Matthieu 21
Vulgate

¹ et cum adpropinquassent Hierosolymis et venissent Bethfage ad montem Oliveti tunc Iesus misit duos discipulos Jean 8.1 Actes 1.12 Matthieu 26.30 Matthieu 24.3 Luc 21.37
² dicens eis ite in castellum quod contra vos est et statim invenietis asinam alligatam et pullum cum ea solvite et adducite mihi Jean 2.5-2.8 Marc 14.13-14.16 Marc 11.2-11.3 Matthieu 26.18 Luc 19.30-19.32
³ et si quis vobis aliquid dixerit dicite quia Dominus his opus habet et confestim dimittet eos Esdras 1.1 2 Corinthiens 8.9 Psaumes 24.1 Esdras 1.5 Esdras 7.27
⁴ hoc autem factum est ut impleretur quod dictum est per prophetam dicentem Zacharie 9.9 Jean 19.36-19.37 Matthieu 1.22 Jean 12.15 Matthieu 26.56
⁵ dicite filiae Sion ecce rex tuus venit tibi mansuetus et sedens super asinam et pullum filium subiugalis Zacharie 9.9-9.10 Esaïe 62.11 Matthieu 11.29 Genèse 49.10 Michée 5.10-5.11
⁶ euntes autem discipuli fecerunt sicut praecepit illis Iesus Genèse 6.22 Exode 40.16 Jean 15.14 Genèse 12.4 Exode 39.43
⁷ et adduxerunt asinam et pullum et inposuerunt super eis vestimenta sua et eum desuper sedere fecerunt Luc 19.32-19.35 2 Rois 9.13 Marc 11.4-11.8
⁸ plurima autem turba straverunt vestimenta sua in via alii autem caedebant ramos de arboribus et sternebant in via Jean 12.13 2 Rois 9.13 Lévitique 23.40
⁹ turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis Matthieu 23.39 Psaumes 118.24-118.26 Luc 2.14 Matthieu 21.15 Matthieu 9.27
¹⁰ et cum intrasset Hierosolymam commota est universa civitas dicens quis est hic Matthieu 2.3 Actes 9.5 1 Samuel 16.4 Cantique 3.6 Ruth 1.19
¹¹ populi autem dicebant hic est Iesus propheta a Nazareth Galilaeae Jean 6.14 Jean 7.40 Luc 7.16 Jean 9.17 Matthieu 2.23
¹² et intravit Iesus in templum Dei et eiciebat omnes vendentes et ementes in templo et mensas nummulariorum et cathedras vendentium columbas evertit Jean 2.14-2.17 Luc 19.45-19.47 Marc 11.15-11.18 Lévitique 1.14 Lévitique 12.8
¹³ et dicit eis scriptum est domus mea domus orationis vocabitur vos autem fecistis eam speluncam latronum Jérémie 7.11 Esaïe 56.7 Luc 19.46 Marc 11.17 Psaumes 93.5
¹⁴ et accesserunt ad eum caeci et claudi in templo et sanavit eos Matthieu 4.23 Esaïe 35.5 Actes 10.38 Matthieu 9.35 Matthieu 11.4-11.5
¹⁵ videntes autem principes sacerdotum et scribae mirabilia quae fecit et pueros clamantes in templo et dicentes osanna Filio David indignati sunt Matthieu 21.9 Luc 19.39-19.40 Jean 12.19 Esaïe 26.11 Jean 4.1
¹⁶ et dixerunt ei audis quid isti dicant Iesus autem dicit eis utique numquam legistis quia ex ore infantium et lactantium perfecisti laudem Psaumes 8.2 Matthieu 11.25 Matthieu 12.3 Matthieu 22.31 Matthieu 19.4
¹⁷ et relictis illis abiit foras extra civitatem in Bethaniam ibique mansit Jean 11.18 Jean 11.1 Marc 11.11 Marc 11.1 Marc 11.19
¹⁸ mane autem revertens in civitatem esuriit Matthieu 4.2 Marc 11.12-11.14 Marc 11.20-11.24 Matthieu 12.1 Hébreux 4.15
¹⁹ et videns fici arborem unam secus viam venit ad eam et nihil invenit in ea nisi folia tantum et ait illi numquam ex te fructus nascatur in sempiternum et arefacta est continuo ficulnea Luc 13.6-13.9 Tite 1.16 Marc 11.14 Luc 3.9 Jude 1.12
²⁰ et videntes discipuli mirati sunt dicentes quomodo continuo aruit Jacques 1.10-1.11 Marc 11.20-11.21 Esaïe 40.6-40.8
²¹ respondens autem Iesus ait eis amen dico vobis si habueritis fidem et non haesitaveritis non solum de ficulnea facietis sed et si monti huic dixeritis tolle et iacta te in mare fiet Matthieu 17.20 Jacques 1.6 Romains 4.19-4.20 1 Corinthiens 13.2 Matthieu 8.12
²² et omnia quaecumque petieritis in oratione credentes accipietis Matthieu 7.7 Jean 15.7 Jean 16.24 1 Jean 3.22 1 Jean 5.14-5.15
²³ et cum venisset in templum accesserunt ad eum docentem principes sacerdotum et seniores populi dicentes in qua potestate haec facis et quis tibi dedit hanc potestatem Actes 4.7 Actes 7.27 Exode 2.14 1 Chroniques 24.1-24.19 Luc 19.47-20.8
²⁴ respondens Iesus dixit illis interrogabo vos et ego unum sermonem quem si dixeritis mihi et ego vobis dicam in qua potestate haec facio Colossiens 4.6 Luc 6.9 Matthieu 10.16 Proverbes 26.4-26.5
²⁵ baptismum Iohannis unde erat e caelo an ex hominibus at illi cogitabant inter se dicentes si dixerimus e caelo dicet nobis quare ergo non credidistis illi 1 Jean 3.20 Jean 5.33-5.36 Jean 1.6 Luc 20.5 Jean 3.26-3.36
²⁶ si autem dixerimus ex hominibus timemus turbam omnes enim habent Iohannem sicut prophetam Marc 6.20 Jean 5.35 Matthieu 11.9 Matthieu 21.46 Matthieu 14.5
²⁷ et respondentes Iesu dixerunt nescimus ait illis et ipse nec ego dico vobis in qua potestate haec facio Jérémie 8.7-8.9 Luc 20.7-20.8 2 Corinthiens 4.3 Esaïe 42.19-42.20 2 Thessaloniciens 2.9-2.10
²⁸ quid autem vobis videtur homo habebat duos filios et accedens ad primum dixit fili vade hodie operare in vinea mea Matthieu 21.33 1 Corinthiens 10.15 Matthieu 17.25 Matthieu 20.1 Luc 13.4
²⁹ ille autem respondens ait nolo postea autem paenitentia motus abiit Ezéchiel 18.28-18.32 Ephésiens 2.1-2.13 Daniel 4.34-4.37 Actes 26.20 Jonas 3.2
³⁰ accedens autem ad alterum dixit similiter at ille respondens ait eo domine et non ivit Tite 1.16 Romains 2.17-2.25 Ezéchiel 33.31 Matthieu 23.3
³¹ quis ex duobus fecit voluntatem patris dicunt novissimus dicit illis Iesus amen dico vobis quia publicani et meretrices praecedunt vos in regno Dei Luc 7.37-7.50 Luc 7.29 2 Pierre 3.9 Matthieu 9.9 Matthieu 20.16
³² venit enim ad vos Iohannes in via iustitiae et non credidistis ei publicani autem et meretrices crediderunt ei vos autem videntes nec paenitentiam habuistis postea ut crederetis ei Matthieu 21.25 Luc 7.29-7.30 Luc 7.37-7.50 2 Pierre 2.21 Matthieu 11.18
³³ aliam parabolam audite homo erat pater familias qui plantavit vineam et sepem circumdedit ei et fodit in ea torcular et aedificavit turrem et locavit eam agricolis et peregre profectus est Cantique 8.11-8.12 Esaïe 5.1-5.4 Matthieu 25.14-25.15 Marc 12.1-12.12 Luc 20.9-20.19
³⁴ cum autem tempus fructuum adpropinquasset misit servos suos ad agricolas ut acciperent fructus eius Marc 12.2-12.5 Zacharie 7.9-7.13 Cantique 8.11-8.12 Esaïe 5.4 Jérémie 35.15
³⁵ et agricolae adprehensis servis eius alium ceciderunt alium occiderunt alium vero lapidaverunt Hébreux 11.36-11.37 Matthieu 5.12 2 Chroniques 36.15-36.16 Actes 7.52 Néhémie 9.26
³⁶ iterum misit alios servos plures prioribus et fecerunt illis similiter Matthieu 22.4
³⁷ novissime autem misit ad eos filium suum dicens verebuntur filium meum Jean 1.34 Luc 20.13 Jean 3.16 Esaïe 5.4 Jean 3.35-3.36
³⁸ agricolae autem videntes filium dixerunt intra se hic est heres venite occidamus eum et habebimus hereditatem eius Actes 4.27-4.28 Actes 5.24-5.28 Genèse 37.18-37.20 Psaumes 2.2-2.8 Matthieu 27.1-27.2
³⁹ et adprehensum eum eiecerunt extra vineam et occiderunt Actes 2.23 Jacques 5.6 Actes 7.52 Actes 5.30 Marc 14.46-14.53
⁴⁰ cum ergo venerit dominus vineae quid faciet agricolis illis Marc 12.9 Luc 20.15-20.16 Hébreux 10.29
⁴¹ aiunt illi malos male perdet et vineam locabit aliis agricolis qui reddant ei fructum temporibus suis Actes 18.6 Actes 28.28 Matthieu 21.43 Zacharie 12.12 Matthieu 23.35-23.38
⁴² dicit illis Iesus numquam legistis in scripturis lapidem quem reprobaverunt aedificantes hic factus est in caput anguli a Domino factum est istud et est mirabile in oculis nostris Psaumes 118.22-118.23 Esaïe 28.16 Actes 4.11 1 Pierre 2.4-2.8 Romains 9.33
⁴³ ideo dico vobis quia auferetur a vobis regnum Dei et dabitur genti facienti fructus eius Luc 17.20-17.21 Jean 3.3 Esaïe 26.2 Esaïe 28.2 Matthieu 21.41
⁴⁴ et qui ceciderit super lapidem istum confringetur super quem vero ceciderit conteret eum Esaïe 8.14-8.15 Daniel 2.44-2.45 Luc 20.18 Romains 9.33 Daniel 2.34-2.35
⁴⁵ et cum audissent principes sacerdotum et Pharisaei parabolas eius cognoverunt quod de ipsis diceret Luc 11.45 Luc 20.19 Matthieu 12.12
⁴⁶ et quaerentes eum tenere timuerunt turbas quoniam sicut prophetam eum habebant Matthieu 21.11 Matthieu 21.26 Proverbes 9.7-9.9 Luc 7.39 2 Samuel 12.7-12.13