A lege di u sabbatu
1 In quellu tempu, un sabbatu, capitò chì Ghjesù passava pè un campu di granu. I so discepuli avianu a fame è messenu à sgranà e spiche è à manghjà si le.
Deutéronome 23.25 Marc 2.23-2.28 Luc 6.1-6.5
2 Videndu quessa, i Farusei li dicenu : « guarda chì i to discepuli facenu una cosa ch’ùn hè permessa u sabbatu. »
Matthieu 12.10 Exode 20.9-20.11 Luc 14.3 Exode 35.2 Jean 5.16-5.17
3 È ellu li risponde : « soca ùn lighjiste ciò ch’elli anu fattu Davide è quelli chì eranu cun ellu, quand’elli ebbenu a fame ?
1 Samuel 21.3-21.6 Luc 6.3 Matthieu 21.16 Marc 2.25-2.26 Marc 12.26
4 Cum’ellu hè entratu in a casa di Diu è hà manghjatu i pani di l’offerta, chì ùn era permessa di manghjà li nè à ellu nè à l’altri, fora di i preti?
Exode 25.30 Lévitique 24.5-24.9 Exode 29.32-29.33 Lévitique 8.31
5 È soca ùn sapete chì, secondu a Lege, i preti storcenu a lege di u sabbatu in u tempiu è ch’elli ùn sò micca culpevuli?
Nombres 28.9-28.10 Jean 7.22-7.23 Ezéchiel 24.21
6 È bè eu vi dicu chì quì ci hè qualcosa più grande chè u tempiu.
Matthieu 12.41-12.42 2 Chroniques 6.18 Malachie 3.1 Aggée 2.7-2.9 Ephésiens 2.20-2.22
7 S’è vo aviate sappiutu ciò ch’ella vole dì :
vogliu a misericordia, micca u sacrifiziu’, ùn aviate micca cundannatu quelli ch’ùn sò micca culpevuli.
Osée 6.6 Matthieu 9.13 Michée 6.6-6.8 Proverbes 17.15 Actes 13.27
8 Chì u patrone di u sabbatu hè u Figliolu di l’Omu. »
Luc 6.5 Marc 2.28 Matthieu 9.6 Apocalypse 1.10 Matthieu 8.20
L’omu maniseccu
9 È andendu si ne da custì ghjunse à una sinagoga di quella ghjente,
Luc 6.6-6.11 Marc 3.1-3.6
10 ed eccu un omu chì avia una manu secca. Ed elli li dumandanu s’ella hè permessa di guarisce in sabbatu, per pudè lu accusà.
Luc 13.14 Jean 9.16 Zacharie 11.17 Matthieu 22.17-22.18 Jean 5.10
11 Ellu li risponde : « ci serà trà di voi un omu chì ùn hà chè una pecura è, s’ella casca in un tufone un sabbatu, ùn l’hà micca da aguantà è francà la da a morte ?
Luc 14.5 Exode 23.4-23.5 Deutéronome 22.4 Luc 13.15-13.17
12 Or tamanta differenza da un omu à una pecura ! In manera chì hè permessa, in sabbatu, di fà u bè. »
Matthieu 6.26 Matthieu 10.31 Luc 12.24 Marc 3.4 Luc 6.9
13 Allora dice à l’omu : « stendi a to manu. » Quellu a stese è li fù resa sana cum’è l’altra.
Luc 13.13 Actes 3.7-3.8
14 I Farusei surtinu è si cunsultonu per sapè cume fà per tumbà lu.
Jean 11.53 Matthieu 27.1 Jean 10.39 Marc 3.6 Jean 5.18
U servu sceltu
15 Ghjesù chì a sapia si n’andete da custì. È venianu cun ellu a ghjente assai. Ellu i guaria tutti
Matthieu 19.2 Matthieu 10.23 Jean 11.54 Marc 6.56 Jean 7.1
16 è l’ammunestò ch’elli ùn lu mettessinu micca à palesu,
Matthieu 17.9 Matthieu 8.4 Matthieu 9.30 Marc 7.36 Luc 5.14-5.15
17 da ch’ella fussi fatta a parolla di Diu, detta da u prufeta Isaia :
Esaïe 42.1-42.4 Esaïe 42.9 Luc 21.22 Matthieu 21.4 Matthieu 8.17
18 eccu u mo zitellu sceltu da mè,
u mo dilettu, chì mi ralegra l’anima.
L’aghju da pone u mo spiritu addossu
è annunzierà un ghjudiziu à l’altre nazione. Luc 4.18 Esaïe 42.1 Jean 3.34 Esaïe 32.15-32.16 Matthieu 17.5
19 Nè mancu liticherà è griderà,
è nimu senterà a so voce per e piazze. Jean 18.36-18.38 2 Timothée 2.24-2.25 Matthieu 11.29 Luc 17.20 2 Corinthiens 10.1
20 Una canna malacevule, ùn la truncherà micca
è una bambace di lumera chì fuma ùn la spenghjerà
sin’à ch’ellu porti a so ghjustizia ver di a vittoria. Esaïe 42.3-42.4 Esaïe 61.1-61.3 Luc 4.18 Psaumes 147.3 Psaumes 98.1-98.3
21 È l’altre nazione averanu sperenza in u so nome.’
Esaïe 11.10 Romains 15.12-15.13 Ephésiens 1.12-1.13 Esaïe 42.4 Colossiens 1.27
Ghjesù è Belzebù
22 Dopu li purtonu un indimuniatu cecu è mutu è u guarì, è quellu cecu è mutu parlava è ci vidia.
Esaïe 35.5-35.6 Esaïe 29.18 Actes 26.18 Esaïe 32.3-32.4 Marc 3.11
23 È tutta issa mansa di a ghjente eranu cummossi è dicianu : « quessu, ùn saria u figliolu di Davide ? »
Matthieu 9.27 Jean 4.29 Matthieu 22.42-22.43 Matthieu 21.9 Jean 7.40-7.42
24 Ma sentendu li i Farusei dicianu : « comu i caccia, questu quì, i demonii, s’ella ùn hè cù a putenza di Belzebù, u capidemoniu. »
Marc 3.22 Matthieu 9.34 Luc 11.15
25 Ghjesù, chì sapia ciò ch’elli avianu in capu, li disse : « ogni regnu chì si smeza hè arruinatu, è ogni cità o casa chì si smeza, arritta ùn pò stà.
Matthieu 9.4 Jérémie 17.10 Psaumes 139.2 Galates 5.15 Hébreux 4.13
26 È Satanassu, s’ellu mette fora à Satanassu, si smeza : dunque u so regnu, arrittu cumu pò stà ?
Colossiens 1.13 1 Jean 5.19 Apocalypse 9.11 Apocalypse 20.2-20.3 Jean 14.30
27 Ed eu, s’è cacciu i demonii cù a putenza di Belzebù, i vostri, cù a putenza di quale i caccianu ? À quessa i vostri fidati v’anu da ghjudicà.
Actes 19.13-19.16 Luc 11.19 Marc 9.38-9.39 Luc 9.49-9.50 Matthieu 12.41-12.42
28 Or s’eu cacciu i demonii cù a putenza di u spiritu di Diu, hè chì u regnu di Diu vi hè sopra.
Luc 11.20 Actes 10.38 Matthieu 21.31 Colossiens 1.13 Matthieu 12.18
29 Cume pò entre unu in casa di l’omu furzutu, è piglià si a so robba s’è, prima, ùn hà ligatu l’omu furzutu ? tandu sì chì s’hà da piglià tuttu in casa.
Esaïe 53.12 Marc 3.27 Esaïe 49.24 Apocalypse 12.7-12.10 Apocalypse 20.7-20.9
30 À chì ùn hè cun mè, hè contru à mè, è à chì ùn arricoglie cun mè, face à spula spula.
Marc 9.40 Luc 11.23 Luc 9.50 2 Corinthiens 6.15-6.16 1 Jean 2.19
31 È perciò a vi dicu : ogni peccatu è ogni ghjistema seranu perdunati à l’omi, ma a ghjistema contru à u Spiritu ùn serà perdunata.
Luc 12.10 Marc 3.28-3.30 Hébreux 6.4 1 Jean 5.16 Hébreux 10.26
32 È à chì dicerà una parolla contru à u Figliolu di l’Omu, li serà perdunata ; ma à chì parlerà contru à u Spiritu Santu, ùn li serà perdunata, nè in stu seculu quì nè in quellu ch’hà da vene. »
Marc 3.29 Matthieu 11.19 Ephésiens 1.21 Hébreux 10.26-10.29 Tite 2.12
L’arburu è i so frutti
33 « Pigliate un arburu bellu, è i frutti l’averà belli ; pigliate ne unu fracicu, i frutti l’averà fracichi, chì l’arburu si cunnosce à i frutti.
Luc 6.43-6.44 Matthieu 7.16-7.20 Luc 11.39-11.40 Amos 5.15 Jacques 4.8
34 O mansa di furdani, cume pudete dì u bonu, gattivi cum’è voi site ? Chì a bocca parla cù u sbarsu di u core.
Luc 6.45 Matthieu 15.18 Jacques 3.5-3.8 Ephésiens 4.29 1 Samuel 24.13
35 L’omu bravu piglia u bonu in u so tesoru pienu à cose bone, è l’omu gattivu piglia u gattivu in u so tesoru pienu à cose gattive.
Colossiens 4.6 Matthieu 13.52 Colossiens 3.16 Proverbes 25.11-25.12 Proverbes 10.20-10.21
36 Or vi dicu chì ogni parolla indarnu ch’elli anu da dì l’omi, n’anu da rende contu u ghjornu di u ghjudiziu.
Ecclésiaste 12.14 Jude 1.14-1.15 Apocalypse 20.12 Romains 2.16
37 Chì serai ghjustificatu secondu e to parolle, è secondu e to parolle serai ghjudicatu. »
Proverbes 13.3 Jacques 2.21-2.25
Cherenu un segnu
38 Tandu unepochi di scribi è di Farusei li rispondenu dicendu : « o Maestru, vulemu vede un segnu da tè. »
1 Corinthiens 1.22 Marc 8.11-8.12 Jean 2.18 Luc 11.16 Luc 11.29
39 Ellu risponde è dice : « una generazione pessima è leggera cerca un segnu, è segnu ùn li si ne derà, fora di u segnu di Ghjona u prufeta.
Matthieu 16.4 Luc 11.29-11.32 Jacques 4.4 Marc 8.38 Esaïe 57.3
40 Chì cum’
ellu hè statu Ghjona trè ghjorni è trè notte in corpu à u pesciu tamantu, cusì u figliolu di l’Omu hà da stà trè ghjorni è trè notte in u core di a terra.
Jonas 1.17 Matthieu 16.21 Matthieu 17.23 Jean 2.19 Matthieu 8.20
41 U ghjornu di u ghjudiziu l’omi di Niniva s’anu da pisà cù sta generazione è l’anu da cundannà, chì anu mutatu andatura cù a predicazione di Ghjona; è puru quì, ci hè unu più maiò chè Ghjona.
Matthieu 12.42 Hébreux 11.7 Matthieu 12.6 Jonas 1.2 Jérémie 3.11
42 U ghjornu di u ghjudiziu a regina di u Meziornu s’hà da sveglià cù sta generazione è l’hà da cundannà, chì da e cunfine di a terra era ghjunta à sente a saviezza di Salamone; è puru quì, ci ne hè unu più maiò chè Salamone. »
Hébreux 1.2-1.4 1 Rois 10.1-10.13 2 Chroniques 9.1-9.12 1 Rois 5.12 Philippiens 2.6-2.7
U ritornu di u spiritu impuru
43 « È quand’ellu hè surtitu da l’omu u spiritu impuru, passa per i lochi senza acqua ; cerca riposu ma ùn ne trova.
Psaumes 63.1 Job 2.2 Luc 8.28-8.32 Marc 5.7-5.13 Job 1.7
44 Tandu dice : ‘aghju da vultà in casa mea da induv’è mi ne sò andatu ;’ è di vultata trova a casa viota, pulita ed assestata.
Jude 1.4-1.5 Actes 5.1-5.3 Ephésiens 2.2 Matthieu 13.20-13.22 Actes 8.18-8.23
45 Tandu và è si piglia cun ellu sette spiriti ancu più pessimi, è po entrenu è piglianu pusessu ; è à l’ultima issu omu hè peghju chè à principiu. È cusì serà pè issa generazione pessima. »
Hébreux 6.4-6.8 Hébreux 10.26-10.31 Marc 5.9 Luc 11.26 Marc 16.9
A mamma è i fratelli di Ghjesù
46 Mentre ch’ellu parlava cù a ghjente accolta, eccu chì a mamma è i fratelli stavanu fora è li vulianu parlà.
Actes 1.14 Matthieu 13.55 Galates 1.19 Jean 2.12 Marc 6.3
47 Li dice unu : « eccu a to mamma è i to fratelli chì sò fora è ti volenu parlà. »
48 Ellu risponde à quellu chì li dicia cusì : « quale hè a mo mamma è quale sò i mo fratelli ? »
Jean 2.3-2.4 Deutéronome 33.9 2 Corinthiens 5.16 Matthieu 10.37 Marc 3.32-3.33
49 È stendendu a manu ver di i so discepuli dice : « eccu a mo mamma è i mo fratelli.
Jean 17.20 Jean 20.17-20.20 Jean 17.8-17.9 Matthieu 28.7 Marc 3.34
50 Chì à chì ferà a vuluntà di u mo babbu chì hè in i celi, quessu hè u mo fratellu, a mo surella è a mo mamma. »
Jean 15.14 Marc 3.35 1 Jean 3.23-3.24 Luc 11.27-11.28 Jean 6.29