Juges 6.14
Vulgate

Appel de Gédéon

¹ fecerunt autem filii Israhel malum in conspectu Domini qui tradidit eos in manu Madian septem annis
Habakuk 3.7 Genèse 25.2 Deutéronome 28.15-28.68 Néhémie 9.26-9.29 Nombres 25.15-25.18
² et oppressi sunt valde ab eis feceruntque sibi antra et speluncas in montibus et munitissima ad repugnandum loca
1 Samuel 13.6 Hébreux 11.38 Lévitique 26.17 Deutéronome 28.47-28.48 Apocalypse 6.15
³ cumque sevisset Israhel ascendebat Madian et Amalech et ceteri orientalium nationum
Juges 7.12 Juges 3.13 1 Rois 4.30 Juges 8.10 Job 1.3
⁴ et apud eos figentes tentoria sicut erant in herbis cuncta vastabant usque ad introitum Gazae nihilque omnino ad vitam pertinens relinquebant in Israhel non oves non boves non asinos
Lévitique 26.16 Deutéronome 28.51 Michée 6.15 Deutéronome 28.33 Genèse 13.10
⁵ ipsi enim et universi greges eorum veniebant cum tabernaculis et instar lucustarum universa conplebant innumera multitudo hominum et camelorum quicquid tetigerant devastantes
Juges 7.12 Juges 8.10 1 Samuel 30.17 Jérémie 49.29 Esaïe 60.6
⁶ humiliatusque est Israhel valde in conspectu Madian
Juges 3.9 Osée 5.15 Esaïe 26.16 Psaumes 78.34 Psaumes 106.43-106.44
⁷ et clamavit ad Dominum postulans auxilium contra Madianitas
⁸ qui misit ad eos virum prophetam et locutus est haec dicit Dominus Deus Israhel ego vos feci conscendere de Aegypto et eduxi de domo servitutis
Esaïe 63.9-63.14 Juges 2.1-2.3 Psaumes 136.10-136.16 Néhémie 9.9-9.12 Ezéchiel 20.5-20.32
⁹ et liberavi de manu Aegyptiorum et omnium inimicorum qui adfligebant vos eiecique eos ad introitum vestrum et tradidi vobis terram eorum
Psaumes 44.2-44.3
¹⁰ et dixi ego Dominus Deus vester ne timeatis deos Amorreorum in quorum terra habitatis et noluistis audire vocem meam
Jérémie 10.2 2 Rois 17.33 Exode 20.2-20.3 Jérémie 42.21 Juges 2.2
¹¹ venit autem angelus Domini et sedit sub quercu quae erat in Ephra et pertinebat ad Ioas patrem familiae Ezri cumque Gedeon filius eius excuteret atque purgaret frumenta in torculari ut fugeret Madian
Josué 17.2 Hébreux 11.32 Juges 13.3 Juges 8.2 Genèse 48.16
¹² apparuit ei et ait Dominus tecum virorum fortissime
Luc 1.28 Luc 1.11 Juges 13.3 Josué 1.5 Josué 1.9
¹³ dixitque ei Gedeon obsecro Domine si Dominus nobiscum est cur adprehenderunt nos haec omnia ubi sunt mirabilia eius quae narraverunt patres nostri atque dixerunt de Aegypto eduxit nos Dominus nunc autem dereliquit nos et tradidit in manibus Madian
Psaumes 44.1 2 Chroniques 15.2 Psaumes 89.49 Esaïe 63.15 Romains 8.31
¹⁴ respexitque ad eum Dominus et ait vade in hac fortitudine tua et liberabis Israhel de manu Madian scito quod miserim te
Hébreux 11.34 1 Samuel 12.11 Hébreux 11.32 1 Chroniques 14.9-14.10 Juges 4.6
¹⁵ qui respondens ait obsecro Domine mi in quo liberabo Israhel ecce familia mea infima est in Manasse et ego minimus in domo patris mei
Exode 3.11 1 Samuel 9.21 Jérémie 1.6 Luc 1.34 Ephésiens 3.8
¹⁶ dixitque ei Dominus ego ero tecum et percuties Madian quasi unum virum
Josué 1.5 Exode 3.12 Juges 6.12 Marc 16.20 Actes 11.21
¹⁷ et ille si inveni inquit gratiam coram te da mihi signum quod tu sis qui loquaris ad me
Exode 33.13 Esaïe 7.11 Psaumes 86.17 Exode 33.16 Exode 4.1-4.9
¹⁸ ne recedas hinc donec revertar ad te portans sacrificium et offerens tibi qui respondit ego praestolabor adventum tuum
Genèse 18.3 Juges 13.15 Genèse 18.5 Genèse 19.3
¹⁹ ingressus est itaque Gedeon et coxit hedum et de farinae modio azymos panes carnesque ponens in canistro et ius carnium mittens in ollam tulit omnia sub quercum et obtulit ei
Genèse 18.6-18.8 Lévitique 2.4 Juges 13.15-13.19
²⁰ cui dixit angelus Domini tolle carnes et panes azymos et pone super petram illam et ius desuper funde cumque fecisset ita
Juges 13.19 1 Rois 18.33-18.34
²¹ extendit angelus Domini summitatem virgae quam tenebat in manu et tetigit carnes et azymos panes ascenditque ignis de petra et carnes azymosque consumpsit angelus autem Domini evanuit ex oculis eius
Lévitique 9.24 2 Chroniques 7.1 1 Rois 18.38 1 Chroniques 21.26 Juges 13.20
²² vidensque Gedeon quod esset angelus Domini ait heu mihi Domine Deus quia vidi angelum Domini facie ad faciem
Exode 33.20 Genèse 32.30 Deutéronome 5.26 Juges 13.21-13.23 Deutéronome 5.24
²³ dixitque ei Dominus pax tecum ne timeas non morieris
Daniel 10.19 Psaumes 85.8 Genèse 43.23 Jean 14.27 Genèse 32.30
²⁴ aedificavit ergo ibi Gedeon altare Domino vocavitque illud Domini pax usque in praesentem diem cum adhuc esset in Ephra quae est familiae Ezri
Genèse 22.14 Juges 8.32 Exode 17.15 Ezéchiel 48.35 Jérémie 23.6
²⁵ nocte illa dixit Dominus ad eum tolle taurum patris tui et alterum taurum annorum septem destruesque aram Baal quae est patris tui et nemus quod circa aram est succide
Exode 34.13 Juges 3.7 Deutéronome 7.5 Psaumes 101.2 Matthieu 10.37
²⁶ et aedificabis altare Domino Deo tuo in summitate petrae huius super quam sacrificium ante posuisti tollesque taurum secundum et offeres holocaustum super lignorum struem quae de nemore succideris
1 Corinthiens 14.40 2 Samuel 24.18 1 Corinthiens 14.33
²⁷ adsumptis igitur Gedeon decem viris de servis suis fecit sicut praeceperat Dominus timens autem domum patris sui et homines illius civitatis per diem facere noluit sed omnia nocte conplevit
Psaumes 112.5 Jean 2.5 Jean 3.2 Deutéronome 4.1 Jean 15.14
²⁸ cumque surrexissent viri oppidi eius mane viderunt destructam aram Baal lucumque succisum et taurum alterum inpositum super altare quod tunc aedificatum erat
²⁹ dixeruntque ad invicem quis hoc fecit cumque perquirerent auctorem facti dictum est Gedeon filius Ioas fecit haec omnia
³⁰ et dixerunt ad Ioas produc filium tuum ut moriatur quia destruxit aram Baal et succidit nemus
Actes 26.9 Jérémie 50.38 Jérémie 26.11 Jean 16.2 Philippiens 3.6
³¹ quibus ille respondit numquid ultores estis Baal et pugnatis pro eo qui adversarius eius est moriatur antequam lux crastina veniat si deus est vindicet se de eo qui suffodit aram eius
1 Rois 18.27 Esaïe 46.1 Esaïe 41.23 1 Rois 18.40 1 Corinthiens 8.4
³² ex illo die vocatus est Gedeon Hierobbaal eo quod dixisset Ioas ulciscatur se de eo Baal qui suffodit altare eius
1 Samuel 12.11 Juges 7.1 2 Samuel 11.21 Jérémie 11.13 Osée 9.10
³³ igitur omnis Madian et Amalech et orientales populi congregati sunt simul et transeuntes Iordanem castrametati sunt in valle Iezrahel
Josué 17.16 Juges 6.3 1 Rois 21.1 Romains 8.35-8.39 Psaumes 3.1
³⁴ spiritus autem Domini induit Gedeon qui clangens bucina convocavit domum Abiezer ut sequeretur
Juges 3.10 Juges 3.27 1 Chroniques 12.18 2 Chroniques 24.20 1 Samuel 16.14
³⁵ misitque nuntios in universum Manassen qui et ipse secutus est eum et alios nuntios in Aser et Zabulon et Nepthalim qui occurrerunt ei
2 Chroniques 30.6-30.12 Juges 4.6
³⁶ dixitque Gedeon ad Dominum si salvum facis per manum meam Israhel sicut locutus es
Juges 6.14 Psaumes 103.13-103.14 Matthieu 16.1 2 Rois 20.9 Juges 6.17-6.20
³⁷ ponam vellus hoc lanae in area si ros in solo vellere fuerit et in omni terra siccitas sciam quod per manum meam sicut locutus es liberabis Israhel
Osée 14.5 Psaumes 147.19-147.20 Osée 6.3-6.4 Deutéronome 32.2 Matthieu 10.5-10.6
³⁸ factumque est ita et de nocte consurgens expresso vellere concam rore conplevit
Esaïe 35.7
³⁹ dixitque rursus ad Dominum ne irascatur furor tuus contra me si adhuc semel temptavero signum quaerens in vellere oro ut solum vellus siccum sit et omnis terra rore madens
Genèse 18.32 Psaumes 107.33-107.35 Actes 13.46 Esaïe 35.6-35.7 Matthieu 8.12
⁴⁰ fecitque Dominus nocte illa ut postulaverat et fuit siccitas in solo vellere et ros in omni terra