Psaumes 36
Vulgate

Le méchant et sa punition

1 ipsi David noli aemulari in malignantibus neque zelaveris facientes iniquitatem
Romains 3.18 Psaumes 18.1 Jude 1.1 Proverbes 16.6 2 Timothée 2.24
2 quoniam tamquam faenum velociter arescent et quemadmodum holera herbarum cito decident
Deutéronome 29.19 Psaumes 49.18 Psaumes 10.3 Osée 12.7-12.8 1 Samuel 15.18-15.24
3 spera in Domino et fac bonitatem et inhabita terram et pasceris in divitiis eius
Psaumes 55.21 Jérémie 4.22 Psaumes 10.7 Hébreux 10.39 1 Samuel 16.14
4 delectare in Domino et dabit tibi petitiones cordis tui
Esaïe 65.2 Michée 2.1 Proverbes 4.16 Romains 12.9 Psaumes 97.10
5 revela Domino viam tuam et spera in eum et ipse faciet
Psaumes 57.10 Psaumes 103.11 Psaumes 108.4 Esaïe 55.7-55.9 Psaumes 89.2
6 et educet quasi lumen iustitiam tuam et iudicium tuum tamquam meridiem
Romains 11.33 Psaumes 71.19 Psaumes 77.19 Psaumes 145.9 Psaumes 92.5
7 subditus esto Domino et ora eum noli aemulari in eo qui prosperatur in via sua in homine faciente iniustitias
Ruth 2.12 Psaumes 91.4 Psaumes 17.8 Psaumes 31.19 Psaumes 57.1
8 desine ab ira et derelinque furorem noli aemulari ut maligneris
Psaumes 65.4 Psaumes 16.11 Esaïe 25.6 Jérémie 31.12-31.14 Esaïe 58.11
9 quoniam qui malignantur exterminabuntur sustinentes autem Dominum ipsi hereditabunt terram
Jérémie 2.13 1 Pierre 2.9 Jean 4.14 Jean 4.10 Psaumes 27.1
10 et adhuc pusillum et non erit peccator et quaeres locum eius et non invenies
Jérémie 22.16 Psaumes 97.10-97.11 1 Pierre 1.5 Jean 17.3 2 Timothée 4.7-4.8
11 mansueti autem hereditabunt terram et delectabuntur in multitudine pacis
Esaïe 51.23 Psaumes 119.85 Psaumes 17.8-17.14 Psaumes 119.122 Psaumes 21.7-21.8
12 observabit peccator iustum et stridebit super eum dentibus suis
Psaumes 1.5 2 Thessaloniciens 1.8-1.9 Psaumes 140.10 Psaumes 18.38 Psaumes 55.23
13 Dominus autem inridebit eum quia prospicit quoniam veniet dies eius
14 gladium evaginaverunt peccatores intenderunt arcum suum ut decipiant pauperem et inopem ut trucident rectos corde
15 gladius eorum intret in corda ipsorum et arcus ipsorum confringatur
16 melius est modicum iusto super divitias peccatorum multas
17 quoniam brachia peccatorum conterentur confirmat autem iustos Dominus
18 novit Dominus dies inmaculatorum et hereditas eorum in aeternum erit
19 non confundentur in tempore malo et in diebus famis saturabuntur
20 quia peccatores peribunt inimici vero Domini mox honorificati fuerint et exaltati deficientes quemadmodum fumus defecerunt
21 mutuabitur peccator et non solvet iustus autem miseretur et tribuet
22 quia benedicentes ei hereditabunt terram maledicentes autem ei disperibunt
23 apud Dominum gressus hominis dirigentur et viam eius volet
24 cum ceciderit non conlidetur quia Dominus subponit manum suam
25 iunior fui et senui et non vidi iustum derelictum nec semen eius quaerens panes
26 tota die miseretur et commodat et semen illius in benedictione erit
27 declina a malo et fac bonum et inhabita in saeculum saeculi
28 quia Dominus amat iudicium et non derelinquet sanctos suos in aeternum conservabuntur iniusti punientur et semen impiorum peribit
29 iusti autem hereditabunt terram et inhabitabunt in saeculum saeculi; super eam
30 os iusti meditabitur sapientiam et lingua eius loquetur iudicium
31 lex Dei eius in corde ipsius et non subplantabuntur gressus eius
32 considerat peccator iustum et quaerit mortificare eum
33 Dominus autem non derelinquet eum in manus eius nec damnabit eum cum iudicabitur illi
34 expecta Dominum et custodi viam eius et exaltabit te ut hereditate capias terram cum perierint peccatores videbis
35 vidi impium superexaltatum et elevatum sicut cedros Libani
36 et transivi et ecce non erat et quaesivi eum et non est inventus locus eius
37 custodi innocentiam et vide aequitatem quoniam sunt reliquiae homini pacifico
38 iniusti autem disperibunt simul reliquiae impiorum peribunt
39 salus autem iustorum a Domino et protector eorum in tempore tribulationis
40 et adiuvabit eos Dominus et liberabit eos et eruet eos a peccatoribus et salvabit eos quia speraverunt in eo