A limosina
1 « Attenti d’ùn fà ciò chì hè ghjustu davant’à l’omi, per fà vi vede da elli, chì osinnò paca ùn ne averete ind’è u vostru Babbu chì stà in i celi.
Matthieu 23.5 Hébreux 6.10 Galates 6.12 Jean 12.43 Matthieu 16.6
2 « Perciò quand’è tù ferai a limosina ùn andà micca trumbittendu cum’è i falsi in e sinagoghe è in e strade, chì quelli volenu esse glurificati da l’omi. Da veru, a vi dicu, a so paca l’anu.
Matthieu 6.5 Matthieu 6.16 Actes 10.2 Job 31.16-31.20 Philémon 1.7
3 È quand’è tù fai tù a limosina, ch’ella ùn sappia a to manu manca ciò ch’ella face a dritta
Jean 7.4 Marc 1.44 Matthieu 9.30
4 in manera ch’ella sia secreta, a to limosina, è u to Babbu chì vede in u secretu, a ti renderà. »
Jérémie 17.10 Matthieu 6.18 Matthieu 6.6 Psaumes 44.21 Hébreux 4.13
A prichera
5 « È quand’è vo pricate, ch’è vo ùn siate cum’è i falsi, chì li piace à pricà arritti in e sinagoghe, è in i scorni di e piazze, per fà si vede da l’omi. Da veru, a vi dicu : a so paca l’anu.
Matthieu 6.2 Luc 18.10-18.11 Marc 11.25 Luc 14.12-14.14 Luc 18.1
6 Ma tù quand’è tù prechi, entri ti ne in camara, serra a to porta è preca u to Babbu chì stà in u secretu, è u to Babbu chì vede in u secretu a ti renderà.
2 Rois 4.33 Esaïe 65.24 Esaïe 26.20 Matthieu 6.18 Psaumes 34.15
7 È quand’è vo pricate, ùn ratachjate micca cum’elli facenu i pagani, chì credenu d’avè da esse ascultati à rombu di parolle.
Ecclésiaste 5.2-5.3 Ecclésiaste 5.7 1 Rois 18.26-18.29 Matthieu 26.44 1 Rois 8.26-8.54
8 Ùn turnate micca cum’è elli, chì u vostru Babbu sà ciò chì v’abbisogna, prima ch’è vo a li dumanditi. »
Matthieu 6.32 Psaumes 38.9 Luc 12.30 Philippiens 4.6 Jean 16.23-16.27
U ‘Pater Nostru’
9 « Voi dunque pricate cusì :
Pater Nostru, chì stai in i celi,
ch’ellu sia santificatu u to nome,
Ezéchiel 36.23 Luc 11.1-11.4 Malachie 1.11 Lévitique 10.3 Apocalypse 4.11
10 ch’ellu venghi u to regnu
ch’ella sia fatta a to vuluntà
in celu cum’è in terra.
1 Pierre 2.15 1 Thessaloniciens 5.18 Matthieu 12.50 Matthieu 3.2 1 Thessaloniciens 4.3
11 U pane chì ci abbisogna, dà ci lu oghje,
Proverbes 30.8 Exode 16.16-16.35 Luc 11.3 Matthieu 4.4 1 Timothée 6.8
12 è togli ci i nostri debiti
cum’è no l’avemu tolti à quelli chì ci devianu.
Marc 11.25 Ephésiens 4.32 Exode 34.7 1 Rois 8.39 Psaumes 32.1
13 È ùn ci purtà micca ver di a tentazione,
ma franca ci da u male.
1 Corinthiens 10.13 Matthieu 26.41 Jean 17.15 Jérémie 15.21 1 Chroniques 16.36
14 Chì s’è vo perdunate à l’omi e so manchenze, à voi dinò vi perdunerà u vostru Babbu di u celu.
Ephésiens 4.32 Marc 11.25 Colossiens 3.13 Matthieu 7.2 Proverbes 21.13
15 Ma s’è vo ùn perdunate à l’omi mancu u vostru Babbu vi perdunerà e vostre manchenze. »
Matthieu 18.35
U dighjunu
16 « È quand’è vo farete u dighjunu, ùn siate micca cum’è i falzi musi longhi, chì storcenu u grunghju da fà vede à l’omi ch’elli facenu u dighjunu. Da veru a vi dicu : a so paca l’anu.
Esaïe 58.3-58.5 Matthieu 6.2 Luc 18.12 Matthieu 6.5 Psaumes 69.10
17 Ma tù quand’è tù faci u dighjunu, assesta ti u capu è pulisciti ti a faccia,
Ruth 3.3 2 Samuel 12.20 2 Samuel 14.2 Daniel 10.2-10.3 Ecclésiaste 9.8
18 di modu à ùn fà vede à l’omi u to dighjunu, ma ch’ellu u vega u to Babbu chì stà in u secretu, è u to Babbu chì vede in u secretu, a ti renderà. »
Matthieu 6.4 Matthieu 6.6 2 Corinthiens 10.18 2 Corinthiens 5.9 Colossiens 3.22-3.24
U tesoru in i celi
19 « Ùn ammansate tesori nant’à a terra, chì veneranu a camula è i vermi da fà li infracicà, è i ladri chì rompenu è chì arrubanu.
Hébreux 13.5 Jacques 5.1-5.3 1 Timothée 6.8-6.10 1 Jean 2.15-2.16 Luc 12.21
20 Ma ammansate tesori in celu, chì ùn ci hè nè camula nè vermi da fà li infracicà, è mancu ci hè ladri chì rompenu è chì arrubanu.
Luc 12.33 Matthieu 19.21 1 Timothée 6.19 1 Pierre 1.4 Hébreux 11.26
21 Chì induv’ellu sarà to tesoru, custì dinò ci sarà u to core. »
Colossiens 3.1-3.3 Luc 12.34 Proverbes 4.23 Romains 7.5-7.7 2 Corinthiens 4.18
A lumera di a persona
22 « A lumera di a persona hè l’ochju. Dunque s’ellu hè lindu u to ochju, serà luminosa a to persona sana,
Luc 11.34-11.36 2 Corinthiens 11.3
23 ma s’ell’hè torbu u to ochju, serà bughjicosa a to persona sana. È s’ell’hè neru u lume ch’è tù ai nentru, pocu bughju nò ! »
1 Corinthiens 1.18-1.20 Romains 2.17-2.23 Matthieu 6.22 Esaïe 5.20-5.21 Jérémie 4.22
O Diu o i soldi
24 « Ùn pò esse nimu u servu di dui patroni, chì à unu li purterà l’odiu è à l’altru u tenerà caru, osinnò hà da affezziunà si à unu è disprezzà l’altru. Ùn pudete esse servi di Diu è di u soldu. »
Luc 16.13 1 Jean 2.15-2.16 Jacques 4.4 Luc 16.11 1 Timothée 6.9-6.10
I penseri
25 « Hè perciò ch’o’ vi dicu : ùn abbiate penseri per a vostra vita, per ciò ch’è v’avete da manghjà — o da beie —, nè mancu pè a vostra persona, cum’è v’avete da veste la. Ùn hè, a vita, altru è più chè a manghjusca, è a persona altru è più chè a vestitoghja ?
Matthieu 6.31 Philippiens 4.6 1 Pierre 5.7 Matthieu 6.34 Matthieu 6.27-6.28
26 Fighjate l’acelli di u celu : mancu facenu suminera nè sichera, più pocu ammansanu in i granaghji, è u vostru Babbu di i celi li dà a pruvenda. È ùn site voi, altru è più chè elli ?
Psaumes 147.9 Job 38.41 Luc 12.24-12.32 Matthieu 7.9 Psaumes 104.27-104.28
27 Quale di voi, s’ellu si mette in penseri, puderebbe allungà a so vita, solu di dui palmi ?
Ecclésiaste 3.14 Luc 12.25-12.26 Matthieu 5.36 Psaumes 39.5-39.6 1 Corinthiens 12.18
28 È per a vestitoghja, chì andate à mettevi in penseri ? Amparate da i gigli campagnoli, cum’elli crescenu : è mancu strazianu nè filanu.
Matthieu 6.31 Matthieu 6.25 Luc 12.27 Philippiens 4.6 Luc 22.35-22.36
29 Eu vi dicu chì mancu Salamone in tutta a sa gloria ùn fù vestutu cum’è unu di quessi.
2 Chroniques 9.20-9.22 2 Chroniques 9.4-9.6 1 Pierre 3.2-3.5 1 Timothée 2.9-2.10 1 Rois 10.4-10.7
30 Sì Diu veste cusì l’erba di a campagna chì oghje ci hè, è dumane hà da esse lampata in lu fornu, vulete ch’ellu ùn fia altru è tantu per voi, o ghjente di poca fede ?
Matthieu 16.8 Matthieu 8.26 Matthieu 14.31 1 Pierre 1.24 Jacques 1.10-1.11
31 Dunque ùn vi mettite in penseri è ùn dite : ‘chì avemu da manghjà ?’ o ‘chì avemu da beie ?’ o ‘cume ci avemu da veste ?’
1 Pierre 5.7 Psaumes 55.22 Luc 12.29 Psaumes 37.3 Matthieu 15.33
32 Chì di tuttu què si ne primureghjanu i pagani, è u vostru Babbu di u celu sà ch’è vo avete bisognu di tuttu què.
Matthieu 6.8 Luc 12.30 Ephésiens 4.17 1 Thessaloniciens 4.5 Psaumes 17.14
33 Dunque circate prima u Regnu di Diu è a so ghjustizia, è tuttu què vi serà datu in soprappiù.
Matthieu 5.6 Luc 12.31 Jean 6.27 Marc 10.29-10.30 Psaumes 34.9-34.10
34 Dunque ùn siate in penseri per dumane, chì dumane pigliarà penseri a di per ellu. À ogni ghjornu bastanu i so guai. »
Matthieu 6.25 Jean 14.27 Jean 16.33 Exode 16.18-16.20 Hébreux 13.5-13.6