Luc 3.34
Vulgate

Ministère de Jean-Baptiste

¹ anno autem quintodecimo imperii Tiberii Caesaris procurante Pontio Pilato Iudaeam tetrarcha autem Galilaeae Herode Philippo autem fratre eius tetrarcha Itureae et Trachonitidis regionis et Lysania Abilinae tetrarcha
Matthieu 27.2 Actes 4.27 Luc 9.7 Luc 2.1 Luc 3.19
² sub principibus sacerdotum Anna et Caiapha factum est verbum Dei super Iohannem Zacchariae filium in deserto
Actes 4.6 Jean 18.24 Jonas 1.1 Luc 1.80 Sophonie 1.1
³ et venit in omnem regionem Iordanis praedicans baptismum paenitentiae in remissionem peccatorum
Luc 1.77 Actes 13.24 Actes 19.4 Jean 3.26 Marc 1.4-1.5
⁴ sicut scriptum est in libro sermonum Esaiae prophetae vox clamantis in deserto parate viam Domini rectas facite semitas eius
Jean 1.23 Esaïe 40.3-40.5 Luc 1.76-1.79 Malachie 4.6 Marc 1.3
⁵ omnis vallis implebitur et omnis mons et collis humiliabitur et erunt prava in directa et aspera in vias planas
Esaïe 42.16 Esaïe 49.11 Esaïe 40.4 Esaïe 45.2 Ezéchiel 17.24
⁶ et videbit omnis caro salutare Dei
Esaïe 52.10 Esaïe 40.5 Psaumes 98.2-98.3 Luc 2.30-2.32 Luc 2.10-2.11
⁷ dicebat ergo ad turbas quae exiebant ut baptizarentur ab ipso genimina viperarum quis ostendit vobis fugere a ventura ira
Matthieu 23.33 1 Thessaloniciens 1.10 Matthieu 12.34 1 Jean 3.8 Genèse 3.15
⁸ facite ergo fructus dignos paenitentiae et ne coeperitis dicere patrem habemus Abraham dico enim vobis quia potest Deus de lapidibus istis suscitare filios Abrahae
Actes 26.20 Esaïe 1.16-1.18 Jean 8.33 Ezéchiel 18.27-18.31 Romains 4.16
⁹ iam enim securis ad radicem arborum posita est omnis ergo arbor non faciens fructum exciditur et in ignem mittitur
Luc 13.9 Matthieu 7.19 Jean 15.6 Matthieu 3.10 Luc 13.7
¹⁰ et interrogabant eum turbae dicentes quid ergo faciemus
Actes 2.37 Actes 16.30 Luc 3.14 Actes 9.6 Luc 3.12
¹¹ respondens autem dicebat illis qui habet duas tunicas det non habenti et qui habet escas similiter faciat
Daniel 4.27 1 Jean 3.17 Luc 18.22 1 Timothée 6.18 Actes 10.4
¹² venerunt autem et publicani ut baptizarentur et dixerunt ad illum magister quid faciemus
Luc 7.29 Matthieu 21.31-21.32 Luc 15.1-15.2 Luc 18.13
¹³ at ille dixit ad eos nihil amplius quam quod constitutum est vobis faciatis
Luc 19.8 Michée 6.8 1 Corinthiens 6.10 Tite 2.11-2.12 Esaïe 55.6-55.7
¹⁴ interrogabant autem eum et milites dicentes quid faciemus et nos et ait illis neminem concutiatis neque calumniam faciatis et contenti estote stipendiis vestris
Exode 23.1 Philippiens 4.11 Lévitique 19.11 Hébreux 13.5-13.6 Exode 20.16
¹⁵ existimante autem populo et cogitantibus omnibus in cordibus suis de Iohanne ne forte ipse esset Christus
Jean 1.19-1.28 Jean 10.24 Jean 3.28-3.29
¹⁶ respondit Iohannes dicens omnibus ego quidem aqua baptizo vos venit autem fortior me cuius non sum dignus solvere corrigiam calciamentorum eius ipse vos baptizabit in Spiritu Sancto et igni
Jean 1.26 Actes 1.5 Jean 1.33 Matthieu 3.11 1 Corinthiens 12.13
¹⁷ cuius ventilabrum in manu eius et purgabit aream suam et congregabit triticum in horreum suum paleas autem conburet igni inextinguibili
Matthieu 13.30 Esaïe 30.24 Psaumes 1.4 Marc 9.43-9.49 Jérémie 15.7
¹⁸ multa quidem et alia exhortans evangelizabat populum
Jean 1.29 Jean 1.15 Actes 2.40 Jean 1.34 Jean 3.29-3.36
¹⁹ Herodes autem tetrarcha cum corriperetur ab illo de Herodiade uxore fratris sui et de omnibus malis quae fecit Herodes
Luc 3.1 Marc 6.17-6.18 Matthieu 11.2 Proverbes 9.7-9.8 Proverbes 15.12
²⁰ adiecit et hoc supra omnia et inclusit Iohannem in carcere
2 Rois 21.16 1 Thessaloniciens 2.15-2.16 2 Rois 24.4 Matthieu 21.35-21.41 Jérémie 2.30
²¹ factum est autem cum baptizaretur omnis populus et Iesu baptizato et orante apertum est caelum
Jean 1.32-1.34 Matthieu 3.13-3.17 Luc 9.18 Jean 12.27-12.28 Marc 1.9-1.11
²² et descendit Spiritus Sanctus corporali specie sicut columba in ipsum et vox de caelo facta est tu es Filius meus dilectus in te conplacuit mihi
2 Pierre 1.17-1.18 Jean 1.32 Matthieu 17.5 Psaumes 2.7 Luc 9.34-9.35

Généalogie de Jésus

²³ et ipse Iesus erat incipiens quasi annorum triginta ut putabatur filius Ioseph qui fuit Heli
Matthieu 13.55 Nombres 4.3 Matthieu 1.16 Marc 6.3 Actes 1.1
²⁴ qui fuit Matthat qui fuit Levi qui fuit Melchi qui fuit Iannae qui fuit Ioseph
²⁵ qui fuit Matthathiae qui fuit Amos qui fuit Naum qui fuit Esli qui fuit Naggae
²⁶ qui fuit Maath qui fuit Matthathiae qui fuit Semei qui fuit Iosech qui fuit Ioda
²⁷ qui fuit Iohanna qui fuit Resa qui fuit Zorobabel qui fuit Salathihel qui fuit Neri
Matthieu 1.12
²⁸ qui fuit Melchi qui fuit Addi qui fuit Cosam qui fuit Helmadam qui fuit Her
²⁹ qui fuit Iesu qui fuit Eliezer qui fuit Iorim qui fuit Matthat qui fuit Levi
³⁰ qui fuit Symeon qui fuit Iuda qui fuit Ioseph qui fuit Iona qui fuit Eliachim
³¹ qui fuit Melea qui fuit Menna qui fuit Matthata qui fuit Nathan qui fuit David
1 Chroniques 3.5 2 Samuel 5.14 1 Chroniques 14.4 Zacharie 12.12
³² qui fuit Iesse qui fuit Obed qui fuit Booz qui fuit Salmon qui fuit Naasson
Matthieu 1.3-1.6 1 Chroniques 2.10-2.15 Ruth 4.18-4.22 1 Samuel 17.58 1 Rois 12.16
³³ qui fuit Aminadab qui fuit Aram qui fuit Esrom qui fuit Phares qui fuit Iudae
Ruth 4.19-4.20 1 Chroniques 2.4-2.5 Matthieu 1.2-1.4 Genèse 46.12 1 Chroniques 2.9-2.10
³⁴ qui fuit Iacob qui fuit Isaac qui fuit Abraham qui fuit Thare qui fuit Nachor
Genèse 21.3 Genèse 25.26 Genèse 11.24-11.32 1 Chroniques 1.24-1.28 1 Chroniques 1.34
³⁵ qui fuit Seruch qui fuit Ragau qui fuit Phalec qui fuit Eber qui fuit Sale
Genèse 11.12-11.21 Genèse 10.24-10.25
³⁶ qui fuit Cainan qui fuit Arfaxat qui fuit Sem qui fuit Noe qui fuit Lamech
Genèse 7.23 Genèse 8.1 Genèse 9.1 Genèse 9.26-9.27 1 Pierre 3.20
³⁷ qui fuit Mathusalae qui fuit Enoch qui fuit Iared qui fuit Malelehel qui fuit Cainan
Genèse 5.6-5.28 1 Chroniques 1.1-1.3
³⁸ qui fuit Enos qui fuit Seth qui fuit Adam qui fuit Dei
Genèse 4.25-5.3 Actes 17.26-17.29 Genèse 2.7 1 Corinthiens 15.45 Genèse 1.26-1.27