1 Rois 18.21
Vulgate

Confrontation entre Élie et les prophètes de Baal

¹ post dies multos verbum Domini factum est ad Heliam in anno tertio dicens vade et ostende te Ahab ut dem pluviam super faciem terrae
Luc 4.25 Jacques 5.17 1 Rois 17.1 Deutéronome 28.12 Lévitique 26.4
² ivit ergo Helias ut ostenderet se Ahab erat autem fames vehemens in Samaria
Psaumes 51.4 Lévitique 26.26 Psaumes 27.1 Esaïe 51.12 Proverbes 28.1
³ vocavitque Ahab Abdiam dispensatorem domus suae Abdias autem timebat Dominum valde
Néhémie 7.2 1 Rois 16.9 Proverbes 14.26 Genèse 39.9 Genèse 24.10
⁴ nam cum interficeret Hiezabel prophetas Domini tulit ille centum prophetas et abscondit eos quinquagenos in speluncis et pavit eos pane et aqua
1 Rois 18.13 Matthieu 10.40-10.42 Matthieu 25.40 Hébreux 11.38 Matthieu 21.35
⁵ dixit ergo Ahab ad Abdiam vade in terram ad universos fontes aquarum et in cunctas valles si forte invenire possimus herbam et salvare equos et mulos et non penitus iumenta intereant
Romains 8.20-8.22 Jérémie 14.5-14.6 Joël 1.18 Joël 2.22 Psaumes 104.14
⁶ diviseruntque sibi regiones ut circuirent eas Ahab ibat per viam unam et Abdias per viam alteram seorsum
Jérémie 14.3
⁷ cumque esset Abdias in via Helias occurrit ei qui cum cognovisset eum cecidit super faciem suam et ait num tu es domine mi Helias
2 Rois 1.6-1.8 Genèse 44.33 Genèse 18.2 Genèse 44.20 1 Samuel 20.41
⁸ cui ille respondit ego vade dic domino tuo adest Helias
1 Rois 18.3 1 Pierre 2.17-2.18 Romains 13.7
⁹ et ille quid peccavi inquit quoniam trades me servum tuum in manu Ahab ut interficiat me
1 Rois 18.12 1 Rois 17.18 Exode 5.21
¹⁰ vivit Dominus Deus tuus non est gens aut regnum quo non miserit dominus meus te requirens et respondentibus cunctis non est hic adiuravit regna singula et gentes eo quod minime repperireris
1 Rois 17.1 1 Rois 17.9 Psaumes 10.2 Jérémie 26.20-26.23 Psaumes 12.7-12.8
¹¹ et nunc dicis mihi vade et dic domino tuo adest Helias
1 Rois 18.14 1 Rois 18.8
¹² cumque recessero a te spiritus Domini asportabit te in locum quem ego ignoro ingressus nuntiabo Ahab et non inveniet te et interficiet me servus autem tuus timet Dominum ab infantia sua
Actes 8.39 2 Rois 2.16 Ezéchiel 8.3 1 Samuel 2.26 1 Samuel 2.18
¹³ numquid non indicatum est tibi domino meo quid fecerim cum interficeret Hiezabel prophetas Domini quod absconderim de prophetis Domini centum viros quinquagenos et quinquagenos in speluncis et paverim eos pane et aqua
1 Rois 18.4 Matthieu 25.35 Psaumes 18.21-18.24 Genèse 20.4-20.5 1 Thessaloniciens 2.9-2.10
¹⁴ et nunc tu dicis vade et dic domino tuo adest Helias ut interficiat me
Matthieu 10.28
¹⁵ dixit Helias vivit Dominus exercituum ante cuius vultum sto quia hodie apparebo ei
1 Rois 17.1 1 Rois 18.10 Psaumes 24.8-24.10 Esaïe 6.3 Psaumes 103.21
¹⁶ abiit ergo Abdias in occursum Ahab et indicavit ei venitque Ahab in occursum Heliae
¹⁷ et cum vidisset eum ait tune es ille qui conturbas Israhel
Josué 7.25 1 Rois 21.20 Actes 16.20 Jérémie 26.8-26.9 Actes 17.6
¹⁸ et ille ait non turbavi Israhel sed tu et domus patris tui qui dereliquistis mandata Domini et secuti estis Baalim
2 Chroniques 15.2 1 Rois 9.9 1 Rois 16.31 Ezéchiel 3.8 Proverbes 13.21
¹⁹ verumtamen nunc mitte et congrega ad me universum Israhel in monte Carmeli et prophetas Baal quadringentos quinquaginta prophetasque lucorum quadringentos qui comedunt de mensa Hiezabel
Josué 19.26 1 Rois 16.33 2 Rois 2.25 2 Pierre 2.1 Amos 9.3
²⁰ misit Ahab ad omnes filios Israhel et congregavit prophetas in monte Carmeli
1 Rois 22.9
²¹ accedens autem Helias ad omnem populum ait usquequo claudicatis in duas partes si Dominus est Deus sequimini eum si autem Baal sequimini illum et non respondit ei populus verbum
Matthieu 6.24 Josué 24.15 2 Corinthiens 6.14-6.16 1 Samuel 7.3 2 Rois 17.41
²² et ait rursum Helias ad populum ego remansi propheta Domini solus prophetae autem Baal quadringenti et quinquaginta viri sunt
1 Rois 19.10 1 Rois 19.14 1 Rois 20.32 1 Rois 18.19-18.20 1 Rois 20.38
²³ dentur nobis duo boves et illi eligant bovem unum et in frusta caedentes ponant super ligna ignem autem non subponant et ego faciam bovem alterum et inponam super ligna ignemque non subponam
²⁴ invocate nomina deorum vestrorum et ego invocabo nomen Domini et deus qui exaudierit per ignem ipse sit Deus respondens omnis populus ait optima propositio
1 Rois 18.38 1 Chroniques 21.26 2 Chroniques 7.1 Esaïe 39.8 Juges 6.21
²⁵ dixit ergo Helias prophetis Baal eligite vobis bovem unum et facite primi quia vos plures estis et invocate nomina deorum vestrorum ignemque non subponatis
²⁶ qui cum tulissent bovem quem dederat eis fecerunt et invocabant nomen Baal de mane usque ad meridiem dicentes Baal exaudi nos et non erat vox nec qui responderet transiliebantque altare quod fecerant
Jérémie 10.5 1 Corinthiens 8.4 1 Corinthiens 12.2 Esaïe 45.20 Esaïe 37.38
²⁷ cumque esset iam meridies inludebat eis Helias dicens clamate voce maiore deus enim est et forsitan loquitur aut in diversorio est aut in itinere aut certe dormit ut excitetur
Psaumes 121.4 Psaumes 78.65-78.66 Psaumes 44.23 Esaïe 41.23 Ezéchiel 20.39
²⁸ clamabant ergo voce magna et incidebant se iuxta ritum suum cultris et lanceolis donec perfunderentur sanguine
Lévitique 19.28 Deutéronome 14.1 Marc 5.5 Michée 6.7 Marc 9.22
²⁹ postquam autem transiit meridies et illis prophetantibus venerat tempus quo sacrificium offerri solet nec audiebatur vox neque aliquis respondebat nec adtendebat orantes
Exode 29.41 1 Rois 18.26 1 Rois 22.10 1 Rois 22.12 1 Corinthiens 11.4-11.5
³⁰ dixit Helias omni populo venite ad me et accedente ad se populo curavit altare Domini quod destructum fuerat
1 Rois 19.10 2 Chroniques 33.16 1 Rois 19.14 Romains 11.3
³¹ et tulit duodecim lapides iuxta numerum tribuum filiorum Iacob ad quem factus est sermo Domini dicens Israhel erit nomen tuum
Genèse 35.10 2 Rois 17.34 Genèse 32.28 Josué 4.20 Josué 4.3-4.4
³² et aedificavit lapidibus altare in nomine Domini fecitque aquaeductum quasi per duas aratiunculas in circuitu altaris
Colossiens 3.17 1 Corinthiens 10.31 1 Samuel 7.9 Juges 21.4 1 Samuel 7.17
³³ et conposuit ligna divisitque per membra bovem et posuit super ligna
Genèse 22.9 Juges 6.20 Lévitique 1.6-1.8 Daniel 3.19 Jean 11.39-11.40
³⁴ et ait implete quattuor hydrias aqua et fundite super holocaustum et super ligna rursumque dixit etiam secundo hoc facite qui cum fecissent et secundo ait etiam tertio id ipsum facite feceruntque et tertio
2 Corinthiens 4.2 2 Corinthiens 8.21
³⁵ et currebant aquae circa altare et fossa aquaeductus repleta est
1 Rois 18.32 1 Rois 18.38
³⁶ cumque iam tempus esset ut offerretur holocaustum accedens Helias propheta ait Domine Deus Abraham Isaac et Israhel hodie ostende quia tu es Deus Israhel et ego servus tuus et iuxta praeceptum tuum feci omnia verba haec
Exode 3.6 1 Rois 18.29 1 Rois 8.43 2 Rois 19.19 Nombres 16.28-16.30
³⁷ exaudi me Domine exaudi me ut discat populus iste quia tu es Dominus Deus et tu convertisti cor eorum iterum
Malachie 4.5-4.6 1 Rois 18.36 2 Chroniques 14.11 Jacques 5.16-5.17 Luc 11.8
³⁸ cecidit autem ignis Domini et voravit holocaustum et ligna et lapides pulverem quoque et aquam quae erat in aquaeductu lambens
Lévitique 9.24 1 Chroniques 21.26 Job 1.16 2 Chroniques 7.1 Juges 6.21
³⁹ quod cum vidisset omnis populus cecidit in faciem suam et ait Dominus ipse est Deus Dominus ipse est Deus
1 Rois 18.24 1 Rois 18.21 Jean 5.35 Juges 13.20 2 Chroniques 7.3
⁴⁰ dixitque Helias ad eos adprehendite prophetas Baal et ne unus quidem fugiat ex eis quos cum conprehendissent duxit eos Helias ad torrentem Cison et interfecit eos ibi
Deutéronome 18.20 Deutéronome 13.5 Juges 4.7 Juges 5.21 Apocalypse 20.10
⁴¹ et ait Helias ad Ahab ascende comede et bibe quia sonus multae pluviae est
Actes 27.34 Ecclésiaste 9.7 1 Rois 17.1 1 Rois 18.1
⁴² ascendit Ahab ut comederet et biberet Helias autem ascendit in vertice Carmeli et pronus in terram posuit faciem inter genua sua
Esdras 9.6 Matthieu 14.23 Psaumes 89.7 Josué 7.6 Esaïe 6.2
⁴³ et dixit ad puerum suum ascende et prospice contra mare qui cum ascendisset et contemplatus esset ait non est quicquam et rursum ait illi revertere septem vicibus
Ephésiens 6.18 Genèse 32.26 Hébreux 10.36-10.37 Habakuk 2.3 Luc 18.7
⁴⁴ in septima autem vice ecce nubicula parva quasi vestigium hominis ascendebat de mari qui ait ascende et dic Ahab iunge et descende ne occupet te pluvia
Luc 12.54 1 Samuel 6.10 1 Samuel 6.7 Michée 1.13 Job 8.7
⁴⁵ cumque se verterent huc atque illuc ecce caeli contenebrati sunt et nubes et ventus et facta est pluvia grandis ascendens itaque Ahab abiit in Hiezrahel
1 Rois 18.39-18.40 Josué 19.18 2 Samuel 2.9 Josué 17.16 1 Rois 21.23
⁴⁶ et manus Domini facta est super Heliam accinctisque lumbis currebat ante Ahab donec veniret in Hiezrahel
2 Rois 4.29 2 Rois 3.15 Ezéchiel 3.14 Jérémie 1.17 2 Rois 9.1