Nombres 14.29
Vulgate

Cause du séjour de quarante ans dans le désert

¹ igitur vociferans omnis turba flevit nocte illa
Nombres 11.1-11.4 Deutéronome 1.45
² et murmurati sunt contra Mosen et Aaron cuncti filii Israhel dicentes
Exode 15.24 Nombres 16.41 1 Corinthiens 10.10 Exode 17.3 Philippiens 2.14-2.15
³ utinam mortui essemus in Aegypto et non in hac vasta solitudine utinam pereamus et non inducat nos Dominus in terram istam ne cadamus gladio et uxores ac liberi nostri ducantur captivi nonne melius est reverti in Aegyptum
Jérémie 9.3 Psaumes 78.40 Nombres 14.31-14.32
⁴ dixeruntque alter ad alterum constituamus nobis ducem et revertamur in Aegyptum
Deutéronome 17.16 Actes 7.39 Néhémie 9.16-9.17 2 Pierre 2.21-2.22 Deutéronome 28.68
⁵ quo audito Moses et Aaron ceciderunt proni in terram coram omni multitudine filiorum Israhel
Nombres 16.4 Nombres 16.22 Nombres 16.45 Josué 5.14 Josué 7.10
⁶ at vero Iosue filius Nun et Chaleb filius Iepphonne qui et ipsi lustraverant terram sciderunt vestimenta sua
Nombres 13.6 Nombres 13.8 Nombres 14.30 Nombres 13.30 Genèse 37.34
⁷ et ad omnem multitudinem filiorum Israhel locuti sunt terram quam circuivimus valde bona est
Deutéronome 1.25 Nombres 13.27 Deutéronome 6.10-6.11 Deutéronome 8.7-8.9
⁸ si propitius fuerit Dominus inducet nos in eam et tradet humum lacte et melle manantem
Deutéronome 10.15 Nombres 13.27 Psaumes 22.8 2 Samuel 22.20 Esaïe 62.4
⁹ nolite rebelles esse contra Dominum neque timeatis populum terrae huius quia sicut panem ita eos possumus devorare recessit ab illis omne praesidium Dominus nobiscum est nolite metuere
Psaumes 74.14 Deutéronome 9.23-9.24 Deutéronome 7.18 Romains 8.31 Esaïe 8.9-8.10
¹⁰ cumque clamaret omnis multitudo et lapidibus eos vellet opprimere apparuit gloria Domini super tectum foederis cunctis filiis Israhel
Exode 17.4 Lévitique 9.23 Exode 16.10 Exode 16.7 Exode 24.16-24.17
¹¹ et dixit Dominus ad Mosen usquequo detrahet mihi populus iste quousque non credent mihi in omnibus signis quae feci coram eis
Psaumes 106.24 Jean 12.37 Psaumes 78.32 Psaumes 78.22 Deutéronome 1.32
¹² feriam igitur eos pestilentia atque consumam te autem faciam principem super gentem magnam et fortiorem quam haec est
Exode 32.10 2 Samuel 24.1 2 Samuel 24.12-24.15 Nombres 25.9 Nombres 16.46-16.49
¹³ et ait Moses ad Dominum ut audiant Aegyptii de quorum medio eduxisti populum istum
Psaumes 106.23 Ezéchiel 20.14 Ezéchiel 20.9 Deutéronome 32.27 Exode 32.11-32.14
¹⁴ et habitatores terrae huius qui audierunt quod tu Domine in populo isto sis et facie videaris ad faciem et nubes tua protegat illos et in columna nubis praecedas eos per diem et in columna ignis per noctem
Exode 15.14 Deutéronome 5.4 Jean 1.18 Exode 33.11 Josué 2.9-2.10
¹⁵ quod occideris tantam multitudinem quasi unum hominem et dicant
Juges 6.16
¹⁶ non poterat introducere populum in terram pro qua iuraverat idcirco occidit eos in solitudine
Deutéronome 9.28 Josué 7.9 Deutéronome 32.26-32.27 Josué 7.7
¹⁷ magnificetur ergo fortitudo Domini sicut iurasti dicens
Matthieu 9.6 Michée 3.8 Matthieu 9.8
¹⁸ Dominus patiens et multae misericordiae auferens iniquitatem et scelera nullumque innoxium derelinquens qui visitas peccata patrum in filios in tertiam et quartam generationem
Exode 34.6-34.7 Exode 20.5 Jonas 4.2 Psaumes 145.8 Psaumes 103.8
¹⁹ dimitte obsecro peccatum populi tui huius secundum magnitudinem misericordiae tuae sicut propitius fuisti egredientibus de Aegypto usque ad locum istum
Exode 34.9 Psaumes 78.38 Psaumes 106.45 Exode 32.32 Michée 7.18
²⁰ dixitque Dominus dimisi iuxta verbum tuum
Michée 7.18-7.20 Psaumes 106.23 Jacques 5.16
²¹ vivo ego et implebitur gloria Domini universa terra
Habakuk 2.14 Psaumes 72.19 Deutéronome 32.40 Esaïe 49.18 Matthieu 6.10
²² attamen omnes homines qui viderunt maiestatem meam et signa quae feci in Aegypto et in solitudine et temptaverunt me iam per decem vices nec oboedierunt voci meae
Job 19.3 Psaumes 106.26 Genèse 31.7 Hébreux 3.17-3.18 Exode 17.2
²³ non videbunt terram pro qua iuravi patribus eorum nec quisquam ex illis qui detraxit mihi intuebitur eam
Nombres 32.11 Ezéchiel 20.15 Nombres 26.64 Hébreux 3.17-3.18 Deutéronome 1.35-1.45
²⁴ servum meum Chaleb qui plenus alio spiritu secutus est me inducam in terram hanc quam circuivit et semen eius possidebit eam
Nombres 14.6-14.9 Deutéronome 1.36 Josué 14.6-14.14 Nombres 26.65 Nombres 13.30
²⁵ quoniam Amalechites et Chananeus habitant in vallibus cras movete castra et revertimini in solitudinem per viam maris Rubri
Nombres 13.29 Deutéronome 1.40 Proverbes 1.31 Psaumes 81.11-81.13 Nombres 14.4
²⁶ locutusque est Dominus ad Mosen et Aaron dicens
²⁷ usquequo multitudo haec pessima murmurat contra me querellas filiorum Israhel audivi
Exode 16.12 Nombres 14.11 1 Corinthiens 10.10 Marc 9.19 Exode 16.28
²⁸ dic ergo eis vivo ego ait Dominus sicut locuti estis audiente me sic faciam vobis
Nombres 14.21 Nombres 14.23 Hébreux 3.17 Nombres 32.11 Deutéronome 1.35
²⁹ in solitudine hac iacebunt cadavera vestra omnes qui numerati estis a viginti annis et supra et murmurastis contra me
Nombres 1.45 Hébreux 3.17 Nombres 26.64 1 Corinthiens 10.5 Jude 1.5
³⁰ non intrabitis terram super quam levavi manum meam ut habitare vos facerem praeter Chaleb filium Iepphonne et Iosue filium Nun
Nombres 14.38 Genèse 14.22 Nombres 32.12 Nombres 26.65 Deutéronome 1.36-1.38
³¹ parvulos autem vestros de quibus dixistis quod praedae hostibus forent introducam ut videant terram quae vobis displicuit
Psaumes 106.24 Deutéronome 1.39 Proverbes 1.25 Nombres 14.3 Hébreux 12.16-12.17
³² vestra cadavera iacebunt in solitudine
1 Corinthiens 10.5 Nombres 14.29 Hébreux 3.17
³³ filii vestri erunt vagi in deserto annis quadraginta et portabunt fornicationem vestram donec consumantur cadavera patrum in deserto
Nombres 32.13 Ezéchiel 23.35 Psaumes 107.40 Deutéronome 2.14 Nombres 5.31
³⁴ iuxta numerum quadraginta dierum quibus considerastis terram annus pro die inputabitur et quadraginta annis recipietis iniquitates vestras et scietis ultionem meam
Nombres 13.25 Ezéchiel 4.6 Daniel 9.24 Jérémie 18.9-18.10 Nombres 18.23
³⁵ quoniam sicut locutus sum ita faciam omni multitudini huic pessimae quae consurrexit adversum me in solitudine hac deficiet et morietur
Nombres 23.19 1 Corinthiens 10.5 Nombres 26.65 Nombres 14.27-14.29 Hébreux 3.19
³⁶ igitur omnes viri quos miserat Moses ad contemplandam terram et qui reversi murmurare fecerant contra eum omnem multitudinem detrahentes terrae quod esset mala
Nombres 13.31-13.33 Nombres 13.4-13.16
³⁷ mortui sunt atque percussi in conspectu Domini
1 Corinthiens 10.10 Nombres 16.49 Hébreux 3.17 Jude 1.5 Jérémie 29.32
³⁸ Iosue autem filius Nun et Chaleb filius Iepphonne vixerunt ex omnibus qui perrexerant ad considerandam terram
Nombres 26.65 Josué 14.6-14.10
³⁹ locutusque est Moses universa verba haec ad omnes filios Israhel et luxit populus nimis
Exode 33.4 Esaïe 26.16 Matthieu 8.12 Hébreux 12.17 Proverbes 19.3
⁴⁰ et ecce mane primo surgentes ascenderunt verticem montis atque dixerunt parati sumus ascendere ad locum de quo Dominus locutus est quia peccavimus
Deutéronome 1.41 Matthieu 7.21-7.23 Ecclésiaste 9.3 Luc 13.25 Matthieu 26.11-26.12
⁴¹ quibus Moses cur inquit transgredimini verbum Domini quod vobis non cedet in prosperum
2 Chroniques 24.20 Job 4.9 Jérémie 32.5 Nombres 14.25 Jérémie 2.37
⁴² nolite ascendere non enim est Dominus vobiscum ne corruatis coram inimicis vestris
Deutéronome 1.42 Josué 7.8 Josué 7.12 Psaumes 44.1-44.11
⁴³ Amalechites et Chananeus ante vos sunt quorum gladio corruetis eo quod nolueritis adquiescere Domino nec erit Dominus vobiscum
Nombres 14.25 Nombres 13.29 Lévitique 26.17 1 Chroniques 28.9 Esaïe 63.10
⁴⁴ at illi contenebrati ascenderunt in verticem montis arca autem testamenti Domini et Moses non recesserunt de castris
Deutéronome 1.43 Nombres 31.6 Nombres 15.30 Nombres 10.33 1 Samuel 4.3-4.11
⁴⁵ descenditque Amalechites et Chananeus qui habitabant in monte et percutiens eos atque concidens persecutus est usque Horma
Nombres 21.3 Juges 1.17 Deutéronome 1.44 Nombres 14.43 Josué 7.11-7.12