1 Rois 2.29
Vulgate

Derniers instants et mort de David

¹ adpropinquaverant autem dies David ut moreretur praecepitque Salomoni filio suo dicens
Genèse 47.29 Deutéronome 31.14 1 Timothée 6.13 Deutéronome 3.28 2 Pierre 1.13-1.15
² ego ingredior viam universae terrae confortare et esto vir
Josué 23.14 Josué 1.6-1.7 Job 30.23 1 Timothée 4.12 1 Rois 3.7
³ et observa custodias Domini Dei tui ut ambules in viis eius et custodias caerimonias eius et praecepta eius et iudicia et testimonia sicut scriptum est in lege Mosi ut intellegas universa quae facis et quocumque te verteris
Deutéronome 29.9 Deutéronome 17.18-17.20 1 Chroniques 22.12-22.13 Psaumes 119.98-119.100 Deutéronome 6.1-6.2
⁴ ut confirmet Dominus sermones suos quos locutus est de me dicens si custodierint filii tui viam suam et ambulaverint coram me in veritate in omni corde suo et in omni anima sua non auferetur tibi vir de solio Israhel
2 Rois 20.3 1 Rois 8.25 2 Samuel 7.25 1 Chroniques 22.9-22.11 Psaumes 89.29-89.37
⁵ tu quoque nosti quae fecerit mihi Ioab filius Sarviae quae fecerit duobus principibus exercitus Israhel Abner filio Ner et Amasa filio Iether quos occidit et effudit sanguinem belli in pace et posuit cruorem proelii in balteo suo qui erat circa lumbos eius et in calciamento suo quod erat in pedibus eius
2 Samuel 20.10 2 Samuel 3.27 2 Samuel 18.5 2 Samuel 18.12 2 Samuel 18.14
⁶ facies ergo iuxta sapientiam tuam et non deduces canitiem eius pacifice ad inferos
1 Rois 2.9 Esaïe 57.21 Genèse 42.38 Ecclésiaste 8.11 Esaïe 65.20
⁷ sed et filiis Berzellai Galaaditis reddes gratiam eruntque comedentes in mensa tua occurrerunt enim mihi quando fugiebam a facie Absalom fratris tui
2 Samuel 9.7 2 Samuel 9.10 2 Samuel 17.27-17.29 2 Samuel 19.31-19.40 Luc 12.37
⁸ habes quoque apud te Semei filium Gera filii Iemini de Baurim qui maledixit mihi maledictione pessima quando ibam ad Castra sed quia descendit mihi in occursum cum transirem Iordanem et iuravi ei per Dominum dicens non te interficiam gladio
2 Samuel 16.5-16.8 Jérémie 4.2 1 Rois 2.36-2.46 2 Samuel 19.16-19.23
⁹ tu noli pati esse eum innoxium vir autem sapiens es et scies quae facias ei deducesque canos eius cum sanguine ad infernum
1 Rois 2.6 Genèse 44.31 Genèse 42.38 Nombres 32.23 1 Rois 3.12
¹⁰ dormivit igitur David cum patribus suis et sepultus est in civitate David
1 Rois 3.1 2 Samuel 5.7 Actes 13.36 1 Rois 1.21 Actes 2.29
¹¹ dies autem quibus regnavit David super Israhel quadraginta anni sunt in Hebron regnavit septem annis in Hierusalem triginta tribus
2 Samuel 5.4-5.5 1 Chroniques 29.26-29.27
¹² Salomon autem sedit super thronum David patris sui et firmatum est regnum eius nimis
2 Chroniques 1.1 2 Samuel 7.29 Psaumes 132.12 Psaumes 89.36-89.37 1 Chroniques 29.23-29.25

Premières décisions du roi Salomon

¹³ et ingressus est Adonias filius Aggith ad Bethsabee matrem Salomonis quae dixit ei pacificusne ingressus tuus qui respondit pacificus
1 Rois 1.50-1.53 1 Chroniques 12.17-12.18 1 Rois 1.5-1.10 1 Samuel 16.4-16.5 Luc 10.5-10.6
¹⁴ addiditque sermo mihi est ad te cui ait loquere et ille
Luc 7.40 2 Samuel 14.12
¹⁵ tu inquit nosti quia meum erat regnum et me proposuerat omnis Israhel sibi in regem sed translatum est regnum et factum est fratris mei a Domino enim constitutum est ei
1 Rois 1.5 1 Rois 1.25 1 Chroniques 28.5-28.7 1 Chroniques 22.9-22.10 2 Samuel 16.18
¹⁶ nunc ergo petitionem unam deprecor a te ne confundas faciem meam quae dixit ad eum loquere
Proverbes 30.7 Psaumes 132.10
¹⁷ et ille ait precor ut dicas Salomoni regi neque enim negare tibi quicquam potest ut det mihi Abisag Sunamitin uxorem
2 Samuel 3.7 2 Samuel 12.8 1 Rois 1.2-1.4
¹⁸ et ait Bethsabee bene ego loquar pro te regi
Proverbes 14.15
¹⁹ venit ergo Bethsabee ad regem Salomonem ut loqueretur ei pro Adonia et surrexit rex in occursum eius adoravitque eam et sedit super thronum suum positus quoque est thronus matri regis quae sedit ad dexteram eius
Psaumes 45.9 Exode 20.12 Psaumes 110.1 Lévitique 19.3 Lévitique 19.32
²⁰ dixitque ei petitionem unam parvulam ego deprecor a te ne confundas faciem meam dixit ei rex pete mater mi neque enim fas est ut avertam faciem tuam
Matthieu 10.35-10.36 Jean 14.13-14.14 Matthieu 20.20-20.21 Matthieu 7.7-7.11 Jean 2.3-2.4
²¹ quae ait detur Abisag Sunamitis Adoniae fratri tuo uxor
2 Samuel 16.21-16.22 1 Rois 1.3
²² responditque rex Salomon et dixit matri suae quare postulas Abisag Sunamitin Adoniae postula ei et regnum ipse est enim frater meus maior me et habet Abiathar sacerdotem et Ioab filium Sarviae
1 Chroniques 3.2 Marc 10.38 Matthieu 20.22 1 Rois 1.11 2 Samuel 12.8
²³ iuravit itaque rex Salomon per Dominum dicens haec faciat mihi Deus et haec addat quia contra animam suam locutus est Adonias verbum hoc
Ruth 1.17 1 Samuel 14.44 2 Samuel 19.13 2 Samuel 3.35 Ecclésiaste 10.12
²⁴ et nunc vivit Dominus qui firmavit me et conlocavit super solium David patris mei et qui fecit mihi domum sicut locutus est quia hodie occidetur Adonias
1 Chroniques 22.10 1 Chroniques 17.17 1 Rois 10.9 Exode 1.21 1 Rois 1.52
²⁵ misitque rex Salomon per manum Banaiae filii Ioiadae qui interfecit eum et mortuus est
2 Samuel 8.18 2 Samuel 1.15 1 Samuel 15.33 1 Rois 2.31 1 Rois 2.46
²⁶ Abiathar quoque sacerdoti dixit rex vade in Anathot ad agrum tuum es quidem vir mortis sed hodie te non interficiam quia portasti arcam Domini Dei coram David patre meo et sustinuisti laborem in omnibus in quibus laboravit pater meus
Josué 21.18 1 Samuel 22.20-22.23 Jérémie 1.1 2 Samuel 15.24-15.29 Matthieu 10.42
²⁷ eiecit ergo Salomon Abiathar ut non esset sacerdos Domini ut impleretur sermo Domini quem locutus est super domum Heli in Silo
1 Samuel 2.27-2.36 Jérémie 7.12-7.14 Jean 19.28 Jean 12.38 Matthieu 26.56
²⁸ venit autem nuntius ad Ioab quod Ioab declinasset post Adoniam et post Absalom non declinasset fugit ergo Ioab in tabernaculum Domini et adprehendit cornu altaris
1 Rois 1.7 1 Rois 1.50 2 Samuel 18.2 Exode 27.2 Deutéronome 32.35
²⁹ nuntiatumque est regi Salomoni quod fugisset Ioab in tabernaculum Domini et esset iuxta altare misitque Salomon Banaiam filium Ioiadae dicens vade interfice eum
1 Rois 2.25 Exode 21.14 Ezéchiel 9.6 1 Rois 2.46 1 Rois 2.31
³⁰ venit Banaias ad tabernaculum Domini et dixit ei haec dicit rex egredere qui ait non egrediar sed hic moriar renuntiavit Banaias regi sermonem dicens haec locutus est Ioab et haec respondit mihi
³¹ dixitque ei rex fac sicut locutus est et interfice eum et sepeli et amovebis sanguinem innocentem qui effusus est a Ioab a me et a domo patris mei
Deutéronome 21.8-21.9 Nombres 35.33 Exode 21.14 Proverbes 28.17 Deutéronome 19.12-19.13
³² et reddat Dominus sanguinem eius super caput eius quia interfecit duos viros iustos melioresque se et occidit eos gladio patre meo David ignorante Abner filium Ner principem militiae Israhel et Amasa filium Iether principem exercitus Iuda
2 Chroniques 21.13 Juges 9.24 Psaumes 7.16 Juges 9.57 1 Rois 2.5
³³ et revertetur sanguis illorum in caput Ioab et in caput seminis eius in sempiternum David autem et semini eius et domui et throno illius sit pax usque in aeternum a Domino
1 Rois 2.32 2 Samuel 3.28-3.29 Luc 1.31-1.33 Esaïe 11.1-11.9 Proverbes 25.5
³⁴ ascendit itaque Banaias filius Ioiadae et adgressus eum interfecit sepultusque est in domo sua in deserto
Josué 15.61 Matthieu 3.1 1 Rois 2.25 2 Chroniques 33.20 2 Rois 21.18
³⁵ et constituit rex Banaiam filium Ioiadae pro eo super exercitum et Sadoc sacerdotem posuit pro Abiathar
1 Rois 2.27 1 Chroniques 29.22 1 Chroniques 24.3 1 Rois 4.4 1 Samuel 2.35
³⁶ misit quoque rex et vocavit Semei dixitque ei aedifica tibi domum in Hierusalem et habita ibi et non egredieris inde huc atque illuc
2 Samuel 16.5-16.9 2 Samuel 14.28 1 Rois 1.53 2 Samuel 14.24 Proverbes 20.8
³⁷ quacumque autem die egressus fueris et transieris torrentem Cedron scito te interficiendum sanguis tuus erit super caput tuum
2 Samuel 15.23 2 Samuel 1.16 Josué 2.19 2 Rois 23.6 Ezéchiel 18.13
³⁸ dixitque Semei regi bonus sermo sicut locutus est dominus meus rex sic faciet servus tuus habitavit itaque Semei in Hierusalem diebus multis
2 Rois 20.19 1 Rois 20.4
³⁹ factum est autem post annos tres ut fugerent servi Semei ad Achis filium Maacha regem Geth nuntiatumque est Semei quod servi eius essent in Geth
1 Samuel 27.2-27.3 1 Samuel 21.10
⁴⁰ et surrexit Semei et stravit asinum suum ivitque in Geth ad Achis ad requirendos servos suos et adduxit eos de Geth
1 Timothée 6.10 Proverbes 15.27 Luc 12.15
⁴¹ nuntiatum est autem Salomoni quod isset Semei in Geth de Hierusalem et redisset
⁴² et mittens vocavit eum dixitque illi nonne testificatus sum tibi per Dominum et praedixi tibi quacumque die egressus ieris huc et illuc scito te esse moriturum et respondisti mihi bonus sermo audivi
1 Rois 2.36-2.38 Luc 15.22 Psaumes 15.4 Luc 19.22
⁴³ quare ergo non custodisti iusiurandum Domini et praeceptum quod praeceperam tibi
Ezéchiel 17.18-17.19 Ecclésiaste 8.2 2 Samuel 21.2 2 Chroniques 30.12 Romains 13.5
⁴⁴ dixitque rex ad Semei tu nosti omne malum cuius tibi conscium est cor tuum quod fecisti David patri meo reddidit Dominus malitiam tuam in caput tuum
2 Samuel 16.5-16.13 1 Samuel 25.39 Ezéchiel 17.19 Psaumes 7.16 Proverbes 5.22
⁴⁵ et rex Salomon benedictus et thronus David erit stabilis coram Domino usque in sempiternum
Proverbes 25.5 1 Rois 2.24 1 Rois 2.33-2.34 Esaïe 9.6-9.7 Psaumes 72.17
⁴⁶ iussit itaque rex Banaiae filio Ioiadae qui egressus percussit eum et mortuus est
2 Chroniques 1.1 1 Rois 2.12 Proverbes 29.4 1 Rois 2.45