Marc 5.2
Vulgate

¹ et venerunt trans fretum maris in regionem Gerasenorum
Marc 4.35 Luc 8.26-8.39 Matthieu 8.28-8.34
² et exeunti ei de navi statim occurrit ei de monumentis homo in spiritu inmundo
Marc 1.23 Esaïe 65.4 Marc 5.8 Luc 8.27 Marc 7.25
³ qui domicilium habebat in monumentis et neque catenis iam quisquam eum poterat ligare
Esaïe 65.4 Daniel 4.32-4.33 Marc 9.18-9.22 Luc 8.29
⁴ quoniam saepe conpedibus et catenis vinctus disrupisset catenas et conpedes comminuisset et nemo poterat eum domare
Jacques 3.7-3.8
⁵ et semper nocte ac die in monumentis et in montibus erat clamans et concidens se lapidibus
Job 2.7-2.8 1 Rois 18.28 Jean 8.44
⁶ videns autem Iesum a longe cucurrit et adoravit eum
Jacques 2.19 Luc 4.41 Psaumes 72.9 Psaumes 66.3 Actes 16.17
⁷ et clamans voce magna dicit quid mihi et tibi Iesu Fili Dei summi adiuro te per Deum ne me torqueas
Matthieu 8.29 Actes 16.17 Matthieu 26.63 Matthieu 4.3 Apocalypse 12.12
⁸ dicebat enim illi exi spiritus inmunde ab homine
Marc 1.25 Marc 9.25-9.26 Actes 16.18
⁹ et interrogabat eum quod tibi nomen est et dicit ei Legio nomen mihi est quia multi sumus
Matthieu 26.53 Luc 8.30 Matthieu 12.45 Luc 11.21-11.26 Marc 5.15
¹⁰ et deprecabatur eum multum ne se expelleret extra regionem
Marc 5.13 Marc 3.22
¹¹ erat autem ibi circa montem grex porcorum magnus pascens
Matthieu 8.30 Luc 8.32 Lévitique 11.7-11.8 Deutéronome 14.8 Esaïe 65.4
¹² et deprecabantur eum spiritus dicentes mitte nos in porcos ut in eos introeamus
2 Corinthiens 2.11 1 Pierre 5.8 Luc 22.31-22.32 Job 1.10-1.12 Job 2.5
¹³ et concessit eis statim Iesus et exeuntes spiritus inmundi introierunt in porcos et magno impetu grex praecipitatus est in mare ad duo milia et suffocati sunt in mare
Job 2.6 Job 1.12 Apocalypse 9.11 1 Rois 22.22 Apocalypse 13.5-13.7
¹⁴ qui autem pascebant eos fugerunt et nuntiaverunt in civitatem et in agros et egressi sunt videre quid esset facti
Luc 8.34 Matthieu 8.33
¹⁵ et veniunt ad Iesum et vident illum qui a daemonio vexabatur sedentem vestitum et sanae mentis et timuerunt
Marc 5.9 2 Timothée 1.7 Colossiens 1.13 1 Samuel 16.4 1 Samuel 6.20-6.21
¹⁶ et narraverunt illis qui viderant qualiter factum esset ei qui daemonium habuerat et de porcis
¹⁷ et rogare eum coeperunt ut discederet de finibus eorum
Matthieu 8.34 Luc 8.37 Actes 16.39 Marc 1.24 Marc 5.7
¹⁸ cumque ascenderet navem coepit illum deprecari qui daemonio vexatus fuerat ut esset cum illo
Luc 8.38-8.39 Marc 5.17 Psaumes 116.12 Luc 17.15-17.17 Philippiens 1.23-1.24
¹⁹ et non admisit eum sed ait illi vade in domum tuam ad tuos et adnuntia illis quanta tibi Dominus fecerit et misertus sit tui
Psaumes 66.16 Jean 4.29 Daniel 6.25-6.27 Daniel 4.1-4.3 Daniel 4.37
²⁰ et abiit et coepit praedicare in Decapoli quanta sibi fecisset Iesus et omnes mirabantur
Matthieu 4.25 Marc 7.31

Guérison d’une femme et résurrection d’une fillette

²¹ et cum transcendisset Iesus in navi rursus trans fretum convenit turba multa ad illum et erat circa mare
Matthieu 9.1 Marc 4.1 Luc 8.40
²² et venit quidam de archisynagogis nomine Iairus et videns eum procidit ad pedes eius
Actes 18.8 Actes 13.15 Actes 18.17 Luc 13.14 Marc 5.33
²³ et deprecabatur eum multum dicens quoniam filia mea in extremis est veni inpone manus super eam ut salva sit et vivat
Luc 13.13 Marc 16.18 Luc 4.40 Actes 28.8 2 Samuel 12.15-12.16
²⁴ et abiit cum illo et sequebatur eum turba multa et conprimebant illum
Marc 5.31 Luc 8.45 Luc 8.42 Marc 3.20 Luc 12.1
²⁵ et mulier quae erat in profluvio sanguinis annis duodecim
Lévitique 15.25-15.27 Luc 13.11 Luc 8.43-8.44 Matthieu 9.20-9.22 Lévitique 15.19-15.20
²⁶ et fuerat multa perpessa a conpluribus medicis et erogaverat omnia sua nec quicquam profecerat sed magis deterius habebat
Jérémie 30.12-30.13 Jérémie 51.8 Psaumes 108.12 Job 13.4 Jérémie 8.22
²⁷ cum audisset de Iesu venit in turba retro et tetigit vestimentum eius
Actes 19.12 Actes 5.15 Matthieu 14.36 Marc 6.56 2 Rois 13.21
²⁸ dicebat enim quia si vel vestimentum eius tetigero salva ero
²⁹ et confestim siccatus est fons sanguinis eius et sensit corpore quod sanata esset a plaga
Marc 3.10 Marc 5.34 Psaumes 107.20 Exode 15.26 Luc 7.21
³⁰ et statim Iesus cognoscens in semet ipso virtutem quae exierat de eo conversus ad turbam aiebat quis tetigit vestimenta mea
Luc 6.19 Luc 5.17 Luc 8.46 1 Pierre 2.9
³¹ et dicebant ei discipuli sui vides turbam conprimentem te et dicis quis me tetigit
Luc 8.45 Luc 9.12
³² et circumspiciebat videre eam quae hoc fecerat
³³ mulier autem timens et tremens sciens quod factum esset in se venit et procidit ante eum et dixit ei omnem veritatem
Luc 1.29 Luc 1.12 Luc 8.47 Psaumes 103.2-103.5 Psaumes 30.2
³⁴ ille autem dixit ei filia fides tua te salvam fecit vade in pace et esto sana a plaga tua
Luc 8.48 Matthieu 9.22 Luc 7.50 Luc 18.42 Ecclésiaste 9.7
³⁵ adhuc eo loquente veniunt ab archisynagogo dicentes quia filia tua mortua est quid ultra vexas magistrum
Jean 11.28 Marc 5.22 Jean 11.25 Luc 7.6-7.7 Jean 11.39
³⁶ Iesus autem verbo quod dicebatur audito ait archisynagogo noli timere tantummodo crede
Luc 8.50 Romains 4.18-4.24 Matthieu 9.28-9.29 Marc 5.34 Marc 9.23
³⁷ et non admisit quemquam sequi se nisi Petrum et Iacobum et Iohannem fratrem Iacobi
Marc 9.2 Marc 14.33 Actes 9.40 Luc 8.51 2 Corinthiens 13.1
³⁸ et veniunt in domum archisynagogi et videt tumultum et flentes et heiulantes multum
Matthieu 9.23-9.24 Luc 8.52-8.53 Matthieu 11.17 Marc 5.22 Jérémie 9.17-9.20
³⁹ et ingressus ait eis quid turbamini et ploratis puella non est mortua sed dormit
Actes 20.10 Daniel 12.2 1 Thessaloniciens 5.10 Jean 11.11-11.13 1 Corinthiens 11.30
⁴⁰ et inridebant eum ipse vero eiectis omnibus adsumit patrem et matrem puellae et qui secum erant et ingreditur ubi erat puella iacens
Luc 16.14 Luc 8.53-8.54 Actes 17.32 Psaumes 123.3-123.4 Job 12.4
⁴¹ et tenens manum puellae ait illi talitha cumi quod est interpretatum puella tibi dico surge
Jean 5.28-5.29 Marc 1.31 Jean 11.43-11.44 Luc 7.14-7.15 Psaumes 33.9
⁴² et confestim surrexit puella et ambulabat erat autem annorum duodecim et obstipuerunt stupore maximo
Marc 6.51 Marc 7.37 Actes 3.10-3.13 Marc 1.27 Marc 4.41
⁴³ et praecepit illis vehementer ut nemo id sciret et dixit dari illi manducare
Matthieu 8.4 Actes 10.41 Jean 5.41 Luc 8.56 Marc 3.12