Actes 10
Vulgate

L’Évangile annoncé aux non-Juifs

1 vir autem quidam erat in Caesarea nomine Cornelius centurio cohortis quae dicitur Italica
Actes 27.1 Actes 8.40 Actes 27.43 Luc 7.2 Actes 27.31
2 religiosus et timens Deum cum omni domo sua faciens elemosynas multas plebi et deprecans Deum semper
Actes 10.22 Actes 13.26 Actes 13.16 Actes 10.35 Actes 10.7
3 vidit in visu manifeste quasi hora nona diei angelum Dei introeuntem ad se et dicentem sibi Corneli
Actes 3.1 Actes 5.19 Actes 10.30 Actes 9.10 Actes 10.17
4 at ille intuens eum timore correptus dixit quid est domine dixit autem illi orationes tuae et elemosynae tuae ascenderunt in memoriam in conspectu Dei
Hébreux 6.10 Malachie 3.16 Actes 10.31 Luc 1.12-1.13 Actes 9.5-9.6
5 et nunc mitte viros in Ioppen et accersi Simonem quendam qui cognominatur Petrus
Actes 10.32 Actes 9.38 Actes 16.9 Marc 3.16 Actes 15.7
6 hic hospitatur apud Simonem quendam coriarium cuius est domus iuxta mare
Actes 9.43 Actes 11.13-11.14 Actes 9.6 Ephésiens 4.8-4.12 Jean 7.17
7 et cum discessisset angelus qui loquebatur illi vocavit duos domesticos suos et militem metuentem Dominum ex his qui illi parebant
Philémon 1.16 1 Timothée 6.2 Actes 10.1-10.2 Matthieu 8.9-8.10 Luc 3.14
8 quibus cum narrasset omnia misit illos in Ioppen
Actes 26.19 Psaumes 119.59-119.60 Actes 10.33 Ecclésiaste 9.10 Actes 9.36
9 postera autem die iter illis facientibus et adpropinquantibus civitati ascendit Petrus in superiora ut oraret circa horam sextam
Sophonie 1.5 Psaumes 55.17 1 Samuel 9.25 Matthieu 27.45 Matthieu 24.17
10 et cum esuriret voluit gustare parantibus autem eis cecidit super eum mentis excessus
Actes 22.17 Matthieu 21.18 Matthieu 4.2 Ezéchiel 11.24 Ezéchiel 8.1-8.3
11 et videt caelum apertum et descendens vas quoddam velut linteum magnum quattuor initiis submitti de caelo in terram
Jean 1.51 Romains 16.25-16.26 Apocalypse 19.11 Apocalypse 4.1 Esaïe 19.23-19.25
12 in quo erant omnia quadrupedia et serpentia terrae et volatilia caeli
Genèse 7.8-7.9 Esaïe 11.6-11.9 1 Corinthiens 6.9-6.11 Jean 7.37 Esaïe 65.25
13 et facta est vox ad eum surge Petre et occide et manduca
Actes 10.10 Jérémie 35.2-35.5 Jean 4.31-4.34
14 ait autem Petrus absit Domine quia numquam manducavi omne commune et inmundum
Ezéchiel 4.14 Lévitique 20.25 Lévitique 11.1-11.25 Actes 10.28 Daniel 1.8
15 et vox iterum secundo ad eum quae Deus purificavit ne tu commune dixeris
Tite 1.15 1 Corinthiens 10.25 Matthieu 15.11 1 Timothée 4.3-4.5 Romains 14.14
16 hoc autem factum est per ter et statim receptum est vas in caelum
Genèse 41.32 Jean 21.17 2 Corinthiens 13.1
17 et dum intra se haesitaret Petrus quidnam esset visio quam vidisset ecce viri qui missi erant a Cornelio inquirentes domum Simonis adstiterunt ad ianuam
Actes 25.20 Actes 2.12 1 Pierre 1.11 Jean 13.12 Actes 9.43
18 et cum vocassent interrogabant si Simon qui cognominatur Petrus illic haberet hospitium
Actes 11.11 Actes 10.5-10.6
19 Petro autem cogitante de visione dixit Spiritus ei ecce viri tres quaerunt te
Actes 8.29 1 Corinthiens 12.11 Jean 16.13 Actes 16.6-16.7 Actes 11.12
20 surge itaque et descende et vade cum eis nihil dubitans quia ego misi illos
Actes 15.7-15.9 Marc 16.15 Zacharie 2.9-2.11 Actes 8.26 Actes 9.17
21 descendens autem Petrus ad viros dixit ecce ego sum quem quaeritis quae causa est propter quam venistis
Actes 10.29 Jean 1.38-1.39 Marc 10.51 Jean 18.4-18.8
22 qui dixerunt Cornelius centurio vir iustus et timens Deum et testimonium habens ab universa gente Iudaeorum responsum accepit ab angelo sancto accersire te in domum suam et audire verba abs te
Actes 11.14 Actes 10.2 1 Timothée 3.7 2 Pierre 3.2 Jean 17.20
23 introducens igitur eos recepit hospitio sequenti autem die surgens profectus est cum eis et quidam ex fratribus ab Ioppe comitati sunt eum
Actes 10.45 Actes 11.12 2 Corinthiens 8.21 Juges 19.19-19.21 1 Pierre 4.9
24 altera autem die introivit Caesaream Cornelius vero expectabat illos convocatis cognatis suis et necessariis amicis
Actes 8.40 Matthieu 9.9-9.10 Esaïe 2.3 Jean 1.1-1.3 Marc 5.19-5.20
25 et factum est cum introisset Petrus obvius ei Cornelius et procidens ad pedes adoravit
Matthieu 8.2 Apocalypse 19.10 Daniel 2.46 Apocalypse 22.8-22.9 Daniel 2.30
26 Petrus vero levavit eum dicens surge et ego ipse homo sum
Apocalypse 19.10 Apocalypse 22.8-22.9 Matthieu 4.10 2 Thessaloniciens 2.3-2.4 Actes 14.14-14.15
27 et loquens cum illo intravit et invenit multos qui convenerant
Actes 10.24 2 Corinthiens 2.12 Actes 14.27 1 Corinthiens 16.9 Jean 4.35
28 dixitque ad illos vos scitis quomodo abominatum sit viro iudaeo coniungi aut accedere ad alienigenam et mihi ostendit Deus neminem communem aut inmundum dicere hominem
Jean 4.9 Jean 18.28 Actes 15.8-15.9 Luc 18.11 Actes 11.2-11.3
29 propter quod sine dubitatione veni accersitus interrogo ergo quam ob causam accersistis me
1 Pierre 3.15 Actes 10.19-10.20 Psaumes 119.60
30 et Cornelius ait a nudius quartana die usque in hanc horam orans eram hora nona in domo mea et ecce vir stetit ante me in veste candida et ait
Actes 10.3 Actes 10.23-10.24 Actes 1.10 Marc 16.6 Actes 10.7-10.9
31 Corneli exaudita est oratio tua et elemosynae tuae commemoratae sunt in conspectu Dei
Actes 10.4 Philippiens 4.18 Luc 1.13 Daniel 9.23 Esaïe 38.5
32 mitte ergo in Ioppen et accersi Simonem qui cognominatur Petrus hic hospitatur in domo Simonis coriarii iuxta mare
33 confestim igitur misi ad te et tu bene fecisti veniendo nunc ergo omnes nos in conspectu tuo adsumus audire omnia quaecumque tibi praecepta sunt a Domino
Galates 4.14 Actes 28.28 Actes 17.11-17.12 Jacques 1.19 Proverbes 18.15
34 aperiens autem Petrus os dixit in veritate conperi quoniam non est personarum acceptor Deus
2 Chroniques 19.7 Deutéronome 10.17 Romains 2.11 Colossiens 3.25 Ephésiens 6.9
35 sed in omni gente qui timet eum et operatur iustitiam acceptus est illi
Actes 10.2 2 Corinthiens 7.1 Actes 15.9 1 Jean 2.29 Hébreux 11.4-11.6
36 verbum misit filiis Israhel adnuntians pacem per Iesum Christum hic est omnium Dominus
Matthieu 28.18 Actes 2.36 Apocalypse 19.16 Apocalypse 17.14 Matthieu 10.6
37 vos scitis quod factum est verbum per universam Iudaeam incipiens enim a Galilaea post baptismum quod praedicavit Iohannes
Actes 26.26 Actes 13.24-13.25 Actes 1.22 Matthieu 4.12-4.17 Marc 1.1-1.5
38 Iesum a Nazareth quomodo unxit eum Deus Spiritu Sancto et virtute qui pertransivit benefaciendo et sanando omnes oppressos a diabolo quoniam Deus erat cum illo
Actes 2.22 Jean 3.2 Jean 3.34 Luc 4.18 Esaïe 11.2
39 et nos testes sumus omnium quae fecit in regione Iudaeorum et Hierusalem quem et occiderunt suspendentes in ligno
Luc 24.48 Actes 10.41 Actes 2.32 Actes 1.8 Actes 13.27-13.29
40 hunc Deus suscitavit tertia die et dedit eum manifestum fieri
Actes 2.24 1 Corinthiens 15.12-15.20 Romains 8.11 Romains 1.4 Romains 4.24-4.25
41 non omni populo sed testibus praeordinatis a Deo nobis qui manducavimus et bibimus cum illo postquam resurrexit a mortuis
Jean 14.22 Actes 10.39 Jean 21.13 Jean 14.17 Luc 24.30
42 et praecepit nobis praedicare populo et testificari quia ipse est qui constitutus est a Deo iudex vivorum et mortuorum
1 Pierre 4.5 2 Timothée 4.1 Actes 17.31 Romains 14.9-14.10 2 Corinthiens 5.10
43 huic omnes prophetae testimonium perhibent remissionem peccatorum accipere per nomen eius omnes qui credunt in eum
Esaïe 53.11 Actes 4.10-4.12 Malachie 4.2 Luc 24.25-24.27 Zacharie 13.1
44 adhuc loquente Petro verba haec cecidit Spiritus Sanctus super omnes qui audiebant verbum
Actes 11.15 Actes 15.8 Actes 4.31 Actes 2.2-2.4 Actes 8.15-8.17
45 et obstipuerunt ex circumcisione fideles qui venerant cum Petro quia et in nationes gratia Spiritus Sancti effusa est
Actes 10.23 Actes 2.38 Ephésiens 3.5-3.8 Actes 2.33 Colossiens 2.13-2.14
46 audiebant enim illos loquentes linguis et magnificantes Deum
Actes 2.4 Actes 19.6 Marc 16.17 Actes 2.11 1 Corinthiens 14.20-14.25
47 tunc respondit Petrus numquid aquam quis prohibere potest ut non baptizentur hii qui Spiritum Sanctum acceperunt sicut et nos
Actes 8.36 Actes 11.15-11.17 Actes 2.4 Romains 4.11 Genèse 17.24-17.26
48 et iussit eos in nomine Iesu Christi baptizari tunc rogaverunt eum ut maneret aliquot diebus
Actes 8.16 Actes 2.38 Galates 3.27 1 Corinthiens 1.13-1.17 Jean 4.2