Nombres 4.43
Vulgate

Fonctions des Lévites

¹ locutusque est Dominus ad Mosen et Aaron dicens
² tolle summam filiorum Caath de medio Levitarum per domos et familias suas
Nombres 3.19 Nombres 3.27
³ a tricesimo anno et supra usque ad quinquagesimum annum omnium qui ingrediuntur ut stent et ministrent in tabernaculo foederis
Nombres 4.23 2 Rois 11.4-11.12 Genèse 41.46 1 Timothée 3.1 1 Chroniques 23.24-23.32
⁴ hic est cultus filiorum Caath tabernaculum foederis et sanctum sanctorum
Nombres 4.19 Marc 13.34 Nombres 3.30-3.31 Nombres 4.24 Nombres 4.15
⁵ ingredientur Aaron et filii eius quando movenda sunt castra et deponent velum quod pendet ante fores involventque eo arcam testimonii
Matthieu 27.51 Hébreux 9.3 Exode 36.35 2 Samuel 6.2-6.9 Nombres 10.14
⁶ et operient rursum velamine ianthinarum pellium extendentque desuper pallium totum hyacinthinum et inducent vectes
Exode 25.13-25.15 Nombres 4.11-4.13 Nombres 4.7-4.8 Exode 39.1 1 Rois 8.7-8.8
⁷ mensam quoque propositionis involvent hyacinthino pallio et ponent cum ea turibula et mortariola cyatos et crateras ad liba fundenda panes semper in ea erunt
Lévitique 24.5-24.8 Exode 25.23-25.30 Exode 37.10-37.16
⁸ extendentque desuper pallium coccineum quod rursum operient velamento ianthinarum pellium et inducent vectes
Nombres 4.6-4.7 Nombres 4.11-4.13 Nombres 4.9
⁹ sument et pallium hyacinthinum quo operient candelabrum cum lucernis et forcipibus suis et emunctoriis et cunctis vasis olei quae ad concinnandas lucernas necessaria sunt
Exode 25.31-25.39 Psaumes 119.105 Apocalypse 1.20-2.1 Exode 37.17-37.24
¹⁰ et super omnia ponent operimentum ianthinarum pellium et inducent vectes
Nombres 4.12 Nombres 4.6
¹¹ nec non et altare aureum involvent hyacinthino vestimento et extendent desuper operimentum ianthinarum pellium inducentque vectes
Exode 37.25-37.28 Exode 40.26-40.27 Exode 30.1-30.19 Exode 39.38 Exode 40.5
¹² omnia vasa quibus ministratur in sanctuario involvent hyacinthino pallio et extendent desuper operimentum ianthinarum pellium inducentque vectes
1 Chroniques 9.29 2 Chroniques 4.11 Exode 25.9 Nombres 3.8 Nombres 4.7
¹³ sed et altare mundabunt cinere et involvent illud purpureo vestimento
Nombres 4.6-4.9 Nombres 4.11-4.12 Lévitique 6.12-6.13 Exode 39.1 Exode 39.41
¹⁴ ponentque cum eo omnia vasa quibus in ministerio eius utuntur id est ignium receptacula fuscinulas ac tridentes uncinos et vatilla cuncta vasa altaris operient simul velamine ianthinarum pellium et inducent vectes
Exode 38.1-38.7 2 Chroniques 4.19
¹⁵ cumque involverint Aaron et filii eius sanctuarium et omnia vasa eius in commotione castrorum tunc intrabunt filii Caath ut portent involuta et non tangant vasa sanctuarii ne moriantur ista sunt onera filiorum Caath in tabernaculo foederis
2 Samuel 6.6-6.7 Nombres 7.9 Nombres 10.21 1 Chroniques 13.9-13.10 Deutéronome 31.9
¹⁶ super quos erit Eleazar filius Aaron sacerdotis ad cuius pertinet curam oleum ad concinnandas lucernas et conpositionis incensum et sacrificium quod semper offertur et oleum unctionis et quicquid ad cultum tabernaculi pertinet omniumque vasorum quae in sanctuario sunt
Exode 25.6 Lévitique 24.2 Exode 30.23-30.38 Exode 27.20-27.21 Lévitique 6.20
¹⁷ locutusque est Dominus ad Mosen et Aaron dicens
¹⁸ nolite perdere populum Caath de medio Levitarum
Jérémie 38.23 Exode 19.21 Nombres 18.5 Lévitique 10.1-10.2 2 Samuel 6.6-6.7
¹⁹ sed hoc facite eis ut vivant et non moriantur si tetigerint sancta sanctorum Aaron et filii eius intrabunt ipsique disponent opera singulorum et divident quid portare quis debeat
Nombres 4.15
²⁰ alii nulla curiositate videant quae sunt in sanctuario priusquam involvantur alioquin morientur
1 Samuel 6.19 Exode 19.21 Nombres 4.19 Nombres 4.15 Lévitique 10.2
²¹ locutus est Dominus ad Mosen dicens
²² tolle summam etiam filiorum Gerson per domos ac familias et cognationes suas
Nombres 3.21 Nombres 3.18 Nombres 3.24
²³ a triginta annis et supra usque ad annos quinquaginta numera omnes qui ingrediuntur et ministrant in tabernaculo foederis
Nombres 4.3 Esaïe 63.1-63.4 Galates 5.24 1 Chroniques 23.3 1 Timothée 1.18
²⁴ hoc est officium familiae Gersonitarum
Nombres 4.47 Nombres 4.49 Nombres 4.15 Nombres 4.27 Nombres 4.31-4.32
²⁵ ut portent cortinas tabernaculi et tectum foederis operimentum aliud et super omnia velamen ianthinum tentoriumque quod pendet in introitu foederis tabernaculi
Exode 26.14 Nombres 3.25-3.26 Nombres 7.5-7.7
²⁶ cortinas atrii et velum in introitu quod est ante tabernaculum omnia quae ad altare pertinent funiculos et vasa ministerii
Exode 35.18 Exode 27.9
²⁷ iubente Aaron et filiis eius portabunt filii Gerson et scient singuli cui debeant oneri mancipari
1 Corinthiens 11.2 Luc 1.70
²⁸ hic est cultus familiae Gersonitarum in tabernaculo foederis eruntque sub manu Ithamar filii Aaron sacerdotis
Nombres 4.33 1 Corinthiens 12.5-12.6
²⁹ filios quoque Merari per familias et domos patrum suorum recensebis
Nombres 3.33-3.35
³⁰ a triginta annis et supra usque ad annos quinquaginta omnes qui ingrediuntur ad officium ministerii sui et cultum foederis testimonii
Nombres 4.23 Nombres 4.3 2 Timothée 2.4 2 Timothée 4.7-4.8 Psaumes 110.1-110.7
³¹ haec sunt onera eorum portabunt tabulas tabernaculi et vectes eius columnas et bases earum
Nombres 3.36-3.37 Nombres 7.8-7.9 Exode 26.15
³² columnas quoque atrii per circuitum cum basibus et paxillis et funibus suis omnia vasa et supellectilem ad numerum accipient sicque portabunt
Exode 38.21 Exode 25.9 Exode 38.17 Nombres 7.1 1 Chroniques 9.29
³³ hoc est officium familiae Meraritarum et ministerium in tabernaculo foederis eruntque sub manu Ithamar filii Aaron sacerdotis
Nombres 4.28 Esaïe 3.6 Josué 3.6
³⁴ recensuerunt igitur Moses et Aaron et principes synagogae filios Caath per cognationes et domos patrum suorum
³⁵ a triginta annis et supra usque ad annum quinquagesimum omnes qui ingrediuntur ad ministerium tabernaculi foederis
Nombres 4.23 1 Chroniques 23.24 1 Chroniques 28.13 Luc 3.23 Nombres 4.43
³⁶ et inventi sunt duo milia septingenti quinquaginta
³⁷ hic est numerus populi Caath qui intrat tabernaculum foederis hos numeravit Moses et Aaron iuxta sermonem Domini per manum Mosi
³⁸ numerati sunt et filii Gerson per cognationes et domos patrum suorum
³⁹ a triginta annis et supra usque ad annum quinquagesimum omnes qui ingrediuntur ut ministrent in tabernaculo foederis
⁴⁰ et inventi sunt duo milia sescenti triginta
Nombres 3.32
⁴¹ hic est populus Gersonitarum quos numeraverunt Moses et Aaron iuxta verbum Domini
⁴² numerati sunt et filii Merari per cognationes et domos patrum suorum
⁴³ a triginta annis et supra usque ad annum quinquagesimum omnes qui ingrediuntur ad explendos ritus tabernaculi foederis
⁴⁴ et inventi sunt tria milia ducenti
Deutéronome 33.25 1 Corinthiens 10.13 1 Corinthiens 12.8-12.12 2 Corinthiens 12.9-12.10 Nombres 3.34
⁴⁵ hic est numerus filiorum Merari quos recensuerunt Moses et Aaron iuxta imperium Domini per manum Mosi
Nombres 4.29
⁴⁶ omnes qui recensiti sunt de Levitis et quos fecit ad nomen Moses et Aaron et principes Israhel per cognationes et domos patrum suorum
⁴⁷ a triginta annis et supra usque ad annum quinquagesimum ingredientes ad ministerium tabernaculi et onera portanda
Nombres 4.3 Romains 12.6-12.8 Nombres 4.23-4.24 1 Chroniques 23.3 Nombres 4.30
⁴⁸ fuerunt simul octo milia quingenti octoginta
Nombres 3.39 Matthieu 20.16 Matthieu 22.15 Matthieu 7.14
⁴⁹ iuxta verbum Domini recensuit eos Moses unumquemque iuxta officium et onera sua sicut praeceperat ei Dominus
Nombres 4.24 Nombres 4.15 Nombres 4.21 Nombres 4.31 Esaïe 49.1-49.8