1 Samuel 15.25
Vulgate

Guerre contre les Amalécites

¹ et dixit Samuhel ad Saul me misit Dominus ut unguerem te in regem super populum eius Israhel nunc ergo audi vocem Domini
1 Samuel 9.16 1 Samuel 10.1 1 Samuel 12.14 Psaumes 2.10-2.11 2 Samuel 23.2-23.3
² haec dicit Dominus exercituum recensui quaecumque fecit Amalech Israheli quomodo restitit ei in via cum ascenderet de Aegypto
Nombres 24.20 Deutéronome 25.17-25.19 Exode 17.8-17.16 Osée 7.2 Amos 8.7
³ nunc igitur vade et percute Amalech et demolire universa eius non parcas ei sed interfice a viro usque ad mulierem et parvulum atque lactantem bovem et ovem camelum et asinum
Deutéronome 20.16-20.18 Nombres 24.20 Nombres 31.17 Josué 6.17-6.21 1 Samuel 22.19
⁴ praecepit itaque Saul populo et recensuit eos quasi agnos ducenta milia peditum et decem milia virorum Iuda
Josué 15.24 1 Samuel 13.15 1 Samuel 11.8
⁵ cumque venisset Saul usque ad civitatem Amalech tetendit insidias in torrente
⁶ dixitque Saul Cineo abite recedite atque descendite ab Amalech ne forte involvam te cum eo tu enim fecisti misericordiam cum omnibus filiis Israhel cum ascenderent de Aegypto et recessit Cineus de medio Amalech
Juges 1.16 Nombres 10.29-10.32 Exode 18.19 1 Samuel 27.10 Exode 18.9-18.10
⁷ percussitque Saul Amalech ab Evila donec venias Sur quae est e regione Aegypti
Genèse 25.18 1 Samuel 14.48 Genèse 16.7 1 Samuel 27.8 Exode 15.22
⁸ et adprehendit Agag regem Amalech vivum omne autem vulgus interfecit in ore gladii
1 Samuel 30.1 Nombres 24.7 Esther 3.1 1 Rois 20.30 1 Samuel 15.3
⁹ et pepercit Saul et populus Agag et optimis gregibus ovium et armentorum et vestibus et arietibus et universis quae pulchra erant nec voluerunt disperdere ea quicquid vero vile fuit et reprobum hoc demoliti sunt
1 Samuel 15.15 1 Samuel 15.3 1 Samuel 15.19 Josué 7.21 2 Samuel 6.13
¹⁰ factum est autem verbum Domini ad Samuhel dicens
¹¹ paenitet me quod constituerim Saul regem quia dereliquit me et verba mea opere non implevit contristatusque est Samuhel et clamavit ad Dominum tota nocte
1 Samuel 13.13 Genèse 6.6 Josué 22.16 2 Samuel 24.16 1 Samuel 15.3
¹² cumque de nocte surrexisset Samuhel ut iret ad Saul mane nuntiatum est Samuheli eo quod venisset Saul in Carmelum et erexisset sibi fornicem triumphalem et reversus transisset descendissetque in Galgala venit ergo Samuhel ad Saul et
Josué 15.55 2 Samuel 18.18 1 Samuel 25.2 1 Rois 18.42 Josué 4.8-4.9
¹³ dixit ei Saul benedictus tu Domino implevi verbum Domini
Ruth 3.10 Juges 17.2 Genèse 14.19 Proverbes 28.13 1 Samuel 13.10
¹⁴ dixitque Samuhel et quae est haec vox gregum quae resonat in auribus meis et armentorum quam ego audio
Jérémie 2.34-2.37 Malachie 3.13-3.15 Romains 3.19 Jérémie 2.22-2.23 Psaumes 50.16-50.21
¹⁵ et ait Saul de Amalech adduxerunt ea pepercit enim populus melioribus ovibus et armentis ut immolarentur Domino Deo tuo reliqua vero occidimus
1 Samuel 15.9 1 Samuel 15.21 Exode 32.22-32.23 Genèse 3.12-3.13 Proverbes 28.13
¹⁶ dixit autem Samuhel ad Saul sine me et indicabo tibi quae locutus sit Dominus ad me nocte dixitque ei loquere
1 Samuel 9.27 1 Samuel 12.7 1 Rois 22.16
¹⁷ et ait Samuhel nonne cum parvulus esses in oculis tuis caput in tribubus Israhel factus es unxitque te Dominus regem super Israhel
1 Samuel 9.21 1 Samuel 10.22 1 Samuel 15.1-15.3 Juges 6.15 Matthieu 18.4
¹⁸ et misit te Dominus in via et ait vade et interfice peccatores Amalech et pugnabis contra eos usque ad internicionem eorum
Proverbes 10.29 Nombres 16.38 Job 31.3 Genèse 15.16 Proverbes 13.21
¹⁹ quare ergo non audisti vocem Domini sed versus ad praedam es et fecisti malum in oculis Domini
1 Samuel 14.32 2 Timothée 4.10 2 Chroniques 36.12 2 Chroniques 33.2 Proverbes 15.27
²⁰ et ait Saul ad Samuhelem immo audivi vocem Domini et ambulavi in via per quam misit me Dominus et adduxi Agag regem Amalech et Amalech interfeci
1 Samuel 15.13 1 Samuel 15.3 1 Samuel 15.8 Job 35.2 Job 33.9
²¹ tulit autem populus de praeda oves et boves primitias eorum quae caesa sunt ut immolet Domino Deo suo in Galgalis
1 Samuel 15.15 Exode 32.22-32.23 Genèse 3.13
²² et ait Samuhel numquid vult Dominus holocausta aut victimas et non potius ut oboediatur voci Domini melior est enim oboedientia quam victimae et auscultare magis quam offerre adipem arietum
Osée 6.6 Psaumes 51.16-51.17 Matthieu 9.13 Marc 12.33 Proverbes 21.3
²³ quoniam quasi peccatum ariolandi est repugnare et quasi scelus idolatriae nolle adquiescere pro eo ergo quod abiecisti sermonem Domini abiecit te ne sis rex
1 Samuel 13.14 Ezéchiel 2.5-2.8 Exode 22.18 Lévitique 20.27 Josué 22.16-22.19
²⁴ dixitque Saul ad Samuhel peccavi quia praevaricatus sum sermonem Domini et verba tua timens populum et oboediens voci eorum
2 Samuel 12.13 Esaïe 51.12-51.13 Proverbes 29.25 Nombres 22.34 Genèse 3.17
²⁵ sed nunc porta quaeso peccatum meum et revertere mecum ut adorem Dominum
Exode 10.17
²⁶ et ait Samuhel ad Saul non revertar tecum quia proiecisti sermonem Domini et proiecit te Dominus ne sis rex super Israhel
1 Samuel 13.14 1 Samuel 16.1 Osée 4.6 1 Samuel 15.23 1 Samuel 15.31
²⁷ et conversus est Samuhel ut abiret ille autem adprehendit summitatem pallii eius quae et scissa est
1 Rois 11.30-11.31
²⁸ et ait ad eum Samuhel scidit Dominus regnum Israhel a te hodie et tradidit illud proximo tuo meliori te
1 Samuel 28.17-28.18 1 Rois 11.30-11.31 Daniel 4.32 1 Samuel 13.14 Jean 19.11
²⁹ porro Triumphator in Israhel non parcet et paenitudine non flectetur neque enim homo est ut agat paenitentiam
Nombres 23.19 Ezéchiel 24.14 Tite 1.2 2 Timothée 2.13 Psaumes 29.11
³⁰ at ille ait peccavi sed nunc honora me coram senibus populi mei et coram Israhel et revertere mecum ut adorem Dominum Deum tuum
Jean 5.44 Jean 12.43 Esaïe 29.13 Luc 18.9-18.14 2 Timothée 3.5
³¹ reversus ergo Samuhel secutus est Saulem et adoravit Saul Dominum
³² dixitque Samuhel adducite ad me Agag regem Amalech et oblatus est ei Agag pinguissimus et dixit Agag sicine separat amara mors
Jérémie 48.44 1 Thessaloniciens 5.3 Apocalypse 18.7
³³ et ait Samuhel sicut fecit absque liberis mulieres gladius tuus sic absque liberis erit inter mulieres mater tua et in frusta concidit Samuhel Agag coram Domino in Galgalis
Juges 1.7 Genèse 9.6 Matthieu 7.2 Esaïe 34.6 Jérémie 48.10
³⁴ abiit autem Samuhel in Ramatha Saul vero ascendit in domum suam in Gabaath
1 Samuel 11.4 1 Samuel 7.17
³⁵ et non vidit Samuhel ultra Saul usque ad diem mortis suae verumtamen lugebat Samuhel Saul quoniam Dominum paenitebat quod constituisset regem Saul super Israhel
1 Samuel 15.11 1 Samuel 19.24 1 Samuel 16.1 Genèse 6.6 Jérémie 9.1-9.2