Exode 4.14
Vulgate

¹ respondens Moses ait non credent mihi neque audient vocem meam sed dicent non apparuit tibi Dominus
Exode 3.18 Exode 2.14 Actes 7.25 Exode 4.31 Ezéchiel 3.14
² dixit ergo ad eum quid est hoc quod tenes in manu tua respondit virga
Exode 4.20 Exode 4.17 Lévitique 27.32 Psaumes 110.2 Michée 7.14
³ ait proice eam in terram proiecit et versa est in colubrum ita ut fugeret Moses
Exode 4.17 Exode 7.10-7.15 Amos 5.19
⁴ dixitque Dominus extende manum tuam et adprehende caudam eius extendit et tenuit versaque est in virgam
Actes 28.3-28.6 Jean 2.5 Psaumes 91.13 Luc 10.19 Genèse 22.1-22.2
⁵ ut credant inquit quod apparuerit tibi Dominus Deus patrum tuorum Deus Abraham Deus Isaac Deus Iacob
Exode 19.9 Genèse 48.3 Exode 3.15 Exode 4.31 Genèse 12.7
⁶ dixitque Dominus rursum mitte manum in sinum tuum quam cum misisset in sinum protulit leprosam instar nivis
Nombres 12.10 2 Rois 5.27
⁷ retrahe ait manum in sinum tuum retraxit et protulit iterum et erat similis carni reliquae
2 Rois 5.14 Deutéronome 32.39 Matthieu 8.3 Nombres 12.13-12.15
⁸ si non crediderint inquit tibi neque audierint sermonem signi prioris credent verbo signi sequentis
2 Rois 5.7 Jean 12.37 Job 5.18 Exode 4.30-4.31 Esaïe 28.10
⁹ quod si nec duobus quidem his signis crediderint neque audierint vocem tuam sume aquam fluminis et effunde eam super aridam et quicquid hauseris de fluvio vertetur in sanguinem
Exode 7.19-7.25 Exode 1.22 Matthieu 7.2
¹⁰ ait Moses obsecro Domine non sum eloquens ab heri et nudius tertius et ex quo locutus es ad servum tuum inpeditioris et tardioris linguae sum
Exode 6.12 Jérémie 1.6 Actes 7.22 Exode 4.1 2 Corinthiens 11.6
¹¹ dixit Dominus ad eum quis fecit os hominis aut quis fabricatus est mutum et surdum videntem et caecum nonne ego
Amos 3.6 Psaumes 94.9 Psaumes 146.8 Ezéchiel 3.26-3.27 Jérémie 1.9
¹² perge igitur et ego ero in ore tuo doceboque te quid loquaris
Matthieu 10.19-10.20 Jérémie 1.9 Marc 13.11 Luc 21.14-21.15 Luc 12.11-12.12
¹³ at ille obsecro inquit Domine mitte quem missurus es
Matthieu 13.41 Juges 2.1 Exode 23.20 Jean 6.29 Genèse 48.16
¹⁴ iratus Dominus in Mosen ait Aaron frater tuus Levites scio quod eloquens sit ecce ipse egreditur in occursum tuum vidensque te laetabitur corde
Exode 4.27 Actes 15.28 Philippiens 2.21 1 Thessaloniciens 3.6-3.7 2 Samuel 6.7
¹⁵ loquere ad eum et pone verba mea in ore eius ego ero in ore tuo et in ore illius et ostendam vobis quid agere debeatis
Esaïe 51.16 Nombres 23.16 Nombres 23.5 Nombres 23.12 Deutéronome 18.18
¹⁶ ipse loquetur pro te ad populum et erit os tuum tu autem eris ei in his quae ad Deum pertinent
Exode 7.1-7.2 Exode 18.19 Psaumes 82.6 Jean 10.34-10.35
¹⁷ virgam quoque hanc sume in manu tua in qua facturus es signa
Exode 4.2 Exode 7.9-7.20 1 Corinthiens 1.27
¹⁸ abiit Moses et reversus est ad Iethro cognatum suum dixitque ei vadam et revertar ad fratres meos in Aegyptum ut videam si adhuc vivunt cui ait Iethro vade in pace
Exode 3.1 1 Samuel 1.17 Genèse 45.3 Actes 15.36 Actes 16.36

Retour de Moïse en Égypte

¹⁹ dixit ergo Dominus ad Mosen in Madian vade revertere in Aegyptum mortui sunt omnes qui quaerebant animam tuam
Exode 2.23 Exode 2.15 Matthieu 2.20
²⁰ tulit Moses uxorem et filios suos et inposuit eos super asinum reversusque est in Aegyptum portans virgam Dei in manu sua
Exode 17.9 Nombres 20.8-20.9 Exode 4.17 Nombres 20.11 Exode 18.3-18.4
²¹ dixitque ei Dominus revertenti in Aegyptum vide ut omnia ostenta quae posui in manu tua facias coram Pharaone ego indurabo cor eius et non dimittet populum
Romains 9.18 Esaïe 63.17 Exode 14.8 Exode 7.13 Exode 3.20
²² dicesque ad eum haec dicit Dominus filius meus primogenitus meus Israhel
Osée 11.1 Jérémie 31.9 Romains 9.4 Deutéronome 14.1 2 Corinthiens 6.18
²³ dixi tibi dimitte filium meum ut serviat mihi et noluisti dimittere eum ecce ego interficiam filium tuum primogenitum
Exode 11.5 Exode 12.29 Psaumes 105.36 Psaumes 135.8 Exode 5.1
²⁴ cumque esset in itinere in diversorio occurrit ei Dominus et volebat occidere eum
Genèse 17.14 1 Chroniques 21.16 Lévitique 10.3 Genèse 42.27 Osée 13.8
²⁵ tulit ilico Seffora acutissimam petram et circumcidit praeputium filii sui tetigitque pedes eius et ait sponsus sanguinum tu mihi es
Josué 5.2-5.3 Genèse 17.14 2 Samuel 16.7
²⁶ et dimisit eum postquam dixerat sponsus sanguinum ob circumcisionem
²⁷ dixit autem Dominus ad Aaron vade in occursum Mosi in deserto qui perrexit ei obviam in montem Dei et osculatus est eum
Exode 3.1 Exode 24.15-24.17 1 Rois 19.8 Exode 20.18 Actes 10.5-10.6
²⁸ narravitque Moses Aaron omnia verba Domini quibus miserat eum et signa quae mandaverat
Exode 4.15-4.16 Exode 4.8-4.9 Matthieu 21.29 Jonas 3.2
²⁹ veneruntque simul et congregaverunt cunctos seniores filiorum Israhel
Exode 3.16 Exode 24.1 Exode 24.11
³⁰ locutusque est Aaron omnia verba quae dixerat Dominus ad Mosen et fecit signa coram populo
Exode 4.16
³¹ et credidit populus audieruntque quod visitasset Dominus filios Israhel et quod respexisset adflictionem eorum et proni adoraverunt
Exode 3.18 Exode 2.25 Exode 3.16 Luc 8.13 Psaumes 106.12-106.13