Marc 7.19
Vulgate

Le cœur humain

¹ et conveniunt ad eum Pharisaei et quidam de scribis venientes ab Hierosolymis
Marc 3.22 Matthieu 15.1-15.20 Luc 5.17 Luc 11.53-11.54
² et cum vidissent quosdam ex discipulis eius communibus manibus id est non lotis manducare panes vituperaverunt
Actes 10.28 Romains 14.14 Matthieu 7.3-7.5 Daniel 6.4-6.5 Actes 11.8
³ Pharisaei enim et omnes Iudaei nisi crebro lavent manus non manducant tenentes traditionem seniorum
Marc 7.13 Galates 1.14 Colossiens 2.8 1 Pierre 1.18 Marc 7.5
⁴ et a foro nisi baptizentur non comedunt et alia multa sunt quae tradita sunt illis servare baptismata calicum et urceorum et aeramentorum et lectorum
Hébreux 9.10 Matthieu 23.25 Esaïe 1.16 Jean 2.6 Jérémie 4.14
⁵ et interrogant eum Pharisaei et scribae quare discipuli tui non ambulant iuxta traditionem seniorum sed communibus manibus manducant panem
Matthieu 15.2 Marc 7.2-7.3 Actes 21.24 2 Thessaloniciens 3.6 Galates 1.14
⁶ at ille respondens dixit eis bene prophetavit Esaias de vobis hypocritis sicut scriptum est populus hic labiis me honorat cor autem eorum longe est a me
Esaïe 29.13 Matthieu 15.7-15.9 Ezéchiel 33.31 Tite 1.16 Luc 11.39-11.44
⁷ in vanum autem me colunt docentes doctrinas praecepta hominum
Matthieu 6.7 Colossiens 2.22 Matthieu 15.9 Jacques 1.26 1 Corinthiens 15.14
⁸ relinquentes enim mandatum Dei tenetis traditionem hominum baptismata urceorum et calicum et alia similia his facitis multa
Marc 7.3-7.4 Esaïe 1.12
⁹ et dicebat illis bene irritum facitis praeceptum Dei ut traditionem vestram servetis
Marc 7.13 Galates 2.21 Matthieu 15.3-15.6 Marc 7.3 Psaumes 119.126
¹⁰ Moses enim dixit honora patrem tuum et matrem tuam et qui maledixerit patri aut matri morte moriatur
Exode 20.12 Deutéronome 5.16 Exode 21.17 Lévitique 20.9 Marc 10.19
¹¹ vos autem dicitis si dixerit homo patri aut matri corban quod est donum quodcumque ex me tibi profuerit
Matthieu 23.18 1 Timothée 5.4-5.8 Matthieu 15.5
¹² et ultra non dimittitis eum quicquam facere patri suo aut matri
¹³ rescindentes verbum Dei per traditionem vestram quam tradidistis et similia huiusmodi multa facitis
Marc 7.9 Tite 1.14 Osée 8.12 Marc 7.3 Matthieu 15.6
¹⁴ et advocans iterum turbam dicebat illis audite me omnes et intellegite
Psaumes 94.8 1 Rois 22.28 Esaïe 6.9 Actes 8.30 Luc 12.54-12.57
¹⁵ nihil est extra hominem introiens in eum quod possit eum coinquinare sed quae de homine procedunt illa sunt quae communicant hominem
Matthieu 12.34 Marc 7.18-7.23 Actes 10.14-10.16 Hébreux 13.9 Proverbes 4.23
¹⁶ si quis habet aures audiendi audiat
¹⁷ et cum introisset in domum a turba interrogabant eum discipuli eius parabolam
Matthieu 15.15 Matthieu 13.36 Marc 9.28 Marc 4.34 Matthieu 13.10
¹⁸ et ait illis sic et vos inprudentes estis non intellegitis quia omne extrinsecus introiens in hominem non potest eum communicare
Matthieu 15.16-15.17 Matthieu 16.11 Luc 24.25 Esaïe 28.9-28.10 Hébreux 5.11
¹⁹ quia non introit in cor eius sed in ventrem et in secessum exit purgans omnes escas
1 Corinthiens 6.13 Actes 10.15 Colossiens 2.21-2.22 Actes 11.9 Luc 11.41
²⁰ dicebat autem quoniam quae de homine exeunt illa communicant hominem
Marc 7.15 Jacques 3.6 Psaumes 41.6 Jacques 4.1 Matthieu 12.34-12.37
²¹ ab intus enim de corde hominum cogitationes malae procedunt adulteria fornicationes homicidia
Jacques 4.1-4.3 Jérémie 17.9 Galates 5.19-5.21 Romains 8.7-8.8 Jérémie 4.14
²² furta avaritiae nequitiae dolus inpudicitia oculus malus blasphemia superbia stultitia
Matthieu 20.15 Proverbes 23.6 Proverbes 12.23 Psaumes 10.4 Deutéronome 28.54
²³ omnia haec mala ab intus procedunt et communicant hominem
Marc 7.15 1 Corinthiens 3.17 Marc 7.18 Jude 1.8 Tite 1.15

Jésus et la femme non juive

²⁴ et inde surgens abiit in fines Tyri et Sidonis et ingressus domum neminem voluit scire et non potuit latere
Matthieu 15.21-15.28 Marc 3.7-3.8 Matthieu 11.21 Marc 6.31-6.32 Matthieu 9.28
²⁵ mulier enim statim ut audivit de eo cuius habebat filia spiritum inmundum intravit et procidit ad pedes eius
Matthieu 15.22 Marc 1.40 Marc 5.33 Luc 17.16 Marc 5.22-5.23
²⁶ erat autem mulier gentilis Syrophoenissa genere et rogabat eum ut daemonium eiceret de filia eius
Matthieu 15.22 Esaïe 49.12 Colossiens 3.11 Galates 3.28
²⁷ qui dixit illi sine prius saturari filios non est enim bonum sumere panem filiorum et mittere canibus
Matthieu 7.6 Matthieu 15.23-15.28 Matthieu 10.5 Actes 22.21 Ephésiens 2.12
²⁸ at illa respondit et dicit ei utique Domine nam et catelli sub mensa comedunt de micis puerorum
Ephésiens 3.8 Romains 10.12 Esaïe 49.6 Luc 15.30-15.32 Esaïe 45.22
²⁹ et ait illi propter hunc sermonem vade exiit daemonium de filia tua
Esaïe 66.2 Matthieu 8.9-8.13 Matthieu 5.3 Esaïe 57.15-57.16 1 Jean 3.8
³⁰ et cum abisset domum suam invenit puellam iacentem supra lectum et daemonium exisse
1 Jean 3.8 Jean 4.50-4.52
³¹ et iterum exiens de finibus Tyri venit per Sidonem ad mare Galilaeae inter medios fines Decapoleos
Marc 5.20 Matthieu 4.25 Matthieu 15.29-15.31 Marc 7.24 Matthieu 11.21
³² et adducunt ei surdum et mutum et deprecantur eum ut inponat illi manum
Luc 11.14 Marc 5.23 Matthieu 9.32-9.33
³³ et adprehendens eum de turba seorsum misit digitos suos in auriculas et expuens tetigit linguam eius
Marc 8.23 2 Rois 4.4-4.6 2 Rois 4.33-4.34 Jean 9.6-9.7 Marc 5.40
³⁴ et suspiciens in caelum ingemuit et ait illi eppheta quod est adaperire
Marc 6.41 Marc 8.12 Jean 11.41 Jean 11.33 Jean 17.1
³⁵ et statim apertae sunt aures eius et solutum est vinculum linguae eius et loquebatur recte
Esaïe 35.5-35.6 Marc 2.12 Esaïe 32.3-32.4 Matthieu 11.5 Psaumes 33.9
³⁶ et praecepit illis ne cui dicerent quanto autem eis praecipiebat tanto magis plus praedicabant
Matthieu 8.4 Marc 3.12 Marc 5.43 Marc 1.44-1.45 Marc 8.26
³⁷ et eo amplius admirabantur dicentes bene omnia fecit et surdos facit audire et mutos loqui
Genèse 1.31 Marc 2.12 Luc 23.41 Marc 6.51 Marc 4.41