2 Chroniques 29.7
Vulgate

Règne d’Ézéchias

¹ igitur Ezechias regnare coepit cum viginti quinque esset annorum et viginti novem annis regnavit in Hierusalem nomen matris eius Abia filia Zacchariae
2 Rois 18.1-18.3 1 Chroniques 3.13 2 Chroniques 26.5 Osée 1.1 Esaïe 1.1
² fecitque quod erat placitum in conspectu Domini iuxta omnia quae fecerat David pater eius
2 Chroniques 34.2 2 Chroniques 28.1
³ ipse anno et mense primo regni sui aperuit valvas domus Domini et instauravit eas
2 Chroniques 28.24 2 Chroniques 29.7 Galates 1.16 Ecclésiaste 9.10 Matthieu 6.33
⁴ adduxitque sacerdotes atque Levitas et congregavit eos in plateam orientalem
2 Chroniques 32.6 Néhémie 3.29 Jérémie 19.2
⁵ dixitque ad eos audite me Levitae et sanctificamini mundate domum Domini Dei patrum vestrorum auferte omnem inmunditiam de sanctuario
2 Chroniques 35.6 1 Chroniques 15.12 1 Corinthiens 3.16-3.17 Matthieu 21.12-21.13 Ezéchiel 36.25
⁶ peccaverunt patres nostri et fecerunt malum in conspectu Domini Dei nostri derelinquentes eum averterunt facies suas a tabernaculo Domini et praebuerunt dorsum
Ezéchiel 8.16 Jérémie 2.27 2 Chroniques 34.21 Matthieu 10.37 Néhémie 9.16
⁷ cluserunt ostia quae erant in porticu et extinxerunt lucernas incensumque non adoleverunt et holocausta non obtulerunt in sanctuario Deo Israhel
2 Chroniques 28.24 2 Chroniques 29.3 2 Rois 16.17-16.18 Malachie 1.10 Lévitique 24.2-24.8
⁸ concitatus est itaque furor Domini super Iudam et Hierusalem tradiditque eos in commotionem et in interitum et in sibilum sicut ipsi cernitis oculis vestris
Jérémie 25.9 Jérémie 25.18 2 Chroniques 24.18 Jérémie 29.18 Deutéronome 28.25
⁹ en corruerunt patres nostri gladiis filii nostri et filiae nostrae et coniuges captivae ductae sunt propter hoc scelus
2 Chroniques 28.17 2 Chroniques 28.5-28.8 Lévitique 26.17 Lamentations 5.7
¹⁰ nunc igitur placet mihi ut ineamus foedus cum Domino Deo Israhel et avertat a nobis furorem irae suae
2 Chroniques 23.16 2 Corinthiens 8.5 2 Chroniques 34.30-34.32 Jérémie 34.18 2 Chroniques 15.12-15.13
¹¹ filii mi nolite neglegere vos elegit Dominus ut stetis coram eo et ministretis illi colatis eum et cremetis incensum
Galates 6.7-6.8 Nombres 16.35-16.40 Nombres 8.6-8.14 Deutéronome 10.8 Nombres 18.2-18.7
¹² surrexerunt ergo Levitae Maath filius Amasiae et Iohel filius Azariae de filiis Caath porro de filiis Merari Cis filius Abdai et Azarias filius Iallelel de filiis autem Gersom Ioha filius Zemma et Eden filius Ioaha
1 Chroniques 23.7-23.23 2 Chroniques 31.13 1 Chroniques 15.5-15.7 1 Chroniques 6.44 Nombres 4.2-4.20
¹³ at vero de filiis Elisaphan Samri et Iahihel de filiis quoque Asaph Zaccharias et Mathanias
1 Chroniques 6.39 1 Chroniques 15.8 1 Chroniques 15.17 1 Chroniques 25.2 Lévitique 10.4
¹⁴ necnon de filiis Heman Iahihel et Semei sed et de filiis Idithun Semeias et Ozihel
1 Chroniques 6.33 1 Chroniques 25.3 1 Chroniques 25.1 1 Chroniques 15.19 1 Chroniques 25.6
¹⁵ congregaveruntque fratres suos et sanctificati sunt et ingressi iuxta mandatum regis et imperium Domini ut expiarent domum Dei
2 Chroniques 30.12 1 Chroniques 23.28 2 Chroniques 29.5
¹⁶ sacerdotes quoque ingressi templum Domini ut sanctificarent illud extulerunt omnem inmunditiam quam intro reppererant in vestibulum domus Domini quam tulerunt Levitae et asportaverunt ad torrentem Cedron foras
2 Chroniques 15.16 Matthieu 23.27 2 Rois 23.4-23.6 2 Samuel 15.23 2 Chroniques 5.7
¹⁷ coeperunt autem prima die mensis primi mundare et in die octava eiusdem mensis ingressi sunt porticum templi Domini expiaveruntque templum diebus octo et in die sextadecima mensis eiusdem quod coeperant impleverunt
1 Rois 6.3 2 Chroniques 29.3 Exode 12.2-12.8 1 Chroniques 28.11 2 Chroniques 3.4
¹⁸ ingressi quoque sunt ad Ezechiam regem et dixerunt ei sanctificavimus omnem domum Domini et altare holocaustoseos vasaque eius necnon et mensam propositionis cum omnibus vasis suis
2 Chroniques 4.1 2 Chroniques 4.7-4.8 2 Chroniques 13.11
¹⁹ cunctamque templi supellectilem quam polluerat rex Achaz in regno suo postquam praevaricatus est et ecce exposita sunt omnia coram altari Domini
2 Chroniques 28.24
²⁰ consurgensque diluculo Ezechias rex adunavit omnes principes civitatis et ascendit domum Domini
Genèse 22.3 Jérémie 25.4 Exode 24.4 Josué 6.12
²¹ obtuleruntque simul tauros septem arietes septem agnos septem et hircos septem pro peccato pro regno pro sanctuario pro Iuda dixit quoque sacerdotibus filiis Aaron ut offerrent super altare Domini
Lévitique 4.3-4.14 Nombres 23.1 Esdras 8.35 Job 42.8 Ezéchiel 45.23
²² mactaverunt igitur tauros et susceperunt sacerdotes sanguinem et fuderunt illud super altare mactaverunt etiam arietes et illorum sanguinem super altare fuderunt immolaverunt agnos et fuderunt super altare sanguinem
Lévitique 4.18 Lévitique 8.24 Lévitique 8.19 Lévitique 4.7 Lévitique 4.34
²³ adplicaverunt hircos pro peccato coram rege et universa multitudine inposueruntque manus suas super eos
Lévitique 4.15 Lévitique 1.4 Lévitique 4.24
²⁴ et immolaverunt illos sacerdotes et asperserunt sanguinem eorum altari pro piaculo universi Israhelis pro omni quippe Israhel praeceperat rex ut holocaustum fieret et pro peccato
Ezéchiel 45.15 Lévitique 14.20 Romains 5.10-5.11 Daniel 9.24 Hébreux 2.17
²⁵ constituit quoque Levitas in domo Domini cum cymbalis et psalteriis et citharis secundum dispositionem David et Gad videntis regis et Nathan prophetae siquidem Domini praeceptum fuit per manum prophetarum eius
2 Chroniques 8.14 1 Chroniques 23.5 2 Samuel 24.11 1 Chroniques 25.1-25.7 1 Chroniques 16.4-16.5
²⁶ steteruntque Levitae tenentes organa David et sacerdotes tubas
1 Chroniques 23.5 1 Chroniques 15.24 Amos 6.5 1 Chroniques 16.6 Psaumes 150.3-150.5
²⁷ et iussit Ezechias ut offerrent holocaustum super altare cumque offerrentur holocausta coeperunt laudes canere Domino et clangere tubis atque in diversis organis quae David rex Israhel reppererat concrepare
2 Chroniques 23.18 Psaumes 136.1 Psaumes 137.3-137.4 2 Chroniques 20.21 2 Chroniques 7.3
²⁸ omni autem turba adorante cantores et hii qui tenebant tubas erant in officio suo donec conpleretur holocaustum
Psaumes 89.15 Apocalypse 5.8-5.14 Psaumes 68.24-68.26
²⁹ cumque finita esset oblatio incurvatus est rex et omnes qui erant cum eo et adoraverunt
2 Chroniques 20.18 Philippiens 2.10-2.11 Psaumes 72.11 Romains 14.11 1 Chroniques 29.20
³⁰ praecepitque Ezechias et principes Levitis ut laudarent Dominum sermonibus David et Asaph videntis qui laudaverunt eum magna laetitia et curvato genu adoraverunt
Psaumes 95.6 1 Chroniques 16.7-16.36 Psaumes 32.11-33.1 Psaumes 95.1-95.2 Philippiens 4.4
³¹ Ezechias autem etiam haec addidit implestis manus vestras Domino accedite et offerte victimas et laudes in domo Domini obtulit ergo universa multitudo hostias et laudes et holocausta mente devota
2 Chroniques 13.9 Exode 35.22 Lévitique 1.1-1.3 Lévitique 7.12 Exode 35.5
³² porro numerus holocaustorum quae obtulit multitudo hic fuit tauros septuaginta arietes centum agnos ducentos
1 Rois 8.63 1 Rois 3.4 1 Chroniques 29.21 Esdras 6.17
³³ sanctificaveruntque Domino boves sescentos et oves tria milia
³⁴ sacerdotes vero pauci erant nec poterant sufficere ut pelles holocaustorum detraherent unde et Levitae fratres eorum adiuverunt eos donec impleretur opus et sanctificarentur antistites Levitae quippe faciliori ritu sanctificantur quam sacerdotes
2 Chroniques 30.3 2 Chroniques 35.11 Nombres 18.3 Psaumes 7.10 2 Chroniques 29.5
³⁵ fuerunt igitur holocausta plurima adipes pacificorum et libamina holocaustorum et conpletus est cultus domus Domini
Nombres 15.5-15.10 Exode 29.13 1 Chroniques 16.37-16.42 Lévitique 3.15-3.16 Lévitique 23.13
³⁶ laetatusque est Ezechias et omnis populus eo quod ministerium Domini esset expletum de repente quippe hoc fieri placuerat
1 Thessaloniciens 3.8-3.9 1 Chroniques 29.9 2 Chroniques 30.12 Actes 2.41 Esdras 6.22