Proverbes 24
Septante

¹ υἱέ μὴ ζηλώσῃς κακοὺς ἄνδρας μηδὲ ἐπιθυμήσῃς εἶναι μετ’ αὐτῶν. Proverbes 23.17 Proverbes 3.31 Psaumes 37.1 Psaumes 37.7 Psaumes 73.3
² ψεύδη γὰρ μελετᾷ ἡ καρδία αὐτῶν καὶ πόνους τὰ χείλη αὐτῶν λαλεῖ. Psaumes 10.7 Psaumes 28.3 Psaumes 7.14 Job 15.35 Matthieu 26.3-26.4
³ μετὰ σοφίας οἰκοδομεῖται οἶκος καὶ μετὰ συνέσεως ἀνορθοῦται. Proverbes 14.1 Jérémie 10.12 Proverbes 9.1 Colossiens 2.7 1 Corinthiens 3.9
⁴ μετὰ αἰσθήσεως ἐμπίμπλαται ταμίεια ἐκ παντὸς πλούτου τιμίου καὶ καλοῦ. Proverbes 15.6 Proverbes 21.20 Néhémie 10.39 2 Chroniques 26.4-26.11 1 Chroniques 27.25-27.31
⁵ κρείσσων σοφὸς ἰσχυροῦ καὶ ἀνὴρ φρόνησιν ἔχων γεωργίου μεγάλου. Proverbes 21.22 Colossiens 1.11 Ecclésiaste 7.19 Proverbes 8.14 Esaïe 40.31
⁶ μετὰ κυβερνήσεως γίνεται πόλεμος βοήθεια δὲ μετὰ καρδίας βουλευτικῆς. Proverbes 11.14 Proverbes 20.18 Luc 14.31 Proverbes 15.22 Ephésiens 6.10-6.20
⁷ σοφία καὶ ἔννοια ἀγαθὴ ἐν πύλαις σοφῶν σοφοὶ οὐκ ἐκκλίνουσιν ἐκ στόματος κυρίου. Proverbes 14.6 Psaumes 10.5 1 Corinthiens 2.14 Esaïe 29.21 Proverbes 31.8-31.9
⁸ ἀλλὰ λογίζονται ἐν συνεδρίοις ἀπαιδεύτοις συναντᾷ θάνατος. Romains 1.30 Psaumes 21.11 Proverbes 6.14 Proverbes 14.22 Nahum 1.11
⁹ ἀποθνῄσκει δὲ ἄφρων ἐν ἁμαρτίαις ἀκαθαρσία δὲ ἀνδρὶ λοιμῷ ἐμμολυνθήσεται. Matthieu 15.19 Actes 8.22 Proverbes 29.8 Psaumes 119.113 Genèse 8.21
¹⁰ ἐν ἡμέρᾳ κακῇ καὶ ἐν ἡμέρᾳ θλίψεως ἕως ἂν ἐκλίπῃ. Esaïe 40.28-40.31 Job 4.5 Ephésiens 3.13 1 Samuel 27.1 Jérémie 51.46
¹¹ ῥῦσαι ἀγομένους εἰς θάνατον καὶ ἐκπρίου κτεινομένους μὴ φείσῃ. Esaïe 58.6-58.7 Psaumes 82.4 Job 29.17 Actes 23.23-23.35 Actes 23.10
¹² ἐὰν δὲ εἴπῃς οὐκ οἶδα τοῦτον γίνωσκε ὅτι κύριος καρδίας πάντων γινώσκει καὶ ὁ πλάσας πνοὴν πᾶσιν αὐτὸς οἶδεν πάντα ὃς ἀποδίδωσιν ἑκάστῳ κατὰ τὰ ἔργα αὐτοῦ. Job 34.11 Proverbes 21.2 Ecclésiaste 5.8 1 Samuel 16.7 Apocalypse 2.23
¹³ φάγε μέλι υἱέ ἀγαθὸν γὰρ κηρίον ἵνα γλυκανθῇ σου ὁ φάρυγξ. Cantique 5.1 Proverbes 25.16 Esaïe 7.15 Matthieu 3.4 Proverbes 25.27
¹⁴ οὕτως αἰσθήσῃ σοφίαν τῇ σῇ ψυχῇ ἐὰν γὰρ εὕρῃς ἔσται καλὴ ἡ τελευτή σου καὶ ἐλπίς σε οὐκ ἐγκαταλείψει. Proverbes 23.18 Proverbes 2.10 Psaumes 119.103 Jacques 1.25 Proverbes 22.18
¹⁵ μὴ προσαγάγῃς ἀσεβῆ νομῇ δικαίων μηδὲ ἀπατηθῇς χορτασίᾳ κοιλίας. Proverbes 1.11 1 Samuel 23.20-23.23 Jérémie 11.19 Psaumes 59.3 Psaumes 10.8-10.10
¹⁶ ἑπτάκι γὰρ πεσεῖται ὁ δίκαιος καὶ ἀναστήσεται οἱ δὲ ἀσεβεῖς ἀσθενήσουσιν ἐν κακοῖς. Psaumes 37.24 Michée 7.8-7.10 Job 5.19 Psaumes 34.19 2 Corinthiens 4.8-4.12
¹⁷ ἐὰν πέσῃ ὁ ἐχθρός σου μὴ ἐπιχαρῇς αὐτῷ ἐν δὲ τῷ ὑποσκελίσματι αὐτοῦ μὴ ἐπαίρου. Job 31.29 Proverbes 17.5 Abdias 1.12 1 Corinthiens 13.6-13.7 Psaumes 35.15
¹⁸ ὅτι ὄψεται κύριος καὶ οὐκ ἀρέσει αὐτῷ καὶ ἀποστρέψει τὸν θυμὸν αὐτοῦ ἀπ’ αὐτοῦ. Zacharie 1.15-1.16 Lamentations 4.21-4.22
¹⁹ μὴ χαῖρε ἐπὶ κακοποιοῖς μηδὲ ζήλου ἁμαρτωλούς. Psaumes 37.1 Proverbes 24.1 Proverbes 23.17 Nombres 16.26 Psaumes 119.115
²⁰ οὐ γὰρ μὴ γένηται ἔκγονα πονηρῶν λαμπτὴρ δὲ ἀσεβῶν σβεσθήσεται. Proverbes 13.9 Job 18.5-18.6 Proverbes 20.20 Job 21.17 Proverbes 23.18
²¹ φοβοῦ τὸν θεόν υἱέ καὶ βασιλέα καὶ μηθετέρῳ αὐτῶν ἀπειθήσῃς. Romains 13.1-13.7 1 Pierre 2.13-2.17 Tite 3.1 1 Samuel 8.5-8.7 1 Rois 12.16
²² ἐξαίφνης γὰρ τείσονται τοὺς ἀσεβεῖς τὰς δὲ τιμωρίας ἀμφοτέρων τίς γνώσεται. λόγον φυλασσόμενος υἱὸς ἀπωλείας ἐκτὸς ἔσται δεχόμενος δὲ ἐδέξατο αὐτόν. μηδὲν ψεῦδος ἀπὸ γλώσσης βασιλεῖ λεγέσθω καὶ οὐδὲν ψεῦδος ἀπὸ γλώσσης αὐτοῦ οὐ μὴ ἐξέλθῃ. μάχαιρα γλῶσσα βασιλέως καὶ οὐ σαρκίνη ὃς δ’ ἂν παραδοθῇ συντριβήσεται. ἐὰν γὰρ ὀξυνθῇ ὁ θυμὸς αὐτοῦ σὺν νεύροις ἀνθρώπους ἀναλίσκει. καὶ ὀστᾶ ἀνθρώπων κατατρώγει καὶ συγκαίει ὥσπερ φλὸξ ὥστε ἄβρωτα εἶναι νεοσσοῖς ἀετῶν. Nombres 16.31-16.35 Osée 5.11 Osée 13.10-13.11 Proverbes 16.14 2 Chroniques 13.16-13.17
²³ ταῦτα δὲ λέγω ὑμῖν τοῖς σοφοῖς ἐπιγινώσκειν αἰδεῖσθαι πρόσωπον ἐν κρίσει οὐ καλόν. Proverbes 18.5 Proverbes 28.21 Lévitique 19.15 Proverbes 1.6 Psaumes 107.43
²⁴ ὁ εἰπὼν τὸν ἀσεβῆ δίκαιός ἐστιν ἐπικατάρατος λαοῖς ἔσται καὶ μισητὸς εἰς ἔθνη. Proverbes 17.15 Proverbes 11.26 Esaïe 5.23 Jérémie 6.13-6.14 Proverbes 30.10
²⁵ οἱ δὲ ἐλέγχοντες βελτίους φανοῦνται ἐπ’ αὐτοὺς δὲ ἥξει εὐλογία ἀγαθή. Proverbes 28.23 1 Samuel 3.13 Néhémie 5.7-5.9 Lévitique 19.17 Matthieu 14.4
²⁶ χείλη δὲ φιλήσουσιν ἀποκρινόμενα λόγους ἀγαθούς. Proverbes 25.11-25.12 Daniel 2.46-2.48 Genèse 41.38-41.57 Marc 12.32-12.34 Proverbes 15.23
²⁷ ἑτοίμαζε εἰς τὴν ἔξοδον τὰ ἔργα σου καὶ παρασκευάζου εἰς τὸν ἀγρὸν καὶ πορεύου κατόπισθέν μου καὶ ἀνοικοδομήσεις τὸν οἶκόν σου. Luc 14.28-14.30 1 Rois 6.7 1 Rois 5.17-5.18
²⁸ μὴ ἴσθι ψευδὴς μάρτυς ἐπὶ σὸν πολίτην μηδὲ πλατύνου σοῖς χείλεσιν. Ephésiens 4.25 Proverbes 25.18 Matthieu 26.59-26.60 Proverbes 19.9 Apocalypse 21.8
²⁹ μὴ εἴπῃς ὃν τρόπον ἐχρήσατό μοι χρήσομαι αὐτῷ τείσομαι δὲ αὐτὸν ἅ με ἠδίκησεν. Proverbes 20.22 1 Thessaloniciens 5.15 Romains 12.17-12.21 2 Samuel 13.22-13.28 Juges 15.11
³⁰ ὥσπερ γεώργιον ἀνὴρ ἄφρων καὶ ὥσπερ ἀμπελὼν ἄνθρωπος ἐνδεὴς φρενῶν. Job 5.27 Ecclésiaste 8.9-8.11 Job 15.17 Job 4.8 Psaumes 107.42
³¹ ἐὰν ἀφῇς αὐτόν χερσωθήσεται καὶ χορτομανήσει ὅλος καὶ γίνεται ἐκλελειμμένος οἱ δὲ φραγμοὶ τῶν λίθων αὐτοῦ κατασκάπτονται. Proverbes 23.21 Proverbes 20.4 Proverbes 22.13 Job 31.40 Proverbes 19.23
³² ὕστερον ἐγὼ μετενόησα ἐπέβλεψα τοῦ ἐκλέξασθαι παιδείαν. 1 Corinthiens 10.6 Job 7.17 Deutéronome 21.21 Deutéronome 32.29 Deutéronome 13.11
³³ ὀλίγον νυστάζω ὀλίγον δὲ καθυπνῶ ὀλίγον δὲ ἐναγκαλίζομαι χερσὶν στήθη. 1 Thessaloniciens 5.6-5.8 Romains 13.11 Ephésiens 5.14 Proverbes 6.4-6.11
³⁴ ἐὰν δὲ τοῦτο ποιῇς ἥξει προπορευομένη ἡ πενία σου καὶ ἡ ἔνδειά σου ὥσπερ ἀγαθὸς δρομεύς. Proverbes 10.4 Proverbes 13.4