Josué 22
Vulgate

Retour de Ruben, Gad et Manassé chez eux

1 eodem tempore vocavit Iosue Rubenitas et Gadditas et dimidiam tribum Manasse
Nombres 32.18-32.33 Deutéronome 29.7-29.8
2 dixitque ad eos fecistis omnia quae vobis praecepit Moses famulus Domini mihi quoque in omnibus oboedistis
Josué 1.12-1.18 Nombres 32.20-32.29 Deutéronome 3.16-3.20
3 nec reliquistis fratres vestros longo tempore usque in praesentem diem custodientes imperium Domini Dei vestri
Philippiens 1.23-1.27
4 quia igitur dedit Dominus Deus vester fratribus vestris quietem ac pacem sicut pollicitus est revertimini et ite in tabernacula vestra et in terram possessionis quam tradidit vobis Moses famulus Domini trans Iordanem
Josué 13.8 Nombres 32.33-32.42 Deutéronome 3.1-3.17 Deutéronome 12.9 Nombres 32.18
5 ita dumtaxat ut custodiatis adtente et opere conpleatis mandatum et legem quam praecepit vobis Moses servus Domini ut diligatis Dominum Deum vestrum et ambuletis in omnibus viis eius et observetis mandata illius adhereatisque ei ac serviatis in omni corde et in omni anima vestra
Deutéronome 6.17 Matthieu 4.10 Deutéronome 11.22 Deutéronome 11.1 Deutéronome 11.13
6 benedixitque eis Iosue et dimisit eos qui reversi sunt in tabernacula sua
Josué 14.13 Genèse 47.7 Luc 24.50 Exode 39.43 2 Samuel 6.18
7 tribui autem Manasse mediae possessionem Moses dederat in Basan et idcirco mediae quae superfuit dedit Iosue sortem inter ceteros fratres suos trans Iordanem ad occidentalem eius plagam cumque dimitteret eos in tabernacula sua et benedixisset illis
Josué 17.1-17.12 Josué 13.29-13.31 Nombres 32.33
8 dixit ad eos in multa substantia atque divitiis revertimini ad sedes vestras cum argento et auro aere ac ferro et veste multiplici dividite praedam hostium cum fratribus vestris
Nombres 31.27 1 Samuel 30.24 2 Chroniques 17.5 Deutéronome 8.9-8.14 1 Samuel 30.16
9 reversique sunt et abierunt filii Ruben et filii Gad et dimidia tribus Manasse a filiis Israhel de Silo quae sita est in Chanaan ut intrarent Galaad terram possessionis suae quam obtinuerant iuxta imperium Domini in manu Mosi
Nombres 32.29 Nombres 32.26 Nombres 32.1 Josué 13.31 Josué 13.25
10 cumque venissent ad tumulos Iordanis in terra Chanaan aedificaverunt iuxta Iordanem altare infinitae magnitudinis
Genèse 28.18 Josué 22.25-22.28 Josué 4.5-4.9 Josué 24.26-24.27 Genèse 31.46-31.52
11 quod cum audissent filii Israhel et ad eos certi nuntii detulissent aedificasse filios Ruben et Gad et dimidiae tribus Manasse altare in terra Chanaan super Iordanis tumulos contra filios Israhel
Deutéronome 13.12-13.14 Lévitique 17.8-17.9 Juges 12.5 Deutéronome 12.5-12.7 Josué 3.14-3.16
12 convenerunt omnes in Silo ut ascenderent et dimicarent contra eos
Galates 4.17-4.18 Actes 11.2-11.3 Josué 18.1 Juges 20.1-20.11 Romains 10.2
13 et interim miserunt ad illos in terram Galaad Finees filium Eleazar sacerdotem
Nombres 25.7 Exode 6.25 Juges 20.28 Psaumes 106.30-106.31 Juges 20.12
14 et decem principes cum eo singulos de tribubus singulis
Nombres 1.4 Exode 18.25
15 qui venerunt ad filios Ruben et Gad et dimidiae tribus Manasse in terram Galaad dixeruntque ad eos
Matthieu 18.17 Nombres 14.43 2 Chroniques 26.18 Exode 32.8 1 Chroniques 21.3
16 haec mandat omnis populus Domini quae est ista transgressio cur reliquistis Dominum Deum Israhel aedificantes altare sacrilegum et a cultu illius recedentes
Deutéronome 12.13-12.14
17 an parum vobis est quod peccastis in Beelphegor et usque in praesentem diem macula huius sceleris in nobis permanet multique de populo corruerunt
Psaumes 106.28-106.29 Deutéronome 4.3-4.4 Nombres 25.1-25.18 1 Corinthiens 10.8 1 Corinthiens 10.11
18 et vos hodie reliquistis Dominum et cras in universum Israhel eius ira desaeviet
Nombres 16.22 Josué 22.16 1 Rois 9.6 2 Chroniques 34.33 1 Chroniques 21.14
19 quod si putatis inmundam esse terram possessionis vestrae transite ad terram in qua tabernaculum Domini est et habitate inter nos tantum ut a Domino et a nostro consortio non recedatis aedificato altari praeter altare Domini Dei vestri
Josué 18.1 Actes 10.14-10.15 Lévitique 18.25-18.28 Exode 15.17 Actes 11.8-11.9
20 nonne Achan filius Zare praeteriit mandatum Domini et super omnem populum Israhel ira eius incubuit et ille erat unus homo atque utinam solus perisset in scelere suo
Josué 7.1 Josué 7.5 Josué 7.18 Josué 7.24 2 Pierre 2.6
21 responderuntque filii Ruben et Gad et dimidiae tribus Manasse principibus legationis Israhel
Proverbes 16.1 1 Pierre 3.15 Michée 5.2 Proverbes 24.26 Proverbes 18.13
22 fortissimus Deus Dominus fortissimus Deus Dominus ipse novit et Israhel simul intelleget si praevaricationis animo hoc altare construximus non custodiat nos sed puniat in praesenti
Deutéronome 10.17 1 Rois 8.39 Psaumes 44.21 Job 10.7 Jérémie 17.10
23 et si ea mente fecimus ut holocausta et sacrificium et pacificas victimas super eo inponeremus ipse quaerat et iudicet
1 Samuel 20.16 Deutéronome 18.19 2 Chroniques 24.22 Ezéchiel 33.8 Ezéchiel 3.18
24 et non ea magis cogitatione atque tractatu ut diceremus cras dicent filii vestri filiis nostris quid vobis et Domino Deo Israhel
Josué 4.6 Genèse 30.33 Exode 13.14 Deutéronome 6.20 Genèse 18.19
25 terminum posuit Dominus inter nos et vos o filii Ruben et filii Gad Iordanem fluvium et idcirco partem non habetis in Domino et per hanc occasionem avertent filii vestri filios nostros a timore Domini putavimus itaque melius
1 Samuel 26.19 1 Rois 15.30 1 Rois 14.16 Josué 22.27 Esdras 4.2-4.3
26 et diximus extruamus nobis altare non in holocausta neque ad victimas offerendas
27 sed in testimonium inter nos et vos et subolem nostram vestramque progeniem ut serviamus Domino et iuris nostri sit offerre holocausta et victimas et pacificas hostias et nequaquam dicant cras filii vestri filiis nostris non est vobis pars in Domino
Josué 24.27 Genèse 31.48 Deutéronome 12.5-12.6 Josué 22.34 Deutéronome 12.17-12.18
28 quod si voluerint dicere respondebunt eis ecce altare Domini quod fecerunt patres nostri non in holocausta neque in sacrificium sed in testimonium vestrum ac nostrum
Ezéchiel 43.10-43.11 Hébreux 8.5 Exode 25.40 2 Rois 16.10
29 absit a nobis hoc scelus ut recedamus a Domino et eius vestigia relinquamus extructo altari ad holocausta et sacrificia et victimas offerendas praeter altare Domini Dei nostri quod extructum est ante tabernaculum eius
Deutéronome 12.13-12.14 Josué 24.16 Genèse 44.7 1 Samuel 12.23 Genèse 44.17
30 quibus auditis Finees sacerdos et principes legationis Israhel qui erant cum eo placati sunt et verba filiorum Ruben et Gad et dimidiae tribus Manasse libentissime susceperunt
Josué 22.33 Juges 8.3 Actes 11.18 1 Samuel 29.6 1 Samuel 25.32-25.33
31 dixitque Finees filius Eleazari sacerdos ad eos nunc scimus quod nobiscum sit Dominus quoniam alieni estis a praevaricatione hac et liberastis filios Israhel de manu Domini
2 Chroniques 15.2 Lévitique 26.11-26.12 Zacharie 8.23 Psaumes 68.17 Matthieu 1.23
32 reversusque est cum principibus a filiis Ruben et Gad de terra Galaad finium Chanaan ad filios Israhel et rettulit eis
Josué 22.12-22.14 Proverbes 25.13
33 placuitque sermo cunctis audientibus et laudaverunt Deum filii Israhel et nequaquam ultra dixerunt ut ascenderent contra eos atque pugnarent et delerent terram possessionis eorum
1 Chroniques 29.20 Luc 2.28 Daniel 2.19 Josué 22.30 Actes 15.12
34 vocaveruntque filii Ruben et filii Gad altare quod extruxerant Testimonium nostrum quod Dominus ipse sit Deus
Josué 22.27 Esaïe 43.10 1 Rois 18.39 Matthieu 4.10 Josué 24.27