Ghjesù guarisce un paraliticu
è hà u putere di perdunà i peccati
1 Ghjesù s’imbarcò, fece dinò a traversata è vultò in a so cità.
Matthieu 4.13 Marc 5.21 Luc 8.37 Matthieu 8.23 Apocalypse 22.11
2 Ed eccu ch’elli li portanu un omu paralizatu stracquatu nantu à un catalettu. Videndu a fede ch’elli avianu, Ghjesù dice à u paraliticu : « curagiu, u mo figliolu, i to peccati sò perdunati. »
Matthieu 9.22 Matthieu 4.24 Jean 21.5 Colossiens 1.12-1.14 Actes 19.12
3 Tandu unepochi di maestri di a Lege dicenu da sè à sè : « questu quì insulta à Diu. »
Matthieu 26.65 Actes 6.11-6.13 Luc 5.21 Jean 10.33-10.36 Lévitique 24.16
4 È Ghjesù videndu ciò ch’elli pensavanu, li dice : « perchè chì ci sò isse idee gattive in i vostri cori ?
Matthieu 12.25 Luc 6.8 Luc 11.17 Jean 2.24-2.25 Luc 9.46-9.47
5 Serà più faciule à dì ‘i to peccati sò perdunati’ o à dì ‘arrizza ti è cammina !’ ?
Jean 5.8-5.14 Marc 2.9-2.12 Esaïe 35.5-35.6 Actes 3.16 Luc 5.23-5.25
6 Sappiate chì u Figliolu di l’Omu hà u putere di perdunà i peccati nantu à sta terra », tandu dice à u paraliticu : « arrizza ti, piglia u to catalettu è volta ti ne in casa toia. »
2 Corinthiens 5.20 Actes 5.31 Jean 20.21-20.23 Matthieu 8.20 Marc 2.10
7 Quellu piglia, s’arrizza è si ne volta in casa soia.
8 Videndu isse cose a ghjente fù pigliata di timore è ludavanu à Diu d’avè datu un putere simule à l’omi.
Matthieu 15.31 Luc 7.16 Luc 17.15 Luc 23.47 Actes 4.21
Ghjesù chjama à Matteu
9 Surtendu da a cità, Ghjesù vede à unu, un certu Matteu, chì pusava à u scagnu di e tasse. Li dice : « veni cù mè. » Matteu si pesa è và cun ellu.
Luc 5.27-5.38 Marc 2.14-2.22 Marc 3.18 1 Rois 19.19-19.21 Luc 19.2-19.10
10 Ghjesù pusava in casa, à tavulinu, unepochi di percettori è di peccatori ghjunghjenu è s’attavulineghjanu cù Ghjesù è i so discepuli.
1 Timothée 1.13-1.16 Marc 2.15-2.17 Luc 5.29-5.32 Jean 9.31 Matthieu 5.46-5.47
11 I Farusei i vedenu è dicenu à i discepuli : « cumu hè chì u vostru maestru manghja cù i percettori è cù i peccatori? »
Luc 5.30 Matthieu 11.19 Galates 2.15 1 Corinthiens 5.9-5.11 Luc 15.1-15.2
12 Ghjesù sente è risponde : « à chì hè in salute, di medicu ùn ne hà bisognu, i malati sì.
Apocalypse 3.17-3.18 Luc 5.31 Marc 2.17 Jérémie 30.17 Jérémie 17.14
13 Andate puru è amparate ciò ch’ellu vole dì :
vogliu a misericordia è micca u sacrifiziu;’ chì eu, ùn sò micca ghjuntu à chjamà i ghjusti, ma i peccatori. »
Matthieu 12.7 Marc 2.17 Osée 6.6 Proverbes 21.3 Luc 19.10
A quistione di u dighjunu
14 Tandu ghjunghjenu i discepuli di Ghjuvanni è li dumandanu : « cumu hè chì noi è i Farusei femu à spessu u dighjunu, invece chì i to discepuli ùn lu facenu micca ? »
Marc 2.18-2.22 Luc 18.9-18.12 Matthieu 6.16 Matthieu 11.18-11.19 Luc 5.33-5.39
15 È Ghjesù li dice : « l’amichi di u sposu puderianu fà u dolu in lu mentre ch’ellu hè cun elli u sposu ? Veneranu i ghjorni chì u sposu li serà toltu, è tandu u feranu u dighjunu.
Jean 3.29 Actes 14.23 Actes 13.1-13.3 Psaumes 45.14-45.15 Jean 16.6
16 Nimu mette una pezza di stofa nova nantu à un mantellu vechju, chì osinnò a stofa nova stinza a vechja, è a stracciatura hè ancu peghju.
Psaumes 125.3 Genèse 33.14 Jean 16.12 1 Corinthiens 3.1-3.2 Esaïe 40.11
17 Nè si mette vinu novu ind’è l’otre vechje, chì osinnò l’otre crepanu, u vinu si perde è sò arruinate l’otre ; si mette invece u vinu novu ind’è l’otre nove, è cusì, tutu ferma in estice. »
Josué 9.4 Psaumes 119.83 Job 32.19
Ghjesù rinvivisce a figliola di Ghjairu,
guarisce una donna malata dapoi dodeci anni
18 Mentre ch’ellu parlava cusì ghjunghje unu, un capisinagoga, chì si rinchjina è li dice : « hè morta a mo figliola pocu fà : aiò, veni è stendi li a manu sopra chì cusì camperà. »
Luc 8.41-8.56 Marc 5.22-5.43 Matthieu 8.2 Matthieu 9.24 Luc 13.14
19 Ghjesù si pesa è u seguita cù i so discepuli.
Actes 10.38 Matthieu 8.7 Jean 4.34 Galates 6.9-6.10
20 Or s’avvicina per daretu una donna chì eranu dodici anni ch’ella pirdia sangue. Li tocca l’orlu di u mantellu.
Matthieu 14.36 Luc 8.43-8.56 Actes 19.12 Deutéronome 22.12 Matthieu 23.5
21 Ella avia pensatu : « s’è a li facciu à tuccà solu u so mantellu, sò salva. »
Luc 8.45-8.47 Marc 5.26-5.33 Actes 19.12
22 Ghjesù si volta è videndu la li dice : « curagiu, a mo figliola, a to fede t’hà salvu. » È da tandu, a donna fù salva.
Luc 7.50 Matthieu 15.28 Matthieu 9.2 Luc 18.42 Marc 10.52
23 Ghjuntu in casa di u capisinagoga è videndu i sunatori cù i so strumenti è a folla in sussurru,
2 Chroniques 35.25 Luc 8.49-8.51 Marc 5.35-5.40 Matthieu 9.18-9.19 Matthieu 11.17
24 Ghjesù dice : « andate vi ne chì a zitella ùn hè morta, ma dorme. » È quelli si ridenu d’ellu.
Actes 20.10 Jean 11.11-11.13 Jean 11.4 Psaumes 22.6-22.7 Actes 9.40
25 Quandu quella folla hè mandata fora, entre, piglia a zitella pè a manu, è quella s’arrizza.
Marc 9.27 Actes 9.40-9.41 Marc 8.23 Marc 5.41 Marc 1.31
26 In lu circondu sanu, a vuciata sparse a so nomina.
Matthieu 4.24 Marc 1.45 Matthieu 14.1-14.2 Actes 26.26 Marc 6.14
Ghjesù guarisce dui cechi
27 Ghjesù si n’andete è vensenu cun ellu dui cechi chì gridavanu : « abbia cumpassione, o figliolu di Davide ! »
Matthieu 15.22 Matthieu 20.30-20.31 Luc 18.38-18.39 Marc 10.46-10.48 Matthieu 11.5
28 Ghjunti in casa s’avvicinanu è Ghjesù li dumanda : « cridite ch’è possi fà una cosa simule ? » Ed elli : « iè, o Signore ! »
Marc 9.23-9.24 Matthieu 13.36 Jean 4.48-4.50 Matthieu 13.58 Jean 11.40
29 Tandu ellu li tocca l’ochji è dice : « ch’ellu vi sia fattu secondu a vostra fede. »
Matthieu 8.13 Marc 10.52 Jean 9.6-9.7 Matthieu 9.22 Matthieu 8.6-8.7
30 È i so ochji messenu à vede. È Ghjesù s’arricumanda, dicendu : « attenti chì nimu a sappii ! »
Matthieu 8.4 Luc 5.14 Esaïe 52.13 Luc 8.56 Esaïe 35.5
31 Ma quelli sparsenu a so nomina in lu circondu sanu.
Marc 7.36 Marc 1.44-1.45 Matthieu 9.26
Ghjesù guarisce un indemuniatu
32 À u parte, eccu ch’omu li porta un omu mutu è indemuniatu.
Matthieu 12.22-12.24 Luc 11.14 Matthieu 4.24 Marc 9.17-9.27
33 Mandatu via u spiritu, u mutu parla. A folla smaravigliata dicia : « cose simule ùn si n’hè ancu vistu in Israele. »
Luc 11.14 Luc 7.9 Psaumes 76.1 Marc 2.12 Exode 4.11-4.12
34 Ma i Farusei dicianu : « i demonii i manda via per mezu di u capidemoniu. »
Luc 11.15 Marc 3.22 Jean 3.20 Matthieu 12.23-12.24
A cumpassione di Ghjesù
35 Ghjesù andava in tutte e cità è tutti i paesi ; insignava in e sinagoghe è annunziava u regnu di Diu, guaria tutte e malatie è tutte l’infirmità.
Matthieu 4.23-4.24 Actes 10.38 Actes 2.22 Luc 4.43-4.44 Marc 6.6
36 Videndu e folle ebbe cumpassione chì eranu stanche è scuragite, cum’è pecure senza pastore.
Marc 6.34 Nombres 27.17 Matthieu 14.14 Zacharie 10.2 Matthieu 15.32
37 Tandu dice à i so discepuli : « u granu da sigà hè assai, ma i sigatori sò scarsi.
Luc 10.2 Jean 4.35-4.36 1 Corinthiens 3.9 Marc 16.15 Luc 24.47
38 Dunque pricate u patrone di a sighera, ch’ellu mandi sigatori da sigà u so granu. »
Michée 5.7 Luc 10.1-10.2 2 Thessaloniciens 3.1 Actes 13.2 1 Corinthiens 12.28