Job 31
Vulgate

1 pepigi foedus cum oculis meis ut ne cogitarem quidem de virgine
Jacques 1.14-1.15 Matthieu 5.28-5.29 Proverbes 4.25 1 Jean 2.16 Psaumes 119.37
2 quam enim partem haberet Deus in me desuper et hereditatem Omnipotens de excelsis
Job 20.29 Hébreux 13.4 Job 27.13
3 numquid non perditio est iniquo et alienatio operantibus iniustitiam
Job 21.30 Psaumes 55.23 2 Thessaloniciens 1.9 Jude 1.7 Proverbes 10.29
4 nonne ipse considerat vias meas et cunctos gressus meos dinumerat
Job 14.16 2 Chroniques 16.9 Job 34.21 Proverbes 5.21 Jérémie 16.17
5 si ambulavi in vanitate et festinavit in dolo pes meus
Ezéchiel 13.8 Proverbes 12.11 Psaumes 4.2 Psaumes 44.20-44.21 Psaumes 7.3-7.5
6 adpendat me in statera iusta et sciat Deus simplicitatem meam
Daniel 5.27 Psaumes 17.2-17.3 Psaumes 7.8-7.9 Matthieu 7.23 Esaïe 26.7
7 si declinavit gressus meus de via et si secutum est oculos meos cor meum et in manibus meis adhesit macula
Nombres 15.39 Ecclésiaste 11.9 Matthieu 5.29 Job 9.30 Psaumes 44.20-44.21
8 seram et alius comedat et progenies mea eradicetur
Lévitique 26.16 Michée 6.15 Deutéronome 28.38 Juges 6.3-6.6 Job 20.18
9 si deceptum est cor meum super mulierem et si ad ostium amici mei insidiatus sum
Ecclésiaste 7.26 Néhémie 13.26 Proverbes 6.25 1 Rois 11.4 Juges 16.5
10 scortum sit alteri uxor mea et super illam incurventur alii
Jérémie 8.10 2 Samuel 12.11 Esaïe 47.2 Deutéronome 28.30 Exode 11.5
11 hoc enim nefas est et iniquitas maxima
Lévitique 20.10 Job 31.28 Deutéronome 22.22-22.24 Genèse 38.24 Genèse 20.9
12 ignis est usque ad perditionem devorans et omnia eradicans genimina
Proverbes 6.27 Malachie 3.5 Job 20.28 Hébreux 13.4 Proverbes 3.33
13 si contempsi subire iudicium cum servo meo et ancillae meae cum disceptarent adversum me
Deutéronome 24.14-24.15 Colossiens 4.1 Deutéronome 15.12-15.15 Lévitique 25.46 Exode 21.20-21.21
14 quid enim faciam cum surrexerit ad iudicandum Deus et cum quaesierit quid respondebo illi
Psaumes 76.9 Marc 7.2 Jacques 2.13 Psaumes 9.19 Psaumes 10.12-10.15
15 numquid non in utero fecit me qui et illum operatus est et formavit in vulva unus
Proverbes 14.31 Job 34.19 Proverbes 22.2 Psaumes 139.14-139.16 Néhémie 5.5
16 si negavi quod volebant pauperibus et oculos viduae expectare feci
Psaumes 119.123 Psaumes 119.82 Psaumes 69.3 Deutéronome 15.7-15.10 Esaïe 38.14
17 si comedi buccellam meam solus et non comedit pupillus ex ea
Ezéchiel 18.16 Luc 11.41 Job 29.12-29.16 1 Jean 3.17 Deutéronome 15.11
18 quia ab infantia mea crevit mecum miseratio et de utero matris meae egressa est mecum
19 si despexi pereuntem eo quod non habuerit indumentum et absque operimento pauperem
Job 22.6 Matthieu 25.43 Matthieu 25.36 Jacques 2.16 Esaïe 58.7
20 si non benedixerunt mihi latera eius et de velleribus ovium mearum calefactus est
Deutéronome 24.13 Job 29.11
21 si levavi super pupillum manum meam etiam cum viderem me in porta superiorem
Job 22.9 Job 29.12 Michée 7.3 Michée 2.1-2.2 Proverbes 23.10-23.11
22 umerus meus a iunctura sua cadat et brachium meum cum suis ossibus confringatur
Psaumes 7.4-7.5 Job 38.15 Job 31.40 Psaumes 137.6 Josué 22.22-22.23
23 semper enim quasi tumentes super me fluctus timui Deum et pondus eius ferre non potui
Job 13.11 Psaumes 119.120 Job 40.9 2 Corinthiens 5.11 Job 42.5-42.6
24 si putavi aurum robur meum et obrizae dixi fiducia mea
Psaumes 52.7 Proverbes 10.15 1 Timothée 6.10 Psaumes 49.17 Deutéronome 8.12-8.14
25 si laetatus sum super multis divitiis meis et quia plurima repperit manus mea
Psaumes 62.10 Luc 16.19 Osée 12.8 Luc 12.19 Habakuk 1.16
26 si vidi solem cum fulgeret et lunam incedentem clare
Ezéchiel 8.16 Deutéronome 4.19 Deutéronome 17.3 2 Rois 23.11 Jérémie 8.2
27 et lactatum est in abscondito cor meum et osculatus sum manum meam ore meo
Osée 13.2 Deutéronome 13.6 Esaïe 44.20 Psaumes 2.12 Deutéronome 11.16
28 quae est iniquitas maxima et negatio contra Deum altissimum
Deutéronome 17.2-17.7 Job 31.11 Josué 24.27 Deutéronome 17.9 2 Pierre 2.1
29 si gavisus sum ad ruinam eius qui me oderat et exultavi quod invenisset eum malum
Proverbes 17.5 Proverbes 24.17-24.18 Psaumes 35.13-35.14 Psaumes 35.25-35.26 2 Samuel 16.5-16.8
30 non enim dedi ad peccandum guttur meum ut expeterem maledicens animam eius
1 Pierre 3.9 Romains 12.14 Matthieu 5.43-5.44 Exode 23.4-23.5 Matthieu 5.22
31 si non dixerunt viri tabernaculi mei quis det de carnibus eius ut saturemur
Psaumes 27.2 1 Samuel 24.4 2 Samuel 19.21-19.22 1 Samuel 24.10 Jérémie 40.15-40.16
32 foris non mansit peregrinus ostium meum viatori patuit
Genèse 19.2-19.3 Hébreux 13.2 Juges 19.20-19.21 Matthieu 25.35 Romains 12.13
33 si abscondi quasi homo peccatum meum et celavi in sinu meo iniquitatem meam
Proverbes 28.13 Osée 6.7 Genèse 3.12 Actes 5.8 Josué 7.11
34 si expavi ad multitudinem nimiam et despectio propinquorum terruit me et non magis tacui nec egressus sum ostium
Exode 23.2 Proverbes 29.25 Proverbes 24.11-24.12 Jérémie 38.4-38.5 Esther 4.11
35 quis mihi tribuat auditorem ut desiderium meum Omnipotens audiat et librum scribat ipse qui iudicat
Job 13.21-13.22 Job 19.23-19.24 Job 23.3-23.7 Job 40.4-40.5 Job 19.11
36 ut in umero meo portem illum et circumdem illum quasi coronam mihi
Esaïe 22.22 Exode 28.12 Esaïe 62.3 Job 29.14 Philippiens 4.1
37 per singulos gradus meos pronuntiabo illum et quasi principi offeram eum
Job 13.15 Genèse 32.28 Job 9.3 Ephésiens 3.12 Job 29.25
38 si adversum me terra mea clamat et cum ipsa sulci eius deflent
Job 20.27 Psaumes 65.13 Habakuk 2.11 Jacques 5.4
39 si fructus eius comedi absque pecunia et animam agricolarum eius adflixi
1 Rois 21.19 Jacques 5.4 Ezéchiel 22.12-22.13 Proverbes 1.19 Esaïe 26.21
40 pro frumento oriatur mihi tribulus et pro hordeo spina finita sunt verba Iob
Genèse 3.17-3.18 Psaumes 72.20 Malachie 1.3 Esaïe 7.23 Sophonie 2.9