Josué 15.45
Biblia Hebraica Stuttgartensia

¹ וַיְהִ֣י הַגֹּורָ֗ל לְמַטֵּ֛ה בְּנֵ֥י יְהוּדָ֖ה לְמִשְׁפְּחֹתָ֑ם אֶל־גְּב֨וּל אֱדֹ֧ום מִדְבַּר־צִ֛ן נֶ֖גְבָּה מִקְצֵ֥ה תֵימָֽן׃Nombres 26.55-26.56 Nombres 34.3-34.5 Nombres 33.36-33.37 Josué 14.2 Ezéchiel 47.19
² וַיְהִ֤י לָהֶם֙ גְּב֣וּל נֶ֔גֶב מִקְצֵ֖ה יָ֣ם הַמֶּ֑לַח מִן־הַלָּשֹׁ֖ן הַפֹּנֶ֥ה נֶֽגְבָּה׃Nombres 34.3 Ezéchiel 47.18 Esaïe 11.15 Genèse 14.3 Ezéchiel 47.8
³ וְ֠יָצָא אֶל־מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה וְעָלָ֥ה מִנֶּ֖גֶב לְקָדֵ֣שׁ בַּרְנֵ֑עַ וְעָבַ֤ר חֶצְרֹון֙ וְעָלָ֣ה אַדָּ֔רָה וְנָסַ֖ב הַקַּרְקָֽעָה׃Nombres 34.4 Juges 1.36 Nombres 32.8 Nombres 20.1 Genèse 14.7
⁴ וְעָבַ֣ר עַצְמֹ֗ונָה וְיָצָא֙ נַ֣חַל מִצְרַ֔יִם וְהָי֛וּ תֹצְאֹ֥ות הַגְּב֖וּל יָ֑מָּה זֶה־יִהְיֶ֥ה לָכֶ֖ם גְּב֥וּל נֶֽגֶב׃Nombres 34.5 Josué 13.3 Exode 23.31 Genèse 15.18
⁵ וּגְב֥וּל קֵ֨דְמָה֙ יָ֣ם הַמֶּ֔לַח עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפֹ֨ונָה֙ מִלְּשֹׁ֣ון הַיָּ֔ם מִקְצֵ֖ה הַיַּרְדֵּֽן׃Nombres 34.12 Nombres 34.10 Josué 18.15-18.19
⁶ וְעָלָ֤ה הַגְּבוּל֙ בֵּ֣ית חָגְלָ֔ה וְעָבַ֕ר מִצְּפֹ֖ון לְבֵ֣ית הָעֲרָבָ֑ה וְעָלָ֣ה הַגְּב֔וּל אֶ֥בֶן בֹּ֖הַן בֶּן־רְאוּבֵֽן׃Josué 18.17 Josué 18.19-18.21
⁷ וְעָלָ֨ה הַגְּב֥וּל׀ דְּבִרָה֮ מֵעֵ֣מֶק עָכֹור֒ וְצָפֹ֜ונָה פֹּנֶ֣ה אֶל־הַגִּלְגָּ֗ל אֲשֶׁר־נֹ֨כַח֙ לְמַעֲלֵ֣ה אֲדֻמִּ֔ים אֲשֶׁ֥ר מִנֶּ֖גֶב לַנָּ֑חַל וְעָבַ֤ר הַגְּבוּל֙ אֶל־מֵי־עֵ֣ין שֶׁ֔מֶשׁ וְהָי֥וּ תֹצְאֹתָ֖יו אֶל־עֵ֥ין רֹגֵֽל׃1 Rois 1.9 2 Samuel 17.17 Josué 7.26 Esaïe 65.10 Josué 10.38-10.39
⁸ וְעָלָ֨ה הַגְּב֜וּל גֵּ֣י בֶן־הִנֹּ֗ם אֶל־כֶּ֤תֶף הַיְבוּסִי֙ מִנֶּ֔גֶב הִ֖יא יְרֽוּשָׁלִָ֑ם וְעָלָ֨ה הַגְּב֜וּל אֶל־רֹ֣אשׁ הָהָ֗ר אֲ֠שֶׁר עַל־פְּנֵ֤י גֵֽי־הִנֹּם֙ יָ֔מָּה אֲשֶׁ֛ר בִּקְצֵ֥ה עֵֽמֶק־רְפָאִ֖ים צָפֹֽנָה׃Josué 18.16 Josué 15.63 Juges 19.10 Josué 18.28 Juges 1.21
⁹ וְתָאַ֨ר הַגְּב֜וּל מֵרֹ֣אשׁ הָהָ֗ר אֶל־מַעְיַן֙ מֵ֣י נֶפְתֹּ֔וחַ וְיָצָ֖א אֶל־עָרֵ֣י הַר־עֶפְרֹ֑ון וְתָאַ֤ר הַגְּבוּל֙ בַּעֲלָ֔ה הִ֖יא קִרְיַ֥ת יְעָרִֽים׃1 Chroniques 13.6 Josué 18.15 Juges 18.12 Josué 9.17 2 Samuel 6.2
¹⁰ וְנָסַב֩ הַגְּב֨וּל מִבַּעֲלָ֥ה יָ֨מָּה֙ אֶל־הַ֣ר שֵׂעִ֔יר וְעָבַ֕ר אֶל־כֶּ֧תֶף הַר־יְעָרִ֛ים מִצָּפֹ֖ונָה הִ֣יא כְסָלֹ֑ון וְיָרַ֥ד בֵּֽית־שֶׁ֖מֶשׁ וְעָבַ֥ר תִּמְנָֽה׃Juges 14.1 Josué 15.57 Juges 14.5 Genèse 38.12-38.13 1 Samuel 6.12-6.21
¹¹ וְיָצָ֨א הַגְּב֜וּל אֶל־כֶּ֣תֶף עֶקְרֹון֮ צָפֹונָה֒ וְתָאַ֤ר הַגְּבוּל֙ שִׁכְּרֹ֔ונָה וְעָבַ֥ר הַר־הַֽבַּעֲלָ֖ה וְיָצָ֣א יַבְנְאֵ֑ל וְהָי֛וּ תֹּצְאֹ֥ות הַגְּב֖וּל יָֽמָּה׃1 Samuel 7.14 2 Rois 1.2-1.3 Josué 15.45 2 Rois 1.6 1 Samuel 5.10
¹² וּגְב֣וּל יָ֔ם הַיָּ֥מָּה הַגָּדֹ֖ול וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם׃Ezéchiel 47.20 Josué 15.47 Nombres 34.6-34.7 Deutéronome 11.24
¹³ וּלְכָלֵ֣ב בֶּן־יְפֻנֶּ֗ה נָ֤תַן חֵ֨לֶק֙ בְּתֹ֣וךְ בְּנֵֽי־יְהוּדָ֔ה אֶל־פִּ֥י יְהוָ֖ה לִֽיהֹושֻׁ֑עַ אֶת־קִרְיַ֥ת אַרְבַּ֛ע אֲבִ֥י הָעֲנָ֖ק הִ֥יא חֶבְרֹֽון׃Nombres 13.30 Josué 14.6-14.15 Deutéronome 1.34-1.36 Nombres 14.23-14.24
¹⁴ וַיֹּ֤רֶשׁ מִשָּׁם֙ כָּלֵ֔ב אֶת־שְׁלֹושָׁ֖ה בְּנֵ֣י הָעֲנָ֑ק אֶת־שֵׁשַׁ֤י וְאֶת־אֲחִימַן֙ וְאֶת־תַּלְמַ֔י יְלִידֵ֖י הָעֲנָֽק׃Juges 1.20 Juges 1.10 Josué 11.21 Nombres 13.33 Nombres 13.22-13.23
¹⁵ וַיַּ֣עַל מִשָּׁ֔ם אֶל־יֹשְׁבֵ֖י דְּבִ֑ר וְשֵׁם־דְּבִ֥ר לְפָנִ֖ים קִרְיַת־סֵֽפֶר׃Josué 10.38 Josué 10.3 Juges 1.11-1.13
¹⁶ וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי לֹ֛ו אֶת־עַכְסָ֥ה בִתִּ֖י לְאִשָּֽׁה׃Juges 1.12-1.13 Juges 1.6
¹⁷ וַֽיִּלְכְּדָ֛הּ עָתְנִיאֵ֥ל בֶּן־קְנַ֖ז אֲחִ֣י כָלֵ֑ב וַיִּתֶּן־לֹ֛ו אֶת־עַכְסָ֥ה בִתֹּ֖ו לְאִשָּֽׁה׃Juges 3.9 Juges 1.13 Josué 14.6 Juges 3.11 Nombres 32.12
¹⁸ וַיְהִ֣י בְּבֹואָ֗הּ וַתְּסִיתֵ֨הוּ֙ לִשְׁאֹ֤ול מֵֽאֵת־אָבִ֨יהָ֙ שָׂדֶ֔ה וַתִּצְנַ֖ח מֵעַ֣ל הַחֲמֹ֑ור וַיֹּֽאמֶר־לָ֥הּ כָּלֵ֖ב מַה־לָּֽךְ׃1 Samuel 25.23 Genèse 24.64
¹⁹ וַתֹּ֜אמֶר תְּנָה־לִּ֣י בְרָכָ֗ה כִּ֣י אֶ֤רֶץ הַנֶּ֨גֶב֙ נְתַתָּ֔נִי וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֗הּ אֵ֚ת גֻּלֹּ֣ת עִלִּיֹּ֔ות וְאֵ֖ת גֻּלֹּ֥ת תַּחְתִּיֹּֽות׃ פJuges 1.14-1.15 Deutéronome 33.7 2 Corinthiens 9.5 1 Samuel 25.27 Genèse 33.11
²⁰ זֹ֗את נַחֲלַ֛ת מַטֵּ֥ה בְנֵי־יְהוּדָ֖ה לְמִשְׁפְּחֹתָֽם׃Deutéronome 33.7 Genèse 49.8-49.12
²¹ וַיִּֽהְי֣וּ הֶעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱדֹ֖ום בַּנֶּ֑גְבָּה קַבְצְאֵ֥ל וְעֵ֖דֶר וְיָגֽוּר׃Genèse 35.21 Néhémie 11.25
²² וְקִינָ֥ה וְדִֽימֹונָ֖ה וְעַדְעָדָֽה׃ ²³ וְקֶ֥דֶשׁ וְחָצֹ֖ור וְיִתְנָֽן׃Deutéronome 1.19 Nombres 33.37 Josué 12.22
²⁴ זִ֥יף וָטֶ֖לֶם וּבְעָלֹֽות׃1 Samuel 23.14 1 Samuel 23.24 1 Samuel 23.19 1 Samuel 15.4 Psaumes 54.1
²⁵ וְחָצֹ֤ור׀ חֲדַתָּה֙ וּקְרִיֹּ֔ות חֶצְרֹ֖ון הִ֥יא חָצֹֽור׃ ²⁶ אֲמָ֥ם וּשְׁמַ֖ע וּמֹולָדָֽה׃1 Chroniques 4.28
²⁷ וַחֲצַ֥ר גַּדָּ֛ה וְחֶשְׁמֹ֖ון וּבֵ֥ית פָּֽלֶט׃Néhémie 11.26
²⁸ וַחֲצַ֥ר שׁוּעָ֛ל וּבְאֵ֥ר שֶׁ֖בַע וּבִזְיֹותְיָֽה׃Genèse 26.33 1 Chroniques 4.28 Genèse 21.31-21.33 Josué 19.2-19.3 Genèse 21.14
²⁹ בַּעֲלָ֥ה וְעִיִּ֖ים וָעָֽצֶם׃1 Chroniques 4.29 Josué 15.9-15.11 Josué 19.3
³⁰ וְאֶלְתֹּולַ֥ד וּכְסִ֖יל וְחָרְמָֽה׃Josué 19.4 Juges 1.17 Nombres 14.45 Deutéronome 1.44
³¹ וְצִֽקְלַ֥ג וּמַדְמַנָּ֖ה וְסַנְסַנָּֽה׃1 Samuel 27.6 1 Samuel 30.1 1 Chroniques 12.1 Josué 19.5
³² וּלְבָאֹ֥ות וְשִׁלְחִ֖ים וְעַ֣יִן וְרִמֹּ֑ון כָּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃ סNéhémie 11.29 Nombres 34.11
³³ בַּשְּׁפֵלָ֑ה אֶשְׁתָּאֹ֥ול וְצָרְעָ֖ה וְאַשְׁנָֽה׃Juges 13.25 Juges 16.31 Nombres 13.23 Josué 19.41
³⁴ וְזָנֹ֨וחַ֙ וְעֵ֣ין גַּנִּ֔ים תַּפּ֖וּחַ וְהָעֵינָֽם׃Josué 12.17 Josué 15.53
³⁵ יַרְמוּת֙ וַעֲדֻלָּ֔ם שֹׂוכֹ֖ה וַעֲזֵקָֽה׃1 Samuel 17.1 1 Samuel 22.1 Josué 10.3 Josué 15.48 Josué 12.11
³⁶ וְשַׁעֲרַ֨יִם֙ וַעֲדִיתַ֔יִם וְהַגְּדֵרָ֖ה וּגְדֵרֹתָ֑יִם עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃1 Samuel 17.52
³⁷ צְנָ֥ן וַחֲדָשָׁ֖ה וּמִגְדַּל־גָּֽד׃ ³⁸ וְדִלְעָ֥ן וְהַמִּצְפֶּ֖ה וְיָקְתְאֵֽל׃2 Rois 14.7 1 Samuel 7.16 Juges 21.5 Genèse 31.48-31.49 1 Samuel 10.17
³⁹ לָכִ֥ישׁ וּבָצְקַ֖ת וְעֶגְלֹֽון׃Josué 10.3 2 Rois 22.1 Josué 10.31-10.32 2 Rois 18.14 2 Rois 14.19
⁴⁰ וְכַבֹּ֥ון וְלַחְמָ֖ס וְכִתְלִֽישׁ׃ ⁴¹ וּגְדֵרֹ֕ות בֵּית־דָּגֹ֥ון וְנַעֲמָ֖ה וּמַקֵּדָ֑ה עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ סJosué 10.21 Josué 10.10 Josué 12.16 Josué 10.28
⁴² לִבְנָ֥ה וָעֶ֖תֶר וְעָשָֽׁן׃Josué 10.29 Josué 19.7 Josué 12.15 2 Rois 8.22
⁴³ וְיִפְתָּ֥ח וְאַשְׁנָ֖ה וּנְצִֽיב׃ ⁴⁴ וּקְעִילָ֥ה וְאַכְזִ֖יב וּמָֽרֵאשָׁ֑ה עָרִ֥ים תֵּ֖שַׁע וְחַצְרֵיהֶֽן׃1 Samuel 23.1-23.14 Genèse 38.5 Michée 1.14-1.15
⁴⁵ עֶקְרֹ֥ון וּבְנֹתֶ֖יהָ וַחֲצֵרֶֽיהָ׃Josué 13.3 Amos 1.8 1 Samuel 6.17 Zacharie 9.5-9.7 1 Samuel 5.10
⁴⁶ מֵעֶקְרֹ֖ון וָיָ֑מָּה כֹּ֛ל אֲשֶׁר־עַל־יַ֥ד אַשְׁדֹּ֖וד וְחַצְרֵיהֶֽן׃1 Samuel 5.1 1 Samuel 5.6 Amos 1.8 Esaïe 20.1 Néhémie 13.23-13.24
⁴⁷ אַשְׁדֹּ֞וד בְּנֹותֶ֣יהָ וַחֲצֵרֶ֗יהָ עַזָּ֥ה בְּנֹותֶ֥יהָ וַחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם הַגָּדֹ֖ול וּגְבֽוּל׃ סJosué 15.4 Jérémie 47.1 Josué 13.3 Sophonie 2.4 Nombres 34.5-34.6
⁴⁸ וּבָהָ֑ר שָׁמִ֥יר וְיַתִּ֖יר וְשֹׂוכֹֽה׃Josué 21.14
⁴⁹ וְדַנָּ֥ה וְקִרְיַת־סַנָּ֖ה הִ֥יא דְבִֽר׃Josué 15.15 Juges 1.11
⁵⁰ וַעֲנָ֥ב וְאֶשְׁתְּמֹ֖ה וְעָנִֽים׃ ⁵¹ וְגֹ֥שֶׁן וְחֹלֹ֖ן וְגִלֹ֑ה עָרִ֥ים אַֽחַת־עֶשְׂרֵ֖ה וְחַצְרֵיהֶֽן׃Josué 11.16 Josué 10.41 2 Samuel 15.12
⁵² אֲרַ֥ב וְרוּמָ֖ה וְאֶשְׁעָֽן׃Esaïe 21.11
⁵³ וְיָנ֥וּם וּבֵית־תַּפּ֖וּחַ וַאֲפֵֽקָה׃ ⁵⁴ וְחֻמְטָ֗ה וְקִרְיַ֥ת אַרְבַּ֛ע הִ֥יא חֶבְרֹ֖ון וְצִיעֹ֑ר עָרִ֥ים תֵּ֖שַׁע וְחַצְרֵיהֶֽן׃ סJosué 15.13 Josué 14.15 Genèse 23.2
⁵⁵ מָעֹ֥ון׀ כַּרְמֶ֖ל וָזִ֥יף וְיוּטָּֽה׃1 Samuel 25.2 Josué 15.24 1 Samuel 23.25 2 Chroniques 26.10 1 Samuel 23.14-23.15
⁵⁶ וְיִזְרְעֶ֥אל וְיָקְדְעָ֖ם וְזָנֹֽוחַ׃ ⁵⁷ הַקַּ֖יִן גִּבְעָ֣ה וְתִמְנָ֑ה עָרִ֥ים עֶ֖שֶׂר וְחַצְרֵיהֶֽן׃Josué 15.10 Genèse 38.12 Jérémie 14.1
⁵⁸ חַלְח֥וּל בֵּֽית־צ֖וּר וּגְדֹֽור׃1 Chroniques 4.39
⁵⁹ וּמַעֲרָ֥ת וּבֵית־עֲנֹ֖ות וְאֶלְתְּקֹ֑ן עָרִ֥ים שֵׁ֖שׁ וְחַצְרֵיהֶֽן׃ ⁶⁰ קִרְיַת־בַּ֗עַל הִ֛יא קִרְיַ֥ת יְעָרִ֖ים וְהָֽרַבָּ֑ה עָרִ֥ים שְׁתַּ֖יִם וְחַצְרֵיהֶֽן׃ סJosué 18.14 1 Samuel 7.1
⁶¹ בַּמִּדְבָּ֑ר בֵּ֚ית הָעֲרָבָ֔ה מִדִּ֖ין וּסְכָכָֽה׃Josué 15.6 Josué 18.18
⁶² וְהַנִּבְשָׁ֥ן וְעִיר־הַמֶּ֖לַח וְעֵ֣ין גֶּ֑דִי עָרִ֥ים שֵׁ֖שׁ וְחַצְרֵיהֶֽן׃1 Samuel 23.29 2 Chroniques 20.2
⁶³ וְאֶת־הַיְבוּסִי֙ יֹושְׁבֵ֣י יְרֽוּשָׁלִַ֔ם לֹֽא־יָכְל֥וּ בְנֵֽי־יְהוּדָ֖ה לְהֹֽורִישָׁ֑ם וַיֵּ֨שֶׁב הַיְבוּסִ֜י אֶת־בְּנֵ֤י יְהוּדָה֙ בִּיר֣וּשָׁלִַ֔ם עַ֖ד הַיֹּ֥ום הַזֶּֽה׃ פJuges 1.21 Juges 1.8 1 Chroniques 11.4-11.8 2 Samuel 5.6-5.9 Romains 7.14-7.21