiel 33.17 Sophonie 3.5 Ezéchiel 33.20 Genèse 18.25 Malachie 2.17
²⁶ cum enim averterit se iustus a iustitia sua et fecerit iniquitatem morietur in eis in iniustitia quam operatus est morietur ²⁷ et cum averterit se impius ab impietate sua quam operatus est et fecerit iudicium et iustitiam ipse animam suam vivificabitEsaïe 1.18 Esaïe 55.7 Ezéchiel 18.21 Actes 20.21 Ezéchiel 33.5
²⁸ considerans enim et avertens se ab omnibus iniquitatibus suis quas operatus est vita vivet et non morieturEzéchiel 12.3 Psaumes 119.6 Psaumes 119.1 Ezéchiel 33.12 Colossiens 3.5-3.9
²⁹ et dicunt filii Israhel non est aequa via Domini numquid viae meae non sunt aequae domus Israhel et non magis viae vestrae pravaeEzéchiel 18.2 Proverbes 19.3 Ezéchiel 18.25
³⁰ idcirco unumquemque iuxta vias suas iudicabo domus Israhel ait Dominus Deus convertimini et agite paenitentiam ab omnibus iniquitatibus vestris et non erit vobis in ruinam iniquitasEzéchiel 18.21 Osée 12.6 Joël 2.12-2.13 Ezéchiel 33.20 Luc 13.3
³¹ proicite a vobis omnes praevaricationes vestras in quibus praevaricati estis et facite vobis cor novum et spiritum novum et quare moriemini domus IsrahelPsaumes 51.10 Ezéchiel 11.19 Esaïe 1.16-1.17 Romains 8.13 Ezéchiel 33.11
³² quia nolo mortem morientis dicit Dominus Deus revertimini et viviteEzéchiel 18.23 2 Pierre 3.9 Ezéchiel 33.11 Lamentations 3.33