Matthieu 9.32
Vulgate

Guérison d’un paralysé

¹ et ascendens in naviculam transfretavit et venit in civitatem suam
Matthieu 4.13 Marc 5.21 Luc 8.37 Matthieu 8.23 Apocalypse 22.11
² et ecce offerebant ei paralyticum iacentem in lecto et videns Iesus fidem illorum dixit paralytico confide fili remittuntur tibi peccata tua
Matthieu 9.22 Matthieu 4.24 Jean 21.5 Colossiens 1.12-1.14 Actes 19.12
³ et ecce quidam de scribis dixerunt intra se hic blasphemat
Matthieu 26.65 Actes 6.11-6.13 Luc 5.21 Jean 10.33-10.36 Lévitique 24.16
⁴ et cum vidisset Iesus cogitationes eorum dixit ut quid cogitatis mala in cordibus vestris
Matthieu 12.25 Luc 6.8 Luc 11.17 Jean 2.24-2.25 Luc 9.46-9.47
⁵ quid est facilius dicere dimittuntur tibi peccata aut dicere surge et ambula
Jean 5.8-5.14 Marc 2.9-2.12 Esaïe 35.5-35.6 Actes 3.16 Luc 5.23-5.25
⁶ ut sciatis autem quoniam Filius hominis habet potestatem in terra dimittendi peccata tunc ait paralytico surge tolle lectum tuum et vade in domum tuam
2 Corinthiens 5.20 Actes 5.31 Jean 20.21-20.23 Matthieu 8.20 Marc 2.10
⁷ et surrexit et abiit in domum suam
⁸ videntes autem turbae timuerunt et glorificaverunt Deum qui dedit potestatem talem hominibus
Matthieu 15.31 Luc 7.16 Luc 17.15 Luc 23.47 Actes 4.21

Réactions face à Jésus

⁹ et cum transiret inde Iesus vidit hominem sedentem in teloneo Mattheum nomine et ait illi sequere me et surgens secutus est eum
Luc 5.27-5.38 Marc 2.14-2.22 Marc 3.18 1 Rois 19.19-19.21 Luc 19.2-19.10
¹⁰ et factum est discumbente eo in domo ecce multi publicani et peccatores venientes discumbebant cum Iesu et discipulis eius
1 Timothée 1.13-1.16 Marc 2.15-2.17 Luc 5.29-5.32 Jean 9.31 Matthieu 5.46-5.47
¹¹ et videntes Pharisaei dicebant discipulis eius quare cum publicanis et peccatoribus manducat magister vester
Luc 5.30 Matthieu 11.19 Galates 2.15 1 Corinthiens 5.9-5.11 Luc 15.1-15.2
¹² at Iesus audiens ait non est opus valentibus medico sed male habentibus
Apocalypse 3.17-3.18 Luc 5.31 Marc 2.17 Jérémie 30.17 Jérémie 17.14
¹³ euntes autem discite quid est misericordiam volo et non sacrificium non enim veni vocare iustos sed peccatores
Matthieu 12.7 Marc 2.17 Osée 6.6 Proverbes 21.3 Luc 19.10
¹⁴ tunc accesserunt ad eum discipuli Iohannis dicentes quare nos et Pharisaei ieiunamus frequenter discipuli autem tui non ieiunant
Marc 2.18-2.22 Luc 18.9-18.12 Matthieu 6.16 Matthieu 11.18-11.19 Luc 5.33-5.39
¹⁵ et ait illis Iesus numquid possunt filii sponsi lugere quamdiu cum illis est sponsus venient autem dies cum auferetur ab eis sponsus et tunc ieiunabunt
Jean 3.29 Actes 14.23 Actes 13.1-13.3 Psaumes 45.14-45.15 Jean 16.6
¹⁶ nemo autem inmittit commissuram panni rudis in vestimentum vetus tollit enim plenitudinem eius a vestimento et peior scissura fit
Psaumes 125.3 Genèse 33.14 Jean 16.12 1 Corinthiens 3.1-3.2 Esaïe 40.11
¹⁷ neque mittunt vinum novum in utres veteres alioquin rumpuntur utres et vinum effunditur et utres pereunt sed vinum novum in utres novos mittunt et ambo conservantur
Josué 9.4 Psaumes 119.83 Job 32.19

Guérison d’une femme et résurrection d’une fillette

¹⁸ haec illo loquente ad eos ecce princeps unus accessit et adorabat eum dicens filia mea modo defuncta est sed veni inpone manum super eam et vivet
Luc 8.41-8.56 Marc 5.22-5.43 Matthieu 8.2 Matthieu 9.24 Luc 13.14
¹⁹ et surgens Iesus sequebatur eum et discipuli eius
Actes 10.38 Matthieu 8.7 Jean 4.34 Galates 6.9-6.10
²⁰ et ecce mulier quae sanguinis fluxum patiebatur duodecim annis accessit retro et tetigit fimbriam vestimenti eius
Matthieu 14.36 Luc 8.43-8.56 Actes 19.12 Deutéronome 22.12 Matthieu 23.5
²¹ dicebat enim intra se si tetigero tantum vestimentum eius salva ero
Luc 8.45-8.47 Marc 5.26-5.33 Actes 19.12
²² at Iesus conversus et videns eam dixit confide filia fides tua te salvam fecit et salva facta est mulier ex illa hora
Luc 7.50 Matthieu 15.28 Matthieu 9.2 Luc 18.42 Marc 10.52
²³ et cum venisset Iesus in domum principis et vidisset tibicines et turbam tumultuantem
2 Chroniques 35.25 Luc 8.49-8.51 Marc 5.35-5.40 Matthieu 9.18-9.19 Matthieu 11.17
²⁴ dicebat recedite non est enim mortua puella sed dormit et deridebant eum
Actes 20.10 Jean 11.11-11.13 Jean 11.4 Psaumes 22.6-22.7 Actes 9.40
²⁵ et cum eiecta esset turba intravit et tenuit manum eius et surrexit puella
Marc 9.27 Actes 9.40-9.41 Marc 8.23 Marc 5.41 Marc 1.31
²⁶ et exiit fama haec in universam terram illam
Matthieu 4.24 Marc 1.45 Matthieu 14.1-14.2 Actes 26.26 Marc 6.14

Guérison de deux aveugles et d’un démoniaque

²⁷ et transeunte inde Iesu secuti sunt eum duo caeci clamantes et dicentes miserere nostri Fili David
Matthieu 15.22 Matthieu 20.30-20.31 Luc 18.38-18.39 Marc 10.46-10.48 Matthieu 11.5
²⁸ cum autem venisset domum accesserunt ad eum caeci et dicit eis Iesus creditis quia possum hoc facere vobis dicunt ei utique Domine
Marc 9.23-9.24 Matthieu 13.36 Jean 4.48-4.50 Matthieu 13.58 Jean 11.40
²⁹ tunc tetigit oculos eorum dicens secundum fidem vestram fiat vobis
Matthieu 8.13 Marc 10.52 Jean 9.6-9.7 Matthieu 9.22 Matthieu 8.6-8.7
³⁰ et aperti sunt oculi illorum et comminatus est illis Iesus dicens videte ne quis sciat
Matthieu 8.4 Luc 5.14 Esaïe 52.13 Luc 8.56 Esaïe 35.5
³¹ illi autem exeuntes diffamaverunt eum in tota terra illa
Marc 7.36 Marc 1.44-1.45 Matthieu 9.26
³² egressis autem illis ecce obtulerunt ei hominem mutum daemonium habentem
Matthieu 12.22-12.24 Luc 11.14 Matthieu 4.24 Marc 9.17-9.27
³³ et eiecto daemone locutus est mutus et miratae sunt turbae dicentes numquam paruit sic in Israhel
Luc 11.14 Luc 7.9 Psaumes 76.1 Marc 2.12 Exode 4.11-4.12
³⁴ Pharisaei autem dicebant in principe daemoniorum eicit daemones
Luc 11.15 Marc 3.22 Jean 3.20 Matthieu 12.23-12.24

Mission des douze apôtres

³⁵ et circumibat Iesus civitates omnes et castella docens in synagogis eorum et praedicans evangelium regni et curans omnem languorem et omnem infirmitatem
Matthieu 4.23-4.24 Actes 10.38 Actes 2.22 Luc 4.43-4.44 Marc 6.6
³⁶ videns autem turbas misertus est eis quia erant vexati et iacentes sicut oves non habentes pastorem
Marc 6.34 Nombres 27.17 Matthieu 14.14 Zacharie 10.2 Matthieu 15.32
³⁷ tunc dicit discipulis suis messis quidem multa operarii autem pauci
Luc 10.2 Jean 4.35-4.36 1 Corinthiens 3.9 Marc 16.15 Luc 24.47
³⁸ rogate ergo dominum messis ut eiciat operarios in messem suam
Michée 5.7 Luc 10.1-10.2 2 Thessaloniciens 3.1 Actes 13.2 1 Corinthiens 12.28