Exode 9.28
Vulgate

Fléau n° 5 : la mort du bétail

¹ dixit autem Dominus ad Mosen ingredere ad Pharaonem et loquere ad eum haec dicit Dominus Deus Hebraeorum dimitte populum meum ut sacrificet mihi
Exode 8.1 Exode 8.20 Exode 9.13 Exode 10.3 Exode 3.18
² quod si adhuc rennuis et retines eos
Exode 8.2 Lévitique 26.14-26.16 Psaumes 7.11-7.12 Psaumes 68.21 Lévitique 26.23-26.24
³ ecce manus mea erit super agros tuos et super equos et asinos et camelos et boves et oves pestis valde gravis
Exode 7.4 Actes 13.11 1 Samuel 5.6-5.11 1 Samuel 6.9 Exode 5.3
⁴ et faciet Dominus mirabile inter possessiones Israhel et possessiones Aegyptiorum ut nihil omnino intereat ex his quae pertinent ad filios Israhel
Exode 8.22 Malachie 3.18 Exode 12.13 Exode 10.23 Esaïe 65.13-65.14
⁵ constituitque Dominus tempus dicens cras faciet Dominus verbum istud in terra
Exode 8.23 Nombres 16.5 Ecclésiaste 3.1-3.11 Jérémie 28.16-28.17 Exode 9.18
⁶ fecit ergo Dominus verbum hoc altero die mortuaque sunt omnia animantia Aegyptiorum de animalibus vero filiorum Israhel nihil omnino periit
Psaumes 78.48 Psaumes 78.50 Exode 9.25 Exode 9.19-9.20
⁷ et misit Pharao ad videndum nec erat quicquam mortuum de his quae possidebat Israhel ingravatumque est cor Pharaonis et non dimisit populum
Exode 7.14 Exode 8.32 Romains 9.18 Daniel 5.20 Job 9.4

Fléau n° 6 : les ulcères

⁸ et dixit Dominus ad Mosen et Aaron tollite plenas manus cineris de camino et spargat illud Moses in caelum coram Pharao
Exode 8.16
⁹ sitque pulvis super omnem terram Aegypti erunt enim in hominibus et in iumentis vulnera et vesicae turgentes in universa terra Aegypti
Deutéronome 28.27 Apocalypse 16.2 Job 2.7 Deutéronome 28.35 Lévitique 13.18-13.20
¹⁰ tuleruntque cinerem de camino et steterunt contra Pharao et sparsit illud Moses in caelum factaque sunt vulnera vesicarum turgentium in hominibus et in iumentis
Deutéronome 28.27
¹¹ nec poterant malefici stare coram Mosen propter vulnera quae in illis erant et in omni terra Aegypti
Apocalypse 16.2 2 Timothée 3.8-3.9 Exode 8.18-8.19 Esaïe 47.12-47.14 Exode 7.11-7.12
¹² induravitque Dominus cor Pharaonis et non audivit eos sicut locutus est Dominus ad Mosen
Exode 4.21 Psaumes 81.11-81.12 Apocalypse 16.10-16.11 Exode 7.13-7.14
¹³ dixit quoque Dominus ad Mosen mane consurge et sta coram Pharao et dices ad eum haec dicit Dominus Deus Hebraeorum dimitte populum meum ut sacrificet mihi
Exode 8.20 Exode 7.15 Exode 9.1
¹⁴ quia in hac vice mittam omnes plagas meas super cor tuum super servos tuos et super populum tuum ut scias quod non sit similis mei in omni terra
Exode 8.10 Psaumes 86.8 Deutéronome 28.59-28.61 Deutéronome 29.20-29.22 Lévitique 26.28
¹⁵ nunc enim extendens manum percutiam te et populum tuum peste peribisque de terra
Exode 3.20 Exode 11.4-11.6 Proverbes 2.22 1 Rois 13.34 Exode 9.6
¹⁶ idcirco autem posui te ut ostendam in te fortitudinem meam et narretur nomen meum in omni terra
Romains 9.17 Proverbes 16.4 Psaumes 83.17-83.18 Exode 14.17 1 Pierre 2.8
¹⁷ adhuc retines populum meum et non vis eum dimittere
Job 40.9 Actes 12.23 Esaïe 26.11 1 Corinthiens 10.22 Esaïe 37.23-37.24
¹⁸ en pluam hac ipsa hora cras grandinem multam nimis qualis non fuit in Aegypto a die qua fundata est usque in praesens tempus
2 Rois 7.18 Psaumes 83.15 1 Rois 20.6 Exode 9.22-9.25 2 Rois 7.1
¹⁹ mitte ergo iam nunc et congrega iumenta tua et omnia quae habes in agro homines enim et iumenta et universa quae inventa fuerint foris nec congregata de agris cecideritque super ea grando morientur
Habakuk 3.2
²⁰ qui timuit verbum Domini de servis Pharao fecit confugere servos suos et iumenta in domos
Hébreux 11.7 Jonas 3.5-3.6 Proverbes 22.23 Proverbes 16.16 Proverbes 22.3
²¹ qui autem neglexit sermonem Domini dimisit servos suos et iumenta in agris
Exode 7.23 Job 34.14 Daniel 10.12 Ezéchiel 40.4 Proverbes 24.32
²² et dixit Dominus ad Mosen extende manum tuam in caelum ut fiat grando in universa terra Aegypti super homines et super iumenta et super omnem herbam agri in terra Aegypti
Apocalypse 16.21 Exode 7.19 Exode 8.16 Exode 8.5
²³ extenditque Moses virgam in caelum et Dominus dedit tonitrua et grandinem ac discurrentia fulgura super terram pluitque Dominus grandinem super terram Aegypti
Apocalypse 8.7 Ezéchiel 38.22 Esaïe 30.30 Psaumes 18.13 Josué 10.11
²⁴ et grando et ignis inmixta pariter ferebantur tantaeque fuit magnitudinis quanta ante numquam apparuit in universa terra Aegypti ex quo gens illa condita est
Exode 9.23 Exode 10.6 Matthieu 24.21
²⁵ et percussit grando in omni terra Aegypti cuncta quae fuerunt in agris ab homine usque ad iumentum cunctam herbam agri percussit grando et omne lignum regionis confregit
Psaumes 105.32-105.33 Psaumes 78.47
²⁶ tantum in terra Gessen ubi erant filii Israhel grando non cecidit
Exode 9.4 Exode 11.7 Exode 12.13 Exode 10.23 Exode 9.6
²⁷ misitque Pharao et vocavit Mosen et Aaron dicens ad eos peccavi etiam nunc Dominus iustus ego et populus meus impii
Psaumes 129.4 Lamentations 1.18 2 Chroniques 12.6 Exode 10.16 Psaumes 145.17
²⁸ orate Dominum et desinant tonitrua Dei et grando ut dimittam vos et nequaquam hic ultra maneatis
Exode 8.8 Exode 10.17 Exode 8.28 Psaumes 29.3-29.4 Exode 11.1
²⁹ ait Moses cum egressus fuero de urbe extendam palmas meas ad Dominum et cessabunt tonitrua et grando non erit ut scias quia Domini est terra
1 Corinthiens 10.26 Psaumes 143.6 Esaïe 1.15 1 Rois 8.38 1 Rois 8.22
³⁰ novi autem quod et tu et servi tui necdum timeatis Dominum Deum
Esaïe 26.10 Proverbes 16.6 Esaïe 63.17
³¹ linum ergo et hordeum laesum est eo quod hordeum esset virens et linum iam folliculos germinaret
Ruth 2.23 Ruth 1.22 Amos 4.9 Habakuk 3.17
³² triticum autem et far non sunt laesa quia serotina erant
Exode 10.22
³³ egressusque Moses a Pharaone et ex urbe tetendit manus ad Dominum et cessaverunt tonitrua et grando nec ultra stillavit pluvia super terram
Exode 9.29 Exode 8.12 Exode 10.18-10.19 Jacques 5.17-5.18
³⁴ videns autem Pharao quod cessasset pluvia et grando et tonitrua auxit peccatum
Exode 7.14 2 Chroniques 33.23 Romains 2.4-2.5 2 Chroniques 28.22 Exode 8.15
³⁵ et ingravatum est cor eius et servorum illius et induratum nimis nec dimisit filios Israhel sicut praeceperat Dominus per manum Mosi
Exode 4.21