Juges 20.25
Vulgate

¹ egressi sunt itaque omnes filii Israhel et pariter congregati quasi vir unus de Dan usque Bersabee et terra Galaad ad Dominum in Maspha
Juges 11.11 1 Samuel 3.20 Juges 21.5 1 Samuel 10.17 Josué 22.12
² omnesque anguli populorum et cunctae tribus Israhel in ecclesiam populi Dei convenerunt quadringenta milia peditum pugnatorum
Juges 8.10 Juges 20.17 Juges 20.15 2 Samuel 24.9 2 Rois 3.26
³ nec latuit filios Beniamin quod ascendissent filii Israhel in Maspha interrogatusque Levita maritus mulieris interfectae quomodo tantum scelus perpetratum esset
Juges 19.22-19.27 Luc 12.58-12.59 Proverbes 22.3 Matthieu 5.25 Luc 14.31-14.32
⁴ respondit veni in Gabaa Beniamin cum uxore mea illucque deverti
Juges 19.15-19.28
⁵ et ecce homines civitatis illius circumdederunt nocte domum in qua manebam volentes me occidere et uxorem meam incredibili libidinis furore vexantes denique mortua est
Juges 19.22 Juges 19.25-19.26 Deutéronome 22.24 Ezéchiel 22.10-22.11 Genèse 19.4-19.8
⁶ quam arreptam in frusta concidi misique partes in omnes terminos possessionis vestrae quia numquam tantum nefas et tam grande piaculum factum est in Israhel
Juges 19.29 Juges 19.23 Josué 7.15 Genèse 34.7 Juges 20.10
⁷ adestis omnes filii Israhel decernite quid facere debeatis
Juges 19.30 Proverbes 20.18 1 Corinthiens 5.1 Josué 9.14 1 Corinthiens 5.6
⁸ stansque omnis populus quasi unius hominis sermone respondit non recedemus in tabernacula nostra nec suam quisquam intrabit domum
Juges 20.1 Ecclésiaste 9.10 Proverbes 21.3 Juges 21.1 Juges 21.5
⁹ sed hoc contra Gabaa in commune faciemus
Actes 1.26 Josué 14.2 1 Samuel 14.41-14.42 Néhémie 11.1 Jonas 1.7
¹⁰ decem viri eligantur e centum ex omnibus tribubus Israhel et centum de mille et mille de decem milibus ut conportent exercitui cibaria et possimus pugnantes contra Gabaa Beniamin reddere ei pro scelere quod meretur
¹¹ convenitque universus Israhel ad civitatem quasi unus homo eadem mente unoque consilio
¹² et miserunt nuntios ad omnem tribum Beniamin qui dicerent cur tantum nefas in vobis reppertum est
Deutéronome 13.14 Matthieu 18.15-18.18 Josué 22.13-22.16 Deutéronome 20.10 Romains 12.18
¹³ tradite homines de Gabaa qui hoc flagitium perpetrarunt ut moriantur et auferatur malum de Israhel qui noluerunt fratrum suorum filiorum Israhel audire mandatum
Juges 19.22 Deutéronome 17.12 Deutéronome 13.13 1 Samuel 30.22 Osée 10.9
¹⁴ sed ex cunctis urbibus quae suae sortis erant convenerunt in Gabaa ut illis ferrent auxilium et contra universum Israhel populum dimicarent
Nombres 21.23 Nombres 20.20 Job 15.25-15.26 2 Chroniques 13.13
¹⁵ inventique sunt viginti quinque milia de Beniamin educentium gladium praeter habitatores Gabaa
Nombres 26.41 Juges 20.46-20.47 Juges 20.25 Juges 20.35 Nombres 1.37
¹⁶ qui septingenti erant viri fortissimi ita sinistra ut dextra proeliantes et sic fundis ad certum iacientes lapides ut capillum quoque possent percutere et nequaquam in alteram partem ictus lapidis deferretur
Juges 3.15 1 Chroniques 12.2 1 Samuel 17.49-17.50 1 Samuel 17.40 2 Chroniques 26.14
¹⁷ virorum quoque Israhel absque filiis Beniamin inventa sunt quadringenta milia educentium gladios et paratorum ad pugnam
Juges 20.2 1 Samuel 15.4 Nombres 26.51 1 Chroniques 21.5 1 Samuel 11.8
¹⁸ qui surgentes venerunt in domum Dei hoc est in Silo consulueruntque eum atque dixerunt quis erit in exercitu nostro princeps certaminis contra filios Beniamin quibus respondit Dominus Iudas sit dux vester
Juges 20.26-20.27 Juges 20.23 Nombres 27.21 Juges 20.7 Josué 18.1
¹⁹ statimque filii Israhel surgentes mane castrametati sunt iuxta Gabaa
Josué 3.1 Josué 6.12 Josué 7.16
²⁰ et inde procedentes ad pugnam contra Beniamin urbem obpugnare coeperunt
²¹ egressique filii Beniamin de Gabaa occiderunt de filiis Israhel die illo viginti duo milia viros
Juges 20.25 Osée 10.9 Psaumes 73.18-73.19 Jérémie 12.1 Deutéronome 23.9
²² rursum filii Israhel et fortitudine et numero confidentes in eodem loco in quo prius certaverant aciem direxerunt
2 Samuel 11.25 1 Samuel 30.6 Juges 20.17 Juges 20.15 Psaumes 64.5
²³ ita tamen ut prius ascenderent et flerent coram Domino usque ad noctem consulerentque eum et dicerent debeo ultra procedere ad dimicandum contra filios Beniamin fratres meos an non quibus ille respondit ascendite ad eum et inite certamen
Juges 20.26-20.27 Psaumes 78.34-78.36 Osée 5.15 Josué 7.6 Juges 20.18
²⁴ cumque filii Israhel altero die contra Beniamin ad proelium processissent
²⁵ eruperunt filii Beniamin de portis Gabaa et occurrentes eis tanta in illos caede baccati sunt ut decem et octo milia virorum educentium gladium prosternerent
Juges 20.21 Job 9.12-9.13 Romains 2.5 Psaumes 97.2 Romains 3.5
²⁶ quam ob rem omnes filii Israhel venerunt in domum Dei et sedentes flebant coram Domino ieiunaveruntque illo die usque ad vesperam et obtulerunt ei holocausta et pacificas victimas
Juges 20.23 Joël 2.12-2.18 Esdras 8.21 Esdras 9.4-9.5 Juges 20.18
²⁷ et super statu suo interrogaverunt eo tempore ibi erat arca foederis Dei
Josué 18.1 Juges 20.18 1 Samuel 4.3-4.4 Esaïe 59.1 Juges 20.23
²⁸ et Finees filius Eleazari filii Aaron praepositus domus consuluerunt igitur Dominum atque dixerunt exire ultra debemus ad pugnam contra filios Beniamin fratres nostros an quiescere quibus ait Dominus ascendite cras enim tradam eos in manus vestras
Deutéronome 18.5 Josué 24.33 Juges 7.9 Deutéronome 10.8 1 Samuel 14.37
²⁹ posueruntque filii Israhel insidias per circuitum urbis Gabaa
Josué 8.4 2 Samuel 5.23 Juges 20.34
³⁰ et tertia vice sicut semel et bis contra Beniamin exercitum produxerunt
³¹ sed et filii Beniamin audacter eruperunt de civitate et fugientes adversarios longius persecuti sunt ita ut vulnerarent ex eis sicut primo et secundo die et caederent per duas semitas terga vertentes quarum una ferebat in Bethel altera in Gabaa atque prosternerent triginta circiter viros
Josué 8.14-8.16 Esaïe 10.29 Juges 19.13-19.14 Josué 7.5
³² putaverunt enim solito eos more cedere qui fugam arte simulantes iniere consilium ut abstraherent eos de civitate et quasi fugientes ad supradictas semitas perducerent
Josué 8.15-8.16
³³ omnes itaque filii Israhel surgentes de sedibus suis tetenderunt aciem in loco qui vocatur Baalthamar insidiae quoque quae circa urbem erant paulatim se aperire coeperunt
Josué 8.18-8.22
³⁴ et ab occidentali urbis parte procedere sed et alia decem milia virorum de universo Israhel habitatores urbis ad certamina provocabant ingravatumque est bellum contra filios Beniamin et non intellexerunt quod ex omni parte illis instaret interitus
Josué 8.14 Esaïe 47.11 Job 21.13 Esaïe 3.10-3.11 Proverbes 4.19
³⁵ percussitque eos Dominus in conspectu filiorum Israhel et interfecerunt ex eis in illo die viginti quinque milia et centum viros omnes bellatores et educentes gladium
Job 20.5 Juges 20.15 Juges 20.44-20.46
³⁶ filii autem Beniamin cum se inferiores esse vidissent coeperunt fugere quod cernentes filii Israhel dederunt eis ad fugiendum locum ut ad praeparatas insidias devenirent quas iuxta urbem posuerant
Josué 8.15-8.29
³⁷ qui cum repente de latibulis surrexissent et Beniamin terga caedentibus daret ingressi sunt civitatem et percusserunt eam in ore gladii
Josué 8.19 Exode 19.13 Josué 6.5
³⁸ signum autem dederant filii Israhel his quos in insidiis conlocaverant ut postquam urbem cepissent ignem accenderent et ascendente in altum fumo captam urbem demonstrarent
Genèse 17.21 2 Rois 4.16 Josué 8.20
³⁹ quod cum cernerent filii Israhel in ipso certamine positi putaverunt enim filii Beniamin eos fugere et instantius sequebantur caesis de exercitu eorum triginta viris
Juges 20.32
⁴⁰ et viderent quasi columnam fumi de civitate conscendere Beniamin quoque retro aspiciens captam cerneret civitatem et flammas in sublime ferri
Josué 8.20 Genèse 19.28 Cantique 3.6 Joël 2.30 Apocalypse 19.3
⁴¹ qui prius simulaverant fugam versa facie fortius resistebant quod cum vidissent filii Beniamin in fugam versi sunt
1 Thessaloniciens 5.3 Exode 15.9-15.10 Luc 17.27-17.28 Apocalypse 6.15-6.17 Esaïe 13.8-13.9
⁴² et ad viam deserti ire coeperunt illuc quoque eos adversariis persequentibus sed et hii qui urbem succenderant occurrerunt eis
Osée 9.9 Lamentations 1.3 Josué 8.24 Osée 10.9 Josué 8.15
⁴³ atque ita factum est ut ex utraque parte ab hostibus caederentur nec erat ulla morientium requies ceciderunt atque prostrati sunt ad orientalem plagam urbis Gabaa
Josué 8.20-8.22
⁴⁴ fuerunt autem qui in eodem loco interfecti sunt decem et octo milia virorum omnes robustissimi pugnatores
⁴⁵ quod cum vidissent qui remanserant de Beniamin fugerunt in solitudinem et pergebant ad petram cuius vocabulum est Remmon in illa quoque fuga palantes et in diversa tendentes occiderunt quinque milia viros et cum ultra tenderent persecuti sunt eos et interfecerunt etiam alios duo milia
Josué 15.32 Juges 21.13 1 Chroniques 6.77 Zacharie 14.10
⁴⁶ et sic factum est ut omnes qui ceciderant de Beniamin in diversis locis essent viginti quinque milia pugnatores ad bella promptissimi
Juges 20.35 Juges 20.15
⁴⁷ remanserunt itaque de omni numero Beniamin qui evadere potuerant et fugere in solitudinem sescenti viri sederuntque in petra Remmon mensibus quattuor
Habakuk 3.2 Jérémie 14.7 Lamentations 3.32 Psaumes 103.9-103.10 Esaïe 1.9
⁴⁸ regressi autem filii Israhel omnes reliquias civitatis a viris usque ad iumenta gladio percusserunt cunctasque urbes et viculos Beniamin vorax flamma consumpsit
2 Chroniques 28.6-28.9 Deutéronome 13.15-13.17 Proverbes 18.19 2 Chroniques 25.13