Ezéchiel 20.37
Vulgate

¹ et factum est in anno septimo in quinto mense in decima mensis venerunt viri de senioribus Israhel ut interrogarent Dominum et sederunt coram meEzéchiel 8.1 Ezéchiel 29.1 Ezéchiel 30.20 Ezéchiel 24.1 Ezéchiel 40.1
² et factus est sermo Domini ad me dicens ³ fili hominis loquere senioribus Israhel et dices ad eos haec dicit Dominus Deus num ad interrogandum me vos venistis vivo ego quia non respondebo vobis ait Dominus DeusMichée 3.7 Matthieu 3.7 Ezéchiel 20.31 Esaïe 1.12 Esaïe 1.15
⁴ si iudicas eos si iudicas fili hominis abominationes patrum eorum ostende eisEzéchiel 22.2 Ezéchiel 23.36 Jérémie 15.1 Esaïe 5.3 Ezéchiel 14.20
⁵ et dices ad eos haec dicit Dominus Deus in die qua elegi Israhel et levavi manum meam pro stirpe domus Iacob et apparui eis in terra Aegypti et levavi manum meam pro eis dicens ego Dominus Deus vesterExode 4.31 Exode 6.6-6.7 Ezéchiel 20.23 Genèse 14.22 Deutéronome 7.6
⁶ in die illa levavi manum meam pro eis ut educerem eos de terra Aegypti in terram quam provideram eis fluentem lacte et melle quae est egregia inter omnes terrasEzéchiel 20.15 Psaumes 48.2 Exode 3.8 Jérémie 32.22 Exode 33.3
⁷ et dixi ad eos unusquisque offensiones oculorum suorum abiciat et in idolis Aegypti nolite pollui ego Dominus Deus vesterLévitique 18.3 Ezéchiel 20.8 Deutéronome 29.16-29.18 Ezéchiel 20.19 Ezéchiel 18.31
⁸ et inritaverunt me nolueruntque audire unusquisque abominationes oculorum suorum non proiecit nec idola Aegypti reliquerunt et dixi ut effunderem indignationem meam super eos et implerem iram meam in eis in medio terrae AegyptiEzéchiel 7.8 Ezéchiel 5.13 Esaïe 63.10 Ezéchiel 20.21 Exode 32.4-32.6
⁹ et feci propter nomen meum ut non violaretur coram gentibus in quarum medio erant et inter quas apparui eis ut educerem eos de terra AegyptiEzéchiel 20.14 Ezéchiel 39.7 Ezéchiel 20.22 Ezéchiel 36.21-36.22 Exode 32.12
¹⁰ eieci ergo eos de terra Aegypti et eduxi in desertumExode 14.17-14.22 Exode 15.22 Exode 13.17-13.18 Exode 20.2
¹¹ et dedi eis praecepta mea et iudicia mea ostendi eis quae faciat homo et vivat in eisLévitique 18.5 Romains 10.5 Deutéronome 4.8 Galates 3.12 Ezéchiel 20.13
¹² insuper et sabbata mea dedi eis ut esset signum inter me et eos et scirent quia ego Dominus sanctificans eosDeutéronome 5.12-5.15 Exode 20.8-20.11 Lévitique 21.23 Ezéchiel 37.28 Ezéchiel 20.20
¹³ et inritaverunt me domus Israhel in deserto in praeceptis meis non ambulaverunt et iudicia mea proiecerunt quae faciens homo vivet in eis et sabbata mea violaverunt vehementer dixi ergo ut effunderem furorem meum super eos in deserto et consumerem eosEzéchiel 20.21 Ezéchiel 20.8 Deutéronome 9.8 Ezéchiel 20.24 Esaïe 56.6
¹⁴ et feci propter nomen meum ne violaretur coram gentibus de quibus eieci eos in conspectu earumEzéchiel 20.9 Ezéchiel 36.22-36.23 Ephésiens 1.12 Ephésiens 1.6 Ezéchiel 20.22
¹⁵ ego igitur levavi manum meam super eos in deserto ne inducerem eos in terram quam dedi eis fluentem lacte et melle praecipuam terrarum omniumPsaumes 95.11 Psaumes 106.26 Hébreux 3.18 Nombres 26.64-26.65 Hébreux 4.3
¹⁶ quia iudicia mea proiecerunt et in praeceptis meis non ambulaverunt et sabbata mea violaverunt post idola enim cor eorum gradiebaturNombres 15.39 Ezéchiel 14.3-14.4 Ezéchiel 20.8 Ezéchiel 20.13-20.14 Actes 7.39-7.43
¹⁷ et pepercit oculus meus super eos ut non interficerem eos nec consumpsi eos in desertoEzéchiel 11.13 Jérémie 5.18 Jérémie 4.27 Ezéchiel 7.2 Psaumes 78.37-78.38
¹⁸ dixi autem ad filios eorum in solitudine in praeceptis patrum vestrorum nolite incedere nec iudicia eorum custodiatis nec in idolis eorum polluamini1 Pierre 1.18 Deutéronome 4.3-4.6 Ezéchiel 20.7 Zacharie 1.2-1.4 Nombres 14.32-14.33
¹⁹ ego Dominus Deus vester in praeceptis meis ambulate et iudicia mea custodite et facite eaDeutéronome 8.1 Tite 2.11-2.14 Deutéronome 12.1 Exode 20.2-20.3 Psaumes 105.45
²⁰ et sabbata mea sanctificate ut sit signum inter me et vos et sciatur quia ego Dominus Deus vesterJérémie 17.22 Ezéchiel 20.12 Ezéchiel 44.24 Jérémie 17.27 Exode 31.13-31.17
²¹ et exacerbaverunt me filii in praeceptis meis non ambulaverunt et iudicia mea non custodierunt ut facerent ea quae cum fecerit homo vivet in eis et sabbata mea violaverunt et comminatus sum ut effunderem furorem meum super eos et implerem iram meam in eis in desertoEzéchiel 20.13 Ezéchiel 20.8 Nombres 21.5 Deutéronome 31.27 2 Chroniques 34.21
²² averti autem manum meam et feci propter nomen meum ut non violaretur coram gentibus de quibus eieci eos in oculis earumEzéchiel 20.14 Ezéchiel 20.9 Psaumes 78.38 Esaïe 48.9-48.11 Jérémie 14.21
²³ iterum levavi manum meam in eos in solitudine ut dispergerem illos in nationes et ventilarem in terrasLévitique 26.33 Ezéchiel 20.15 Jérémie 15.4 Psaumes 106.27 Deutéronome 28.64-28.68
²⁴ eo quod iudicia mea non fecissent et praecepta mea reprobassent et sabbata mea violassent et post idola patrum suorum fuissent oculi eorumEzéchiel 6.9 Ezéchiel 20.16 Ezéchiel 20.13 Deutéronome 4.19 Ezéchiel 18.12
²⁵ ergo et ego dedi eis praecepta non bona et iudicia in quibus non viventPsaumes 81.12 Ezéchiel 20.39 Esaïe 66.4 Deutéronome 28.36 Ezéchiel 20.26
²⁶ et pollui eos in muneribus suis cum offerrent omne quod aperit vulvam propter delicta sua et scient quia ego DominusLévitique 18.21 Ezéchiel 6.7 Ezéchiel 20.31 Esaïe 63.17 2 Rois 17.17
²⁷ quam ob rem loquere ad domum Israhel fili hominis et dices ad eos haec dicit Dominus Deus adhuc et in hoc blasphemaverunt me patres vestri cum sprevissent me contemnentesRomains 2.24 Ezéchiel 3.27 Ezéchiel 3.4 Ezéchiel 3.11 Ezéchiel 2.7
²⁸ et induxissem eos in terram super quam levavi manum meam ut darem eis viderunt omnem collem excelsum et omne lignum nemorosum et immolaverunt ibi victimas suas et dederunt ibi inritationem oblationis suae et posuerunt ibi odorem suavitatis suae et libaverunt libationes suasEzéchiel 6.13 Esaïe 57.5-57.7 Jérémie 3.6 Jérémie 2.7 Néhémie 9.22-9.26
²⁹ et dixi ad eos quid est excelsum ad quod vos ingredimini et vocatum est nomen eius Excelsum usque ad hanc diemEzéchiel 16.31 Ezéchiel 16.24-16.25
³⁰ propterea dic ad domum Israhel haec dicit Dominus Deus certe in via patrum vestrorum vos polluimini et post offendicula eorum vos fornicaminiJérémie 16.12 Juges 2.19 Jérémie 7.26 Jérémie 9.14 Actes 7.51
³¹ et in oblatione donorum vestrorum cum transducitis filios vestros per ignem vos polluimini in omnibus idolis vestris usque hodie et ego respondebo vobis domus Israhel vivo ego dicit Dominus Deus quia non respondebo vobisJérémie 7.31 Ezéchiel 20.26 Psaumes 106.37-106.39 Jacques 4.1-4.3 Jérémie 14.12
³² neque cogitatio mentis vestrae fiet dicentium erimus sicut gentes et sicut cognationes terrae ut colamus ligna et lapidesJérémie 44.17 Ezéchiel 11.5 Apocalypse 9.20 Deutéronome 4.28 Daniel 5.4
³³ vivo ego dicit Dominus Deus quoniam in manu forti et brachio extento et in furore effuso regnabo super vosJérémie 21.5 Jérémie 44.6 Ezéchiel 8.18 Lamentations 2.4 Jérémie 42.18
³⁴ et educam vos de populis et congregabo vos de terris in quibus dispersi estis in manu valida et brachio extento et in furore effuso regnabo super vosEzéchiel 20.38 Ezéchiel 34.16 Amos 9.9-9.10 Lamentations 2.4 Esaïe 27.9-27.13
³⁵ et adducam vos in desertum populorum et iudicabor vobiscum ibi facie ad faciemOsée 2.14 Ezéchiel 19.13 Jérémie 2.35 Ezéchiel 17.20 Ezéchiel 20.36
³⁶ sicut iudicio contendi adversum patres vestros in deserto terrae Aegypti sic iudicabo vos dicit Dominus DeusNombres 11.1-11.35 1 Corinthiens 10.5-10.10 Ezéchiel 20.21 Ezéchiel 20.13 Nombres 14.1-14.45
³⁷ et subiciam vos sceptro meo et inducam vos in vinculis foederisLévitique 27.32 Jérémie 33.13 Ezéchiel 16.59-16.60 Matthieu 25.32-25.33 Ezéchiel 34.17
³⁸ et eligam de vobis transgressores et impios et de terra incolatus eorum educam eos et terram Israhel non ingredientur et scietis quia ego DominusEzéchiel 13.9 Psaumes 95.11 Malachie 3.3 Amos 9.9-9.10 Zacharie 13.8-13.9
³⁹ et vos domus Israhel haec dicit Dominus Deus singuli post idola vestra ambulate et servite eis quod si et in hoc non audieritis me et nomen meum sanctum pollueritis ultra in muneribus vestris et in idolis vestrisEzéchiel 20.25-20.26 Ezéchiel 43.7 Esaïe 1.13-1.15 Juges 10.14 Matthieu 6.24
⁴⁰ in monte sancto meo in monte excelso Israhel ait Dominus Deus ibi serviet mihi omnis domus Israhel omnes inquam in terra in qua placebunt mihi et ibi quaeram primitias vestras et initium decimarum vestrarum in omnibus sanctificationibus vestrisEsaïe 56.7 Esaïe 60.7 Malachie 3.4 Esaïe 66.23 Ezéchiel 17.23
⁴¹ in odorem suavitatis suscipiam vos cum eduxero vos de populis et congregavero vos de terris in quas dispersi estis et sanctificabor in vobis in oculis nationumEzéchiel 28.25 Ezéchiel 11.17 Ezéchiel 28.22 Esaïe 5.16 Ezéchiel 38.23
⁴² et scietis quia ego Dominus cum induxero vos ad terram Israhel in terram pro qua levavi manum meam ut darem eam patribus vestrisEzéchiel 38.23 Ezéchiel 34.13 Ezéchiel 36.23-36.24 Ezéchiel 20.38 Jérémie 31.34
⁴³ et recordabimini ibi viarum vestrarum et omnium scelerum vestrorum quibus polluti estis in eis et displicebitis vobis in conspectu vestro in omnibus malitiis vestris quas fecistisEzéchiel 6.9 Osée 5.15 Jérémie 31.18 Ezéchiel 36.31 Néhémie 1.8-1.10
⁴⁴ et scietis quia ego Dominus cum benefecero vobis propter nomen meum non secundum vias vestras malas neque secundum scelera vestra pessima domus Israhel ait Dominus DeusEzéchiel 24.24 Ezéchiel 20.22 Ezéchiel 20.14 Ezéchiel 20.9 1 Timothée 1.16