Nombres 22.7
Vulgate

Appel de Balak à Balaam

¹ profectique castrametati sunt in campestribus Moab ubi trans Iordanem Hierichus sita est
Nombres 32.19 Nombres 33.48-33.50 Josué 3.16 Nombres 34.15 Deutéronome 34.1
² videns autem Balac filius Sepphor omnia quae fecerat Israhel Amorreo
Juges 11.25 Nombres 21.3 Nombres 21.20-21.35
³ et quod pertimuissent eum Moabitae et impetum eius ferre non possent
Exode 15.15 Psaumes 53.5 Deutéronome 2.25 Josué 2.24 Esaïe 23.5
⁴ dixit ad maiores natu Madian ita delebit hic populus omnes qui in nostris finibus commorantur quomodo solet bos herbas usque ad radices carpere ipse erat eo tempore rex in Moab
Nombres 25.15-25.18 Nombres 31.8 Jérémie 48.38 Juges 11.25 Nombres 24.17
⁵ misit ergo nuntios ad Balaam filium Beor ariolum qui habitabat super flumen terrae filiorum Ammon ut vocarent eum et dicerent ecce egressus est populus ex Aegypto qui operuit superficiem terrae sedens contra me
Deutéronome 23.4 Josué 24.9 Michée 6.5 Jude 1.11 Apocalypse 2.14
⁶ veni igitur et maledic populo huic quia fortior me est si quo modo possim percutere et eicere eum de terra mea novi enim quod benedictus sit cui benedixeris et maledictus in quem maledicta congesseris
Nombres 24.9 Nombres 23.7-23.8 1 Rois 22.8 Esaïe 47.12-47.13 Genèse 27.29
⁷ perrexerunt seniores Moab et maiores natu Madian habentes divinationis pretium in manibus cumque venissent ad Balaam et narrassent ei omnia verba Balac
Michée 3.11 1 Samuel 9.7-9.8 Nombres 24.1 2 Pierre 2.15 Esaïe 56.11
⁸ ille respondit manete hic nocte et respondebo quicquid mihi dixerit Dominus manentibus illis apud Balaam venit Deus et ait ad eum
Ezéchiel 33.31 Jérémie 12.2 Nombres 12.6 Nombres 23.12 Nombres 22.19-22.20
⁹ quid sibi volunt homines isti apud te
Genèse 20.3 Nombres 22.20 Genèse 16.8 2 Rois 20.14-20.15 Genèse 41.25
¹⁰ respondit Balac filius Sepphor rex Moabitarum misit ad me
¹¹ dicens ecce populus qui egressus est de Aegypto operuit superficiem terrae veni et maledic ei si quo modo possim pugnans abicere eum
¹² dixitque Deus ad Balaam noli ire cum eis neque maledicas populo quia benedictus est
Genèse 12.2 Ephésiens 1.3 Deutéronome 23.5 Nombres 23.3 Genèse 22.16-22.18
¹³ qui mane consurgens dixit ad principes ite in terram vestram quia prohibuit me Deus venire vobiscum
Nombres 22.14 Deutéronome 23.5
¹⁴ reversi principes dixerunt ad Balac noluit Balaam venire nobiscum
Nombres 22.13 Nombres 22.37
¹⁵ rursum ille multo plures et nobiliores quam ante miserat misit
Actes 10.7-10.8 Nombres 22.7-22.8
¹⁶ qui cum venissent ad Balaam dixerunt sic dicit Balac filius Sepphor ne cuncteris venire ad me
¹⁷ paratum honorare te et quicquid volueris dare veni et maledic populo isti
Nombres 24.11 Nombres 22.37 Matthieu 16.26 Matthieu 14.7 Deutéronome 16.9
¹⁸ respondit Balaam si dederit mihi Balac plenam domum suam argenti et auri non potero inmutare verbum Domini Dei mei ut vel plus vel minus loquar
Nombres 24.13 2 Chroniques 18.13 1 Rois 22.14 Nombres 23.26 Nombres 22.38
¹⁹ obsecro ut hic maneatis etiam hac nocte et scire queam quid mihi rursum respondeat Dominus
Nombres 22.7-22.8 Jude 1.11 2 Pierre 2.15 2 Pierre 2.3 1 Timothée 6.9-6.10
²⁰ venit ergo Deus ad Balaam nocte et ait ei si vocare te venerunt homines isti surge et vade cum eis ita dumtaxat ut quod tibi praecepero facias
Nombres 23.26 Nombres 24.13 Nombres 23.12 Nombres 22.35 Ezéchiel 14.2-14.5
²¹ surrexit Balaam mane et strata asina profectus est cum eis
Proverbes 1.15-1.16
²² et iratus est Deus stetitque angelus Domini in via contra Balaam qui sedebat asinae et duos pueros habebat secum
Exode 4.24 Nombres 22.32 Exode 3.2-3.6 Exode 23.20 Nombres 22.35
²³ cernens asina angelum stantem in via evaginato gladio avertit se de itinere et ibat per agrum quam cum verberaret Balaam et vellet ad semitam reducere
Jérémie 8.7 1 Corinthiens 1.27-1.29 Daniel 10.7 Actes 22.9 Jude 1.11
²⁴ stetit angelus in angustiis duarum maceriarum quibus vineae cingebantur
²⁵ quem videns asina iunxit se parieti et adtrivit sedentis pedem at ille iterum verberabat
Esaïe 47.12 Job 5.13-5.15
²⁶ et nihilominus angelus ad locum angustum transiens ubi nec ad dextram nec ad sinistram poterat deviari obvius stetit
Esaïe 26.11 Osée 2.6
²⁷ cumque vidisset asina stantem angelum concidit sub pedibus sedentis qui iratus vehementius caedebat fuste latera
Jacques 1.19 Proverbes 14.16 Proverbes 27.3-27.4
²⁸ aperuitque Dominus os asinae et locuta est quid feci tibi cur percutis me ecce iam tertio
2 Pierre 2.16 1 Corinthiens 1.19 Exode 4.11 Luc 1.37 Romains 8.22
²⁹ respondit Balaam quia commeruisti et inlusisti mihi utinam haberem gladium ut te percuterem
Proverbes 12.10 Matthieu 15.19 Proverbes 12.16 Ecclésiaste 9.3
³⁰ dixit asina nonne animal tuum sum cui semper sedere consuesti usque in praesentem diem dic quid simile umquam fecerim tibi at ille ait numquam
2 Pierre 2.16 1 Corinthiens 1.27-1.28
³¹ protinus aperuit Dominus oculos Balaam et vidit angelum stantem in via evaginato gladio adoravitque eum pronus in terram
Genèse 21.19 Luc 24.31 Luc 24.16 Jean 18.6 Nombres 24.16
³² cui angelus cur inquit tertio verberas asinam tuam ego veni ut adversarer tibi quia perversa est via tua mihique contraria
Nombres 22.22 Jonas 4.11 Deutéronome 25.4 Psaumes 36.6 Michée 6.5
³³ et nisi asina declinasset de via dans locum resistenti te occidissem et illa viveret
Nombres 14.37 1 Rois 13.24-13.28 Nombres 16.33-16.35
³⁴ dixit Balaam peccavi nesciens quod tu stares contra me et nunc si displicet tibi ut vadam revertar
Job 34.31-34.32 1 Samuel 15.24 2 Samuel 12.13 1 Samuel 15.30 1 Samuel 26.21
³⁵ ait angelus vade cum istis et cave ne aliud quam praecepero tibi loquaris ivit igitur cum principibus
Nombres 22.20-22.21 Esaïe 37.26-37.29 2 Thessaloniciens 2.9-2.12 Psaumes 81.12
³⁶ quod cum audisset Balac egressus est in occursum eius in oppido Moabitarum quod situm est in extremis finibus Arnon
Nombres 21.13-21.14 Genèse 46.29 Genèse 14.17 Deutéronome 2.24 Esaïe 16.2
³⁷ dixitque ad Balaam misi nuntios ut vocarent te cur non statim venisti ad me an quia mercedem adventui tuo reddere nequeo
Nombres 24.11 Psaumes 75.6 Jean 5.44 Nombres 22.16-22.17 Matthieu 4.8-4.9
³⁸ cui ille respondit ecce adsum numquid loqui potero aliud nisi quod Deus posuerit in ore meo
Nombres 22.18 Nombres 23.26 Nombres 23.16 Psaumes 33.10 Esaïe 46.10
³⁹ perrexerunt ergo simul et venerunt in urbem quae in extremis regni eius finibus erat
⁴⁰ cumque occidisset Balac boves et oves misit ad Balaam et principes qui cum eo erant munera
Nombres 23.14 Proverbes 1.16 Nombres 23.30 Nombres 23.2 Genèse 31.54
⁴¹ mane autem facto duxit eum ad excelsa Baal et intuitus est extremam partem populi
Nombres 23.13 2 Chroniques 11.15 Nombres 21.28 Jérémie 48.35 Deutéronome 12.2