1 Rois 20
Vulgate

Attaques syriennes contre Samarie

1 porro Benadad rex Syriae congregavit omnem exercitum suum et triginta et duos reges secum et equos et currus et ascendens pugnabat contra Samariam et obsidebat eam
1 Rois 15.18 1 Rois 15.20 1 Rois 22.31 1 Samuel 13.5 Deutéronome 20.1
2 mittensque nuntios ad Ahab regem Israhel in civitatem
Esaïe 36.2-36.22 Esaïe 37.9-37.10 2 Rois 19.9
3 ait haec dicit Benadad argentum tuum et aurum tuum meum est et uxores tuae et filii tui optimi mei sunt
Esaïe 10.13-10.14 Exode 15.9
4 responditque rex Israhel iuxta verbum tuum domine mi rex tuus sum ego et omnia mea
Juges 15.11-15.13 Lévitique 26.36 2 Rois 18.14-18.16 Deutéronome 28.48 1 Samuel 13.6-13.7
5 revertentesque nuntii dixerunt haec dicit Benadad qui misit nos ad te argentum tuum et aurum tuum et uxores tuas et filios tuos dabis mihi
6 cras igitur hac eadem hora mittam servos meos ad te et scrutabuntur domum tuam et domum servorum tuorum et omne quod eis placuerit ponent in manibus suis et auferent
Joël 3.5 1 Samuel 13.19-13.21 Osée 13.15 2 Samuel 24.14 Lamentations 1.10
7 vocavit autem rex Israhel omnes seniores terrae et ait animadvertite et videte quoniam insidietur nobis misit enim ad me pro uxoribus meis et filiis et pro argento et auro et non abnui
2 Rois 5.7 Psaumes 7.14 Proverbes 6.14 Proverbes 11.14 1 Chroniques 28.1
8 dixeruntque omnes maiores natu et universus populus ad eum non audias neque adquiescas illi
9 respondit itaque nuntiis Benadad dicite domino meo regi omnia propter quae misisti ad me servum tuum initio faciam hanc autem rem facere non possum
10 reversique nuntii rettulerunt ei qui remisit et ait haec faciant mihi dii et haec addant si suffecerit pulvis Samariae pugillis omnis populi qui sequitur me
1 Rois 19.2 Exode 11.8 Actes 23.12 Juges 4.10 Esaïe 37.24-37.25
11 et respondens rex Israhel ait dicite ei ne glorietur accinctus aeque ut discinctus
Proverbes 27.1 1 Samuel 14.6 Ecclésiaste 9.11 1 Samuel 17.44-17.47 Matthieu 26.75
12 factum est autem cum audisset verbum istud bibebat ipse et reges in umbraculis et ait servis suis circumdate civitatem et circumdederunt eam
1 Rois 16.9 1 Rois 20.16 Proverbes 31.4-31.5 Ephésiens 5.18 2 Samuel 13.28
13 et ecce propheta unus accedens ad Ahab regem Israhel ait haec dicit Dominus certe vidisti omnem multitudinem hanc nimiam ecce ego tradam eam in manu tua hodie ut scias quia ego sum Dominus
1 Rois 20.28 Exode 14.18 Ezéchiel 20.22 Esaïe 7.1-7.9 Esaïe 37.20
14 et ait Ahab per quem dixitque ei haec dicit Dominus per pedisequos principum provinciarum et ait quis incipiet proeliari et ille dixit tu
1 Samuel 17.50 Juges 7.16-7.20 1 Corinthiens 1.27-1.29 Genèse 14.14-14.16 1 Rois 18.44
15 recensuit ergo pueros principum provinciarum et repperit numerum ducentorum triginta duum et post eos recensuit populum omnes filios Israhel septem milia
Juges 7.7 1 Rois 19.18 2 Rois 13.7 2 Chroniques 14.11 Psaumes 106.40-106.43
16 et egressi sunt meridie Benadad autem bibebat temulentus in umbraculo suo et reges triginta duo cum eo qui ad auxilium eius venerant
1 Rois 16.9 Esaïe 54.15 Osée 4.11 1 Rois 20.11-20.12 1 Rois 16.7
17 egressi sunt autem pueri principum provinciarum in prima fronte misit itaque Benadad qui nuntiaverunt ei dicentes viri egressi sunt de Samaria
1 Rois 20.14-20.15 1 Rois 20.19
18 at ille sive ait pro pace veniunt adprehendite eos vivos sive ut proelientur vivos eos capite
2 Rois 14.8-14.12 1 Samuel 17.44 1 Samuel 14.11-14.12 Proverbes 18.12 1 Samuel 2.3-2.4
19 egressi sunt ergo pueri principum provinciarum ac reliquus exercitus sequebatur
20 et percussit unusquisque virum qui contra se venerat fugeruntque Syri et persecutus est eos Israhel fugit quoque Benadad rex Syriae in equo cum equitibus
2 Rois 19.36 Juges 7.20-7.22 2 Samuel 2.16 1 Samuel 30.16-30.17 1 Samuel 14.13-14.15
21 necnon et egressus rex Israhel percussit equos et currus et percussit Syriam plaga magna
1 Samuel 17.52 Juges 3.28 Juges 7.23-7.25 2 Rois 3.18 1 Samuel 14.20-14.22
22 accedens autem propheta ad regem Israhel dixit ei vade et confortare et scito et vide quid facias sequenti enim anno rex Syriae ascendet contra te
1 Rois 20.13 2 Samuel 11.1 1 Rois 20.26 2 Rois 6.12 Proverbes 20.18
23 servi vero regis Syriae dixerunt ei dii montium sunt dii eorum ideo superaverunt nos sed melius est ut pugnemus contra eos in campestribus et obtinebimus eos
1 Rois 14.23 Psaumes 121.1-121.2 1 Rois 20.28 2 Chroniques 32.13-32.19 1 Samuel 4.8
24 tu ergo verbum hoc fac amove reges singulos ab exercitu suo et pone principes pro eis
1 Rois 20.1 1 Rois 20.16 1 Rois 22.31 Proverbes 21.30
25 et instaura numerum militum qui ceciderunt de tuis et equos secundum equos pristinos et currus secundum currus quos ante habuisti et pugnabimus contra eos in campestribus et videbis quod obtinebimus eos credidit consilio eorum et fecit ita
Psaumes 10.3
26 igitur postquam annus transierat recensuit Benadad Syros et ascendit in Afec ut pugnaret contra Israhel
2 Rois 13.17 1 Rois 20.22 1 Samuel 29.1 Josué 13.4 1 Samuel 4.1
27 porro filii Israhel recensiti sunt et acceptis cibariis profecti ex adverso castraque metati contra eos quasi duo parvi greges caprarum Syri autem repleverunt terram
1 Samuel 13.5-13.8 Juges 6.5 Juges 7.8 2 Chroniques 32.7-32.8 Ecclésiaste 9.11
28 et accedens unus vir Dei dixit ad regem Israhel haec dicit Dominus quia dixerunt Syri deus montium est Dominus et non est deus vallium dabo omnem multitudinem grandem hanc in manu tua et scietis quia ego Dominus
1 Rois 20.13 1 Rois 17.18 Ezéchiel 36.21-36.23 Ezéchiel 6.14 Ezéchiel 20.14
29 dirigebant septem diebus ex adverso hii atque illi acies septima autem die commissum est bellum percusseruntque filii Israhel de Syris centum milia peditum in die una
1 Samuel 17.16 Esaïe 37.36 2 Chroniques 28.6 Psaumes 10.16 2 Chroniques 13.17
30 fugerunt autem qui remanserant in Afec in civitatem et cecidit murus super viginti septem milia hominum qui remanserant porro Benadad fugiens ingressus est civitatem in cubiculum quod erat intra cubiculum
2 Chroniques 18.24 1 Rois 22.25 1 Rois 20.26 1 Rois 20.20 Jérémie 48.44
31 dixeruntque ei servi sui ecce audivimus quod reges domus Israhel clementes sint ponamus itaque saccos in lumbis nostris et funiculos in capitibus nostris et egrediamur ad regem Israhel forsitan salvabit animas nostras
2 Samuel 3.31 Genèse 37.34 1 Rois 20.23 Apocalypse 11.3 Esaïe 37.1
32 accinxerunt saccis lumbos suos et posuerunt funes in capitibus veneruntque ad regem Israhel et dixerunt servus tuus Benadad dicit vivat oro te anima mea et ille ait si adhuc vivit frater meus est
1 Rois 20.3-20.6 1 Rois 20.42 1 Samuel 15.8-15.20 Daniel 5.20-5.23 Esaïe 2.11-2.12
33 quod acceperunt viri pro omine et festinantes rapuerunt verbum ex ore eius atque dixerunt frater tuus Benadad et dixit eis ite et adducite eum egressus est ergo ad eum Benadad et levavit eum in currum suum
Luc 16.8 Actes 8.31 2 Rois 10.15 Proverbes 25.13
34 qui dixit ei civitates quas tulit pater meus a patre tuo reddam et plateas fac tibi in Damasco sicut fecit pater meus in Samaria et ego foederatus recedam a te pepigit ergo foedus et dimisit eum
1 Rois 15.20 2 Chroniques 18.30 2 Chroniques 16.4 1 Rois 20.42 Esaïe 26.10
35 tunc vir quidam de filiis prophetarum dixit ad socium suum in sermone Domini percute me at ille noluit percutere
1 Rois 13.17-13.18 2 Rois 2.15 Jérémie 27.2-27.3 1 Rois 13.1-13.2 1 Samuel 10.12
36 cui ait quia noluisti audire vocem Domini ecce recedes a me et percutiet te leo cumque paululum recessisset ab eo invenit eum leo atque percussit
1 Samuel 15.22-15.23 1 Rois 13.26 1 Rois 13.21-13.24
37 sed et alterum conveniens virum dixit ad eum percute me qui percussit eum et vulneravit
Exode 21.12 1 Rois 20.35
38 abiit ergo propheta et occurrit regi in via et mutavit aspersione pulveris os et oculos suos
1 Rois 14.2 Matthieu 6.16 1 Rois 22.30 2 Samuel 14.2
39 cumque rex transiret clamavit ad regem et ait servus tuus egressus est ad proeliandum comminus cumque fugisset vir unus adduxit eum quidam ad me et ait custodi virum istum qui si lapsus fuerit erit anima tua pro anima eius aut talentum argenti adpendes
2 Rois 10.24 Proverbes 6.35 Marc 12.1-12.12 1 Pierre 1.18-1.19 2 Samuel 14.5-14.7
40 dum autem ego turbatus huc illucque me verterem subito non conparuit et ait rex Israhel ad eum hoc est iudicium tuum quod ipse decrevisti
Matthieu 25.24-25.27 Luc 19.22 Matthieu 21.41-21.43 2 Samuel 12.5-12.7 Job 15.6
41 at ille statim abstersit pulverem de facie sua et cognovit eum rex Israhel quod esset de prophetis
Jérémie 6.26 2 Samuel 13.19 Job 2.8 1 Rois 20.38
42 qui ait ad eum haec dicit Dominus quia dimisisti virum dignum morte de manu tua erit anima tua pro anima eius et populus tuus pro populo eius
1 Rois 22.31-22.37 1 Rois 20.39 1 Rois 20.34 2 Rois 8.12 2 Rois 6.24
43 reversus est igitur rex Israhel in domum suam audire contemnens et furibundus venit Samariam
1 Rois 21.4 Esther 5.13 1 Rois 22.8 Proverbes 19.3 Job 5.2