Matthieu 10
Vulgate

Voir Matthieu 10.1 en vidéo

1 et convocatis duodecim discipulis suis dedit illis potestatem spirituum inmundorum ut eicerent eos et curarent omnem languorem et omnem infirmitatem
Marc 6.7-6.13 Luc 9.1-9.6 Marc 3.13-3.15 Luc 24.49 Actes 1.8
2 duodecim autem apostolorum nomina sunt haec primus Simon qui dicitur Petrus et Andreas frater eius
Matthieu 4.18 Actes 1.13 Matthieu 4.21 Apocalypse 18.20 Jean 6.8
3 Iacobus Zebedaei et Iohannes frater eius Philippus et Bartholomeus Thomas et Mattheus publicanus et Iacobus Alphei et Thaddeus
Marc 3.18 Actes 1.13 Matthieu 9.9 Jean 20.24-20.29 Jean 1.43-1.46
4 Simon Cananeus et Iudas Scariotes qui et tradidit eum
Matthieu 26.14 Jean 13.2 Matthieu 26.47 Jean 6.71 Luc 22.3
5 hos duodecim misit Iesus praecipiens eis et dicens in viam gentium ne abieritis et in civitates Samaritanorum ne intraveritis
Jean 4.9 Luc 9.2 Actes 1.8 Actes 8.1 Jean 4.22-4.24
6 sed potius ite ad oves quae perierunt domus Israhel
Jérémie 50.6 Actes 13.46 Psaumes 119.176 Esaïe 53.6 Actes 3.26
7 euntes autem praedicate dicentes quia adpropinquavit regnum caelorum
Matthieu 3.2 Luc 9.60 Actes 28.31 Matthieu 4.17 Esaïe 61.1
8 infirmos curate mortuos suscitate leprosos mundate daemones eicite gratis accepistis gratis date
Actes 3.6 Actes 4.30 Actes 20.33-20.35 Actes 5.12-5.15 Matthieu 10.1
9 nolite possidere aurum neque argentum neque pecuniam in zonis vestris
Luc 22.35 Luc 9.3-9.5 1 Corinthiens 9.7-9.27 Luc 10.4-10.12 Marc 6.8-6.11
10 non peram in via neque duas tunicas neque calciamenta neque virgam dignus enim est operarius cibo suo
Luc 10.7-10.12 1 Timothée 5.17-5.18 1 Corinthiens 9.4-9.14 Luc 3.11 2 Timothée 4.13
11 in quamcumque civitatem aut castellum intraveritis interrogate quis in ea dignus sit et ibi manete donec exeatis
1 Rois 17.9-17.24 Actes 16.15 Job 31.32 Genèse 19.1-19.3 Marc 6.10
12 intrantes autem in domum salutate eam
1 Samuel 25.6 Luc 10.5-10.6 2 Corinthiens 5.20 Actes 10.36 3 Jean 1.14
13 et siquidem fuerit domus digna veniat pax vestra super eam si autem non fuerit digna pax vestra ad vos revertatur
Psaumes 35.13 Luc 10.6 2 Corinthiens 2.16
14 et quicumque non receperit vos neque audierit sermones vestros exeuntes foras de domo vel de civitate excutite pulverem de pedibus vestris
Actes 13.51 Actes 18.6 Néhémie 5.13 Actes 20.26-20.27 Luc 10.10-10.11
15 amen dico vobis tolerabilius erit terrae Sodomorum et Gomorraeorum in die iudicii quam illi civitati
2 Pierre 2.9 1 Jean 4.17 Matthieu 12.36 2 Pierre 3.7 2 Pierre 2.6
16 ecce ego mitto vos sicut oves in medio luporum estote ergo prudentes sicut serpentes et simplices sicut columbae
Luc 10.3 Actes 20.29 Philippiens 2.15 1 Corinthiens 14.20 Genèse 3.1
17 cavete autem ab hominibus tradent enim vos in conciliis et in synagogis suis flagellabunt vos
Marc 13.9 Matthieu 23.34 Actes 26.11 Luc 12.11 Matthieu 5.22
18 et ad praesides et ad reges ducemini propter me in testimonium illis et gentibus
Matthieu 8.4 Psaumes 2.1-2.6 Actes 24.1-24.26 Apocalypse 1.9 Actes 5.25-5.27
19 cum autem tradent vos nolite cogitare quomodo aut quid loquamini dabitur enim vobis in illa hora quid loquamini
Marc 13.11-13.13 Exode 4.12 Matthieu 6.25 Luc 12.11 2 Timothée 4.17
20 non enim vos estis qui loquimini sed Spiritus Patris vestri qui loquitur in vobis
Actes 4.8 Actes 6.10 2 Pierre 1.21 Luc 21.15 2 Samuel 23.2
21 tradet autem frater fratrem in mortem et pater filium et insurgent filii in parentes et morte eos adficient
Michée 7.5-7.6 Zacharie 13.3 Marc 13.12-13.13 Luc 12.51-12.53 Luc 21.16-21.17
22 et eritis odio omnibus propter nomen meum qui autem perseveraverit in finem hic salvus erit
Matthieu 24.13 Marc 13.13 Apocalypse 2.10 Jacques 1.12 Matthieu 10.39
23 cum autem persequentur vos in civitate ista fugite in aliam amen enim dico vobis non consummabitis civitates Israhel donec veniat Filius hominis
Actes 17.10 Actes 8.1 Matthieu 16.28 Actes 13.50-13.51 Matthieu 24.48

Voir Matthieu 10.24 en vidéo

24 non est discipulus super magistrum nec servus super dominum suum
Jean 15.20 Jean 13.16 Luc 6.40 2 Samuel 11.11 Hébreux 12.2-12.4
25 sufficit discipulo ut sit sicut magister eius et servus sicut dominus eius si patrem familias Beelzebub vocaverunt quanto magis domesticos eius
Marc 3.22 Matthieu 12.24 Matthieu 9.34 Luc 11.15 Jean 7.20
26 ne ergo timueritis eos nihil enim opertum quod non revelabitur et occultum quod non scietur
Marc 4.22 Luc 8.17 1 Corinthiens 4.5 Esaïe 41.14 Esaïe 43.1-43.2
27 quod dico vobis in tenebris dicite in lumine et quod in aure auditis praedicate super tecta
Actes 5.20 Actes 5.28 Jean 16.29 Jean 16.1 Jean 16.13
28 et nolite timere eos qui occidunt corpus animam autem non possunt occidere sed potius eum timete qui potest et animam et corpus perdere in gehennam
Esaïe 8.12-8.13 Luc 12.4-12.5 2 Thessaloniciens 1.8-1.10 Esaïe 51.12 Luc 16.22-16.26
29 nonne duo passeres asse veneunt et unus ex illis non cadet super terram sine Patre vestro
Luc 12.6-12.7 Psaumes 104.27-104.30
30 vestri autem et capilli capitis omnes numerati sunt
1 Samuel 14.45 2 Samuel 14.11 Luc 21.18 Actes 27.34 1 Rois 1.52
31 nolite ergo timere multis passeribus meliores estis vos
Matthieu 6.26 Psaumes 8.5 1 Corinthiens 9.9-9.10 Matthieu 12.11-12.12 Luc 12.24
32 omnis ergo qui confitebitur me coram hominibus confitebor et ego eum coram Patre meo qui est in caelis
Apocalypse 3.5 2 Timothée 1.8 Romains 10.9-10.10 1 Jean 4.15 Jean 9.22
33 qui autem negaverit me coram hominibus negabo et ego eum coram Patre meo qui est in caelis
2 Timothée 2.12 1 Jean 2.23 Marc 8.38 Luc 9.26 2 Pierre 2.1
34 nolite arbitrari quia venerim mittere pacem in terram non veni pacem mittere sed gladium
Luc 12.49-12.53 Actes 14.4 Actes 13.45-13.50 Actes 14.2 Jean 7.40-7.52
35 veni enim separare hominem adversus patrem suum et filiam adversus matrem suam et nurum adversus socrum suam
Matthieu 10.21 Michée 7.5-7.6 Luc 21.16 Marc 13.12 Matthieu 24.10
36 et inimici hominis domestici eius
Michée 7.6 Psaumes 55.13 1 Samuel 17.28 Genèse 4.8-4.10 Genèse 37.17-37.28
37 qui amat patrem aut matrem plus quam me non est me dignus et qui amat filium aut filiam super me non est me dignus
Luc 14.26 Matthieu 22.37 Philippiens 3.7-3.9 2 Corinthiens 5.14-5.15 Jean 21.15-21.17
38 et qui non accipit crucem suam et sequitur me non est me dignus
Matthieu 16.24 Luc 14.27 Marc 8.34 Luc 9.23-9.24 Jean 19.17
39 qui invenit animam suam perdet illam et qui perdiderit animam suam propter me inveniet eam
Luc 17.33 Jean 12.25 Marc 8.35-8.36 Matthieu 16.25-16.26 Apocalypse 2.10
40 qui recipit vos me recipit et qui me recipit recipit eum qui me misit
Luc 10.16 Matthieu 18.5 Luc 9.48 Jean 13.20 Galates 4.14
41 qui recipit prophetam in nomine prophetae mercedem prophetae accipiet et qui recipit iustum in nomine iusti mercedem iusti accipiet
3 Jean 1.5-1.8 2 Rois 4.8-4.10 2 Jean 1.8 2 Rois 4.32-4.37 2 Rois 4.16-4.17
42 et quicumque potum dederit uni ex minimis istis calicem aquae frigidae tantum in nomine discipuli amen dico vobis non perdet mercedem suam
Matthieu 25.40 Hébreux 6.10 Matthieu 18.10 Luc 6.35 Marc 9.41-9.42