Nombres 22
Vulgate

Appel de Balak à Balaam

1 profectique castrametati sunt in campestribus Moab ubi trans Iordanem Hierichus sita est
Deutéronome 34.8 Nombres 36.13 Deutéronome 3.8 Deutéronome 1.5 Nombres 32.19
2 videns autem Balac filius Sepphor omnia quae fecerat Israhel Amorreo
Juges 11.25 Nombres 21.20-21.35 Nombres 21.3
3 et quod pertimuissent eum Moabitae et impetum eius ferre non possent
Exode 15.15 Esaïe 23.5 Josué 9.24 Josué 2.10-2.11 Psaumes 53.5
4 dixit ad maiores natu Madian ita delebit hic populus omnes qui in nostris finibus commorantur quomodo solet bos herbas usque ad radices carpere ipse erat eo tempore rex in Moab
Nombres 25.15-25.18 Nombres 31.8 Nombres 24.17 Josué 13.21-13.22 Nombres 22.2
5 misit ergo nuntios ad Balaam filium Beor ariolum qui habitabat super flumen terrae filiorum Ammon ut vocarent eum et dicerent ecce egressus est populus ex Aegypto qui operuit superficiem terrae sedens contra me
Deutéronome 23.4 Josué 24.9 Jude 1.11 Michée 6.5 Nombres 23.7
6 veni igitur et maledic populo huic quia fortior me est si quo modo possim percutere et eicere eum de terra mea novi enim quod benedictus sit cui benedixeris et maledictus in quem maledicta congesseris
Nombres 24.9 Nombres 23.7-23.8 1 Rois 22.13 Josué 24.9 Nombres 22.17
7 perrexerunt seniores Moab et maiores natu Madian habentes divinationis pretium in manibus cumque venissent ad Balaam et narrassent ei omnia verba Balac
Michée 3.11 1 Samuel 9.7-9.8 1 Timothée 6.9-6.10 Tite 1.11 Nombres 24.1
8 ille respondit manete hic nocte et respondebo quicquid mihi dixerit Dominus manentibus illis apud Balaam venit Deus et ait ad eum
Jérémie 12.2 Nombres 12.6 Nombres 23.12 Nombres 22.19-22.20 Ezéchiel 33.31
9 quid sibi volunt homines isti apud te
Genèse 20.3 Nombres 22.20 Genèse 4.9 Matthieu 7.22 Daniel 4.31-4.32
10 respondit Balac filius Sepphor rex Moabitarum misit ad me
11 dicens ecce populus qui egressus est de Aegypto operuit superficiem terrae veni et maledic ei si quo modo possim pugnans abicere eum
12 dixitque Deus ad Balaam noli ire cum eis neque maledicas populo quia benedictus est
Genèse 12.2 Nombres 22.19-22.20 Michée 6.5 Psaumes 144.15 Matthieu 27.19
13 qui mane consurgens dixit ad principes ite in terram vestram quia prohibuit me Deus venire vobiscum
Deutéronome 23.5 Nombres 22.14
14 reversi principes dixerunt ad Balac noluit Balaam venire nobiscum
Nombres 22.37 Nombres 22.13
15 rursum ille multo plures et nobiliores quam ante miserat misit
Nombres 22.7-22.8 Actes 10.7-10.8
16 qui cum venissent ad Balaam dixerunt sic dicit Balac filius Sepphor ne cuncteris venire ad me
17 paratum honorare te et quicquid volueris dare veni et maledic populo isti
Nombres 24.11 Nombres 23.29-23.30 Nombres 22.6 Matthieu 4.8-4.9 Esther 5.11
18 respondit Balaam si dederit mihi Balac plenam domum suam argenti et auri non potero inmutare verbum Domini Dei mei ut vel plus vel minus loquar
Nombres 24.13 1 Rois 22.14 2 Chroniques 18.13 Nombres 23.26 Nombres 22.38
19 obsecro ut hic maneatis etiam hac nocte et scire queam quid mihi rursum respondeat Dominus
Jude 1.11 2 Pierre 2.15 2 Pierre 2.3 1 Timothée 6.9-6.10 Nombres 22.7-22.8
20 venit ergo Deus ad Balaam nocte et ait ei si vocare te venerunt homines isti surge et vade cum eis ita dumtaxat ut quod tibi praecepero facias
Nombres 24.13 Nombres 23.12 Nombres 23.26 Nombres 22.35 2 Thessaloniciens 2.9-2.12
21 surrexit Balaam mane et strata asina profectus est cum eis
Proverbes 1.15-1.16
22 et iratus est Deus stetitque angelus Domini in via contra Balaam qui sedebat asinae et duos pueros habebat secum
Exode 4.24 Nombres 22.32 Osée 1.4 Lamentations 2.4 Genèse 48.15-48.16
23 cernens asina angelum stantem in via evaginato gladio avertit se de itinere et ibat per agrum quam cum verberaret Balaam et vellet ad semitam reducere
Jude 1.11 2 Rois 6.17 2 Pierre 2.16 1 Chroniques 21.16 Jérémie 8.7
24 stetit angelus in angustiis duarum maceriarum quibus vineae cingebantur
25 quem videns asina iunxit se parieti et adtrivit sedentis pedem at ille iterum verberabat
Job 5.13-5.15 Esaïe 47.12
26 et nihilominus angelus ad locum angustum transiens ubi nec ad dextram nec ad sinistram poterat deviari obvius stetit
Osée 2.6 Esaïe 26.11
27 cumque vidisset asina stantem angelum concidit sub pedibus sedentis qui iratus vehementius caedebat fuste latera
Proverbes 14.16 Proverbes 27.3-27.4 Jacques 1.19
28 aperuitque Dominus os asinae et locuta est quid feci tibi cur percutis me ecce iam tertio
2 Pierre 2.16 Exode 4.11 Luc 1.37 Romains 8.22 1 Corinthiens 1.19
29 respondit Balaam quia commeruisti et inlusisti mihi utinam haberem gladium ut te percuterem
Proverbes 12.10 Proverbes 12.16 Ecclésiaste 9.3 Matthieu 15.19
30 dixit asina nonne animal tuum sum cui semper sedere consuesti usque in praesentem diem dic quid simile umquam fecerim tibi at ille ait numquam
1 Corinthiens 1.27-1.28 2 Pierre 2.16
31 protinus aperuit Dominus oculos Balaam et vidit angelum stantem in via evaginato gladio adoravitque eum pronus in terram
Genèse 21.19 Luc 24.31 Luc 24.16 Actes 26.18 Nombres 24.4
32 cui angelus cur inquit tertio verberas asinam tuam ego veni ut adversarer tibi quia perversa est via tua mihique contraria
Nombres 22.22 Proverbes 28.18 Psaumes 147.9 Deutéronome 23.4 Psaumes 145.9
33 et nisi asina declinasset de via dans locum resistenti te occidissem et illa viveret
1 Rois 13.24-13.28 Nombres 16.33-16.35 Nombres 14.37
34 dixit Balaam peccavi nesciens quod tu stares contra me et nunc si displicet tibi ut vadam revertar
Job 34.31-34.32 1 Samuel 15.24 2 Samuel 12.13 1 Samuel 15.30 1 Samuel 26.21
35 ait angelus vade cum istis et cave ne aliud quam praecepero tibi loquaris ivit igitur cum principibus
Esaïe 37.26-37.29 2 Thessaloniciens 2.9-2.12 Psaumes 81.12 Nombres 22.20-22.21
36 quod cum audisset Balac egressus est in occursum eius in oppido Moabitarum quod situm est in extremis finibus Arnon
Deutéronome 3.8 Genèse 18.2 Exode 18.7 Jérémie 48.20 Nombres 21.13-21.14
37 dixitque ad Balaam misi nuntios ut vocarent te cur non statim venisti ad me an quia mercedem adventui tuo reddere nequeo
Nombres 24.11 Nombres 22.16-22.17 Matthieu 4.8-4.9 Luc 4.6 Psaumes 75.6
38 cui ille respondit ecce adsum numquid loqui potero aliud nisi quod Deus posuerit in ore meo
Nombres 22.18 Nombres 23.16 Nombres 23.26 Psaumes 76.10 Esaïe 47.12
39 perrexerunt ergo simul et venerunt in urbem quae in extremis regni eius finibus erat
40 cumque occidisset Balac boves et oves misit ad Balaam et principes qui cum eo erant munera
Nombres 23.14 Nombres 23.30 Nombres 23.2 Genèse 31.54 Proverbes 1.16
41 mane autem facto duxit eum ad excelsa Baal et intuitus est extremam partem populi
Nombres 23.13 Jérémie 48.35 Deutéronome 12.2 Nombres 25.2-25.3 2 Chroniques 11.15