Actes 9.43
Vulgate

Conversion de Saul

¹ Saulus autem adhuc inspirans minarum et caedis in discipulos Domini accessit ad principem sacerdotum
Actes 8.3 Psaumes 27.12 Actes 9.11-9.21 Actes 26.9-26.11 Galates 1.13
² et petiit ab eo epistulas in Damascum ad synagogas ut si quos invenisset huius viae viros ac mulieres vinctos perduceret in Hierusalem
Actes 19.23 Actes 19.9 Actes 24.14 Actes 9.14 Actes 24.22
³ et cum iter faceret contigit ut adpropinquaret Damasco et subito circumfulsit eum lux de caelo
1 Corinthiens 15.8 Actes 22.6 Actes 26.12-26.13 Actes 9.17 Psaumes 104.2
⁴ et cadens in terram audivit vocem dicentem sibi Saule Saule quid me persequeris
Zacharie 2.8 Esaïe 63.9 Actes 26.14-26.15 Exode 3.4 Genèse 22.11
⁵ qui dixit quis es Domine et ille ego sum Iesus quem tu persequeris
Deutéronome 32.15 Psaumes 2.12 Job 9.4 1 Samuel 3.4-3.10 1 Timothée 1.13
⁶ []
Psaumes 94.12 Jacques 4.6 Actes 22.10 Galates 1.15-1.16 Ezéchiel 16.6-16.8
⁷ sed surge et ingredere civitatem et dicetur tibi quid te oporteat facere viri autem illi qui comitabantur cum eo stabant stupefacti audientes quidem vocem neminem autem videntes
Actes 22.9 Daniel 10.7 Jean 12.29 Matthieu 24.40-24.41 Actes 26.13-26.14
⁸ surrexit autem Saulus de terra apertisque oculis nihil videbat ad manus autem illum trahentes introduxerunt Damascum
Actes 22.11 Actes 9.18 2 Rois 6.17-6.20 Actes 13.11 Genèse 19.11
⁹ et erat tribus diebus non videns et non manducavit neque bibit
Esther 4.16 2 Chroniques 33.18-33.19 Actes 9.11-9.12 2 Chroniques 33.12-33.13 Jonas 3.6-3.8
¹⁰ erat autem quidam discipulus Damasci nomine Ananias et dixit ad illum in visu Dominus Anania at ille ait ecce ego Domine
Actes 22.12 Actes 10.3 Genèse 22.1 Esaïe 6.8 Exode 3.4
¹¹ et Dominus ad illum surgens vade in vicum qui vocatur Rectus et quaere in domo Iudae Saulum nomine Tarsensem ecce enim orat
Actes 22.3 Actes 21.39 Actes 9.30 Actes 11.25 Actes 11.13
¹² et vidit virum Ananiam nomine introeuntem et inponentem sibi manus ut visum recipiat
Marc 5.23 Actes 9.17-9.18 Actes 9.10
¹³ respondit autem Ananias Domine audivi a multis de viro hoc quanta mala sanctis tuis fecerit in Hierusalem
Actes 8.3 Actes 9.1 Actes 22.19-22.20 Jérémie 20.9-20.10 Matthieu 10.16
¹⁴ et hic habet potestatem a principibus sacerdotum alligandi omnes qui invocant nomen tuum
Actes 9.21 Actes 7.59 Actes 22.16 1 Corinthiens 1.2 2 Timothée 2.22
¹⁵ dixit autem ad eum Dominus vade quoniam vas electionis est mihi iste ut portet nomen meum coram gentibus et regibus et filiis Israhel
Ephésiens 3.7-3.8 Galates 1.15-1.16 Actes 13.2 Romains 1.5 Romains 11.13
¹⁶ ego enim ostendam illi quanta oporteat eum pro nomine meo pati
Actes 21.11 2 Corinthiens 11.23-11.27 Jean 15.20 1 Thessaloniciens 3.3 Jean 16.1-16.4
¹⁷ et abiit Ananias et introivit in domum et inponens ei manus dixit Saule frater Dominus misit me Iesus qui apparuit tibi in via qua veniebas ut videas et implearis Spiritu Sancto
Actes 8.17 Actes 6.6 Actes 2.4 Actes 22.12-22.14 Actes 10.36
¹⁸ et confestim ceciderunt ab oculis eius tamquam squamae et visum recepit et surgens baptizatus est
Actes 2.38 Actes 22.16 2 Corinthiens 4.6 2 Corinthiens 3.14 Actes 2.41
¹⁹ et cum accepisset cibum confortatus est fuit autem cum discipulis qui erant Damasci per dies aliquot
Actes 26.20 1 Samuel 10.10-10.12 Galates 1.17 Ecclésiaste 9.7 Actes 11.26
²⁰ et continuo in synagogis praedicabat Iesum quoniam hic est Filius Dei
Jean 20.28 Jean 19.7 Jean 20.31 Actes 13.5 Matthieu 26.63-26.66
²¹ stupebant autem omnes qui audiebant et dicebant nonne hic est qui expugnabat in Hierusalem eos qui invocabant nomen istud et huc ad hoc venit ut vinctos illos duceret ad principes sacerdotum
Actes 8.3 Actes 9.13-9.14 Actes 2.6 Zacharie 3.8 Esaïe 8.18
²² Saulus autem magis convalescebat et confundebat Iudaeos qui habitabant Damasci adfirmans quoniam hic est Christus
Actes 18.5 Esaïe 40.29 1 Corinthiens 1.27 Actes 18.27-18.28 Actes 28.23
²³ cum implerentur autem dies multi consilium fecerunt Iudaei ut eum interficerent
Actes 9.16 Josué 10.1-10.6 Actes 13.50 Actes 14.2 Actes 22.21-22.23
²⁴ notae autem factae sunt Saulo insidiae eorum custodiebant autem et portas die ac nocte ut eum interficerent
Actes 25.3 2 Corinthiens 11.32 Actes 20.3 Actes 20.19 Actes 23.12-23.21
²⁵ accipientes autem discipuli eius nocte per murum dimiserunt eum submittentes in sporta
2 Corinthiens 11.33 Josué 2.15 1 Samuel 19.11-19.12
²⁶ cum autem venisset in Hierusalem temptabat iungere se discipulis et omnes timebant eum non credentes quia esset discipulus
Actes 26.20 Galates 1.17-1.19 Galates 2.4 Actes 4.23 Actes 22.17-22.20
²⁷ Barnabas autem adprehensum illum duxit ad apostolos et narravit illis quomodo in via vidisset Dominum et quia locutus est ei et quomodo in Damasco fiducialiter egerit in nomine Iesu
Actes 4.36 Actes 4.29 Actes 4.13 Galates 1.18-1.19 Actes 12.25
²⁸ et erat cum illis intrans et exiens in Hierusalem et fiducialiter agens in nomine Domini
Actes 1.21 2 Samuel 5.2 1 Rois 3.7 Galates 1.18 Nombres 27.16-27.17
²⁹ loquebatur quoque et disputabat cum Graecis illi autem quaerebant occidere eum
Actes 6.1 2 Corinthiens 11.26 Actes 6.9-6.10 Actes 9.27 Actes 9.20-9.23
³⁰ quod cum cognovissent fratres deduxerunt eum Caesaream et dimiserunt Tarsum
Actes 8.40 Actes 9.11 Actes 11.25 Galates 1.21 Matthieu 10.23

Miracles à Lydde et Jaffa

³¹ ecclesia quidem per totam Iudaeam et Galilaeam et Samariam habebat pacem et aedificabatur ambulans in timore Domini et consolatione Sancti Spiritus replebatur
Actes 8.1 Proverbes 14.26-14.27 Jean 14.16-14.18 Proverbes 23.17 Psaumes 86.11
³² factum est autem Petrum dum pertransiret universos devenire et ad sanctos qui habitabant Lyddae
Actes 9.13 Actes 8.25 Actes 1.8 Psaumes 16.3 Matthieu 27.52
³³ invenit autem ibi hominem quendam nomine Aeneam ab annis octo iacentem in grabatto qui erat paralyticus
Actes 3.2 Jean 9.21 Actes 4.22 Marc 2.3-2.11 Marc 9.21
³⁴ et ait illi Petrus Aeneas sanat te Iesus Christus surge et sterne tibi et continuo surrexit
Actes 3.6 Actes 3.16 Actes 4.10 Actes 3.12 Matthieu 9.6
³⁵ et viderunt illum omnes qui habitabant Lyddae et Saronae qui conversi sunt ad Dominum
1 Chroniques 5.16 Actes 11.21 Actes 9.42 2 Corinthiens 3.16 Esaïe 35.2
³⁶ in Ioppe autem fuit quaedam discipula nomine Tabitas quae interpretata dicitur Dorcas haec erat plena operibus bonis et elemosynis quas faciebat
Jonas 1.3 Esdras 3.7 2 Chroniques 2.16 Josué 19.46 Tite 2.14
³⁷ factum est autem in diebus illis ut infirmata moreretur quam cum lavissent posuerunt eam in cenaculo
Actes 1.13 Actes 20.8 Jean 11.3-11.4 Actes 9.39 Marc 14.15
³⁸ cum autem prope esset Lydda ab Ioppe discipuli audientes quia Petrus esset in ea miserunt duos viros ad eum rogantes ne pigriteris venire usque ad nos
Actes 9.36 Actes 11.26 2 Rois 4.28-4.30 Actes 9.32
³⁹ exsurgens autem Petrus venit cum illis et cum advenisset duxerunt illum in cenaculum et circumsteterunt illum omnes viduae flentes et ostendentes tunicas et vestes quas faciebat illis Dorcas
Proverbes 10.7 Proverbes 31.30-31.31 1 Thessaloniciens 4.13 Jean 17.12 Actes 6.1
⁴⁰ eiectis autem omnibus foras Petrus ponens genua oravit et conversus ad corpus dixit Tabita surge at illa aperuit oculos suos et viso Petro resedit
Actes 7.60 Matthieu 9.25 2 Rois 4.32-4.36 Luc 8.54 Marc 5.40-5.42
⁴¹ dans autem illi manum erexit eam et cum vocasset sanctos et viduas adsignavit eam vivam
Actes 6.1 Psaumes 146.9 Actes 20.12 Actes 3.7 Genèse 45.26
⁴² notum autem factum est per universam Ioppen et crediderunt multi in Domino
Jean 11.45 Jean 12.11 Actes 9.35 Jean 12.44 Actes 19.17-19.18
⁴³ factum est autem ut dies multos moraretur in Ioppe apud quendam Simonem coriarium
Actes 10.6 Actes 10.32