Jérémie 4.17
Septante

¹ ἐὰν ἐπιστραφῇ Ισραηλ λέγει κύριος πρός με ἐπιστραφήσεται ἐὰν περιέλῃ τὰ βδελύγματα αὐτοῦ ἐκ στόματος αὐτοῦ καὶ ἀπὸ τοῦ προσώπου μου εὐλαβηθῇ.
Joël 2.12 Jérémie 3.22 Jérémie 3.1 Genèse 35.2 Ephésiens 4.22-4.31
² καὶ ὀμόσῃ ζῇ κύριος μετὰ ἀληθείας καὶ ἐν κρίσει καὶ ἐν δικαιοσύνῃ καὶ εὐλογήσουσιν ἐν αὐτῇ ἔθνη καὶ ἐν αὐτῷ αἰνέσουσιν τῷ θεῷ ἐν Ιερουσαλημ.
Esaïe 65.16 Jérémie 9.24 Galates 3.8 Genèse 22.18 Deutéronome 10.20
³ ὅτι τάδε λέγει κύριος τοῖς ἀνδράσιν Ιουδα καὶ τοῖς κατοικοῦσιν Ιερουσαλημ νεώσατε ἑαυτοῖς νεώματα καὶ μὴ σπείρητε ἐπ’ ἀκάνθαις.
Osée 10.12 Luc 8.14 Matthieu 13.7 Marc 4.7 Matthieu 13.22
⁴ περιτμήθητε τῷ θεῷ ὑμῶν καὶ περιτέμεσθε τὴν σκληροκαρδίαν ὑμῶν ἄνδρες Ιουδα καὶ οἱ κατοικοῦντες Ιερουσαλημ μὴ ἐξέλθῃ ὡς πῦρ ὁ θυμός μου καὶ ἐκκαυθήσεται καὶ οὐκ ἔσται ὁ σβέσων ἀπὸ προσώπου πονηρίας ἐπιτηδευμάτων ὑμῶν.
Deutéronome 10.16 Romains 2.28-2.29 Jérémie 9.26 Deutéronome 30.6 Colossiens 2.11

Annonce d’une invasion étrangère

⁵ ἀναγγείλατε ἐν τῷ Ιουδα καὶ ἀκουσθήτω ἐν Ιερουσαλημ εἴπατε σημάνατε ἐπὶ τῆς γῆς σάλπιγγι καὶ κεκράξατε μέγα εἴπατε συνάχθητε καὶ εἰσέλθωμεν εἰς τὰς πόλεις τὰς τειχήρεις.
Jérémie 8.14 Jérémie 6.1 Josué 10.20 Osée 8.1 Jérémie 5.20
⁶ ἀναλαβόντες φεύγετε εἰς Σιων σπεύσατε μὴ στῆτε ὅτι κακὰ ἐγὼ ἐπάγω ἀπὸ βορρᾶ καὶ συντριβὴν μεγάλην.
Jérémie 1.13-1.15 Jérémie 50.2 Esaïe 62.10 Jérémie 51.12 Jérémie 4.21
⁷ ἀνέβη λέων ἐκ τῆς μάνδρας αὐτοῦ ἐξολεθρεύων ἔθνη ἐξῆρεν καὶ ἐξῆλθεν ἐκ τοῦ τόπου αὐτοῦ τοῦ θεῖναι τὴν γῆν εἰς ἐρήμωσιν καὶ πόλεις καθαιρεθήσονται παρὰ τὸ μὴ κατοικεῖσθαι αὐτάς.
Jérémie 2.15 Jérémie 5.6 Ezéchiel 26.7-26.10 Esaïe 1.7 Jérémie 25.9
⁸ ἐπὶ τούτοις περιζώσασθε σάκκους καὶ κόπτεσθε καὶ ἀλαλάξατε διότι οὐκ ἀπεστράφη ὁ θυμὸς κυρίου ἀφ’ ὑμῶν.
Jérémie 6.26 Esaïe 22.12 Esaïe 32.11 Esaïe 5.25 Esaïe 10.4
⁹ καὶ ἔσται ἐν ἐκείνῃ τῇ ἡμέρᾳ λέγει κύριος ἀπολεῖται ἡ καρδία τοῦ βασιλέως καὶ ἡ καρδία τῶν ἀρχόντων καὶ οἱ ἱερεῖς ἐκστήσονται καὶ οἱ προφῆται θαυμάσονται.
Esaïe 29.9-29.10 Esaïe 22.3-22.5 Ezéchiel 13.9-13.16 Jérémie 5.31 Jérémie 37.19
¹⁰ καὶ εἶπα ὦ δέσποτα κύριε ἄρα γε ἀπατῶν ἠπάτησας τὸν λαὸν τοῦτον καὶ τὴν Ιερουσαλημ λέγων εἰρήνη ἔσται ὑμῖν καὶ ἰδοὺ ἥψατο ἡ μάχαιρα ἕως τῆς ψυχῆς αὐτῶν.
Jérémie 5.12 Ezéchiel 11.13 Jérémie 4.18 Romains 1.26 Romains 1.28
¹¹ ἐν τῷ καιρῷ ἐκείνῳ ἐροῦσιν τῷ λαῷ τούτῳ καὶ τῇ Ιερουσαλημ πνεῦμα πλανήσεως ἐν τῇ ἐρήμῳ ὁδὸς τῆς θυγατρὸς τοῦ λαοῦ μου οὐκ εἰς καθαρὸν οὐδ’ εἰς ἅγιον.
Osée 13.15 Ezéchiel 17.10 Lamentations 4.3 Luc 3.17 Esaïe 41.16
¹² πνεῦμα πληρώσεως ἥξει μοι νῦν δὲ ἐγὼ λαλῶ κρίματα πρὸς αὐτούς.
Jérémie 1.16 Ezéchiel 7.8-7.9 Ezéchiel 6.11-6.13 Ezéchiel 5.8
¹³ ἰδοὺ ὡς νεφέλη ἀναβήσεται καὶ ὡς καταιγὶς τὰ ἅρματα αὐτοῦ κουφότεροι ἀετῶν οἱ ἵπποι αὐτοῦ οὐαὶ ἡμῖν ὅτι ταλαιπωροῦμεν.
Esaïe 5.28 Esaïe 66.15 Lamentations 4.19 Esaïe 19.1 Habakuk 1.8
¹⁴ ἀπόπλυνε ἀπὸ κακίας τὴν καρδίαν σου Ιερουσαλημ ἵνα σωθῇς ἕως πότε ὑπάρξουσιν ἐν σοὶ διαλογισμοὶ πόνων σου.
Jacques 4.8 Jérémie 13.27 Esaïe 55.7 Proverbes 1.22 Actes 8.22
¹⁵ διότι φωνὴ ἀναγγέλλοντος ἐκ Δαν ἥξει καὶ ἀκουσθήσεται πόνος ἐξ ὄρους Εφραιμ.
Jérémie 8.16 Josué 17.15 Jérémie 6.1 Josué 20.7 Juges 20.1
¹⁶ ἀναμνήσατε ἔθνη ἰδοὺ ἥκασιν ἀναγγείλατε ἐν Ιερουσαλημ συστροφαὶ ἔρχονται ἐκ γῆς μακρόθεν καὶ ἔδωκαν ἐπὶ τὰς πόλεις Ιουδα φωνὴν αὐτῶν.
Ezéchiel 21.22 Jérémie 5.15 Esaïe 39.3 Esaïe 34.1 Jérémie 5.6
¹⁷ ὡς φυλάσσοντες ἀγρὸν ἐγένοντο ἐπ’ αὐτὴν κύκλῳ ὅτι ἐμοῦ ἠμέλησας λέγει κύριος.
Jérémie 5.23 2 Rois 25.1-25.4 Esaïe 1.20-1.23 Néhémie 9.26 Lamentations 1.8
¹⁸ αἱ ὁδοί σου καὶ τὰ ἐπιτηδεύματά σου ἐποίησαν ταῦτά σοι αὕτη ἡ κακία σου ὅτι πικρά ὅτι ἥψατο ἕως τῆς καρδίας σου.
Jérémie 2.19 Jérémie 2.17 Esaïe 50.1 Psaumes 107.17 Jérémie 5.19
¹⁹ τὴν κοιλίαν μου τὴν κοιλίαν μου ἀλγῶ καὶ τὰ αἰσθητήρια τῆς καρδίας μου μαιμάσσει ἡ ψυχή μου σπαράσσεται ἡ καρδία μου οὐ σιωπήσομαι ὅτι φωνὴν σάλπιγγος ἤκουσεν ἡ ψυχή μου κραυγὴν πολέμου.
Esaïe 22.4 Esaïe 16.11 Jérémie 9.10 Habakuk 3.16 Jérémie 9.1
²⁰ καὶ ταλαιπωρίαν συντριμμὸν ἐπικαλεῖται ὅτι τεταλαιπώρηκεν πᾶσα ἡ γῆ ἄφνω τεταλαιπώρηκεν ἡ σκηνή διεσπάσθησαν αἱ δέρρεις μου.
Psaumes 42.7 2 Thessaloniciens 1.9 Esaïe 13.6 Lévitique 26.28 Lamentations 3.47
²¹ ἕως πότε ὄψομαι φεύγοντας ἀκούων φωνὴν σαλπίγγων.
Jérémie 4.19 2 Chroniques 36.10 Jérémie 6.1 Jérémie 4.5-4.6 2 Chroniques 36.3
²² διότι οἱ ἡγούμενοι τοῦ λαοῦ μου ἐμὲ οὐκ ᾔδεισαν υἱοὶ ἄφρονές εἰσιν καὶ οὐ συνετοί σοφοί εἰσιν τοῦ κακοποιῆσαι τὸ δὲ καλῶς ποιῆσαι οὐκ ἐπέγνωσαν.
Romains 16.19 1 Corinthiens 14.20 Jérémie 5.21 Romains 3.11 Deutéronome 32.28
²³ ἐπέβλεψα ἐπὶ τὴν γῆν καὶ ἰδοὺ οὐθέν καὶ εἰς τὸν οὐρανόν καὶ οὐκ ἦν τὰ φῶτα αὐτοῦ.
Marc 13.24-13.25 Matthieu 24.29 Luc 21.25-21.26 Genèse 1.2 Esaïe 13.10
²⁴ εἶδον τὰ ὄρη καὶ ἦν τρέμοντα καὶ πάντας τοὺς βουνοὺς ταρασσομένους.
Ezéchiel 38.20 Esaïe 5.25 Jérémie 10.10 Jérémie 8.16 Psaumes 77.18
²⁵ ἐπέβλεψα καὶ ἰδοὺ οὐκ ἦν ἄνθρωπος καὶ πάντα τὰ πετεινὰ τοῦ οὐρανοῦ ἐπτοεῖτο.
Jérémie 9.10 Jérémie 12.4 Sophonie 1.2-1.3 Osée 4.3
²⁶ εἶδον καὶ ἰδοὺ ὁ Κάρμηλος ἔρημος καὶ πᾶσαι αἱ πόλεις ἐμπεπυρισμέναι πυρὶ ἀπὸ προσώπου κυρίου καὶ ἀπὸ προσώπου ὀργῆς θυμοῦ αὐτοῦ ἠφανίσθησαν.
Psaumes 107.34 Michée 3.12 Deutéronome 29.23-29.28 Psaumes 76.7 Jérémie 14.2-14.6
²⁷ τάδε λέγει κύριος ἔρημος ἔσται πᾶσα ἡ γῆ συντέλειαν δὲ οὐ μὴ ποιήσω.
Jérémie 5.18 Jérémie 46.28 Jérémie 5.10 Jérémie 30.11 Romains 11.1-11.7
²⁸ ἐπὶ τούτοις πενθείτω ἡ γῆ καὶ συσκοτασάτω ὁ οὐρανὸς ἄνωθεν διότι ἐλάλησα καὶ οὐ μετανοήσω ὥρμησα καὶ οὐκ ἀποστρέψω ἀπ’ αὐτῆς.
Esaïe 50.3 Osée 4.3 Nombres 23.19 Jérémie 12.4 Esaïe 5.30
²⁹ ἀπὸ φωνῆς ἱππέως καὶ ἐντεταμένου τόξου ἀνεχώρησεν πᾶσα χώρα εἰσέδυσαν εἰς τὰ σπήλαια καὶ εἰς τὰ ἄλση ἐκρύβησαν καὶ ἐπὶ τὰς πέτρας ἀνέβησαν πᾶσα πόλις ἐγκατελείφθη οὐ κατοικεῖ ἐν αὐταῖς ἄνθρωπος.
Esaïe 2.19-2.21 Jérémie 4.7 2 Chroniques 33.11 Esaïe 30.17 2 Rois 25.4-25.7
³⁰ καὶ σὺ τί ποιήσεις ἐὰν περιβάλῃ κόκκινον καὶ κοσμήσῃ κόσμῳ χρυσῷ καὶ ἐὰν ἐγχρίσῃ στίβι τοὺς ὀφθαλμούς σου εἰς μάτην ὁ ὡραϊσμός σου ἀπώσαντό σε οἱ ἐρασταί σου τὴν ψυχήν σου ζητοῦσιν.
2 Rois 9.30 Lamentations 1.2 Esaïe 10.3 Lamentations 1.19 Jérémie 13.21
³¹ ὅτι φωνὴν ὡς ὠδινούσης ἤκουσα τοῦ στεναγμοῦ σου ὡς πρωτοτοκούσης φωνὴ θυγατρὸς Σιων ἐκλυθήσεται καὶ παρήσει τὰς χεῖρας αὐτῆς οἴμμοι ἐγώ ὅτι ἐκλείπει ἡ ψυχή μου ἐπὶ τοῖς ἀνῃρημένοις.
Lamentations 1.17 Esaïe 1.15 Jérémie 13.21 Esaïe 13.8 Jérémie 14.18