2 Samuel 15.4
Vulgate

Révolte d’Absalom

¹ igitur post haec fecit sibi Absalom currum et equites et quinquaginta viros qui praecederent eum
1 Rois 1.5 Psaumes 20.7 1 Samuel 8.11 2 Samuel 12.11 Proverbes 17.19
² et mane consurgens Absalom stabat iuxta introitum portae et omnem virum qui habebat negotium ut veniret ad regis iudicium vocabat Absalom ad se et dicebat de qua civitate es tu qui respondens aiebat ex una tribu Israhel ego sum servus tuus
1 Rois 3.16-3.28 Exode 18.14 Job 24.14 2 Samuel 19.8 Exode 18.16
³ respondebatque ei Absalom videntur mihi sermones tui boni et iusti sed non est qui te audiat constitutus a rege dicebatque Absalom
2 Pierre 2.10 Actes 23.5 Proverbes 30.11 Ezéchiel 22.7 1 Pierre 2.17
⁴ quis me constituat iudicem super terram ut ad me veniant omnes qui habent negotium et iuste iudicem
Juges 9.29 Luc 14.8-14.11 Proverbes 27.2 2 Pierre 2.19 Proverbes 25.6
⁵ sed et cum accederet ad eum homo ut salutaret illum extendebat manum suam et adprehendens osculabatur eum
2 Samuel 14.33 Psaumes 55.21 Psaumes 10.9-10.10 Proverbes 26.25
⁶ faciebatque hoc omni Israhel qui veniebat ad iudicium ut audiretur a rege et sollicitabat corda virorum Israhel
Romains 16.18 Proverbes 11.9 2 Pierre 2.3
⁷ post quattuor autem annos dixit Absalom ad regem vadam et reddam vota mea quae vovi Domino in Hebron
2 Samuel 13.24-13.27 1 Samuel 16.13 Matthieu 23.13 Proverbes 21.27 2 Samuel 13.38
⁸ vovens enim vovit servus tuus cum esset in Gessur Syriae dicens si reduxerit me Dominus in Hierusalem sacrificabo Domino
Genèse 28.20-28.21 2 Samuel 13.37-13.38 1 Samuel 1.11 Psaumes 56.12 Ecclésiaste 5.4
⁹ dixitque ei rex vade in pace et surrexit et abiit in Hebron
¹⁰ misit autem Absalom exploratores in universas tribus Israhel dicens statim ut audieritis clangorem bucinae dicite regnavit Absalom in Hebron
2 Rois 9.13 1 Chroniques 11.3 2 Samuel 13.28 1 Chroniques 12.38 Job 20.5-20.29
¹¹ porro cum Absalom ierunt ducenti viri de Hierusalem vocati euntes simplici corde et causam penitus ignorantes
1 Samuel 9.13 1 Samuel 22.15 1 Samuel 16.3-16.5 Matthieu 10.16 Proverbes 14.15
¹² accersivit quoque Absalom Ahitofel Gilonitem consiliarium David de civitate sua Gilo cum immolaret victimas et facta est coniuratio valida populusque concurrens augebatur cum Absalom
Josué 15.51 2 Samuel 15.31 Psaumes 41.9 2 Samuel 17.23 Psaumes 55.12-55.14
¹³ venit igitur nuntius ad David dicens toto corde universus Israhel sequitur Absalom
Juges 9.3 2 Samuel 15.6 Psaumes 62.9 Matthieu 21.9 2 Samuel 3.36
¹⁴ et ait David servis suis qui erant cum eo in Hierusalem surgite fugiamus neque enim erit nobis effugium a facie Absalom festinate egredi ne forte veniens occupet nos et inpellat super nos ruinam et percutiat civitatem in ore gladii
2 Samuel 19.9 2 Samuel 12.11 Matthieu 11.12 Psaumes 3.1-3.8 Psaumes 55.3-55.11
¹⁵ dixeruntque servi regis ad eum omnia quaecumque praeceperit dominus noster rex libenter exsequimur servi tui
Proverbes 18.24 Jean 6.66-6.69 Jean 15.14 Luc 22.28-22.29
¹⁶ egressus est ergo rex et universa domus eius pedibus suis et dereliquit rex decem mulieres concubinas ad custodiendam domum
2 Samuel 16.21-16.22 2 Samuel 20.3 1 Samuel 25.42 2 Samuel 12.11 Juges 4.10
¹⁷ egressusque rex et omnis Israhel pedibus suis stetit procul a domo
Psaumes 66.12 Psaumes 3.1-3.2 Ecclésiaste 10.7
¹⁸ et universi servi eius ambulabant iuxta eum et legiones Cherethi et Felethi et omnes Getthei sescenti viri qui secuti eum fuerant de Geth praecedebant regem
2 Samuel 8.18 1 Rois 1.38 1 Samuel 30.14 1 Chroniques 18.17 2 Samuel 20.7
¹⁹ dixit autem rex ad Ethai Gettheum cur venis nobiscum revertere et habita cum rege quia peregrinus es et egressus de loco tuo
2 Samuel 18.2 Ruth 1.11-1.13
²⁰ heri venisti et hodie inpelleris nobiscum egredi ego autem vadam quo iturus sum revertere et reduc tecum fratres tuos ostendisti gratiam et fidem
1 Samuel 23.13 2 Samuel 2.6 Hébreux 11.37-11.38 Jean 1.17 Psaumes 57.3
²¹ et respondit Ethai regi dicens vivit Dominus et vivit dominus meus rex quoniam in quocumque loco fueris domine mi rex sive in morte sive in vita ibi erit servus tuus
Ruth 1.16-1.17 Proverbes 17.17 Actes 11.23 Actes 21.13 2 Rois 4.30
²² et ait David Ethai veni et transi et transivit Ethai Gettheus et omnes viri qui cum eo erant et reliqua multitudo
²³ omnesque flebant voce magna et universus populus transiebat rex quoque transgrediebatur torrentem Cedron et cunctus populus incedebat contra viam quae respicit ad desertum
2 Samuel 16.2 1 Rois 2.37 Jean 18.1 1 Rois 15.13 2 Chroniques 29.16
²⁴ venit autem et Sadoc et universi Levitae cum eo portantes arcam foederis Dei et deposuerunt arcam Dei et ascendit Abiathar donec expletus est omnis populus qui egressus fuerat de civitate
Nombres 4.15 2 Samuel 8.17 2 Samuel 20.25 1 Samuel 22.20 Josué 4.16-4.18
²⁵ et dixit rex ad Sadoc reporta arcam Dei in urbem si invenero gratiam in oculis Domini reducet me et ostendet mihi eam et tabernaculum suum
Jérémie 25.30 Exode 15.13 2 Samuel 7.2 2 Samuel 6.17 Psaumes 122.9
²⁶ si autem dixerit non places praesto sum faciat quod bonum est coram se
1 Samuel 3.18 1 Rois 10.9 2 Samuel 22.20 Nombres 14.8 Esaïe 62.4
²⁷ et dixit rex ad Sadoc sacerdotem o videns revertere in civitatem in pace et Achimaas filius tuus et Ionathan filius Abiathar duo filii vestri sint vobiscum
2 Samuel 17.17 1 Samuel 9.9 1 Chroniques 25.5 2 Samuel 15.36 2 Samuel 24.11
²⁸ ecce ego abscondar in campestribus deserti donec veniat sermo a vobis indicans mihi
2 Samuel 17.16 2 Samuel 15.23 2 Samuel 17.1 2 Samuel 16.2
²⁹ reportaverunt igitur Sadoc et Abiathar arcam Dei Hierusalem et manserunt ibi
³⁰ porro David ascendebat clivum Olivarum scandens et flens operto capite et nudis pedibus incedens sed et omnis populus qui erat cum eo operto capite ascendebat plorans
Esther 6.12 2 Samuel 19.4 Ezéchiel 24.23 Jérémie 14.3-14.4 Esaïe 20.2-20.4
³¹ nuntiatum est autem David quod et Ahitofel esset in coniuratione cum Absalom dixitque David infatua quaeso consilium Ahitofel Domine
2 Samuel 17.23 2 Samuel 17.14 2 Samuel 16.23 Psaumes 41.9 Psaumes 3.1
³² cumque ascenderet David summitatem montis in quo adoraturus erat Dominum ecce occurrit ei Husai Arachites scissa veste et terra pleno capite
Josué 16.2 2 Samuel 1.2 Luc 19.29 2 Samuel 15.30 Job 1.20-1.21
³³ et dixit ei David si veneris mecum eris mihi oneri
2 Samuel 19.35
³⁴ si autem in civitatem revertaris et dixeris Absalom servus tuus sum rex sicut fui servus patris tui sic ero servus tuus dissipabis consilium Ahitofel
2 Samuel 15.20 Matthieu 10.16 Josué 8.2 2 Samuel 17.5-17.14 2 Samuel 16.16-16.19
³⁵ habes autem tecum Sadoc et Abiathar sacerdotes et omne verbum quodcumque audieris de domo regis indicabis Sadoc et Abiathar sacerdotibus
2 Samuel 17.15-17.16
³⁶ sunt autem cum eis duo filii eorum Achimaas Sadoc et Ionathan Abiathar et mittetis per eos ad me omne verbum quod audieritis
2 Samuel 17.17 2 Samuel 15.27 2 Samuel 18.19-18.33
³⁷ veniente ergo Husai amico David in civitatem Absalom quoque ingressus est Hierusalem
1 Chroniques 27.33 2 Samuel 16.15-16.16