1 In anno secundo regni Nabuchodonosor, vidit Nabuchodonosor somnium, et conterritus est spiritus ejus, et somnium ejus fugit ab eo.
Daniel 4.5 Daniel 6.18 Esther 6.1 Job 33.15-33.17 Genèse 40.5-40.8
2 Praecepit autem rex ut convocarentur arioli, et magi, et malefici, et Chaldaei, lit indicarent regi somnia sua. Qui cum venissent, steterunt coram rege.
Daniel 1.20 Daniel 5.7 Daniel 4.6 Exode 7.11 Genèse 41.8
3 Et dixit ad eos rex: Vidi somnium, et mente confusus ignoro quid viderim.
Genèse 40.8 Genèse 41.15 Daniel 2.1 Daniel 4.5
4 Responderuntque Chaldaei regi syriace: Rex, in sempiternum vive! Dic somnium servis tuis, et interpretationem ejus indicabimus.
Daniel 3.9 Daniel 5.10 Esdras 4.7 Esaïe 36.11 Daniel 6.21
5 Et respondens rex ait Chaldaeis: Sermo recessit a me; nisi indicaveritis mihi somnium, et conjecturam ejus, peribitis vos, et domus vestrae publicabuntur.
Daniel 3.29 Esdras 6.11 2 Rois 10.27 Psaumes 50.22 Josué 6.26
6 Si autem somnium, et conjecturam ejus narraveritis, praemia, et dona, et honorem multum accipietis a me. Somnium igitur, et interpretationem ejus indicate mihi.
Daniel 5.7 Daniel 2.48 Daniel 5.29 Nombres 22.37 Nombres 22.17
7 Responderunt secundo, atque dixerunt: Rex somnium dicat servis suis, et interpretationem illius indicabimus.
Daniel 2.4 Ecclésiaste 10.4 Daniel 2.9
8 Respondit rex, et ait: Certe novi quod tempus redimitis, scientes quod recesserit a me sermo.
Ephésiens 5.16 Colossiens 4.5
9 Si ergo somnium non indicaveritis mihi, una est de vobis sententia, quod interpretationem quoque fallacem et deceptione plenam composueritis, ut loquamini mihi, donec tempus pertranseat. Somnium itaque dicite mihi, ut sciam quod interpretationem quoque ejus veram loquamini.
Esther 4.11 Esaïe 41.23 Daniel 7.25 Daniel 3.15 Daniel 2.21
10 Respondentes ergo Chaldaei coram rege, dixerunt: Non est homo super terram, qui sermonem tuum, rex, possit implere; sed neque regum quisquam magnus et potens verbum hujuscemodi sciscitatur ab omni ariolo, et mago, et Chaldaeo.
Daniel 2.27
11 Sermo enim, quem tu quaeris, rex, gravis est; nec reperietur quisquam qui indicet illum in conspectu regis, exceptis diis, quorum non est cum hominibus conversatio.
Daniel 5.11 Exode 29.45 Genèse 41.39 Esaïe 57.15 Psaumes 113.5-113.6
12 Quo audito, rex, in furore, et in ira magna, praecepit ut perirent omnes sapientes Babylonis.
Daniel 3.13 Psaumes 76.10 Daniel 3.19 Proverbes 20.2 Proverbes 19.12
13 Et egressa sententia, sapientes interficiebantur; quaerebanturque Daniel et socii ejus, ut perirent.Daniel 1.19-1.20 Daniel 6.9-6.15 Esther 3.12-3.15 Esaïe 10.1 Psaumes 94.20
14 Tunc Daniel requisivit de lege atque sententia, ab Arioch, principe militiae regis, qui egressus fuerat ad interficiendos sapientes Babylonis;
Genèse 37.36 Jérémie 52.14 Daniel 2.24 Jérémie 39.9 2 Samuel 20.16-20.22
15 et interrogavit eum, qui a rege potestatem acceperat, quam ob causam tam crudelis sententia a facie regis esset egressa. Cum ergo rem indicasset Arioch Danieli,
16 Daniel ingressus rogavit regem ut tempus daret sibi ad solutionem indicandam regi.
Daniel 2.9-2.11 Daniel 1.18-1.19
17 Et ingressus est domum suam, Ananiaeque et Misaeli et Azariae, sociis suis, indicavit negotium,
Daniel 3.12 Daniel 1.6-1.7 Daniel 1.11
18 ut quaererent misericordiam a facie Dei coeli super sacramento isto, et non perirent Daniel et socii ejus cum ceteris sapientibus Babylonis.
Esaïe 37.4 Jérémie 33.3 Matthieu 18.19 Esther 4.15-4.17 2 Timothée 4.17-4.18
19 Tunc Danieli mysterium per visionem nocte revelatum est; et benedixit Daniel Deum caeli,
Nombres 12.6 Job 33.15-33.16 Daniel 7.7 Daniel 1.17 Psaumes 25.14
20 et locutus ait: Sit nomen Domini benedictum a saeculo et usque in saeculum, quia sapientia et fortitudo ejus sunt!
Psaumes 113.2 Psaumes 145.1-145.2 Psaumes 115.18 Jérémie 32.19 Job 12.13
21 Et ipse mutat tempora, et aetates; transfert regna, atque constituit; dat sapientiam sapientibus, et scientiam intelligentibus disciplinam.
Daniel 7.25 Jacques 1.5 Daniel 2.9 Job 12.18 Daniel 4.17
22 Ipse revelat profunda et abscondita, et novit in tenebris constituta, et lux cum eo est.
Job 12.22 Hébreux 4.13 Psaumes 25.14 Jérémie 23.24 Jacques 1.17
23 Tibi, Deus patrum nostrorum, confiteor, teque laudo, quia sapientiam et fortitudinem dedisti mihi, et nunc ostendisti mihi quae rogavimus te, quia sermonem regis aperuisti nobis.
Daniel 2.18 Exode 3.15 Daniel 2.29-2.30 Daniel 1.17 Psaumes 25.14
24 Post haec Daniel ingressus ad Arioch, quem constituerat rex ut perderet sapientes Babylonis, sic ei locutus est: Sapientes Babylonis ne perdas; introduc me in conspectu regis, et solutionem regi narrabo.
Actes 27.24 Daniel 2.12-2.14
25 Tunc Arioch festinus introduxit Danielem ad regem, et dixit ei: Inveni hominem de filiis transmigrationis Juda, qui solutionem regi annuntiet.
Daniel 1.6 Daniel 6.13 Daniel 5.13 Néhémie 7.6 Ecclésiaste 9.10
26 Respondit rex, et dixit Danieli, cujus nomen erat Baltassar: Putasne vere potes mihi indicare somnium quod vidi, et interpretationem ejus?
Daniel 1.7 Daniel 4.8 Daniel 5.12 Daniel 5.16 Genèse 41.15
27 Et respondens Daniel coram rege, ait: Mysterium quod rex interrogat, sapientes, magi, arioli et aruspices nequeunt indicare regi.
Daniel 2.2 Daniel 5.7-5.8 Daniel 2.10-2.11 Esaïe 44.25 Esaïe 19.3
28 Sed est Deus in caelo revelans mysteria, qui indicavit tibi, rex Nabuchodonosor, quae ventura sunt in novissimis temporibus. Somnium tuum, et visiones capitis tui in cubili tuo hujuscemodi sunt:
Daniel 10.14 Genèse 40.8 Genèse 49.1 Genèse 41.16 Daniel 4.5
29 Tu, rex, cogitare coepisti in strato tuo, quid esset futurum post haec; et qui revelat mysteria, ostendit tibi quae ventura sunt.
Daniel 2.47 Daniel 2.28 Daniel 2.22 Ezéchiel 38.10 Amos 4.13
30 Mihi quoque non in sapientia, quae est in me plus quam in cunctis viventibus, sacramentum hoc revelatum est; sed ut interpretatio regi manifesta fieret, et cogitationes mentis tuae scires.
Genèse 41.16 Actes 3.12 Daniel 2.17-2.18 1 Corinthiens 3.21-3.23 Daniel 2.49
31 Tu, rex, videbas, et ecce quasi statua una grandis: statua illa magna, et statura sublimis, stabat contra te, et intuitus ejus erat terribilis.
Habakuk 1.7 Daniel 7.3-7.17 Ezéchiel 28.7 Esaïe 25.3-25.5 Esaïe 13.11
32 Hujus statuae caput ex auro optimo erat, pectus autem et brachia de argento, porro venter et femora ex aere,
Daniel 7.4-7.6 Daniel 11.2-11.20 Daniel 4.30 Esaïe 14.4 Daniel 2.37-2.39
33 tibiae autem ferreae; pedum quaedam pars erat ferrea, quaedam autem fictilis.
Daniel 2.40-2.43 Daniel 7.7-7.8 Daniel 7.19-7.26
34 Videbas ita, donec abscissus est lapis de monte sine manibus, et percussit statuam in pedibus ejus ferreis et fictilibus, et comminuit cos.
Daniel 2.44-2.45 Daniel 8.25 Esaïe 60.12 Zacharie 12.3 Zacharie 4.6
35 Tunc contrita sunt pariter ferrum, testa, aes, argentum, et aurum, et redacta quasi in favillam aestivae areae, quae rapta sunt vento, nullusque locus inventus est eis; lapis autem, qui percusserat statuam, factus est mons magnus, et implevit universam terram.
Esaïe 2.2-2.3 Psaumes 37.10 Psaumes 37.36 Apocalypse 20.11 Osée 13.3
36 Hoc est somnium; intrepretationem quoque ejus dicemus coram te, rex.
Daniel 2.23-2.24
37 Tu rex regum es; et Deus caeli regnum, et fortitudinem, et imperium, et gloriam dedit tibi;
Ezéchiel 26.7 Jérémie 27.6-27.7 Esaïe 47.5 Psaumes 62.11 Esdras 1.2
38 et omnia in quibus habitant filii hominum, et bestiae agri; volucres quoque caeli dedit in manu tua, et sub ditione tua universa constituit: tu es ergo caput aureum.
Daniel 4.21-4.22 Psaumes 50.10-50.11 Jérémie 27.5-27.7
39 Et post te consurget regnum aliud minus te, argenteum, et regnum tertium aliud aereum, quod imperabit universae terrae.
Daniel 2.32 Esaïe 44.28-45.5 Daniel 5.28-5.31 Daniel 7.5-7.7 Daniel 8.3-8.14
40 Et regnum quartum erit velut ferrum: quomodo ferrum comminuit et domat omnia, sic comminuet et conteret omnia haec.
Daniel 7.7 Daniel 11.36-11.45 Amos 1.3 Daniel 8.24 Jean 11.48
41 Porro quia vidisti pedum, et digitorum partem testae figuli, et partem ferream, regnum divisum erit: quod tamen de plantario ferri orietur, secundum quod vidisti ferrum mistum testae ex luto.
Apocalypse 17.12 Apocalypse 12.3 Daniel 7.24 Daniel 2.33-2.35 Daniel 7.7
42 Et digitos pedum ex parte ferreos, et ex parte fictiles, ex parte regnum erit solidum, et ex parte contritum.
Daniel 7.24 Apocalypse 13.1
43 Quod autem vidisti ferrum mistum testae ex luto, commiscebuntur quidem humano semine; sed non adhaerebunt sibi, sicuti ferrum misceri non potest testae.
44 In diebus autem regnorum illorum, suscitabit Deus caeli regnum quod in aeternum non dissipabitur, et regnum ejus alteri populo non tradetur; comminuet autem et consumet universa regna haec, et ipsum stabit in aeternum.
Daniel 6.26 Psaumes 145.13 Daniel 4.34 Luc 1.32-1.33 Michée 4.7
45 Secundum quod vidisti, quod de monte abscissus est lapis sine manibus, et comminuit testam, et ferrum, et aes, et argentum, et aurum, Deus magnus ostendit regi quae ventura sunt postea; et verum est somnium, et fidelis interpretatio ejus.
Esaïe 28.16 Jérémie 32.18-32.19 Deutéronome 10.17 Psaumes 48.1 Malachie 1.11
46 Tunc rex Nabuchodonosor cecidit in faciem suam, et Danielem adoravit; et hostias et incensum praecepit ut sacrificarent ei.
Actes 14.13 Actes 10.25 Esdras 6.10 Apocalypse 19.10 Apocalypse 22.8
47 Loquens ergo rex, ait Danieli: Vere Deus vester Deus deorum est, et Dominus regum, et revelans mysteria, quoniam tu potuisti aperire hoc sacramentum.
Daniel 11.36 Deutéronome 10.17 Daniel 2.28 Apocalypse 17.14 Apocalypse 19.16
48 Tunc rex Danielem in sublime extulit, et munera multa et magna dedit ei; et constituit eum principem super omnes provincias Babylonis et praefectum magistratuum super cunctos sapientes Babylonis.
Daniel 2.6 Daniel 4.9 Daniel 5.11 Daniel 5.16 Daniel 5.29
49 Daniel autem postulavit a rege, et constituit super opera provinciae Babylonis Sidrach, Misach et Abdenago; ipse autem Daniel erat in foribus regis.
Esther 2.19 Daniel 1.7 Amos 5.15 Esther 2.21 Daniel 2.17