Jérémie 31
Septante

1 τῇ Μωαβ οὕτως εἶπεν κύριος οὐαὶ ἐπὶ Ναβαυ ὅτι ὤλετο ἐλήμφθη Καριαθαιμ ᾐσχύνθη Αμαθ καὶ ἡττήθη.
Jérémie 30.22 Esaïe 41.10 Jérémie 30.24 Zacharie 13.9 Genèse 17.7-17.8
2 οὐκ ἔστιν ἔτι ἰατρεία Μωαβ ἀγαυρίαμα ἐν Εσεβων ἐλογίσαντο ἐπ’ αὐτὴν κακά ἐκόψαμεν αὐτὴν ἀπὸ ἔθνους καὶ παῦσιν παύσεται ὄπισθέν σου βαδιεῖται μάχαιρα.
Psaumes 95.11 Deutéronome 1.33 Nombres 10.33 Deutéronome 2.7 Exode 33.14
3 ὅτι φωνὴ κεκραγότων ἐξ Ωρωναιμ ὄλεθρος καὶ σύντριμμα μέγα.
Osée 11.4 Esaïe 54.8-54.9 Deutéronome 33.3 Deutéronome 7.7-7.9 Malachie 1.2
4 συνετρίβη Μωαβ ἀναγγείλατε εἰς Ζογορα.
Jérémie 31.13 Jérémie 33.7 Psaumes 149.3 Juges 11.34 Jérémie 30.18-30.19
5 ὅτι ἐπλήσθη Αλαωθ ἐν κλαυθμῷ ἀναβήσεται κλαίων ἐν ὁδῷ Ωρωναιμ κραυγὴν συντρίμματος ἠκούσατε.
Amos 9.14 Deutéronome 28.30 Esaïe 62.8-62.9 Deutéronome 20.6 Lévitique 19.23-19.25
6 φεύγετε καὶ σώσατε τὰς ψυχὰς ὑμῶν καὶ ἔσεσθε ὥσπερ ὄνος ἄγριος ἐν ἐρήμῳ.
Jérémie 50.4-50.5 Esdras 1.5 Michée 4.1-4.3 Esaïe 40.9 2 Chroniques 13.4
7 ἐπειδὴ ἐπεποίθεις ἐν ὀχυρώμασίν σου καὶ σὺ συλλημφθήσῃ καὶ ἐξελεύσεται Χαμως ἐν ἀποικίᾳ οἱ ἱερεῖς αὐτοῦ καὶ οἱ ἄρχοντες αὐτοῦ ἅμα.
Psaumes 28.9 Esaïe 37.31 Psaumes 14.7 Jérémie 23.3 Psaumes 106.47
8 καὶ ἥξει ὄλεθρος ἐπὶ πᾶσαν πόλιν καὶ πόλις οὐ μὴ σωθῇ καὶ ἀπολεῖται ὁ αὐλών καὶ ἐξολεθρευθήσεται ἡ πεδινή καθὼς εἶπεν κύριος.
Jérémie 23.8 Ezéchiel 34.16 Esaïe 42.16 Ezéchiel 34.13 Michée 4.6
9 δότε σημεῖα τῇ Μωαβ ὅτι ἁφῇ ἀναφθήσεται καὶ πᾶσαι αἱ πόλεις αὐτῆς εἰς ἄβατον ἔσονται πόθεν ἔνοικος αὐτῇ.
Jérémie 3.4 Exode 4.22 Jérémie 50.4 Esaïe 63.13 Jérémie 31.20
10 ἐπικατάρατος ὁ ποιῶν τὰ ἔργα κυρίου ἀμελῶς ἐξαίρων μάχαιραν αὐτοῦ ἀφ’ αἵματος.
Esaïe 40.11 Ezéchiel 34.12 Esaïe 66.19 Deutéronome 30.4 Actes 20.28-20.29
11 ἀνεπαύσατο Μωαβ ἐκ παιδαρίου καὶ πεποιθὼς ἦν ἐπὶ τῇ δόξῃ αὐτοῦ οὐκ ἐνέχεεν ἐξ ἀγγείου εἰς ἀγγεῖον καὶ εἰς ἀποικισμὸν οὐκ ᾤχετο διὰ τοῦτο ἔστη γεῦμα αὐτοῦ ἐν αὐτῷ καὶ ὀσμὴ αὐτοῦ οὐκ ἐξέλιπεν.
Esaïe 44.23 Esaïe 48.20 Psaumes 142.6 Jérémie 15.21 Esaïe 49.24
12 διὰ τοῦτο ἰδοὺ ἡμέραι ἔρχονται φησὶν κύριος καὶ ἀποστελῶ αὐτῷ κλίνοντας καὶ κλινοῦσιν αὐτὸν καὶ τὰ σκεύη αὐτοῦ λεπτυνοῦσιν καὶ τὰ κέρατα αὐτοῦ συγκόψουσιν.
Esaïe 35.10 Esaïe 58.11 Jean 16.22 Ezéchiel 17.23 Esaïe 65.19
13 καὶ καταισχυνθήσεται Μωαβ ἀπὸ Χαμως ὥσπερ κατῃσχύνθη οἶκος Ισραηλ ἀπὸ Βαιθηλ ἐλπίδος αὐτῶν πεποιθότες ἐπ’ αὐτοῖς.
Psaumes 30.11 Esaïe 51.11 Esaïe 61.3 Jérémie 31.4 Psaumes 149.3
14 πῶς ἐρεῖτε ἰσχυροί ἐσμεν καὶ ἄνθρωπος ἰσχύων εἰς τὰ πολεμικά.
Jérémie 31.25 Matthieu 5.6 Ephésiens 1.3 Esaïe 55.1-55.3 Psaumes 107.9
15 ὤλετο Μωαβ πόλις αὐτοῦ καὶ ἐκλεκτοὶ νεανίσκοι αὐτοῦ κατέβησαν εἰς σφαγήν.
Jérémie 40.1 Genèse 37.35 Josué 18.25 Jérémie 10.20 Genèse 42.13
16 ἐγγὺς ἡμέρα Μωαβ ἐλθεῖν καὶ πονηρία αὐτοῦ ταχεῖα σφόδρα.
Jérémie 30.3 Ruth 2.12 Jérémie 30.18 Jérémie 29.14 Hébreux 11.6
17 κινήσατε αὐτῷ πάντες κυκλόθεν αὐτοῦ πάντες εἰδότες ὄνομα αὐτοῦ εἴπατε πῶς συνετρίβη βακτηρία εὐκλεής ῥάβδος μεγαλώματος.
Esaïe 11.11-11.16 Esaïe 6.13 Osée 2.15 Ezéchiel 39.28 Ezéchiel 37.11-37.14
18 κατάβηθι ἀπὸ δόξης καὶ κάθισον ἐν ὑγρασίᾳ καθημένη Δαιβων ἐκτρίβητε ὅτι ὤλετο Μωαβ ἀνέβη εἰς σὲ λυμαινόμενος ὀχύρωμά σου.
Psaumes 80.3 Job 5.17 Lamentations 5.21 Jérémie 3.21-3.22 Jérémie 31.9
19 ἐφ’ ὁδοῦ στῆθι καὶ ἔπιδε καθημένη ἐν Αροηρ καὶ ἐρώτησον φεύγοντα καὶ σῳζόμενον καὶ εἰπόν τί ἐγένετο.
Jérémie 3.25 Ezéchiel 36.31 Ezéchiel 21.12 Luc 18.13 Zacharie 12.10
20 κατῃσχύνθη Μωαβ ὅτι συνετρίβη ὀλόλυξον καὶ κέκραξον ἀνάγγειλον ἐν Αρνων ὅτι ὤλετο Μωαβ.
Esaïe 55.7 Esaïe 63.15 Esaïe 16.11 Osée 14.4 Cantique 5.4
21 καὶ κρίσις ἔρχεται εἰς γῆν τοῦ Μισωρ ἐπὶ Χαιλων καὶ ἐπὶ Ιασσα καὶ ἐπὶ Μωφαθ.
Jérémie 50.5 Esaïe 48.20 Aggée 1.5 Ezéchiel 40.4 Zacharie 2.6-2.7
22 καὶ ἐπὶ Δαιβων καὶ ἐπὶ Ναβαυ καὶ ἐπ’ οἶκον Δεβλαθαιμ.
Jérémie 3.6 Jérémie 49.4 Jérémie 2.23 Jérémie 2.18 Jérémie 2.36
23 καὶ ἐπὶ Καριαθαιμ καὶ ἐπ’ οἶκον Γαμωλ καὶ ἐπ’ οἶκον Μαων.
Zacharie 8.3 Esaïe 1.26 Jérémie 50.7 Michée 4.1 Abdias 1.17
24 καὶ ἐπὶ Καριωθ καὶ ἐπὶ Βοσορ καὶ ἐπὶ πάσας τὰς πόλεις Μωαβ τὰς πόρρω καὶ τὰς ἐγγύς.
Zacharie 8.4-8.8 Ezéchiel 36.10 Jérémie 33.11-33.13 Zacharie 2.4
25 κατεάχθη κέρας Μωαβ καὶ τὸ ἐπίχειρον αὐτοῦ συνετρίβη.
Jérémie 31.14 Psaumes 107.9 Jean 4.14 Matthieu 5.6 Esaïe 50.4
26 μεθύσατε αὐτόν ὅτι ἐπὶ κύριον ἐμεγαλύνθη καὶ ἐπικρούσει Μωαβ ἐν χειρὶ αὐτοῦ καὶ ἔσται εἰς γέλωτα καὶ αὐτός.
Psaumes 127.2 Zacharie 4.1-4.2
27 καὶ εἰ μὴ εἰς γελοιασμὸν ἦν σοι Ισραηλ εἰ ἐν κλοπαῖς σου εὑρέθη ὅτι ἐπολέμεις αὐτόν.
Osée 2.23 Ezéchiel 36.9 Zacharie 10.9 Ezéchiel 36.11 Jérémie 30.19
28 κατέλιπον τὰς πόλεις καὶ ᾤκησαν ἐν πέτραις οἱ κατοικοῦντες Μωαβ ἐγενήθησαν ὡς περιστεραὶ νοσσεύουσαι ἐν πέτραις στόματι βοθύνου.
Jérémie 24.6 Jérémie 1.10 Jérémie 44.27 Daniel 9.14 Jérémie 45.4
29 ἤκουσα ὕβριν Μωαβ ὕβρισεν λίαν ὕβριν αὐτοῦ καὶ ὑπερηφανίαν αὐτοῦ καὶ ὑψώθη ἡ καρδία αὐτοῦ.
Lamentations 5.7 Ezéchiel 18.2-18.3 Jérémie 31.30
30 ἐγὼ δὲ ἔγνων ἔργα αὐτοῦ οὐχὶ τὸ ἱκανὸν αὐτοῦ οὐχ οὕτως ἐποίησεν.
Ezéchiel 18.20 Esaïe 3.11 Deutéronome 24.16 Galates 6.5 Ezéchiel 18.4
31 διὰ τοῦτο ἐπὶ Μωαβ ὀλολύζετε πάντοθεν βοήσατε ἐπ’ ἄνδρας Κιραδας αὐχμοῦ.
Ezéchiel 37.26 Hébreux 10.16-10.17 Jérémie 32.40 2 Corinthiens 3.6 Luc 22.20
32 ὡς κλαυθμὸν Ιαζηρ ἀποκλαύσομαί σοι ἄμπελος Σεβημα κλήματά σου διῆλθεν θάλασσαν Ιαζηρ ἥψαντο ἐπὶ ὀπώραν σου ἐπὶ τρυγηταῖς σου ὄλεθρος ἐπέπεσεν.
Deutéronome 5.3 Ezéchiel 16.8 Deutéronome 1.31 Exode 24.6-24.8 Jérémie 3.14
33 συνεψήσθη χαρμοσύνη καὶ εὐφροσύνη ἐκ τῆς Μωαβίτιδος καὶ οἶνος ἦν ἐπὶ ληνοῖς σου πρωὶ οὐκ ἐπάτησαν οὐδὲ δείλης οὐκ ἐποίησαν αιδαδ.
2 Corinthiens 3.3 Hébreux 10.16 Jérémie 24.7 Hébreux 8.10 Ezéchiel 11.19-11.20
34 ἀπὸ κραυγῆς Εσεβων ἕως Ελεαλη αἱ πόλεις αὐτῶν ἔδωκαν φωνὴν αὐτῶν ἀπὸ Ζογορ ἕως Ωρωναιμ καὶ Αγλαθ-σαλισια ὅτι καὶ τὸ ὕδωρ Νεβριμ εἰς κατάκαυμα ἔσται.
Jérémie 33.8 Jérémie 50.20 Esaïe 43.25 Esaïe 54.13 Jean 6.45
35 καὶ ἀπολῶ τὸν Μωαβ φησὶν κύριος ἀναβαίνοντα ἐπὶ βωμὸν καὶ θυμιῶντα θεοῖς αὐτοῦ.
Esaïe 51.15 Jérémie 10.16 Psaumes 136.7-136.9 Deutéronome 4.19 Jérémie 50.34
36 διὰ τοῦτο καρδία μου Μωαβ ὥσπερ αὐλοὶ βομβήσουσιν καρδία μου ἐπ’ ἀνθρώπους Κιραδας ὥσπερ αὐλὸς βομβήσει διὰ τοῦτο ἃ περιεποιήσατο ἀπώλετο ἀπὸ ἀνθρώπου.
Jérémie 33.20-33.26 Esaïe 54.9-54.10 Psaumes 148.6 Psaumes 89.36-89.37 Amos 9.8-9.9
37 πᾶσαν κεφαλὴν ἐν παντὶ τόπῳ ξυρήσονται καὶ πᾶς πώγων ξυρηθήσεται καὶ πᾶσαι χεῖρες κόψονται καὶ ἐπὶ πάσης ὀσφύος σάκκος.
Jérémie 33.24-33.26 Jérémie 33.22 Esaïe 40.12 Job 11.7-11.9 Romains 11.1-11.5
38 καὶ ἐπὶ πάντων τῶν δωμάτων Μωαβ καὶ ἐπὶ πλατείαις αὐτῆς ὅτι συνέτριψα τὸν Μωαβ φησὶν κύριος ὡς ἀγγεῖον οὗ οὐκ ἔστιν χρεία αὐτοῦ.
Zacharie 14.10 2 Rois 14.13 Jérémie 30.18 Jérémie 31.27 2 Chroniques 26.9
39 πῶς κατήλλαξεν πῶς ἔστρεψεν νῶτον Μωαβ ᾐσχύνθη καὶ ἐγένετο Μωαβ εἰς γέλωτα καὶ ἐγκότημα πᾶσιν τοῖς κύκλῳ αὐτῆς.
Zacharie 2.1-2.2 Ezéchiel 40.8
40 ὅτι οὕτως εἶπεν κύριος.
Joël 3.17 2 Samuel 15.23 Jean 18.1 2 Chroniques 23.15 2 Rois 11.16