Matthieu 6
Vulgate

¹ adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis est Matthieu 23.5 Hébreux 6.10 Jean 12.43 Galates 6.12 Luc 11.35
² cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suam Matthieu 6.5 Matthieu 6.16 Esaïe 9.17 Galates 2.10 Actes 9.36
³ te autem faciente elemosynam nesciat sinistra tua quid faciat dextera tua Jean 7.4 Matthieu 9.30 Marc 1.44
⁴ ut sit elemosyna tua in abscondito et Pater tuus qui videt in abscondito reddet tibi Jérémie 17.10 Matthieu 6.18 Matthieu 6.6 Psaumes 44.21 Jérémie 23.24
⁵ et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suam Matthieu 6.2 Luc 18.10-18.11 Marc 11.25 Luc 18.1 Luc 14.12-14.14
⁶ tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibi 2 Rois 4.33 Esaïe 65.24 Esaïe 26.20 Matthieu 6.18 Psaumes 34.15
⁷ orantes autem nolite multum loqui sicut ethnici putant enim quia in multiloquio suo exaudiantur Ecclésiaste 5.2-5.3 Ecclésiaste 5.7 1 Rois 18.26-18.29 Matthieu 26.44 Matthieu 26.39
⁸ nolite ergo adsimilari eis scit enim Pater vester quibus opus sit vobis antequam petatis eum Matthieu 6.32 Psaumes 38.9 Philippiens 4.6 Luc 12.30 Jean 16.23-16.27
⁹ sic ergo vos orabitis Pater noster qui in caelis es sanctificetur nomen tuum Ezéchiel 36.23 Luc 11.1-11.4 Malachie 1.11 Zacharie 14.9 Habakuk 2.14
¹⁰ veniat regnum tuum fiat voluntas tua sicut in caelo et in terra 1 Thessaloniciens 5.18 Matthieu 12.50 Matthieu 3.2 1 Pierre 2.15 Hébreux 10.36
¹¹ panem nostrum supersubstantialem da nobis hodie Proverbes 30.8 Exode 16.16-16.35 Luc 11.3 1 Timothée 6.8 Esaïe 33.16
¹² et dimitte nobis debita nostra sicut et nos dimisimus debitoribus nostris Marc 11.25 Ephésiens 4.32 Psaumes 32.1 Exode 34.7 1 Rois 8.39
¹³ et ne inducas nos in temptationem sed libera nos a malo 1 Corinthiens 10.13 Jean 17.15 Matthieu 26.41 Jérémie 15.21 2 Pierre 2.9
¹⁴ si enim dimiseritis hominibus peccata eorum dimittet et vobis Pater vester caelestis delicta vestra Ephésiens 4.32 Marc 11.25 Colossiens 3.13 Matthieu 7.2 Proverbes 21.13
¹⁵ si autem non dimiseritis hominibus nec Pater vester dimittet peccata vestra Matthieu 18.35
¹⁶ cum autem ieiunatis nolite fieri sicut hypocritae tristes demoliuntur enim facies suas ut pareant hominibus ieiunantes amen dico vobis quia receperunt mercedem suam Esaïe 58.3-58.5 Matthieu 6.2 Matthieu 6.5 Psaumes 69.10 Psaumes 35.13
¹⁷ tu autem cum ieiunas ungue caput tuum et faciem tuam lava Ruth 3.3 Daniel 10.2-10.3 Ecclésiaste 9.8 2 Samuel 12.20 2 Samuel 14.2
¹⁸ ne videaris hominibus ieiunans sed Patri tuo qui est in abscondito et Pater tuus qui videt in abscondito reddet tibi Matthieu 6.4 Matthieu 6.6 2 Corinthiens 5.9 Colossiens 3.22-3.24 Romains 2.6
¹⁹ nolite thesaurizare vobis thesauros in terra ubi erugo et tinea demolitur ubi fures effodiunt et furantur Hébreux 13.5 Jacques 5.1-5.3 Luc 12.21 1 Timothée 6.8-6.10 1 Jean 2.15-2.16
²⁰ thesaurizate autem vobis thesauros in caelo ubi neque erugo neque tinea demolitur et ubi fures non effodiunt nec furantur Luc 12.33 Hébreux 11.26 Matthieu 19.21 1 Timothée 6.19 1 Pierre 1.4
²¹ ubi enim est thesaurus tuus ibi est et cor tuum Colossiens 3.1-3.3 Proverbes 4.23 Luc 12.34 Romains 7.5-7.7 2 Corinthiens 4.18
²² lucerna corporis est oculus si fuerit oculus tuus simplex totum corpus tuum lucidum erit Luc 11.34-11.36 2 Corinthiens 11.3
²³ si autem oculus tuus nequam fuerit totum corpus tuum tenebrosum erit si ergo lumen quod in te est tenebrae sunt tenebrae quantae erunt 1 Corinthiens 1.18-1.20 Matthieu 6.22 Romains 2.17-2.23 Esaïe 5.20-5.21 Jérémie 4.22
²⁴ nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonae Luc 16.13 1 Jean 2.15-2.16 Jacques 4.4 Galates 1.10 Luc 16.11
²⁵ ideo dico vobis ne solliciti sitis animae vestrae quid manducetis neque corpori vestro quid induamini nonne anima plus est quam esca et corpus plus est quam vestimentum Matthieu 6.31 Philippiens 4.6 Matthieu 6.34 1 Pierre 5.7 Matthieu 6.27-6.28
²⁶ respicite volatilia caeli quoniam non serunt neque metunt neque congregant in horrea et Pater vester caelestis pascit illa nonne vos magis pluris estis illis Psaumes 147.9 Job 38.41 Luc 12.24-12.32 Psaumes 104.27-104.28 Matthieu 10.29-10.31
²⁷ quis autem vestrum cogitans potest adicere ad staturam suam cubitum unum Ecclésiaste 3.14 Luc 12.25-12.26 Matthieu 5.36 Psaumes 39.5-39.6 1 Corinthiens 12.18
²⁸ et de vestimento quid solliciti estis considerate lilia agri quomodo crescunt non laborant nec nent Matthieu 6.25 Matthieu 6.31 Luc 12.27 Philippiens 4.6 Luc 22.35-22.36
²⁹ dico autem vobis quoniam nec Salomon in omni gloria sua coopertus est sicut unum ex istis 2 Chroniques 9.20-9.22 1 Pierre 3.2-3.5 2 Chroniques 9.4-9.6 1 Rois 10.4-10.7 1 Timothée 2.9-2.10
³⁰ si autem faenum agri quod hodie est et cras in clibanum mittitur Deus sic vestit quanto magis vos minimae fidei Matthieu 16.8 Matthieu 14.31 Matthieu 8.26 Jacques 1.10-1.11 1 Pierre 1.24
³¹ nolite ergo solliciti esse dicentes quid manducabimus aut quid bibemus aut quo operiemur 1 Pierre 5.7 Luc 12.29 Psaumes 37.3 Matthieu 15.33 Psaumes 55.22
³² haec enim omnia gentes inquirunt scit enim Pater vester quia his omnibus indigetis Matthieu 6.8 Luc 12.30 Ephésiens 4.17 Psaumes 103.13 Matthieu 20.25-20.26
³³ quaerite autem primum regnum et iustitiam eius et omnia haec adicientur vobis Matthieu 5.6 Luc 12.31 Jean 6.27 Marc 10.29-10.30 Psaumes 34.9-34.10
³⁴ nolite ergo esse solliciti in crastinum crastinus enim dies sollicitus erit sibi ipse sufficit diei malitia sua Matthieu 6.25 Jean 14.27 Lamentations 3.23 Jean 16.33 Exode 16.18-16.20