Ezéchiel 21.29
Septante

Jugement d’Israël et des Ammonites

¹ καὶ ἐγένετο λόγος κυρίου πρός με λέγων.
² υἱὲ ἀνθρώπου στήρισον τὸ πρόσωπόν σου ἐπὶ Θαιμαν καὶ ἐπίβλεψον ἐπὶ Δαρωμ καὶ προφήτευσον ἐπὶ δρυμὸν ἡγούμενον Ναγεβ.
Ezéchiel 20.46 Ezéchiel 4.7 Ezéchiel 28.21 Ezéchiel 25.2 Michée 2.6
³ καὶ ἐρεῖς τῷ δρυμῷ Ναγεβ ἄκουε λόγον κυρίου τάδε λέγει κύριος κύριος ἰδοὺ ἐγὼ ἀνάπτω ἐν σοὶ πῦρ καὶ καταφάγεται ἐν σοὶ πᾶν ξύλον χλωρὸν καὶ πᾶν ξύλον ξηρόν οὐ σβεσθήσεται ἡ φλὸξ ἡ ἐξαφθεῖσα καὶ κατακαυθήσεται ἐν αὐτῇ πᾶν πρόσωπον ἀπὸ ἀπηλιώτου ἕως βορρᾶ.
Jérémie 21.13 Job 9.22 Ezéchiel 21.19 Nahum 2.13 Ezéchiel 5.8
⁴ καὶ ἐπιγνώσονται πᾶσα σὰρξ ὅτι ἐγὼ κύριος ἐξέκαυσα αὐτό καὶ οὐ σβεσθήσεται.
Ezéchiel 20.47 Ezéchiel 7.2 Ezéchiel 6.11-6.14
⁵ καὶ εἶπα μηδαμῶς κύριε κύριε αὐτοὶ λέγουσιν πρός με οὐχὶ παραβολή ἐστιν λεγομένη αὕτη.
Ezéchiel 21.30 Nahum 1.9 1 Samuel 3.12 Ezéchiel 20.48 Jérémie 23.20
⁶ καὶ ἐγένετο λόγος κυρίου πρός με λέγων.
Esaïe 22.4 Ezéchiel 6.11 Ezéchiel 12.3-12.5 Jérémie 19.10 Habakuk 3.16
⁷ διὰ τοῦτο προφήτευσον υἱὲ ἀνθρώπου καὶ στήρισον τὸ πρόσωπόν σου ἐπὶ Ιερουσαλημ καὶ ἐπίβλεψον ἐπὶ τὰ ἅγια αὐτῶν καὶ προφητεύσεις ἐπὶ τὴν γῆν τοῦ Ισραηλ.
Ezéchiel 7.17 Nahum 2.10 Esaïe 13.7 Ezéchiel 7.26 Jérémie 50.43
⁸ καὶ ἐρεῖς πρὸς τὴν γῆν τοῦ Ισραηλ ἰδοὺ ἐγὼ πρὸς σὲ καὶ ἐκσπάσω τὸ ἐγχειρίδιόν μου ἐκ τοῦ κολεοῦ αὐτοῦ καὶ ἐξολεθρεύσω ἐκ σοῦ ἄδικον καὶ ἄνομον.
⁹ ἀνθ’ ὧν ἐξολεθρεύσω ἐκ σοῦ ἄδικον καὶ ἄνομον οὕτως ἐξελεύσεται τὸ ἐγχειρίδιόν μου ἐκ τοῦ κολεοῦ αὐτοῦ ἐπὶ πᾶσαν σάρκα ἀπὸ ἀπηλιώτου ἕως βορρᾶ.
Ezéchiel 21.3 Deutéronome 32.41-32.42 Amos 9.4 Esaïe 27.1 Esaïe 66.16
¹⁰ καὶ ἐπιγνώσεται πᾶσα σὰρξ διότι ἐγὼ κύριος ἐξέσπασα τὸ ἐγχειρίδιόν μου ἐκ τοῦ κολεοῦ αὐτοῦ καὶ οὐκ ἀποστρέψει οὐκέτι.
Psaumes 110.5-110.6 Ezéchiel 20.47 Esaïe 5.12-5.14 Esaïe 22.12-22.14 Ezéchiel 19.11-19.14
¹¹ καὶ σύ υἱὲ ἀνθρώπου καταστέναξον ἐν συντριβῇ ὀσφύος σου καὶ ἐν ὀδύναις στενάξεις κατ’ ὀφθαλμοὺς αὐτῶν.
Ezéchiel 21.19 Jérémie 25.33 Jérémie 51.20-51.23 Jérémie 25.9
¹² καὶ ἔσται ἐὰν εἴπωσιν πρὸς σέ ἕνεκα τίνος σὺ στενάζεις καὶ ἐρεῖς ἐπὶ τῇ ἀγγελίᾳ διότι ἔρχεται καὶ θραυσθήσεται πᾶσα καρδία καὶ πᾶσαι χεῖρες παραλυθήσονται καὶ ἐκψύξει πᾶσα σὰρξ καὶ πᾶν πνεῦμα καὶ πάντες μηροὶ μολυνθήσονται ὑγρασίᾳ ἰδοὺ ἔρχεται καὶ ἔσται λέγει κύριος κύριος.
Ezéchiel 21.6 Joël 1.13 Ezéchiel 9.8 Ezéchiel 30.2 Michée 1.8
¹³ καὶ ἐγένετο λόγος κυρίου πρός με λέγων.
Ezéchiel 21.10 2 Corinthiens 8.2 Job 9.23 Ezéchiel 21.25
¹⁴ υἱὲ ἀνθρώπου προφήτευσον καὶ ἐρεῖς τάδε λέγει κύριος εἰπόν ῥομφαία ῥομφαία ὀξύνου καὶ θυμώθητι.
Nombres 24.10 2 Rois 24.1 Ezéchiel 6.11 Lévitique 26.24 2 Rois 24.10-24.16
¹⁵ ὅπως σφάξῃς σφάγια ὀξύνου ὅπως γένῃ εἰς στίλβωσιν ἑτοίμη εἰς παράλυσιν σφάζε ἐξουδένει ἀπωθοῦ πᾶν ξύλον.
Ezéchiel 21.7 Jérémie 17.27 Ezéchiel 21.10 Ezéchiel 15.7 Ezéchiel 21.28
¹⁶ καὶ ἔδωκεν αὐτὴν ἑτοίμην τοῦ κρατεῖν χεῖρα αὐτοῦ ἐξηκονήθη ῥομφαία ἔστιν ἑτοίμη τοῦ δοῦναι αὐτὴν εἰς χεῖρα ἀποκεντοῦντος.
Ezéchiel 21.20 Ezéchiel 14.17 Ezéchiel 21.4 Ezéchiel 16.46 Genèse 13.9
¹⁷ ἀνάκραγε καὶ ὀλόλυξον υἱὲ ἀνθρώπου ὅτι αὐτὴ ἐγένετο ἐν τῷ λαῷ μου αὐτὴ ἐν πᾶσιν τοῖς ἀφηγουμένοις τοῦ Ισραηλ παροικήσουσιν ἐπὶ ῥομφαίᾳ ἐγένετο ἐν τῷ λαῷ μου διὰ τοῦτο κρότησον ἐπὶ τὴν χεῖρά σου.
Ezéchiel 5.13 Ezéchiel 21.14 Ezéchiel 22.13 Esaïe 1.24 Deutéronome 28.63
¹⁸ ὅτι δεδικαίωται καὶ τί εἰ καὶ φυλὴ ἀπώσθη οὐκ ἔσται λέγει κύριος κύριος.
¹⁹ καὶ σύ υἱὲ ἀνθρώπου προφήτευσον καὶ κρότησον χεῖρα ἐπὶ χεῖρα καὶ διπλασίασον ῥομφαίαν ἡ τρίτη ῥομφαία τραυματιῶν ἐστιν ῥομφαία τραυματιῶν ἡ μεγάλη καὶ ἐκστήσει αὐτούς.
Jérémie 1.10 Ezéchiel 4.1-4.3 Ezéchiel 5.1-5.17
²⁰ ὅπως θραυσθῇ ἡ καρδία καὶ πληθυνθῶσιν οἱ ἀσθενοῦντες ἐπὶ πᾶσαν πύλην αὐτῶν παραδέδονται εἰς σφάγια ῥομφαίας εὖ γέγονεν εἰς σφαγήν εὖ γέγονεν εἰς στίλβωσιν.
Amos 1.14 Jérémie 49.2 Deutéronome 3.11 Ezéchiel 25.5 Psaumes 48.12-48.13
²¹ διαπορεύου ὀξύνου ἐκ δεξιῶν καὶ ἐξ εὐωνύμων οὗ ἂν τὸ πρόσωπόν σου ἐξεγείρηται.
Genèse 31.19 Proverbes 16.33 Genèse 31.30 Juges 18.20 Juges 17.5
²² καὶ ἐγὼ δὲ κροτήσω χεῖρά μου πρὸς χεῖρά μου καὶ ἐναφήσω τὸν θυμόν μου ἐγὼ κύριος λελάληκα.
Ezéchiel 4.2 Ezéchiel 26.9 Jérémie 52.4 Josué 6.20 Job 39.25
²³ καὶ ἐγένετο λόγος κυρίου πρός με λέγων.
Nombres 5.15 Ezéchiel 21.24 Ezéchiel 29.16 Jérémie 52.3-52.11 1 Rois 17.18
²⁴ καὶ σύ υἱὲ ἀνθρώπου διάταξον σεαυτῷ δύο ὁδοὺς τοῦ εἰσελθεῖν ῥομφαίαν βασιλέως Βαβυλῶνος ἐκ χώρας μιᾶς ἐξελεύσονται αἱ δύο καὶ χεὶρ ἐν ἀρχῇ ὁδοῦ πόλεως ἐπ’ ἀρχῆς.
Ezéchiel 24.7 Jérémie 5.27-5.28 Ezéchiel 23.5-23.21 Michée 3.10-3.12 Jérémie 8.12
²⁵ ὁδοῦ διατάξεις τοῦ εἰσελθεῖν ῥομφαίαν ἐπὶ Ραββαθ υἱῶν Αμμων καὶ ἐπὶ τὴν Ιουδαίαν καὶ ἐπὶ Ιερουσαλημ ἐν μέσῳ αὐτῆς.
Ezéchiel 35.5 Ezéchiel 21.29 Ezéchiel 17.19 Jérémie 52.2 2 Chroniques 36.13
²⁶ διότι στήσεται βασιλεὺς Βαβυλῶνος ἐπὶ τὴν ἀρχαίαν ὁδὸν ἐπ’ ἀρχῆς τῶν δύο ὁδῶν τοῦ μαντεύσασθαι μαντείαν τοῦ ἀναβράσαι ῥάβδον καὶ ἐπερωτῆσαι ἐν τοῖς γλυπτοῖς καὶ ἡπατοσκοπήσασθαι ἐκ δεξιῶν αὐτοῦ.
Ezéchiel 17.24 Psaumes 75.7 Jérémie 13.18 Jérémie 52.31-52.34 Ezéchiel 16.12
²⁷ ἐγένετο τὸ μαντεῖον ἐπὶ Ιερουσαλημ τοῦ βαλεῖν χάρακα τοῦ διανοῖξαι στόμα ἐν βοῇ ὑψῶσαι φωνὴν μετὰ κραυγῆς τοῦ βαλεῖν χάρακα ἐπὶ τὰς πύλας αὐτῆς καὶ βαλεῖν χῶμα καὶ οἰκοδομῆσαι βελοστάσεις.
Psaumes 2.6 Michée 5.2 Aggée 2.21-2.22 Jérémie 23.5-23.6 Genèse 49.10
²⁸ καὶ αὐτὸς αὐτοῖς ὡς μαντευόμενος μαντείαν ἐνώπιον αὐτῶν καὶ αὐτὸς ἀναμιμνῄσκων ἀδικίας αὐτοῦ μνησθῆναι.
Ezéchiel 21.9-21.10 Ezéchiel 21.20 Sophonie 2.8-2.10 Ezéchiel 25.2-25.7 Jérémie 12.12
²⁹ διὰ τοῦτο τάδε λέγει κύριος ἀνθ’ ὧν ἀνεμνήσατε τὰς ἀδικίας ὑμῶν ἐν τῷ ἀποκαλυφθῆναι τὰς ἀσεβείας ὑμῶν τοῦ ὁραθῆναι ἁμαρτίας ὑμῶν ἐν πάσαις ταῖς ἀσεβείαις ὑμῶν καὶ ἐν τοῖς ἐπιτηδεύμασιν ὑμῶν ἀνθ’ ὧν ἀνεμνήσατε ἐν τούτοις ἁλώσεσθε.
Ezéchiel 21.25 Ezéchiel 22.28 Jérémie 27.9 Ezéchiel 35.5 Psaumes 37.13
³⁰ καὶ σύ βέβηλε ἄνομε ἀφηγούμενε τοῦ Ισραηλ οὗ ἥκει ἡ ἡμέρα ἐν καιρῷ ἀδικίας πέρας.
Jérémie 47.6-47.7 Ezéchiel 16.38 Ezéchiel 28.15 Ezéchiel 16.3-16.4 Genèse 15.14
³¹ τάδε λέγει κύριος ἀφείλου τὴν κίδαριν καὶ ἐπέθου τὸν στέφανον αὕτη οὐ τοιαύτη ἔσται ἐταπείνωσας τὸ ὑψηλὸν καὶ τὸ ταπεινὸν ὕψωσας.
Ezéchiel 7.8 Jérémie 6.22-6.23 Esaïe 30.33 Ezéchiel 14.19 Psaumes 18.15
³² ἀδικίαν ἀδικίαν θήσομαι αὐτήν οὐδ’ αὕτη τοιαύτη ἔσται ἕως οὗ ἔλθῃ ᾧ καθήκει καὶ παραδώσω αὐτῷ.
Ezéchiel 25.10 Malachie 4.1 Ezéchiel 20.47-20.48 Matthieu 3.10 Sophonie 2.9
³³ καὶ σύ υἱὲ ἀνθρώπου προφήτευσον καὶ ἐρεῖς τάδε λέγει κύριος πρὸς τοὺς υἱοὺς Αμμων καὶ πρὸς τὸν ὀνειδισμὸν αὐτῶν καὶ ἐρεῖς ῥομφαία ῥομφαία ἐσπασμένη εἰς σφάγια καὶ ἐσπασμένη εἰς συντέλειαν ἐγείρου ὅπως στίλβῃς.
³⁴ ἐν τῇ ὁράσει σου τῇ ματαίᾳ καὶ ἐν τῷ μαντεύεσθαί σε ψευδῆ τοῦ παραδοῦναί σε ἐπὶ τραχήλους τραυματιῶν ἀνόμων ὧν ἥκει ἡ ἡμέρα ἐν καιρῷ ἀδικίας πέρας.
³⁵ ἀπόστρεφε μὴ καταλύσῃς ἐν τῷ τόπῳ τούτῳ ᾧ γεγέννησαι ἐν τῇ γῇ τῇ ἰδίᾳ σου κρινῶ σε.
³⁶ καὶ ἐκχεῶ ἐπὶ σὲ ὀργήν μου ἐν πυρὶ ὀργῆς μου ἐμφυσήσω ἐπὶ σὲ καὶ παραδώσω σε εἰς χεῖρας ἀνδρῶν βαρβάρων τεκταινόντων διαφθοράν.
³⁷ ἐν πυρὶ ἔσῃ κατάβρωμα τὸ αἷμά σου ἔσται ἐν μέσῳ τῆς γῆς σου οὐ μὴ γένηταί σου μνεία διότι ἐγὼ κύριος λελάληκα.