Psaumes 105.9
Bible en Swahili de l’est

La fidélité de Dieu envers Israël

¹ Haleluya. Mshukuruni Bwana,liitieni jina ,Wajulisheni watu matendo yake.
² Mwimbieni, mwimbieni kwa zaburi, Zitafakarini ajabu zake zote.
³ Jisifuni kwa jina lake takatifu, Na ufurahi moyo wao wamtafutao Bwana.
⁴ Mtakeni Bwana na nguvu zake, Utafuteni uso wake sikuzote.
⁵ Zikumbukeni ajabu zake alizozifanya, Miujiza yake na hukumu za kinywa chake.
⁶ Enyi wazao wa Ibrahimu, mtumishi wake; Enyi wana wa Yakobo, wateule wake.
⁷ Yeye, Bwana, ndiye Mungu wetu; Duniani mwote mna hukumu zake.
⁸ Analikumbuka agano lake milele; Neno lile aliloviamuru vizazi elfu.
⁹ Agano alilofanya na Ibrahimu, Na uapo wake kwa Isaka.
¹⁰ Alilomthibitishia Yakobo liwe amri, Na Israeli liwe agano la milele.
¹¹ Akisema, Nitakupa wewe nchi ya Kanaani, Iwe urithi wenu mliopimiwa.
¹² Walipokuwa watu wawezao kuhesabiwa, Naam, watu wachache na wageni ndani yake,
¹³ Wakatanga-tanga toka taifa hata taifa, Toka ufalme mmoja hata kwa watu wengine.
¹⁴ Hakumwacha mtu awaonee, Hata wafalme aliwakemea kwa ajili yao.
¹⁵ Akisema, Msiwaguse masihi wangu, Wala msiwadhuru nabii zangu.
¹⁶ Akaiita njaa iijilie nchi, Akakiharibu chakula chote walichokitegemea.
¹⁷ Alimpeleka mtu mbele yao, Yusufu aliuzwa utumwani.
¹⁸ Walimwumiza miguu yake kwa pingu, Akatiwa katika minyororo ya chuma.
¹⁹ Hata wakati wa kuwadia neno lake, Ahadi ya Bwana ilimjaribu.
²⁰ Mfalme alituma watu akamfungua, Mkuu wa watu akamwachia.
²¹ Akamweka kuwa bwana wa nyumba yake, Na mwenye amri juu ya mali zake zote.
²² Awafunge masheki wake kama apendavyo, Na kuwafundisha wazee wake hekima.
²³ Israeli naye akaingia Misri, Yakobo akawa mgeni katika nchi ya Hamu.
²⁴ Akawajalia watu wake wazae sana, Akawafanya kuwa hodari kuliko watesi wao.
²⁵ Akawageuza moyo wawachukie watu wake, Wakawatendea hila watumishi wake.
²⁶ Akamtuma Musa, mtumishi wake, Na Haruni ambaye amemchagua.
²⁷ Akaweka mambo ya ishara zake kati yao, Na miujiza katika nchi ya Hamu.
²⁸ Alituma giza, kukafunga giza, Wala hawakuyaasi maneno yake.
²⁹ Aliyageuza maji yao yakawa damu, Akawafisha samaki wao.
³⁰ Nchi yao ilijaa vyura, Vyumbani mwa wafalme wao.
³¹ Alisema, kukaja makundi ya mainzi, Na chawa mipakani mwao mwote.
³² Badala ya mvua aliwapa mvua ya mawe, Na moto wa miali katika nchi yao.
³³ Akaipiga mizabibu yao na mitini yao, Akaivunja miti ya mipaka yao.
³⁴ Alisema, kukaja nzige, Na tunutu wasiohesabika;
³⁵ Wakaila miche yote ya nchi yao, Wakayala matunda ya ardhi yao.
³⁶ Akawapiga wazaliwa wa kwanza katika nchi, Malimbuko ya nguvu zao.
³⁷ Akawatoa hali wana fedha na dhahabu, Katika kabila zao asiwepo mwenye kukwaa.
³⁸ Misri ilifurahi walipoondoka, Maana kwa ajili yao hofu imewaangukia.
³⁹ Alitandaza wingu liwe funiko, Na moto utoe nuru usiku.
⁴⁰ Walipotaka akaleta kware, Akawashibisha chakula cha mbinguni.
⁴¹ Akaufunua mwamba, kukabubujika maji, Yakapita pakavuni kama mto.
⁴² Maana alilikumbuka neno lake takatifu, Na Ibrahimu, mtumishi wake.
⁴³ Akawatoa watu wake kwa shangwe, Na wateule wake kwa nyimbo za furaha.
⁴⁴ Akawapa nchi za mataifa, wakairithi kazi ya watu;
⁴⁵ Ili wazishike amri zake, na kuzitii sheria zake. Haleluya.