Esaïe 37.25
Vulgate

Délivrance d’Ézéchias et de Juda

¹ et factum est cum audisset rex Ezechias scidit vestimenta sua et obvolutus est sacco et intravit in domum Domini
2 Rois 19.1-19.37 Job 1.20-1.21 Esaïe 36.22-37.38 2 Rois 22.11 Matthieu 11.21
² et misit Eliachim qui erat super domum et Sobnam scribam et seniores de sacerdotibus opertos saccis ad Isaiam filium Amos prophetam
Esaïe 1.1 Esaïe 37.14 Esaïe 36.3 2 Rois 18.18 2 Rois 19.2
³ et dixerunt ad eum haec dicit Ezechias dies tribulationis et correptionis et blasphemiae dies haec quia venerunt filii usque ad partum et virtus non est parienti
Osée 13.13 Esaïe 66.9 Esaïe 33.2 Esaïe 26.17-26.18 2 Rois 19.3
⁴ si quo modo audiat Dominus Deus tuus verba Rabsaces quem misit rex Assyriorum dominus suus ad blasphemandum Deum viventem et obprobrandum sermonibus quos audivit Dominus Deus tuus leva ergo orationem pro reliquiis quae reppertae sunt
Esaïe 36.20 Esaïe 1.9 Psaumes 106.23 Esaïe 10.22 Romains 9.27
⁵ et venerunt servi regis Ezechiae ad Isaiam
⁶ et dixit ad eos Isaias haec dicetis domino vestro haec dicit Dominus ne timeas a facie verborum quae audisti quibus blasphemaverunt pueri regis Assyriorum me
Esaïe 35.4 Esaïe 7.4 2 Rois 19.5-19.7 Esaïe 10.24-10.25 2 Rois 22.15-22.20
⁷ ecce ego dabo ei spiritum et audiet nuntium et revertetur ad terram suam et corruere eum faciam gladio in terra sua
Esaïe 37.9 Job 4.9 Esaïe 10.16-10.18 Esaïe 29.5-29.8 Esaïe 17.13-17.14
⁸ reversus est autem Rabsaces et invenit regem Assyriorum proeliantem adversus Lobna audierat enim quia profectus esset de Lachis
Josué 10.29 Josué 15.39 Josué 12.11 2 Chroniques 21.10 2 Rois 19.8-19.9
⁹ et audivit de Tharaca rege Aethiopiae dicentes egressus est ut pugnet contra te quod cum audisset misit nuntios ad Ezechiam dicens
Esaïe 20.5 1 Samuel 23.27-23.28 Esaïe 37.7 Esaïe 18.1
¹⁰ haec dicetis Ezechiae regi Iudae loquentes non te decipiat Deus tuus in quo tu confidis dicens non dabitur Hierusalem in manu regis Assyriorum
Esaïe 36.15 2 Rois 18.5 Matthieu 27.43 2 Chroniques 32.15-32.19 Esaïe 36.4
¹¹ ecce tu audisti omnia quae fecerunt reges Assyriorum omnibus terris quas subverterunt et tu poteris liberari
Esaïe 36.18-36.20 Esaïe 37.18-37.19 Esaïe 10.7-10.14 Esaïe 14.17 2 Rois 18.33-18.35
¹² numquid eruerunt eos dii gentium quos subverterunt patres mei Gozan et Aran et Reseph et filios Eden qui erant in Thalassar
Genèse 11.31 2 Rois 18.11 2 Rois 17.6 Actes 7.2 2 Rois 19.12
¹³ ubi est rex Emath et rex Arfad et rex urbis Seffarvaim Anahe et Ava
2 Rois 17.30-17.31 2 Rois 18.34 2 Rois 19.13 2 Rois 17.24 Esaïe 10.9
¹⁴ et tulit Ezechias libros de manu nuntiorum et legit eos et ascendit in domum Domini et expandit eos Ezechias coram Domino
Joël 2.17-2.20 Esaïe 37.1 2 Chroniques 6.20-6.42 Psaumes 76.1-76.3 1 Rois 8.38
¹⁵ et oravit Ezechias ad Dominum dicens
2 Samuel 7.18-7.29 Philippiens 4.6-4.7 1 Samuel 7.8-7.9 2 Chroniques 20.6-20.12 Jacques 5.13
¹⁶ Domine exercituum Deus Israhel qui sedes super cherubin tu es Deus solus omnium regnorum terrae tu fecisti caelum et terram
Exode 25.22 Psaumes 99.1 Psaumes 86.10 1 Samuel 4.4 Colossiens 1.16
¹⁷ inclina Domine aurem tuam et audi aperi Domine oculos tuos et vide et audi omnia verba Sennacherib quae misit ad blasphemandum Deum viventem
2 Chroniques 6.40 Psaumes 74.22 Esaïe 37.4 Psaumes 10.14-10.15 Psaumes 17.6
¹⁸ vere enim Domine desertas fecerunt reges Assyriorum terras et regiones earum
2 Rois 15.29 Nahum 2.11-2.12 2 Rois 16.9 2 Rois 17.6 2 Rois 17.24
¹⁹ et dederunt deos earum igni non enim erant dii sed opera manuum hominum lignum et lapis et comminuerunt eos
Esaïe 41.24 Esaïe 40.19-40.21 Psaumes 115.4-115.8 Esaïe 44.9-44.10 2 Samuel 5.21
²⁰ et nunc Domine Deus noster salva nos de manu eius et cognoscant omnia regna terrae quia tu es Dominus solus
Psaumes 46.10 1 Rois 18.36-18.37 Ezéchiel 36.23 Psaumes 83.17-83.18 1 Rois 8.43
²¹ et misit Isaias filius Amos ad Ezechiam dicens haec dicit Dominus Deus Israhel pro quibus rogasti me de Sennacherib rege Assyriorum
Daniel 9.20-9.23 Esaïe 38.3-38.6 Esaïe 37.2 2 Samuel 17.23 Esaïe 65.24
²² hoc est verbum quod locutus est Dominus super eum despexit te subsannavit te virgo filia Sion post te caput movit filia Hierusalem
Job 16.4 Sophonie 3.14 Esaïe 1.8 Zacharie 2.10 Jérémie 14.17
²³ cui exprobrasti et quem blasphemasti et super quem exaltasti vocem et levasti altitudinem oculorum tuorum ad Sanctum Israhel
Ezéchiel 39.7 Esaïe 43.3 Esaïe 43.14 Psaumes 73.9 Esaïe 10.20
²⁴ in manu servorum tuorum exprobrasti Domino et dixisti in multitudine quadrigarum mearum ego ascendi altitudinem montium iuga Libani et succidam excelsa cedrorum eius electas abietes illius et introibo altitudinem summitatis eius saltum Carmeli eius
Esaïe 14.8 Esaïe 10.18 2 Rois 19.22-19.23 Zacharie 11.1-11.2 Esaïe 29.17
²⁵ ego fodi et bibi aquam et exsiccavi vestigio pedis mei omnes rivos aggerum
1 Rois 20.10 Deutéronome 11.10 Esaïe 36.12 2 Rois 19.23-19.24
²⁶ numquid non audisti quae olim fecerim ei ex diebus antiquis ego plasmavi illud et nunc adduxi et factum est in eradicationem collium conpugnantium et civitatum munitarum
Actes 4.27-4.28 Actes 2.23 1 Pierre 2.8 Esaïe 10.5-10.6 Esaïe 10.15
²⁷ habitatores earum breviata manu contremuerunt et confusi sunt facti sunt sicut faenum agri et gramen pascuae et herba tectorum quae exaruit antequam maturesceret
Psaumes 129.6 Psaumes 37.2 Esaïe 19.16 Jacques 1.10-1.11 Nombres 14.9
²⁸ habitationem tuam et egressum tuum et introitum tuum cognovi et insaniam tuam contra me
Proverbes 15.3 Apocalypse 2.13 Psaumes 139.1-139.11 Proverbes 5.21 Jérémie 23.23-23.24
²⁹ cum fureres adversum me superbia tua ascendit in aures meas ponam ergo circulum in naribus tuis et frenum in labiis tuis et reducam te in viam per quam venisti
Esaïe 30.28 Ezéchiel 38.4 Esaïe 37.34 Ezéchiel 29.4 Esaïe 10.12
³⁰ tibi autem hoc erit signum comede hoc anno quae sponte nascuntur et in anno secundo pomis vescere in anno autem tertio seminate et metite et plantate vineas et comedite fructum earum
Exode 3.12 2 Rois 19.29 Lévitique 25.4-25.5 Esaïe 7.14 Lévitique 25.20-25.22
³¹ et mittet id quod salvatum fuerit de domo Iuda et quod reliquum est radicem deorsum et faciet fructum sursum
Esaïe 27.6 Psaumes 80.9 2 Rois 19.30-19.31 Esaïe 6.13 Esaïe 1.9
³² quia de Hierusalem exibunt reliquiae et salvatio de monte Sion zelus Domini exercituum faciet istud
Esaïe 9.7 Esaïe 59.17 2 Rois 19.31 Zacharie 1.14 Joël 2.18
³³ propterea haec dicit Dominus de rege Assyriorum non introibit civitatem hanc et non iaciet ibi sagittam et non occupabit eam clypeus et non mittet in circuitu eius aggerem
2 Rois 19.32-19.35 Luc 19.43-19.44 Esaïe 10.32-10.34 Esaïe 17.14 Esaïe 17.12
³⁴ in via qua venit per eam revertetur et civitatem hanc non ingredietur dicit Dominus
Esaïe 37.29 Proverbes 21.30
³⁵ et protegam civitatem istam ut salvem eam propter me et propter David servum meum
Esaïe 38.6 Esaïe 31.5 2 Rois 20.6 Esaïe 43.25 Jérémie 30.9
³⁶ egressus est autem angelus Domini et percussit in castris Assyriorum centum octoginta quinque milia et surrexerunt mane et ecce omnes cadavera mortuorum
2 Rois 19.35 Esaïe 10.12 2 Samuel 24.16 Esaïe 31.8 2 Chroniques 32.21-32.22
³⁷ et egressus est et abiit et reversus est Sennacherib rex Assyriorum et habitavit in Nineve
Jonas 3.3 Jonas 1.2 Genèse 10.11-10.12 Esaïe 37.7 Jonas 4.11
³⁸ et factum est cum adoraret in templo Nesrach deum suum Adramelech et Sarasar filii eius percusserunt eum gladio fugeruntque in terram Ararat et regnavit Asoraddon filius eius pro eo
Genèse 8.4 Esdras 4.2 Jérémie 51.27 2 Chroniques 32.21 Esaïe 14.9