Deutéronome 5.5
Vulgate

¹ vocavitque Moses omnem Israhelem et dixit ad eum audi Israhel caerimonias atque iudicia quae ego loquor in auribus vestris hodie discite ea et opere conplete
Deutéronome 29.10 Deutéronome 4.1 Deutéronome 29.2 Matthieu 23.3 Deutéronome 1.1
² Dominus Deus noster pepigit nobiscum foedus in Horeb
Deutéronome 4.23 Hébreux 8.6-8.13 Exode 19.5-19.8 Exode 24.8 Hébreux 9.19-9.23
³ non cum patribus nostris iniit pactum sed nobiscum qui inpraesentiarum sumus et vivimus
Deutéronome 29.10-29.15 Jérémie 32.38-32.40 Galates 3.17-3.21 Genèse 17.21 Matthieu 13.17
⁴ facie ad faciem locutus est nobis in monte de medio ignis
Deutéronome 4.33 Deutéronome 34.10 Deutéronome 4.36 Exode 33.11 Deutéronome 5.24-5.26
⁵ ego sequester et medius fui inter Dominum et vos in tempore illo ut adnuntiarem vobis verba eius timuistis enim ignem et non ascendistis in montem et ait
Galates 3.19 Exode 19.16 Exode 20.18-20.21 Genèse 18.22 Hébreux 12.18-12.24
⁶ ego Dominus Deus tuus qui eduxi te de terra Aegypti de domo servitutis
Exode 20.2-20.17 Lévitique 26.1-26.2 Psaumes 81.5-81.10 Deutéronome 4.4
⁷ non habebis deos alienos in conspectu meo
Exode 20.3 1 Jean 5.21 Matthieu 4.10 Jean 5.23
⁸ non facies tibi sculptile nec similitudinem omnium quae in caelo sunt desuper et quae in terra deorsum et quae versantur in aquis sub terra
Exode 20.4 Deutéronome 4.15-4.19
⁹ non adorabis ea et non coles ego enim sum Dominus Deus tuus Deus aemulator reddens iniquitatem patrum super filios in tertiam et quartam generationem his qui oderunt me
Exode 34.7 Exode 34.14 Daniel 9.4-9.9 Jérémie 32.18 Exode 20.4-20.6
¹⁰ et faciens misericordiam in multa milia diligentibus me et custodientibus praecepta mea
Jérémie 32.18 Romains 8.28 Esaïe 1.16-1.19 Matthieu 7.21-7.27 Galates 5.6
¹¹ non usurpabis nomen Domini Dei tui frustra quia non erit inpunitus qui super re vana nomen eius adsumpserit
Lévitique 19.12 Deutéronome 6.13 Matthieu 5.33-5.34 Exode 20.7 Jacques 5.12
¹² observa diem sabbati ut sanctifices eum sicut praecepit tibi Dominus Deus tuus
Esaïe 58.13 Exode 20.8-20.11 Esaïe 56.6
¹³ sex diebus operaberis et facies omnia opera tua
Exode 23.12 Ezéchiel 20.12 Luc 23.56 Luc 13.14-13.16 Exode 35.2-35.3
¹⁴ septimus dies sabbati est id est requies Domini Dei tui non facies in eo quicquam operis tu et filius tuus et filia servus et ancilla et bos et asinus et omne iumentum tuum et peregrinus qui est intra portas tuas ut requiescat servus et ancilla tua sicut et tu
Hébreux 4.4 Genèse 2.2 Exode 23.12 Exode 16.29-16.30 Néhémie 5.5
¹⁵ memento quod et ipse servieris in Aegypto et eduxerit te inde Dominus Deus tuus in manu forti et brachio extento idcirco praecepit tibi ut observares diem sabbati
Deutéronome 16.12 Deutéronome 15.15 Deutéronome 5.6 Esaïe 51.1-51.2 Luc 1.74-1.75
¹⁶ honora patrem tuum et matrem sicut praecepit tibi Dominus Deus tuus ut longo vivas tempore et bene sit tibi in terra quam Dominus Deus tuus daturus est tibi
Exode 20.12 Deutéronome 4.40 Colossiens 3.20 Lévitique 19.3 Deutéronome 27.16
¹⁷ non occides
Exode 20.13 Matthieu 5.21-5.22 Genèse 9.6 Matthieu 19.18 Romains 13.9
¹⁸ neque moechaberis
Exode 20.14 Luc 18.20 Matthieu 5.27-5.28 Lévitique 20.10 Jacques 2.10-2.11
¹⁹ furtumque non facies
Exode 20.15 Romains 13.9 Ephésiens 4.28
²⁰ nec loqueris contra proximum tuum falsum testimonium
Exode 23.1 Exode 20.16 Deutéronome 19.16-19.21 Malachie 3.5 Proverbes 6.19
²¹ non concupisces uxorem proximi tui non domum non agrum non servum non ancillam non bovem non asinum et universa quae illius sunt
Romains 13.9 Exode 20.17 1 Rois 21.1-21.4 Habakuk 2.9 Hébreux 13.5
²² haec verba locutus est Dominus ad omnem multitudinem vestram in monte de medio ignis et nubis et caliginis voce magna nihil addens amplius et scripsit ea in duabus tabulis lapideis quas tradidit mihi
Exode 24.12 Exode 31.18 Exode 19.18-19.19 Deutéronome 5.4 Deutéronome 4.12-4.15
²³ vos autem postquam audistis vocem de medio tenebrarum et montem ardere vidistis accessistis ad me omnes principes tribuum et maiores natu atque dixistis
Exode 20.18-20.19 Hébreux 12.18-12.21
²⁴ ecce ostendit nobis Dominus Deus noster maiestatem et magnitudinem suam vocem eius audivimus de medio ignis et probavimus hodie quod loquente Deo cum homine vixerit homo
Exode 19.19 Deutéronome 4.33 Genèse 32.30 Juges 13.22 Deutéronome 5.4-5.5
²⁵ cur ergo morimur et devorabit nos ignis hic maximus si enim audierimus ultra vocem Domini Dei nostri moriemur
Deutéronome 18.16 Deutéronome 33.2 Hébreux 12.29 Galates 3.21-3.22 Galates 3.10
²⁶ quid est omnis caro ut audiat vocem Dei viventis qui de medio ignis loquitur sicut nos audivimus et possit vivere
Deutéronome 4.33 Romains 3.20 Esaïe 40.6 1 Thessaloniciens 1.9 2 Corinthiens 6.16
²⁷ tu magis accede et audi cuncta quae dixerit Dominus Deus noster tibi loquerisque ad nos et nos audientes faciemus ea
Exode 20.19 Hébreux 12.19
²⁸ quod cum audisset Dominus ait ad me audivi vocem verborum populi huius quae locuti sunt tibi bene omnia sunt locuti
Deutéronome 18.17 Nombres 36.5 Nombres 27.7
²⁹ quis det talem eos habere mentem ut timeant me et custodiant universa mandata mea in omni tempore ut bene sit eis et filiis eorum in sempiternum
Esaïe 48.18 Deutéronome 11.1 Deutéronome 4.40 Ezéchiel 33.31-33.32 Deutéronome 5.16
³⁰ vade et dic eis revertimini in tentoria vestra
³¹ tu vero hic sta mecum et loquar tibi omnia mandata et caerimonias atque iudicia quae docebis eos ut faciant ea in terra quam dabo illis in possessionem
Galates 3.19 Deutéronome 12.1 Deutéronome 11.1 Deutéronome 4.45 Exode 24.12
³² custodite igitur et facite quae praecepit Dominus Deus vobis non declinabitis neque ad dextram neque ad sinistram
Josué 23.6 Proverbes 4.27 Josué 1.7 Deutéronome 28.14 Deutéronome 17.20
³³ sed per viam quam praecepit Dominus Deus vester ambulabitis ut vivatis et bene sit vobis et protelentur dies in terra possessionis vestrae
Jérémie 7.23 Deutéronome 4.40 Deutéronome 10.12 Luc 1.6 Deutéronome 5.29